الجميل صبح

الجميل صبح
كلمات: حسين شنقراي
تاني إن شاء الله ماتقاسي
ولا ليك الفرح ناسي
أشيلك في نونو العين
وأدسك جوه إحساسي
نعيش العمر فرحه
وتبقي هواي وأنفاسي
—–
سلامتك إنت من آها
هموم الدنيا أنساها
سعاده وصلنا مرساها
وخدودك ما أُحيلاها
——
ضرب الجميل صبح
ورود و زهور بتتفتح
أحبك ياخي ما بمزح
وأسافر في هواك وأسرح
——
صورتك ونغمتك حلوه
صباح روحي والسلوي
معاك لا قوة لاحولي
مبروك فزت بالجوله
——
ما ضراك شر تاني
حنين وولوف وإنساني
حرام يا روحي تنساني
وأهديك قلبي مجاني
——
صرت براك في المسرح
أنسي الهموم أفرح
أجمع في هواي وأطرح
وما ظني الورد بجرح

[email][email protected][/email]