محكمة شندي تنفي تاجر مخدرات لولاية نهر النيل لمدة «15» عاماً
الخرطوم: شندي: مي علي آدم:
أصدرت محكمة جنايات شندي العامة برئاسة مولانا حاتم عثمان الطيب حكماً بنفي تاجر مخدرات إلى منطقة ريفي ود حامد بولاية نهر النيل لمدة «15» عاماً، وقالت المحكمة إنها توصلت إلى إدانة المتهم بالإتجار بالمخدرات بعد أن تم ضبطه وبحوزته عدد (52) قطعة حشيش، بالإضافة إلى «81» قطعة معدة للترويج داخل منزله بمنطقة حجر العسل وأضافت المحكمة أن المتهم تجاوز الـ«57» عاماً وأنه سبق وأن تمت إدانته في قضية مماثلة تم إبعاده إلى مدينة بورتسودان لمدة 02 عاماً، إلا أنه عاد وزاول نشاطه في الترويج بمنطقة حجر العسل وقررت المحكمة إدانة المتهم تحت نص المادة «51/أ» من قانون المخدرات والمؤثرات العقلية، وأمرت بإبعاد المدان إلى منطقة ريفي ود حامد.
هذا حكم متساهل و غريب و هل النفى الى بلد آخر يعتبر تأديب؟ ما نعرفه أن تاجر المخدرات و مروجها مكانه الطبيعى هو السجن طويل المدي و ليس النفى، هذا حكم يشتم منه رائحة الفساد. و هذا المنفى حتما سيمارس نشاطه فى مكان نفيه الجديد كما فعل من قبل.
يعني الراجل لو كان قال كلمة حق لا تعجبهم لنفوه من الدنيا و لكن تاجر المخدرات يعامل بمنتهى الحنية.
من المعلوم أن النفي كان في الماضي أشبه بالعبودية لذا كان عقوبة معتبرة .أما الان فهم بهذه الطريقة يمهدون له أن يبدأ فساده في بيئة جديدة لا يعرفه أحد فيها مما يسهل عليه مهمة الفساد .
هل وصل الغباء بالاجهزة القضاءية و التشريعية لهذه الدرجة؟
يعني سلفاكير و باقان لهم حق يتشطروا علينا
يا جماعة امكن منطقة ودحامد دي المخدرات فيها مباحة ولا تقع المتاجرة بالمخدرات فيها تحت طائلة القانون و ما تظلموا القاضي ساكت ولا امكن ود حامد دي بتقع في ولاية امستردام بهولندا غايتو قضاة الانقاذ ديل حيرونا عديل
أغرب حكم طيب ما راح يمارس نفس النشاط في البلد التي سوف ينفى لها، وبعدين جربتوا قبل كده نفيه لمدة عشرين عاماوحليمه عادت لقديما فماذا يفيد النفي هذه المرة؟ .
هسة عليكم الله المهازل البعملوا فيها الناس ديل نقول فيها شنو هو بتاجر مخدرات وفي منطقة حجر العسل ويحكموا عليه بالنفي الي منطقة ودحامد الهي تعتبر فيها كمية من الاجناس علي مختلف الاشكال والالوان وتعتبر اشبه بالمدن ممكن عادي الزول يباشر اعمالوا وزول يكون جايب ليه خبره مافي وحجر العسل لا تبعد عن ودحامد كتير يبقي عملوا شنو يعني ده ما حكم رداع كونكم تبعدوه الي بورتسودان او ودحامد يعني خلاص كده قايلين حكمتو عليهو واتحاشتوه بل كده وجد ليه سوق وناس جداد وانشاءالله سجن ابو غريب الوديتوه ليهو ده يجيب خبر ما يكون زي نفيكم ليه لبورتسودان… زمن المهازل بالجد .
ريفى ود حامد ما فيها مسطلين يا قاضى السجم والرماد
اعتبر هذا الحكم غير رادع بدليل محاكمته السابقة به وعاد لممارست شغله في المخدرات اكيد ضحك كثيراً من الحكم بالنفي سوف يجد سوق جديد ،يامولانا انت متاكد حكمك ده رداع ومافي غيره اذا كنت تعلم هذه مصيبة اذا لم تعلم هذه مصيبة اكبر،اعيد النظر في حكمك يامولانا واردع المتهم
بلاش استخفاف بعقول الناس زول في بحري تنفيه امدرمان حجر العسل وود حامد يفصل بينهما النيل يعني مسافة امتار يمكن يرجع يقطع النيل عوم ويجي راجع
يا شباب الحكومة صادرت البنقوا عشان يتم توزيعه للجامعات وخلافه. التاجر ده يعملوا بيهو شنو بعد ده؟. احسن يخلوه يسرح فى مكان تانى وتانى يصادروا البنقو منه وكده الساقية بتكون مدورة وعقول اولادنا برضو مدورة وما ثابتة
سجن بابح ولى شنو ؟
اول مره نسمع بي كلام زي ده
زمان البمسكو عندو سجاره بدوهو بلال موسى ( تلاته سنه يوم ورا يوم منتظرك انا)
ولى ده من اولاد المصارين البيض …
ده مفروض اعدام لانو بنشر مخدرات لو في السعوديه كان طيرو ليك رأسو عشان تاني زول يفكر يشيل ليهو قندول عيش مافي خلي قندول بنقو
شئ غريب وحكم غريب جدا … هل تعلمون بان مابين حجر العسل مكان المروج وودحامد فقط النيل … غايتو الا اكون القاضي ده شريك للمروج وما عايز زبائنو اطشو …