شَمْعَةٌ.. في ظَلام النَّفَق!!

الله يفك حظرك يا الماسي فرجيسون

سبحانه الله ما لاقيت بلد زي بلدنا دي (السوداااااان) بلد كل يوم بتطلع في قرارات و قوانيين بس ضد الوطن و المواطن المسكين الغلبان .
ياخي ليه نحن كده و بنعمل كده و عشاااان شنو ليه الناس المسؤلة تطلع قرارات مجحفة و ظالمة كده اولا في حق الوطن ثم ثانيا في حق المواطن الزيتو طلع قال الروب عديل.
بدل تطلع قرارات ولا لوائح ولا قوانين نكون فيها مصلحة البلد و المواطن المسكين تطلع قرارات ضد البلد و قرارات يستفيدو منها ناس معينة او شريحة من التجار المحسوبين علي الحكومة ( الراسمالية الطفيلية).
من القرارات دي منع دخول تركترات الماسي فريجيسون الموديلات القديمة ١٦٥ و ١٦٨ و ١٧٨ و ١٨٥ و ١٨٨ و ٢٩٠ و ٥٩٠ الخ.
في الاول الجمارك كانت زي ٣ الف جنيه زادوها لي ١٤ الف جنيه برضو الناس بتدخل تاني زادوها لي ١٨ الف جنيه برضو الناس دخلتو كلو مرة يرفعو جماركو عشان الناس تقيف برضو ما نفع في النهاية قرااااااااار عديل بي المنع.
طبعا تجار الغفلة ديل لمن سوقهم وقف بيكونو مشو لي الوزير ياخي لازم توقف الماسي ده سوقنا وقف خلاص ديل الشوعية و العطاله الفي اروبا بيقو يشحنو يرسلو الماسي ما تخلوهم يشتغلو حاربوهم خلونا نحن نشتغل. دي بلدنا قرارات بتطلع كده نتحدي اشطر مهندس اليجي يعيب لينا الماسي ده .
دي التركترات النحنا من ما قمنا بنعرفه و التركترات الكانت بتخدم و بتشتغل و التركترات الكانت بتنتج .
ابواتنا و اجدادنا ياها البعرفوها التركترات السهل الممتنع زي (غني الحقيبة بس)
تركترات ما عندها مشاكل بدون بطارية لزه تدور الحديد القوي المتين بسموها الخواجه دقس او لمن الخواجه كان مخلص هسا الخواجات برضو بقو يكلفتو زي الصينين
اسبيراته ماليه السوق و رخيصة في اي محل تلقاها
المكنيكيه بعرفوها حتي ابواتنا و اجدادنا بعرفو يصلحوها (المكنيكيه ما معقده مكنات عادية ما كهرباء)
بالله عليكم تركترات زي دي تمنعو تخلوها تخش البلد ليه؟ و بلدنا بلد زراعي محتاج ليها والله زي الزول محتاج ليهو لي قزازة دم و تمنعو منها .
عليكم الله منو البطلع القرارات المجحفة الظالمة دي ؟ عشان ناس معينه و تجار معينين يجيبو تركترات من بلا روسيا و لبنان و تركيا و تركترات حتي لو جديده عباره عن (خرده) و تركترات غالية و معقده كهرباء و كلام فارغ و ما بتحمل الضغط و الدرش.
عشان التجار (الحكومة) ديل سوقهم وقف لمن الناس الفي اروبا بقت تشحن تركترات الماسي القديمة الجيدة الممتازة .
عليكم الله ده كلام معقولة البلد تطلع قوانين ضد مصلحة البلد و ضد مصلحة المزارع و ضد مصلحة الناس البقت في اروبا تشتغل وترسل التركترات دي .ديل ناس بينغعو روحوهم و بلدهم و بيساعدو اهلهم في السودان بيرسلو المصاريف و بيدفعو ليك كمان جمااااااارك .
والله لو القلم عندي ادخله مجاني جمارك صفر و اعمل دعاية في التلفيزون اناشد الناس تدخل التركترات دي لاننا في حوجة ليها و بلدنا حدادي مدادي تستوعب الماسي الفي العالم ده كلو.
دي تركترات البلد محتاجه ليها و نحن بلد زراعي خلونا من الدهب و البترول زراعه بس تكفينا و تغنينا و من فارقنا مشروع الجزيرة و اهملنا الزراعة تاني ما شمينا عافية. .
الله يفك حظرك يا الماسي ليك صولات و جولات في تراب ارضنا و مزارعنا و مشارعنا و ايام الخريف دي كانت ايامك يا الفحل .
الماسي فرجيسون نجح في بلدنا لا بديل لي الماسي الا الماسي
ملاحظة حتي التركترات دي ما مسيبه زحمه في الشوارع هي اساسا بتكون في مناطق الانتاج و المشاريع و الخلا حتي الفي المدينه مع الفجرية بيطلع الشغل (بكور المزارعين)
ايلا كان ذكي في بورتسودان عمل ليها ترلات و اشتغلت في الوساخه نجحت نجاح شديد كانت سبب في نظافة مدينة بورتسودان.
الماسي فريجسون تركتر سبق زمنو زي بيله البرازيلي زمان في الكوره لمن سبق زمنو.
بنحبك يا الماسي حتي لو لونك الاحمر المريخابي
الاحمر لون الدم و الشهدا و التحية لي كل هلالابي
الله في عونك يا بلد الناس الماسكه القلم همها جيوبه و الطفيلية الراسمالية الظهرت دي مافي وطنية والله لي الاسف

بنفس الطريقه انا باحلم تتطور سودانير لتلحق الإثيوبية و سكه جديدنا لتلحق البريطانيه و مينا بورسودان ليلحق بميناء جبل علي
هل الحلم حرام كل المشاريع أولها حلم
كلك

( عالوا نبني (الحُلُم السوداني) الكَبير من مجموع ما نَحلم به في كُلِّ مجالٍ أو مرفقٍ في بلادنا.) يا اخوي احلامنا كلها كوابيس

طالما امثال البشير زومرته الفاشية على سدة الحكم فلن يتطور السودان قيد نملة
البشير بدل يعيد بناء هذا المستشفى او غيره اي في ولاية محتاجة له راح فتح واقام مستشفى بكل معداته هدية للصومال ومن دم المواطن المسكين :

وذلك ينافي القران والسنة هل كان لا يعلم ذلك حاكمنا الرشيد؟

المؤتمر (الوطني) ينفّذ هذه الايام مبناً ضخماً مستفزاً بملايين الدولارات ، كما فعل جهاز الامن (الوطني) من قبل و كذلك القيادة العامة وبنك السودان .
بينما المستشفيات العامة والقطاعات الحيوية التي تخدم المواطن آيلة للسقوط على رأس المرضى والمراجعين من العامة دون اي صيانة او دعم او إضافات منذ الخمسينات !!

الغريب شنو يا باشمهندس .. يا هو ده سودان (الألغاز) الذي تعرفه ونعرفه !!!!
لا تحلم بسودان آخر في وجود (المخرّبين) .

يا استاذ ممكن نعم لاننا في مستشفي الخرطوم تم نقل كلي لامير سعودي محول من لبنان عام 1978علي ما ظن لاننا البلد الاوحد يمها في العالم العربي وافريقيا والشرق الاوسط الذي به هذه الجراحة والسؤال لماذا لانستمر في الترقي انه سؤال بدون اجابة معلقة في رقبة الساسة لان اي الساسة عندنا يتدخلون في شئ يعرفون او لا يعرفون وغصبا السودان ضحية الايدولوجيات والعنتريات حتي الان ليست لدينا استراتيجية واحده نعم الحلم ممكن يبقي واقع لكن الواقعين فوقنا ديل يقوموا بتين !!!

تحية تقدير واجلال لاطباء وطبيبات السودان و كل العاملين في الفريق الطبي بهذا الانجاز بالرغم من الظروف وبيئة العمل السيئة

الله يفك حظرك يا الماسي فرجيسون

سبحانه الله ما لاقيت بلد زي بلدنا دي (السوداااااان) بلد كل يوم بتطلع في قرارات و قوانيين بس ضد الوطن و المواطن المسكين الغلبان .
ياخي ليه نحن كده و بنعمل كده و عشاااان شنو ليه الناس المسؤلة تطلع قرارات مجحفة و ظالمة كده اولا في حق الوطن ثم ثانيا في حق المواطن الزيتو طلع قال الروب عديل.
بدل تطلع قرارات ولا لوائح ولا قوانين نكون فيها مصلحة البلد و المواطن المسكين تطلع قرارات ضد البلد و قرارات يستفيدو منها ناس معينة او شريحة من التجار المحسوبين علي الحكومة ( الراسمالية الطفيلية).
من القرارات دي منع دخول تركترات الماسي فريجيسون الموديلات القديمة ١٦٥ و ١٦٨ و ١٧٨ و ١٨٥ و ١٨٨ و ٢٩٠ و ٥٩٠ الخ.
في الاول الجمارك كانت زي ٣ الف جنيه زادوها لي ١٤ الف جنيه برضو الناس بتدخل تاني زادوها لي ١٨ الف جنيه برضو الناس دخلتو كلو مرة يرفعو جماركو عشان الناس تقيف برضو ما نفع في النهاية قرااااااااار عديل بي المنع.
طبعا تجار الغفلة ديل لمن سوقهم وقف بيكونو مشو لي الوزير ياخي لازم توقف الماسي ده سوقنا وقف خلاص ديل الشوعية و العطاله الفي اروبا بيقو يشحنو يرسلو الماسي ما تخلوهم يشتغلو حاربوهم خلونا نحن نشتغل. دي بلدنا قرارات بتطلع كده نتحدي اشطر مهندس اليجي يعيب لينا الماسي ده .
دي التركترات النحنا من ما قمنا بنعرفه و التركترات الكانت بتخدم و بتشتغل و التركترات الكانت بتنتج .
ابواتنا و اجدادنا ياها البعرفوها التركترات السهل الممتنع زي (غني الحقيبة بس)
تركترات ما عندها مشاكل بدون بطارية لزه تدور الحديد القوي المتين بسموها الخواجه دقس او لمن الخواجه كان مخلص هسا الخواجات برضو بقو يكلفتو زي الصينين
اسبيراته ماليه السوق و رخيصة في اي محل تلقاها
المكنيكيه بعرفوها حتي ابواتنا و اجدادنا بعرفو يصلحوها (المكنيكيه ما معقده مكنات عادية ما كهرباء)
بالله عليكم تركترات زي دي تمنعو تخلوها تخش البلد ليه؟ و بلدنا بلد زراعي محتاج ليها والله زي الزول محتاج ليهو لي قزازة دم و تمنعو منها .
عليكم الله منو البطلع القرارات المجحفة الظالمة دي ؟ عشان ناس معينه و تجار معينين يجيبو تركترات من بلا روسيا و لبنان و تركيا و تركترات حتي لو جديده عباره عن (خرده) و تركترات غالية و معقده كهرباء و كلام فارغ و ما بتحمل الضغط و الدرش.
عشان التجار (الحكومة) ديل سوقهم وقف لمن الناس الفي اروبا بقت تشحن تركترات الماسي القديمة الجيدة الممتازة .
عليكم الله ده كلام معقولة البلد تطلع قوانين ضد مصلحة البلد و ضد مصلحة المزارع و ضد مصلحة الناس البقت في اروبا تشتغل وترسل التركترات دي .ديل ناس بينغعو روحوهم و بلدهم و بيساعدو اهلهم في السودان بيرسلو المصاريف و بيدفعو ليك كمان جمااااااارك .
والله لو القلم عندي ادخله مجاني جمارك صفر و اعمل دعاية في التلفيزون اناشد الناس تدخل التركترات دي لاننا في حوجة ليها و بلدنا حدادي مدادي تستوعب الماسي الفي العالم ده كلو.
دي تركترات البلد محتاجه ليها و نحن بلد زراعي خلونا من الدهب و البترول زراعه بس تكفينا و تغنينا و من فارقنا مشروع الجزيرة و اهملنا الزراعة تاني ما شمينا عافية. .
الله يفك حظرك يا الماسي ليك صولات و جولات في تراب ارضنا و مزارعنا و مشارعنا و ايام الخريف دي كانت ايامك يا الفحل .
الماسي فرجيسون نجح في بلدنا لا بديل لي الماسي الا الماسي
ملاحظة حتي التركترات دي ما مسيبه زحمه في الشوارع هي اساسا بتكون في مناطق الانتاج و المشاريع و الخلا حتي الفي المدينه مع الفجرية بيطلع الشغل (بكور المزارعين)
ايلا كان ذكي في بورتسودان عمل ليها ترلات و اشتغلت في الوساخه نجحت نجاح شديد كانت سبب في نظافة مدينة بورتسودان.
الماسي فريجسون تركتر سبق زمنو زي بيله البرازيلي زمان في الكوره لمن سبق زمنو.
بنحبك يا الماسي حتي لو لونك الاحمر المريخابي
الاحمر لون الدم و الشهدا و التحية لي كل هلالابي
الله في عونك يا بلد الناس الماسكه القلم همها جيوبه و الطفيلية الراسمالية الظهرت دي مافي وطنية والله لي الاسف

بنفس الطريقه انا باحلم تتطور سودانير لتلحق الإثيوبية و سكه جديدنا لتلحق البريطانيه و مينا بورسودان ليلحق بميناء جبل علي
هل الحلم حرام كل المشاريع أولها حلم
كلك

( عالوا نبني (الحُلُم السوداني) الكَبير من مجموع ما نَحلم به في كُلِّ مجالٍ أو مرفقٍ في بلادنا.) يا اخوي احلامنا كلها كوابيس

طالما امثال البشير زومرته الفاشية على سدة الحكم فلن يتطور السودان قيد نملة
البشير بدل يعيد بناء هذا المستشفى او غيره اي في ولاية محتاجة له راح فتح واقام مستشفى بكل معداته هدية للصومال ومن دم المواطن المسكين :

وذلك ينافي القران والسنة هل كان لا يعلم ذلك حاكمنا الرشيد؟

المؤتمر (الوطني) ينفّذ هذه الايام مبناً ضخماً مستفزاً بملايين الدولارات ، كما فعل جهاز الامن (الوطني) من قبل و كذلك القيادة العامة وبنك السودان .
بينما المستشفيات العامة والقطاعات الحيوية التي تخدم المواطن آيلة للسقوط على رأس المرضى والمراجعين من العامة دون اي صيانة او دعم او إضافات منذ الخمسينات !!

الغريب شنو يا باشمهندس .. يا هو ده سودان (الألغاز) الذي تعرفه ونعرفه !!!!
لا تحلم بسودان آخر في وجود (المخرّبين) .

يا استاذ ممكن نعم لاننا في مستشفي الخرطوم تم نقل كلي لامير سعودي محول من لبنان عام 1978علي ما ظن لاننا البلد الاوحد يمها في العالم العربي وافريقيا والشرق الاوسط الذي به هذه الجراحة والسؤال لماذا لانستمر في الترقي انه سؤال بدون اجابة معلقة في رقبة الساسة لان اي الساسة عندنا يتدخلون في شئ يعرفون او لا يعرفون وغصبا السودان ضحية الايدولوجيات والعنتريات حتي الان ليست لدينا استراتيجية واحده نعم الحلم ممكن يبقي واقع لكن الواقعين فوقنا ديل يقوموا بتين !!!

تحية تقدير واجلال لاطباء وطبيبات السودان و كل العاملين في الفريق الطبي بهذا الانجاز بالرغم من الظروف وبيئة العمل السيئة