هذا ما حدث من أطباء الإلزامية في الدمازين
هذا ما حدث من أطباء الإلزامية في الدمازين
خلونى اتكلم شويه عن اطباء الخدمه الوطنيه بمستشفى الدمازين وهم تقريبا بشكلو 80% من الاطباء العاملين بالمستشفى (عددنا 25 طبيب) .. الليله من الصباح جاءنا منسق الخدمه فى المستشفى واجتمع بينا فى مكتب مدير عام المستشفى بحضورو .. وقال كلام كتيييييير فارغ عن انو انتو مجندين ملزمين بتنفيذ التعليمات .. واى طبيب ما برجع لشغلو بالكامل ويكسر الاعتصام ح تتخذ فيهو الاجراءات القانونيه .. ايقاف الخدمه تماما .. ومنعك من قضاءها لفترة سنتين .. محاكمه عسكريه بوجود المستشار القانونى بتاعم قد تصل للسجن .. وغيرو وغيرو .. المهم هدد وقام وقعد .. بعد الهترشات دى كلها نحن موقفنا كان واحد .. اجتمعنا كلللللنا كاطباء بالمستشفى .. خدمه وطنيه واطباء اصحاب وظائف .. وقررنا بالاجماع مواصلة الاضراب عن الحالات البارده مهما حدث .. وطلعنا برضو بانو اذا المنسقيه اتخذت اى اجراء ، رد الفعل بتاعنا ح يكون كالتالى :
1/ الاعتصام الشامل والمفتوح حتى عن الحوادث
2/ تقديم استقالات جماعيه من كل الاطباء العندهم وظائف فى وزارة الصحه الولائيه
3/ خاطبنا الاخصائيين واطلعناهم على التطور الاخير
خاطبنا برضو واتواصلنا مع رئاسة اللجنه المركزيه واطلعناهم على التطور الاخير بولاية النيل الازرق .. وهم قالو ح يتابعو معانا وح يحصل تصعيد شامل فى حالة فصل 25 طبيب .
المسرحيه ما انتهت هنا طبعا .. رجعنا ميز الاطباء .. تااااانى قام المنسق جاءنا فى الميز ومعاه حاشيته ومعاهم المرة دى ضابط فى الجيش (برتبة نقيب) لمانا كللللنا نحن ناس الخدمه فى حوش الميز .. اتكلم الضابط وقال هو عندو كلمتين بس ( العايز يشتغل ويكسر الاعتصام يجى بجاى .. والماعايز يشتغل يجى بالجهه التانيه) طبعا كلللللنا ومن غير تفكير او تردد وقفنا فى الجهه البتأكد مواصلتنا لاضرابنا المشروع وعدم خضوعنا لتهديدات المنسقيه .. حتى منسق الكوادر الطبيه د.ضياء الدين انحاز لصف اخوانو وقف معانا فى نفس الجهة والتحيه ليو .. وحتى المدير الطبى د. احمد فيصل انحاز لاخوانو وقف معانا فى نفس الجهه وقال انو هو كطبيب منحاز لقضية الاطباء والتحيه ليو .. طبعا حتى المدير الطبى فى مستشفانا خدمه وطنيه .. المهم سجلو اسماءنا بالكامل وإتوعدونا بقرارات قاسيه.. وطلعو من الميز .
عموما نحن هنا فى مستشفى الدمازين وباقى مستشفيات النيل الازرق (الروصيرص – مستشفى الصداقه الصينى) متماسكين ومواصلين اضرابنا مهما حصل
وابقو الصمود
التحية لاطباء السودان. حين خيم الصمت خوفاً من بطش النظام حملوا راية الدفاع عن حقوق المواطن البسيط في وطن طحنه الفقر و الجوع و المرض. التحية لكم أطباء الإلزامية في الدمازين. ويسلم كل أطباء السودان و تسلم البطن الجابتهم.
السلام عليكم ايها الابطال
تردي الخدمات وقلة المعينات انا شاهد عليهو في موقفين منفصلين ، في بدايةالالفية وانا طالب بالجامعة كنت ملازم لقريبي في حوادث ودمدني والمسكين توفي لعدم توفر الاكسجين ، والموقف التاني عام 2012 حصل لينا حادث واقرب مستشفي كان الدويم ، كانت في حالةوفاة واحدة واصابات وكسور لبعض الركاب ، في واحدة كانت مصابة بكسور في الترقوة والضلع ، ما كان في فلم لعمل صورة الاشعة ، دخلنا العيادات الخاصة لعمل الصورة وكانت حالة المريضة حرجة.
أسأل الله لكم الثبات والانتصار علي الظلم والفساد الذي لم يبقي علي شئ جميل في البلد
و سعاده النقيب دوره شنو هنا؟ و بأي صفه و ما هي علاقه ضابط جيش بأطباء مضربين!!!!!!!؟؟؟ محن…
شجعان وان ينصركم الله لا غالي لكم …تماسكوا وابصقوا علي وجوههم الكالحة ….
التحية لاطباء السودان. حين خيم الصمت خوفاً من بطش النظام حملوا راية الدفاع عن حقوق المواطن البسيط في وطن طحنه الفقر و الجوع و المرض. التحية لكم أطباء الإلزامية في الدمازين. ويسلم كل أطباء السودان و تسلم البطن الجابتهم.
السلام عليكم ايها الابطال
تردي الخدمات وقلة المعينات انا شاهد عليهو في موقفين منفصلين ، في بدايةالالفية وانا طالب بالجامعة كنت ملازم لقريبي في حوادث ودمدني والمسكين توفي لعدم توفر الاكسجين ، والموقف التاني عام 2012 حصل لينا حادث واقرب مستشفي كان الدويم ، كانت في حالةوفاة واحدة واصابات وكسور لبعض الركاب ، في واحدة كانت مصابة بكسور في الترقوة والضلع ، ما كان في فلم لعمل صورة الاشعة ، دخلنا العيادات الخاصة لعمل الصورة وكانت حالة المريضة حرجة.
أسأل الله لكم الثبات والانتصار علي الظلم والفساد الذي لم يبقي علي شئ جميل في البلد
و سعاده النقيب دوره شنو هنا؟ و بأي صفه و ما هي علاقه ضابط جيش بأطباء مضربين!!!!!!!؟؟؟ محن…
شجعان وان ينصركم الله لا غالي لكم …تماسكوا وابصقوا علي وجوههم الكالحة ….
ما دام قعدوا يهددوا ويتوعدوا معناها الموضوع نجح مليون فى المية وما تنكسرو ابدا وواصلوا وكل ما يقوم باجراء تاديبى انتو قوموا بخطوة اكثر حتى يتصعد الموضوع اكثر ..
.. الى الامام
أبدا ما تشيل هم
ديل ده كل اللي عندهم و ما دمتم جبهة واحدة خليه أعلى ما في خيلهم يركبوه
دمتم و دام نضالكم و مصادماتكم للبغي و ظلم الطغاه .. أصبروا و صابروا و قد بدأت قطاعات أخرى من العاملين و شرائح كبيره من الشعب السوداني تهتم و تؤيد و بإذن الواحد الأحد أنتم شرارة التغيير و أنتم لها يا اخوات فاطمه و بداية المشوار خطوه ..
رجال واولاد رجال. عفارم عليكم واشهد الله سنقف كلنا بارواحنا واموالنا لكنس هذة الهصابة الى الابد. منتصرين باذن الله.
لكم تعظيم سلام..موقف مشرّف..موقف سوداني اصيل ربّوهو بالرزق الحلال..
تمام ..
و اثبتوا مسوى وعي مطلوب الان و غدا و في اي وقت ..
لكم التحية ..
والله تعجز الكلمات عن شكركم لهذه الشجاعه التي فقدها الكثير ومن ضمنها نحن عارفين انو اضاربكم عشان التلتين مليون واصلوا في النضال وعين الله ترعاكم
يا سلام عليكم والله العظيم اغرورقت عيناي بالدموع اثبتم فعلا انكم ابناء هذا البلد الغالي ايدكم الله .ونحن باذن الله معكم بكل ما نملك سيروا بحفظ الله ورعايته
الحل فى العصيان المدنى العام ولكن من سوف يعلنة
الحل فى العصيان المدنى العام ولكن من سوف يعلن ذلك
التحية والتجلة للأطباء بالدمازين على وقفتهم الشجاعة والتي سيحفظها لهم التاريخ باحرف من نور .
ان مشكلة بعض منتسبي القوات المسلحة انهم ضعيفي الأفق ولا يستطيعون ادراك ابعد من البوت الذين يحتذونه .
ان التعامل مع الأطباء لا يكون مثل التعامل مع مستجدين لا يعرفون كتابة اسمهم كما انك لا تستطيع ان تلزمني ان ازرع في صحراء قاحلة لا ماء فيها ولا حياة كما لا تستطيع ان تدفعني الى الحرب دون سلاح .
بالمستشفيات المرضى يموتون دون ان يتمكن الأطباء من اسعافهم وذلك لعدم توفر المعينات اللازمة ، فلم تلزمون الأطباء بالعمل في مستشفيات ليس بها معينات عمل .
اليس كان من الأولى بدلا عن شراء سيارات لاعضاء البرلمان توفير معينات المستشفيات .
الى متى يدفع الأطباء من جيوبهم لعلاج مرضاهم وهم يرون المدعو طه عثمان مدير مكتب الرئيس عمولاته بملايين الدولارات ويتزوج من النساء مثنى وثلاث وستاتي الرابعة في الطريق .
يجب على المعارضة ان تتحمل مسئوليتها التاريخية في هذا اللحظات الحرجة من تاريخ البلاد ، فلقد بلغ السيل الزبى ولم يعد بالمستطاع الصبر اكثر من ذلك ، يجب على المعارضة ان تحاسب الحكومة حسابا عسيرا على أي تصرف خاطئ يصدر عنها . يجب من الان فصاعدا ان يرد الصاع صاعين ،
ان ما حدث بالدمازين يجب ان تخطر به لجنة حقوق الانسان بالأمم المتحدة ، لجنة حقوق الانسان بجامعة الدول العربية ، لجنة حقوق الانسان بالاتحاد الافريقي ، منظمة العفو الدولية وكل المنظمات الدولية المهتمة بحقوق الانسان .
فان حق الاضراب حق دستوري لا تستطيع القوات المسلحة او رئاسة الجمهورية او غيرها ان تلغيه ، فهو حق منصوص عليه في الدستور . كما لا تستطيع أي قوة ولو تجبرت ان تجعل من الباطل حقا.
مبروك لكم واصلو الاضراب النصر قادم باذن الله حقوقكم حقوق قانونيه ومشروعه لا تتنازلو .
النيل الازرق كلو والسودان كلو واقف في صفكم
في التضامن مع الاطباء
الاطبا من الشكيه صوتن بحه
لادارة المشافي ولي وزير الصحه
دايرين اسبرين دايرين دوا للقحه
دايرين الاساس شان الوضع ما صحا
لا دوله استجابت لا وزارة صحه
لاكين الاكيد المرضي زايدين وحه
اتحمل كتير في شان مريضو وشفنا
في مشفاهو صامد لا وهن لا زحا
****
لو بيئة العمل وصلت لاسوأ حاله
والحال ماب يسر بقت الامور بطاله
غير سماعه ما عند الطبيب نقاله
والمستشفي وسخان في نضافتو زباله
كيف ينقذ مريض راقد ارض في الصاله
ادويه مافي شان يفديهو من دي الحاله
كيف يكشفلو كيف يرعاهو يفحصو كيف
ومعينات الكشف كانت هناك مين شالا؟
****
لو جاهو المريض محتاج عنايتن انيه
ما يقدر يعالجو اورنيكو نمره تمانبه
لو عالج بدونو السلطه تمسكو فوري
ولو خلاهو لاشك راح يفارق الفانيه
ناس اهل الفقيد مابيرحمو الدكتور
وكم وقع اعتدا من مجرمين وزبانيه
مابيتحلا ذلو مذله
هانو كرامتو نزلوا قامتو
قايمه قيامتو قبال القيامه التانيه
****
مستشفي مافيها اوكسجين دي فريده
لافي سرير عشان يلقي المريض دا غميده
نشفا شالا للزيتونه مافيش مشفيات من دونا
ماخلالنا اي معونا مشكي ل الله يا حميده
من بعد العلاج مجاني صرت الجاني
قلت الناس دي تترجاني مشفاي خاص وطبعا سيدا
اتفرعنت برطعت واكلت اوانطه
نشفت المشافي وكان علاجا الكافي بي سببك بقينا حديدا
****
راجيكم حساب في الدنيا يا شراما
من غير الحساب يوم الصراط وقيامه
الروح تسوي روح للسلطه مافي ادامه
من قبل القيامه تجيكا بكره قياما
****
نسال لكم الثبات والاجر
لكل بدايه نهايه و نهاية الظلم افضل نهايه
منصورين بإذن الله
عفارم عليكم والله اذا كل الاطباء وقفو نفس الوقفة دي لتغير الحال
والله ليكم التحية والتقدير بالجد …. واصلوا وطالبوا بحقكم والله يكون في عونكم
We poor Sudanese people salute you and congratulate you and your colleagues across the country on your bravery. Nothing will happen to you and the courageous MDs; nothing will happen more than what is happening now across Sudan. Where there the health services, as many other services, went down the drain. Stay the course, stay awake and pull the trigger of the civilian obedience, if the situation aggravated. This will give Basheer and his junta a lesson that will eventually prevent them from allocating the larger portion of the budget to their security forces. People health is more important than spending the money on their utterly unserviceable militia. We all stand behind you. You will declare victory soon or the coward Basheer will go to hell with no return!
يعنى الدمازين فيها مستشفى وفيها اكتر من 25 طبيب ، والله الانقاذ ماقصرت معاكم ، طيب انتو اتمردتوا ليه اذا كان عندكم مستشفى فيهو اكتر من 25 طبيب وفى مستشفى تانى كمان ولله فى خلقه شءون
الحياة نادر تدي الزول أكتر من فرصة فرصتين ليثبت نوع معدنه … أنتوا لقيتوا فرصتكم في بداية حياتكم العملية ، وقد لا تتكرر لكم هذه الفرصة … ستفخرون بثباتكم هذا مدى حياتكم … وسوف يحكيه عنكم أبناؤكم بكل الفخر … هنيئا لكم … وعضوا عليه بالثبات .
قلوبنا معكم ودعواتنا لكم.
ما تشيلوا هم أبدا فالله معكم فالله الرحيم حتما لن يكون مع الصف الأخر (البشير وزبانيته ومن لف لفهم من الجداد الإلكتروني والبلهاء)
أبقوا الصمود ،، التحية لكم ولكل شرفاء بلادي و الخزي والعار لعصابة المؤتمر اللا وطني وكل الأرزقية والفاسدين .
التحية لاطباء السودان. حين خيم الصمت خوفاً من بطش النظام حملوا راية الدفاع عن حقوق المواطن البسيط في وطن طحنه الفقر و الجوع و المرض. التحية لكم أطباء الإلزامية في الدمازين. ويسلم كل أطباء السودان و تسلم البطن الجابتهم . منقول من الاخ [Youmna
خلاص سلاسل الخوف انكسرت يا حكومة المؤتمر الوطني والطوفان في الطريق
ها قد سمعت دوى الحلوق في الأفق يبدو اننا قد انتفضنا..
أظن حان الميعاد لينتظم كل الموظفين والعمال في القطاع العام في العصيان المدني والاضراب الشامل..
ها هو الأطباء يضحون بالغالي والنفيس من اجل وطنهم فالنتماسك يدا بيد وننفذ العصيان المدني ونرى نهاية هذا النظام الفاشل…
لقد بدأ الأطباء انتفاضة 6 ابريل المجيدة وأتمها باقي الشعب بالغصيان الي ان زال كابوس مايو الآن هذه فرضتنا لإزالة هذا السخام الكيزاني المقيت..
هيا يا شباب وطني يدل بيد الي الامام..
شنو خلوني اتكلم شوية ….. و ليو دي كلمة صينية و لا شنو ؟ عموما نحن مع أبنائنا الأطباء و ان شاء الله عملهم يكون أفضل من لغتهم
ما دام قعدوا يهددوا ويتوعدوا معناها الموضوع نجح مليون فى المية وما تنكسرو ابدا وواصلوا وكل ما يقوم باجراء تاديبى انتو قوموا بخطوة اكثر حتى يتصعد الموضوع اكثر ..
.. الى الامام
أبدا ما تشيل هم
ديل ده كل اللي عندهم و ما دمتم جبهة واحدة خليه أعلى ما في خيلهم يركبوه
دمتم و دام نضالكم و مصادماتكم للبغي و ظلم الطغاه .. أصبروا و صابروا و قد بدأت قطاعات أخرى من العاملين و شرائح كبيره من الشعب السوداني تهتم و تؤيد و بإذن الواحد الأحد أنتم شرارة التغيير و أنتم لها يا اخوات فاطمه و بداية المشوار خطوه ..
رجال واولاد رجال. عفارم عليكم واشهد الله سنقف كلنا بارواحنا واموالنا لكنس هذة الهصابة الى الابد. منتصرين باذن الله.
لكم تعظيم سلام..موقف مشرّف..موقف سوداني اصيل ربّوهو بالرزق الحلال..
تمام ..
و اثبتوا مسوى وعي مطلوب الان و غدا و في اي وقت ..
لكم التحية ..
والله تعجز الكلمات عن شكركم لهذه الشجاعه التي فقدها الكثير ومن ضمنها نحن عارفين انو اضاربكم عشان التلتين مليون واصلوا في النضال وعين الله ترعاكم
يا سلام عليكم والله العظيم اغرورقت عيناي بالدموع اثبتم فعلا انكم ابناء هذا البلد الغالي ايدكم الله .ونحن باذن الله معكم بكل ما نملك سيروا بحفظ الله ورعايته
الحل فى العصيان المدنى العام ولكن من سوف يعلنة
الحل فى العصيان المدنى العام ولكن من سوف يعلن ذلك
التحية والتجلة للأطباء بالدمازين على وقفتهم الشجاعة والتي سيحفظها لهم التاريخ باحرف من نور .
ان مشكلة بعض منتسبي القوات المسلحة انهم ضعيفي الأفق ولا يستطيعون ادراك ابعد من البوت الذين يحتذونه .
ان التعامل مع الأطباء لا يكون مثل التعامل مع مستجدين لا يعرفون كتابة اسمهم كما انك لا تستطيع ان تلزمني ان ازرع في صحراء قاحلة لا ماء فيها ولا حياة كما لا تستطيع ان تدفعني الى الحرب دون سلاح .
بالمستشفيات المرضى يموتون دون ان يتمكن الأطباء من اسعافهم وذلك لعدم توفر المعينات اللازمة ، فلم تلزمون الأطباء بالعمل في مستشفيات ليس بها معينات عمل .
اليس كان من الأولى بدلا عن شراء سيارات لاعضاء البرلمان توفير معينات المستشفيات .
الى متى يدفع الأطباء من جيوبهم لعلاج مرضاهم وهم يرون المدعو طه عثمان مدير مكتب الرئيس عمولاته بملايين الدولارات ويتزوج من النساء مثنى وثلاث وستاتي الرابعة في الطريق .
يجب على المعارضة ان تتحمل مسئوليتها التاريخية في هذا اللحظات الحرجة من تاريخ البلاد ، فلقد بلغ السيل الزبى ولم يعد بالمستطاع الصبر اكثر من ذلك ، يجب على المعارضة ان تحاسب الحكومة حسابا عسيرا على أي تصرف خاطئ يصدر عنها . يجب من الان فصاعدا ان يرد الصاع صاعين ،
ان ما حدث بالدمازين يجب ان تخطر به لجنة حقوق الانسان بالأمم المتحدة ، لجنة حقوق الانسان بجامعة الدول العربية ، لجنة حقوق الانسان بالاتحاد الافريقي ، منظمة العفو الدولية وكل المنظمات الدولية المهتمة بحقوق الانسان .
فان حق الاضراب حق دستوري لا تستطيع القوات المسلحة او رئاسة الجمهورية او غيرها ان تلغيه ، فهو حق منصوص عليه في الدستور . كما لا تستطيع أي قوة ولو تجبرت ان تجعل من الباطل حقا.
مبروك لكم واصلو الاضراب النصر قادم باذن الله حقوقكم حقوق قانونيه ومشروعه لا تتنازلو .
النيل الازرق كلو والسودان كلو واقف في صفكم
في التضامن مع الاطباء
الاطبا من الشكيه صوتن بحه
لادارة المشافي ولي وزير الصحه
دايرين اسبرين دايرين دوا للقحه
دايرين الاساس شان الوضع ما صحا
لا دوله استجابت لا وزارة صحه
لاكين الاكيد المرضي زايدين وحه
اتحمل كتير في شان مريضو وشفنا
في مشفاهو صامد لا وهن لا زحا
****
لو بيئة العمل وصلت لاسوأ حاله
والحال ماب يسر بقت الامور بطاله
غير سماعه ما عند الطبيب نقاله
والمستشفي وسخان في نضافتو زباله
كيف ينقذ مريض راقد ارض في الصاله
ادويه مافي شان يفديهو من دي الحاله
كيف يكشفلو كيف يرعاهو يفحصو كيف
ومعينات الكشف كانت هناك مين شالا؟
****
لو جاهو المريض محتاج عنايتن انيه
ما يقدر يعالجو اورنيكو نمره تمانبه
لو عالج بدونو السلطه تمسكو فوري
ولو خلاهو لاشك راح يفارق الفانيه
ناس اهل الفقيد مابيرحمو الدكتور
وكم وقع اعتدا من مجرمين وزبانيه
مابيتحلا ذلو مذله
هانو كرامتو نزلوا قامتو
قايمه قيامتو قبال القيامه التانيه
****
مستشفي مافيها اوكسجين دي فريده
لافي سرير عشان يلقي المريض دا غميده
نشفا شالا للزيتونه مافيش مشفيات من دونا
ماخلالنا اي معونا مشكي ل الله يا حميده
من بعد العلاج مجاني صرت الجاني
قلت الناس دي تترجاني مشفاي خاص وطبعا سيدا
اتفرعنت برطعت واكلت اوانطه
نشفت المشافي وكان علاجا الكافي بي سببك بقينا حديدا
****
راجيكم حساب في الدنيا يا شراما
من غير الحساب يوم الصراط وقيامه
الروح تسوي روح للسلطه مافي ادامه
من قبل القيامه تجيكا بكره قياما
****
نسال لكم الثبات والاجر
لكل بدايه نهايه و نهاية الظلم افضل نهايه
منصورين بإذن الله
عفارم عليكم والله اذا كل الاطباء وقفو نفس الوقفة دي لتغير الحال
والله ليكم التحية والتقدير بالجد …. واصلوا وطالبوا بحقكم والله يكون في عونكم
We poor Sudanese people salute you and congratulate you and your colleagues across the country on your bravery. Nothing will happen to you and the courageous MDs; nothing will happen more than what is happening now across Sudan. Where there the health services, as many other services, went down the drain. Stay the course, stay awake and pull the trigger of the civilian obedience, if the situation aggravated. This will give Basheer and his junta a lesson that will eventually prevent them from allocating the larger portion of the budget to their security forces. People health is more important than spending the money on their utterly unserviceable militia. We all stand behind you. You will declare victory soon or the coward Basheer will go to hell with no return!
يعنى الدمازين فيها مستشفى وفيها اكتر من 25 طبيب ، والله الانقاذ ماقصرت معاكم ، طيب انتو اتمردتوا ليه اذا كان عندكم مستشفى فيهو اكتر من 25 طبيب وفى مستشفى تانى كمان ولله فى خلقه شءون
الحياة نادر تدي الزول أكتر من فرصة فرصتين ليثبت نوع معدنه … أنتوا لقيتوا فرصتكم في بداية حياتكم العملية ، وقد لا تتكرر لكم هذه الفرصة … ستفخرون بثباتكم هذا مدى حياتكم … وسوف يحكيه عنكم أبناؤكم بكل الفخر … هنيئا لكم … وعضوا عليه بالثبات .
قلوبنا معكم ودعواتنا لكم.
ما تشيلوا هم أبدا فالله معكم فالله الرحيم حتما لن يكون مع الصف الأخر (البشير وزبانيته ومن لف لفهم من الجداد الإلكتروني والبلهاء)
أبقوا الصمود ،، التحية لكم ولكل شرفاء بلادي و الخزي والعار لعصابة المؤتمر اللا وطني وكل الأرزقية والفاسدين .
التحية لاطباء السودان. حين خيم الصمت خوفاً من بطش النظام حملوا راية الدفاع عن حقوق المواطن البسيط في وطن طحنه الفقر و الجوع و المرض. التحية لكم أطباء الإلزامية في الدمازين. ويسلم كل أطباء السودان و تسلم البطن الجابتهم . منقول من الاخ [Youmna
خلاص سلاسل الخوف انكسرت يا حكومة المؤتمر الوطني والطوفان في الطريق
ها قد سمعت دوى الحلوق في الأفق يبدو اننا قد انتفضنا..
أظن حان الميعاد لينتظم كل الموظفين والعمال في القطاع العام في العصيان المدني والاضراب الشامل..
ها هو الأطباء يضحون بالغالي والنفيس من اجل وطنهم فالنتماسك يدا بيد وننفذ العصيان المدني ونرى نهاية هذا النظام الفاشل…
لقد بدأ الأطباء انتفاضة 6 ابريل المجيدة وأتمها باقي الشعب بالغصيان الي ان زال كابوس مايو الآن هذه فرضتنا لإزالة هذا السخام الكيزاني المقيت..
هيا يا شباب وطني يدل بيد الي الامام..
شنو خلوني اتكلم شوية ….. و ليو دي كلمة صينية و لا شنو ؟ عموما نحن مع أبنائنا الأطباء و ان شاء الله عملهم يكون أفضل من لغتهم