مَوجَة احتجاج سُودانية عَارمة.. في الأسافير طبعاً.. على قرار الحكومة الأردنية إلزام المُستشفيات بدفع عشرة آلاف دينار ضمانة لكل مريضٍ سُوداني أو ربما أجنبي آخر.. مبلغ كبير يضمن أنّ المرضى فعلاً مرضى جاءوا لتلقي العلاج وليس للإقامة الدائمة في الأردن.
واضحٌ من مَفهوم الغَرامة أنّها جاءت حلاً لمُشكلة تُعانيها الأردن.. يبدو أنّ أعداداً كبيرةً ممّن يَحصلون على تأشيرة للعلاج في مُستشفيات الأردن هُم في الأصل مُجرّد هاربين من دولهم ? ومن بينها السُّودان ? يتّخذون الأردن ملاذاً آمناً تحت مظلة العلاج..
إلا أنّ السُّودانيين الغاضبين عَدُوهَا إهَانَةً جديدةً (في مُسلسل الإهانات الدولية).. وبدأت تنساب نصائح إسفيرية.. من مثل؛ اتركوا الأردن وسافروا الهند، فهي بلدٌ مضيافٌ لا تطلب ضمانات وأفضل جودة وأقل تكلفةً.
أجدني جد مُحتاراً.. إلى متى يُهاجر السُّودانيون زرافات ووحداناً طلباً للعلاج في الخارج؟ ففي كل يوم تظهر دولة جديدة في قائمة الدول المقصودة لطلب العلاج.. فالآن دولة ?تايلاند? أصبحت واحدةً من أكثر الجهات جذباً للمرضى السُّودانيين.. لتُضاف إلى قائمة دول أخرى ظلّت لعقودٍ طويلةٍ قبلة المرضى السُّودانيين.
الحساب بسيطٌ وسَهلٌ؛ ما يدفعه السُّودانيون طلباً للعلاج في الخارج تكفي فاتورة عامٍ واحدٍ لتشييد أرقى المُستشفيات واستيراد أفضل الخبرات من كل بقاع العالم ليكون السُّودان مُستشفى إفريقيا والعالم العربي الأول، فيأتوك رجالاً وعلى كل ضامر يأتين من كل فج عميق.. السُّودان (لا يحتاج إلى بطلٍ) ليكون مُؤهّلاً لذلك.. فقط تنقصه الرؤية والفكرة والإرادة.. نظرة استراتيجية لمُستقبل رطيب.. لكن بكل أسفٍ ليس في خُططنا غير 2020.
قبل عام تقريباً زُرت البروفيسور سليمان فضيل في مشفاه المشهور بقلب الخرطوم.. بالصدفة وجدت معه مجموعة من المرضى أتوا من دولة إفريقية خصيصاً للعلاج في السُّودان.. وعلمت منه أنّ نسبة مُقدّرة من مرضاه قادمون من دول أخرى.. إذاً منصة الانطلاق مُتوفّرة.. لا ينقصنا المال ولا العُلماء والأطباء.. فقط ينقصنا أن نعرف كيف نحلم بمَعايير أحلام عالمنا المُتحرِّك بسُرعة.
والله العظيم.. ثلاثاً.. لا يحتاج بلدنا لأكثر من سنة واحدة.. 365 يوماً فقط.. ليطفر في العالمين ويصبح دولة (مُحترمة) لا يهرب مُواطنوها بحثاً عن لقمة العيش الشريف في كل بلاد الدنيا.. ولا يُهاجر مرضاها طلباً للعلاج.. 365 يوماً والله صَدِّقوني يا جماعة.. 365 يوماً لا أكثر.. لنشيد دولةً وشعباً موفور الوقار الدولي.. دولة بمقاسات أوروبية تفوق نظراءنا العرب والأفارقة.. نعم والله..
ولكن يا حَسرة!!
يَا حَسْرَة.. عَلَى وَطَنٍ يَقْتُلُه العَطَش والمَاءُ فَوقَ ظُهُورِهِ مَحْمُولٌ..!!
التيار
أسأل الدجال شيخك حسن الترابى وأتباعه
لماذا أصبحنا نتسول العلاح بالخارح؟
هل كان الحال كذلك قبل إنقلابكم المشؤم؟
اللهم إن الترابى وجماعته شقوا علينا فأشقق عليهم
اتحداك ب365 شهرا مع هولاء النافزون لو توطن العلاج في السودان للسودانين فقط دعك من علاج القادمين من الخارج
انت تحلم في زمن ماتت فيه الاحلام و لابد من تشمير السواعد لشي جديد
لعلم المتداخلين مدرسة كتشنر الطبية (كلية الطب الآن) أنشئت عام 1924م بينما أنشئت الجامعة الأردنية عام 1963م يعني سبقناهم في مجال الطب بأربعين عاما ورغم ذلك نزدري خبراتنا ونذهب للعلاج عندهم ويفترون علينا.
يا عثمان انت فترت من الكتابة في الموضوع ؟ هل تعتقد ان بالكلام سوف ينصلح حال الاخوان المفسدين.. هؤلاء القوم في غيبوبة السلطة وانهم لن يرتدعوا الا بعد ان يروا العذاب الأليم..
الفرق بين عثمان ميرغني ومحمد ميرغني ان الأول فنان في في نقد النظام وليس معارضة لنظام وان الثاني فنان قدم مشاعر صادقة للناس اثرت وجدانهم بصوت واوتار ليس فيهما, اذن نحن مع محمد ميرغني وضد عثمان ميرغي
الاستاذ الكريم/ عثمان ميرغني– لكم التحية– صحيح ما تفضلتم به مع الفارق في ادارة الموارد البشرية والمالية في السودان والدول الاخري فالانقاذ تمكن ( الجماعة) والاصح ( الحواريون) ممن طعموا اللقيمات واستمعوا لحسن الترابي واشرطة سيد قطب وصحف حسن البناء وجاءت الانقاذ بحملة ذلك الفكر ليحتلوا الوظائف في وزارة الخارجية يتزاوغون ويفرون من الاجانب كما يفر الصحيح من المجذوم طبعا لغياب معرفة اللسان المشترك عند ( الاخو) وفي المستشفيات يمكنون من يستطيع تفشيل اضرابات الاطباء بسبب نقص معينات العلاج وفي السوق يمكنون (الاخوان) وعبر بنك فيصل الاسلامي يواصلون تدمير الاقتصاد وفي الزراعة يكسرون اتحاد المزارعين عبر تحطيم اكبر مشروع ري انسيابي في العالم والحل يمكن في ( فرمتت) العقلية ( الاخوانية) وربما اسهم التناحر بينهم في قتل بعضهم البعض كما فعل بنو اسرائيل عندها نرتاح من سرطانهم ويكفينا اربعة اشهر لتصدير الخضروات والالبان واللحوم الي دول العالم ومع تصحيح البنوك وطرد تجار العملة من وظائفها العليا يمكن الاحتفاظ بغلة العملات الحرة لصالح الدولة وبحسن ادارة المستشفيات ستجد ان افضل اطباء العالم هم السودانيون– لكم التحية
السودان تنقصه الحكومة النظيفة لان كل شيء موجود ما عدا الحكومة لماذا السودان في كف عفريت 28 سنة من الدمار الممنهج يمكرون وينكرون
السودان سيصبح دولة محترمة في وقت سياسية اذا كان به حكومة محترمة و ساسة محترمون … و سيصبح دولة غنية اذا ذهب الحرامية و الفاسدين و الفاشلين
و سنستمر في التدهور من حضيض الى حضيض اذا ظل يحكمنا الفاسدزن الفاشلون الخائبون و رئيسهم الاضحوكة الراقص
365 يوم تحت حكم اهلك الكيزان؟؟؟
الجديد شنو ماك مهندس من مهندسى المشروع الحضارى
أدوك عصا موسى جاية بعد 30 سنة عشان يدوك 365 يوم .
يا كوز ما تشوف ليك شغلة.
صدقنى يا عثمان ميرغنى نحن لا نحتاج للمدة التى ذكرتها … لو توفرت لنا كل موارد العالم بما فيها الزمن لن نتقدم قيد انملة طالما ما ظللنا على ما نحن قيه. نحتاج فقط لأخلاق رفيعة ووجدان سليم.( انما بعثت لأتمم مكارم الأخلاق).
يا زول والله ما تشكر لى مستشفى فضيل دة ،، زرته قبل فترة لزيارة مريض ،، وجدت الاسانسير متعطل ومريض على كرسى ينتظر اسفله لا يعلم متى يمكن اصلاحه ولا حتى هل ممكن اصلاحه ام لا ،، المكيفات تكر وتكركر ولها صوت ضجيج يصم الآذان ،، واحدى العاملات تنظف بصورة قبيحة تحت ارجل الحضور بخرقة بالية ،، واصلا المستشفى هذا ليست مكانه وسط الزحام ومن ادوار يتكدس فيها الناس ، هناك معمار محدد لبناء المستشفيات يراعى فيها اشياء محددة مثل الراحات والحمامات وتصميم الغرف والفسحات والمواقف والتهوية ، اما مبنى فضيل فهو اعتقد اصلا غير مصمم لمستشفى او انه اذا صمم لمستشفى من صممه لم يسمع بعلم تخطيط وبناء المشافى
مع الاحترام ليك يا استاذ عثمان بس سيادتك لما تعرضت لحادث الاعتداء عليكم ذهبت الى مصر طلبا للعلاج والا انا غلطان ؟؟؟؟
بقيت تبكي كتير يا باش مهندس وكأنك ما عارف ليه الناس (بتمرض ) في السودان !! ياأخوان الشياطيين مرًضوا الناس ولامن تطلع للعلاج بره البلد تقول ليه بيطلعوا هو عندك دوا خلي المستشفيات .. قرف يقرفكم
والله ينقصنا الكتير وعام واحد مابصلح حال اى شئ ..ولا العلاج براهو ….ياخ ابلد دكاتره موجودين هنا ..والله مستوى الاطباء هنا يخجل ..ياخ انا شخصيا لافى بزوجتى لاى بروف هنا وخسرت ملاين فى اى واحد وكلامو مختلف عن الحمار القبلو ..سافرت مصر القريبه دى ..والله اول دكتور وتحس بانو دكتور شخص الحاله بفحص للدم وكتب العلاج و15 يوم ظبطت ورجعنا واسه الحمد لله رب العالمين …ياخ انا اسنانى متعبانى قلت الاسنان دى واحد وياهو طب الاسنان مشيت لواحد نجر سنونى بالمبرد وقال نضافه وادنى حبوب والحال ياهو والالم زاد ومافى ضرس عامل شوشره والاسنان مكرهانى عيشتى ..اخر شى فتحت قوقل وقال لى غير فرشة الاسنان بتاعتك دى …والله سنونى ظبطت واسه احمد الله الشافى المعافى …. يا اخوانا هنا لو جاتك نزله ماتمشى لاى مدعى ..اركب البص ارخص ليك وبتتعالج فى مصر دى …والله الدكاتره هنا لو عندى سلطه اخليهم تمرجيه يدو الحقن …طب شنو وفهم شنو ؟؟ ياخ العالم شغال ابحاث للسرطان والعلاج النهائى ليه بدون كيمائى واشعه ومشو فيهو بصوره ضخمه جدا ونحن الناس بتموت ببنج زايد وهبوط سكرى وزبحه كل يوم اححححححححححححى انا يابلد حسبى الله ونعم الوكيل عليكم ياكيزان
لكن يا عثمان السبب فى تدهور السودان منو ناسك الكيزان هم السبب ما تلف وتدور
انتم السبب يا راجل اختشى
أسأل الدجال شيخك حسن الترابى وأتباعه
لماذا أصبحنا نتسول العلاح بالخارح؟
هل كان الحال كذلك قبل إنقلابكم المشؤم؟
اللهم إن الترابى وجماعته شقوا علينا فأشقق عليهم
اتحداك ب365 شهرا مع هولاء النافزون لو توطن العلاج في السودان للسودانين فقط دعك من علاج القادمين من الخارج
انت تحلم في زمن ماتت فيه الاحلام و لابد من تشمير السواعد لشي جديد
لعلم المتداخلين مدرسة كتشنر الطبية (كلية الطب الآن) أنشئت عام 1924م بينما أنشئت الجامعة الأردنية عام 1963م يعني سبقناهم في مجال الطب بأربعين عاما ورغم ذلك نزدري خبراتنا ونذهب للعلاج عندهم ويفترون علينا.
يا عثمان انت فترت من الكتابة في الموضوع ؟ هل تعتقد ان بالكلام سوف ينصلح حال الاخوان المفسدين.. هؤلاء القوم في غيبوبة السلطة وانهم لن يرتدعوا الا بعد ان يروا العذاب الأليم..
الفرق بين عثمان ميرغني ومحمد ميرغني ان الأول فنان في في نقد النظام وليس معارضة لنظام وان الثاني فنان قدم مشاعر صادقة للناس اثرت وجدانهم بصوت واوتار ليس فيهما, اذن نحن مع محمد ميرغني وضد عثمان ميرغي
الاستاذ الكريم/ عثمان ميرغني– لكم التحية– صحيح ما تفضلتم به مع الفارق في ادارة الموارد البشرية والمالية في السودان والدول الاخري فالانقاذ تمكن ( الجماعة) والاصح ( الحواريون) ممن طعموا اللقيمات واستمعوا لحسن الترابي واشرطة سيد قطب وصحف حسن البناء وجاءت الانقاذ بحملة ذلك الفكر ليحتلوا الوظائف في وزارة الخارجية يتزاوغون ويفرون من الاجانب كما يفر الصحيح من المجذوم طبعا لغياب معرفة اللسان المشترك عند ( الاخو) وفي المستشفيات يمكنون من يستطيع تفشيل اضرابات الاطباء بسبب نقص معينات العلاج وفي السوق يمكنون (الاخوان) وعبر بنك فيصل الاسلامي يواصلون تدمير الاقتصاد وفي الزراعة يكسرون اتحاد المزارعين عبر تحطيم اكبر مشروع ري انسيابي في العالم والحل يمكن في ( فرمتت) العقلية ( الاخوانية) وربما اسهم التناحر بينهم في قتل بعضهم البعض كما فعل بنو اسرائيل عندها نرتاح من سرطانهم ويكفينا اربعة اشهر لتصدير الخضروات والالبان واللحوم الي دول العالم ومع تصحيح البنوك وطرد تجار العملة من وظائفها العليا يمكن الاحتفاظ بغلة العملات الحرة لصالح الدولة وبحسن ادارة المستشفيات ستجد ان افضل اطباء العالم هم السودانيون– لكم التحية
السودان تنقصه الحكومة النظيفة لان كل شيء موجود ما عدا الحكومة لماذا السودان في كف عفريت 28 سنة من الدمار الممنهج يمكرون وينكرون
السودان سيصبح دولة محترمة في وقت سياسية اذا كان به حكومة محترمة و ساسة محترمون … و سيصبح دولة غنية اذا ذهب الحرامية و الفاسدين و الفاشلين
و سنستمر في التدهور من حضيض الى حضيض اذا ظل يحكمنا الفاسدزن الفاشلون الخائبون و رئيسهم الاضحوكة الراقص
365 يوم تحت حكم اهلك الكيزان؟؟؟
الجديد شنو ماك مهندس من مهندسى المشروع الحضارى
أدوك عصا موسى جاية بعد 30 سنة عشان يدوك 365 يوم .
يا كوز ما تشوف ليك شغلة.
صدقنى يا عثمان ميرغنى نحن لا نحتاج للمدة التى ذكرتها … لو توفرت لنا كل موارد العالم بما فيها الزمن لن نتقدم قيد انملة طالما ما ظللنا على ما نحن قيه. نحتاج فقط لأخلاق رفيعة ووجدان سليم.( انما بعثت لأتمم مكارم الأخلاق).
يا زول والله ما تشكر لى مستشفى فضيل دة ،، زرته قبل فترة لزيارة مريض ،، وجدت الاسانسير متعطل ومريض على كرسى ينتظر اسفله لا يعلم متى يمكن اصلاحه ولا حتى هل ممكن اصلاحه ام لا ،، المكيفات تكر وتكركر ولها صوت ضجيج يصم الآذان ،، واحدى العاملات تنظف بصورة قبيحة تحت ارجل الحضور بخرقة بالية ،، واصلا المستشفى هذا ليست مكانه وسط الزحام ومن ادوار يتكدس فيها الناس ، هناك معمار محدد لبناء المستشفيات يراعى فيها اشياء محددة مثل الراحات والحمامات وتصميم الغرف والفسحات والمواقف والتهوية ، اما مبنى فضيل فهو اعتقد اصلا غير مصمم لمستشفى او انه اذا صمم لمستشفى من صممه لم يسمع بعلم تخطيط وبناء المشافى
مع الاحترام ليك يا استاذ عثمان بس سيادتك لما تعرضت لحادث الاعتداء عليكم ذهبت الى مصر طلبا للعلاج والا انا غلطان ؟؟؟؟
بقيت تبكي كتير يا باش مهندس وكأنك ما عارف ليه الناس (بتمرض ) في السودان !! ياأخوان الشياطيين مرًضوا الناس ولامن تطلع للعلاج بره البلد تقول ليه بيطلعوا هو عندك دوا خلي المستشفيات .. قرف يقرفكم
والله ينقصنا الكتير وعام واحد مابصلح حال اى شئ ..ولا العلاج براهو ….ياخ ابلد دكاتره موجودين هنا ..والله مستوى الاطباء هنا يخجل ..ياخ انا شخصيا لافى بزوجتى لاى بروف هنا وخسرت ملاين فى اى واحد وكلامو مختلف عن الحمار القبلو ..سافرت مصر القريبه دى ..والله اول دكتور وتحس بانو دكتور شخص الحاله بفحص للدم وكتب العلاج و15 يوم ظبطت ورجعنا واسه الحمد لله رب العالمين …ياخ انا اسنانى متعبانى قلت الاسنان دى واحد وياهو طب الاسنان مشيت لواحد نجر سنونى بالمبرد وقال نضافه وادنى حبوب والحال ياهو والالم زاد ومافى ضرس عامل شوشره والاسنان مكرهانى عيشتى ..اخر شى فتحت قوقل وقال لى غير فرشة الاسنان بتاعتك دى …والله سنونى ظبطت واسه احمد الله الشافى المعافى …. يا اخوانا هنا لو جاتك نزله ماتمشى لاى مدعى ..اركب البص ارخص ليك وبتتعالج فى مصر دى …والله الدكاتره هنا لو عندى سلطه اخليهم تمرجيه يدو الحقن …طب شنو وفهم شنو ؟؟ ياخ العالم شغال ابحاث للسرطان والعلاج النهائى ليه بدون كيمائى واشعه ومشو فيهو بصوره ضخمه جدا ونحن الناس بتموت ببنج زايد وهبوط سكرى وزبحه كل يوم اححححححححححححى انا يابلد حسبى الله ونعم الوكيل عليكم ياكيزان
لكن يا عثمان السبب فى تدهور السودان منو ناسك الكيزان هم السبب ما تلف وتدور
انتم السبب يا راجل اختشى