مصرع وإصابة (4) أشخاص انهارت عليهم (راكوبة) بالكلاكلة
الخرطوم :
انهارت (راكوبة) على ثلاثة عمال وطالب بمنطقة الكلاكلة جنوب وأدت إلى مصرع أحد العمال أثناء إسعافه إلى المستشفى متأثراً بجراحه، ووقعت الحادثة عندما كانوا جميعهم نائمون ليلاً وفجأة سقط عليهم السقف، وتم إسعاف المصابين إلى المستشفى بالخرطوم، بعدما تمكن تيم من أفراد الشرطة من إخراجهم من تحت الأنقاض، بعد بلاغ تلقته شرطة النجدة من قبل الجيران المقيمين بجوار مكان الحادث عندما اكتشفوا وقوع الحادث في الساعات الأولى من صباح الأمس.
واتخذت الشرطة الإجراءات الفنية اللازمة بمكان الحادث، وأحيلت جثة المتوفى للمشرحة ودون بلاغ بالوفاة في ظروف غامضة تحت المادة (51) من قانون الإجراءات الجنائية.
«آخر لحظة»
لهم الرحمة والمغفرة
راكوبة كتلت ليها زول ما سمعنا بيها نوهايي لانو الشعب(بكسر الشين) لو طقطقن ساكت لغاية ما الشرقانية والقنا ما يقعن الواحد بكون بقي مارق ويمكن يجغم كوز موية من الزير قبل يخارج روحو فالمحيرني الانقاض جات من وين الا اذا مبني طابق فوقىالراكوبة
الله يكفينا شر سقوط الراكوبة
له المغفرة والرحمه ولاهله الصبر والسلوان ..الله يستر على راكوبتنا كم سوس الامنجية ونقير الجداد
الله ارحم الميت بس يا جماعة الراكوبة بقت تكتل دحين الناس ديل خلو فينا عمىر نرفع بيهو طوبة
اللهم أرحمه وأغفر له …
راكوبه مسلحة …ولا إيه ؟؟؟
إكون المقاول البنى الراكوبة قريب وزير الدفاع بالنظر؟؟؟؟؟؟؟؟؟؟؟؟؟