ارتفاع أسعار العقارات في الخرطوم وأزمة السكن تتعمق

من خلال الراكوبة لو ناس الراكوبة سمحوا لينا ممكن المقايضة والبيع والعرض والطلب يكون مع لأشخاص خارج الدولة والأستلام خارج الدول تحصل عليها دولارات كما يحول المغتربين أو المهاجرين بعضم مهاجر ولكن يحلم بالرجوع يوما ما

باريس

الواحد امشى ابيع منزلة واشترى 10 شقق فى مصر او فى لندن اكيد فى شى خطاء فى الحكومة

الدولة تنوم في العسل

يالخرطوم يا العندي جمالك جنة رضوان واسعار عقاراتك لهيب نيران

مساء الخير شباب حبيت اسال عن تكلفة بناء بيت لودبيرنق
مساحة 400متر
عدد الغرف 4
تكون في حدود كم تكلفة بناء

جنيف

حلوة يتوقف على ضمائرهم دي

الضمير دخلو شنو بالموضوع دا

يعني الملاك يبنو بالمليارات ويأجروا مثلا بي 500 الف كدا يكون عندهم ضمير ؟

انتو قايلنهم فاتحين تكية المهدي

Please talk sense

بالله ورينا اسعار العقارات في الخرطوم بقت كيف خصوصاً في الديم وكم هي تكلفة البنيان عشان نعمل حسابنا

والحالة لاتوجد بنية تحتية .. لاصرف صحى .. لاشارع ظلط ذو مواصفات عالمية .. لاخطوط تلفونات لا انترنت
لامجارى لمياة الامطار لا خطوط للغاز ولا حدائق ولا مراكز تسوق وخدمات صحية وتعليمية ولا .. ولا…

تشاد بس

معقول بس اغلا مدن العالم ارضا وافقرها سكاننا الله يجازي الكان السبب حسبي الله علي كل ظالم

ما اصلا كل شيء غالي انا بنيت شقتين علي مساحة 300 متر م يعني 150 متر م للشقه كلفت كل شقه 600 الف ريال سعودي من غير سعر الارض ولسه ما انتهوا والقروش تحويشة العمر بعد 40 سنه غربه كملت. آمال دايرين أجر الشقه بكم؟ بس عشان نرضي كاتب المقال
مع العلم لما بديت كان المقدر نصف المبلغ لكن الأسعار كل يوم طائره السماء وبعد سنتين الأمر لا يصدق الفرق اكثر من مرتين في سعر كل المواد وكل شيء مسجل بالجنيه وما يعادله بالريال وقت الشراء الفلوس كلها جبايات ماشه لحرب داعي ضد الشعب

قال:
(وتراوح سعر شراء المنزل من طابق واحد بين 2 إلى 4 مليارات جنيه، والعمارة بين 12 إلى 20 مليار جنيه حسب عدد الطوابق)

رخيسة خلااااااس ههههههه

يا ناس العالم دي بتجيب المليارات دي من وين ؟؟؟؟ ليً عشرون سنة مغترب وشغال مستشار قانوني في شركة عالمية , ومرتبي كله مصاريف للأهل في السودان … والله لي هسة ما قدرت أحوش مائة مليون … كيف الدبارة ؟؟؟ ووين أسكن بعد أرجع ؟؟؟ والله إلا اضرب الخلاء … الخلاء ولا الرفيق الفسل

يا جماعة ما تنحتوا مخكم كثير . هذه عملية غسيل اموال وما دايره ليها درس عصر.

اشتريت قطعة ارض درجة اولى سنة 2006 ب 42 مليون واتخيلت ان السعر مناسب وبعد شويه اكتشفت ان هذا المبلغ يشتري لي ضعف المساحة في العاصمة اللبنانية بيروت وشقتين مناح بالقاهرة

بالله يا جماعة ما تشتموا السودان العندو انتقاد ينتقد الحكومة المعارضة ينتقد نفسه على كيفة
وبرضو الداير يشتري شقة في مصر و لا مانشستر زي صاحبنا المرطب هناك برضو على كيفو و المغترب و ماقادر يبني عشان ما قادر يوفر دي مشكلته اما دخلو ضعيف أو قاعد يبعزق و يرسل في الدلاقين و الموبايلات و يتبوبر ساكت بالله واحد مغترب اربعين سنة و ما قادر يبني دا كلام دا يا اخي انت قايل كل الناس الساكنين في الخرطوم اشترو بالمليارات ناس عاديين و بسطاء بنوا وساكنين في امان الله و الحكومة وزعت اراضي للمستحقيين و بنت الاف المساكن ووزعتها للمواطنين بالتفسيطز
… و اذا انتو المغتربين دايرين الحكومة تبني ليكم تحلمو شدو حيلكم و لمو ريالاتكم و ابنو شوية شوية سيبو النقة الما بتقدم و لا بتاخر