هل من علامات الساعة: السودان يستورد الكهرباء والابقار من اثيوبيا?!!
بكري الصائغ
[email][email protected][/email]
1-
خبر كارثة!!
***- خبر كارثة بحق وحقيق ذلك الذي بثه موقع ” الراكوبة” الموقر صباح اليوم الأربعاء 12 ديسمبر الحالي، وجاء تحت عنوان:( إثيوبيا تبدأ تصدير الكهرباء للسودان تجريبياً)، ويفيد الخبر المحبط بان إثيوبيا قد بدأت التصدير التجريبي للطاقة الكهربائية إلى السودان عبر خط للطاقة يمتد بين البلدين لمسافة 296 كيلومتراً. ومخطئ من ظن انه خبر السرور والحبور، فحتي وقت قريب في هذا العام كانت تصريحات كبار المسؤوليين في حكومة الخرطوم تأكد ان عام 2013 سيكون عام وداع السودان نهائيآ لانقاطاعات الكهرباء من سد مروي، وسيدخل النور ويشع الضوء نحو 1000 قرية وبمناطق اصلآ ماسمعت بالكهرباء!!…سمعنا كلام وبيانات كثيرة صدرت من (امارة!!) اسامة عبدالله مرارآ وتكرارآ ومرارآ وبالصوت والصورة واللقطات التلفزيونية (بالالوان!!) تقول ان اضخم انجاز معماري عرفه السودان في تاريخه القديم والجديد (سد مروي) سيمد السودان بالطاقة التي حرمنا منها طويلآ!!
***- مامر يوم الا وكانت الصحف المحلية قد نشرت موضوعآ او موضوعيين عن كهربة اسامة!!، وماجاء خبرآ بالتلفزيون الا وشاهدنا لقطات من السد وحركة العمل فيه، وظهورلقطات العمال الصينيين والسودانيين بخوذاتهم الملونة وهم منهمكون في البناء والتشييد!!
***- ومنعآ للاقاويل والشائعات، قامت الحكومة بمنع الصحفيين من نشر او بث اي اخبار سلبية او محبطة عن سير العمل في السد، ومنع الحزب الحاكم بشدة الادلاء باي تصريحات ايجابية كانت او سلبية عن سد كجبار، وان الجهة الوحيدة المخولة لها الادلاء بتصريحات هو مكتب الامبرطور اسامة بن عبدالله، وكل مانشر سابقآ بالصحف او بث من عبر المحطة الفضائية كان بعد موافقة الامبرطور المقرب جدآ من الرئيس!!
2-
***- كنا نتوقع ونحن علي اعتاب الذكري ال 57 عامآ علي الاستقلال، وان يقوم البشير وفي خطابه الرسمي بهذه المناسبة في يوم 31 ديسمبر الحالي، وان يبشر المواطنيين في كل البقاع بان انتهاء العمل في سد مروي قد انتهي تمامآ، وان الكهرباء بدء من اول يناير الجديد ستدخل البيوت والمصانع وتدير الورش والمحالج، وان السودان لن يعرف بعد اليوم اي انقطاعات للكهرباء في اي مكان!!
3-
***- وجاء خبر الكارثة والسودان يستعد للاحتفال بذكري استقلاله وينتظر مفاجأة البشير، ولكن ولان الانقاذ من طبيعته ان يصدم المواطنيين كالعادة وكلما جاءت مناسبة وطنية او دينية، فلم يكن غريبآ علي الاطلاق وان ياتي خبر (شحتة) الكهرباء من اثيوبيا وتحديدآ والبلاد علي اعتاب ذكري المناسبة الكبيرة!!
4-
خبر موقع (الراكوبة) عن تصدير الكهرباء للسودان تجريبياً من اثيوبيا لم يتضمن اي تفاصيل عن هذا التصدير!!،
***- ولاعن الاتفاقية التي ابرمت بين البلدين!!،
***- ولاعن ماهي الشروط والبنود الموجودة في العقد?!!،
***- وماذا عن كهربة سد اسامة عبدالله?!!،
***- ولاطالعنا بالخبر، هل استيراد الكهرباء من اثيوبيا يعني فشل سد كجبار في مد السودان بالكهرباء?!!،
***- ولماذا لم نقرأ او سمعنا بان المجلس الوطني قد ناقش عقد الاستيراد?!!،
***- سمعنا وقرأنا من قبل، مئات التصريحات من كبار المسؤوليين والوزراء في الحكومات السابقة، انه قد الاتفاق مع الحكومة المصرية علي مد خطوط الكهرباء من خزان السد العالي للسودان، وان القرار سينزل لحيز التنفيذ قريبآ، فهل كانت هذه التصريحات للاستهلاك المحلي واضافة انجازات هلامية للانقاذ?!!،
5-
***- كنت اتوقع وان يكون بث خبر (الراكوبة) مقلوبآ، بمعني ان يكون عنوان الخبر هو:( السودان يبدأ تصدير الكهرباء لاثيوبيا تجريبآ)، فالسودان هو صاحب خزانات كهربائية، ولكن يبدو اننا في عصر انقادي كل شئ يسير فيه بالمشقلب!!)،
6-
***- وواحدة من غرائب (انجازات!!) الانقاذ، انه يقوم باستيراد الابقار!!
***- ( تصوروا!!نحنا اسياد الشئ ذاته، وعندنا اكبر ثروة حيوانية في افريقيا حتي وبعد انفصال الجنوب، ونقوم بتصدير ملايين من الاغنام والخراف للسعودية ودول الخليج، ويتبرع عمر البشير ب5 ألف بقرة لرئيس الوزراء المصري الذي جاء للخرطوم ليحذر البشير من مغبة اللعب بتصدير اسلحة وذخائر مصر، وتبرع ايضآ ب20 ألف خروف ضحية للشعب المصري وصرح وقتها انها “كرامة” لانتهاء وزوال حكم مبارك!!…نقوم ونستورد ابقار من اثيوبيا!!، وليت امر كان سرآ لم يعلم به احدآ الا من هم بالسلطة، ولكنه بث ونشر جهارآ نهارآ بالصحف المحلية وباقي الاجهزة الاعلامية المسيسة!!
طالعوا خبر فضيحة الابقار بالروابط ادناه:
**************************
1-
إستيراد (700) رأس من الأبقار يوميا من أثيوبيا!!
[url]http://www.alrakoba.net/news-action-show-id-31891.htm[/url]
2-
في زمان انقاذ ( ود أب زهانة) :
السودان يستورد الأبقار من اثيوبيا !!
[url]http://www.hurriyatsudan.com/?p=30214[/url]
3-
البرلمان: استيراد الأبقار من إثيوبيا أمر «مخجل»!!
[url]http://www.alnilin.com/news-action-show-id-36964.htm[/url] ————————–
***- وصف البرلمان استيراد الأبقار من إثيوبيا بالأمر المخجل مسميًا إياها بـ«الكرور»!!
4-
ماذا ابقت لنا اثيوبيا من ميزة تفضيلية نباهي بها الامم?..!
[url]http://www.alsuki.com/vb/archive/index.php/t-7412.html[/url]
5-
وهاكم خبر الفاجعة!!
**************
الرد..الرد..كباري وسد..إثيوبيا تزود السودان بالطاقة الكهربائية..مليون وخمسمائة الف دولار شهريا لأثيوبيا.
[url]http://www.alrakoba.net/news-action-show-id-45313.htm[/url]
6-
***- نستورد كهرباء من اثيوبيا،
***- ونستورد منها ايضآ الابقار،
***- ونستورد من الصين (جلاليب ) مع اننا اصحاب القطن!!،
***- ونستورد من الصين وتايوان الاحذية والمراكيب، رغم وجود مدابغ الجلود،
***- ونستورد من السعودية ودولة الامارات مياة الشرب معبأة في باقات وزجاجات بلاستيكية!!
***- وامتلأت الاسواق بالخضر والفواكة المصرية!!
***- ونستورد العمالة الأجنبية، ونطرد الكوادر الوطنية!!
***- ونبيع “سودانير اير”، ونسافر بالخطوط الاجنبية!!
***- ونستورد طائرات حربية “خردة”..ونشتري دبابات قديمة.. وتصدر اسلحة وذخائر (صناعة مصنع اليرموك) لغزة ومصر!!
***- وتتبرع الانقاذ بالمعونات الغذائية والادوية للصومال وباكستان، وتفرض حصار علي الجوعي والمهمشيين في ولاية النيل الازرق وكردفان!!
7-
وبالطبع هناك ماخفي واعظم مما ورد اعلاه!!
إقتباس
مامر يوم الا وكانت الصحف المحلية قد نشرت موضوعآ او موضوعيين عن كهربة اسامة!!، وماجاء خبرآ بالتلفزيون الا وشاهدنا لقطات من السد وحركة العمل فيه، وظهورلقطات العمال الصينيين والسودانيين بخوذاتهم الملونة وهم منهمكون في البناء والتشييد!!
—————–
وأزيدك في الشعر بيتا والكثير من السودانيين شاهدنا لهم في الشبكة العنكبوتية ومواقع التواصل الإجتماعي صورا تذكارية لهم (ومن خلفهم سداً مروياً) بعضهم أطلق عليه سد القرن.
يا عمنا الصايغ كمان احتفلوا قبل ايام بانتهاء تعلية خزان الرصيرص والذي كلف الملايين من العملات الصعبه ( جدا ) ……… كسره : يا يكون ربي علو لي شنووووووووووووووووووووووووو
عمر البقرة يهدي مصر آلاف الأبقار والخراف وفقراء السودان يحلمون بالطماطم والدكوة!!!
السودان سلة غذاء العالم يستورد البقر والطماطم من الحبشة!!!!
السودان يبني سدا يثقل كاهله بالديون لحل مشكلة الكهرباء ولا يلبث أن يشحت كهربة من الحبشة!!!!!
السودان أكثر من 30 مليون نسمة ويستورد العمالة من بنغلاديش والحبشة!!!!!!
السودان يمتلك الأراضي الخصبة وعشرات الملايين من الثروة الحيوانية ولا زال فيه من يشتهي الكمونية والسخينة وموية الفول والدكوة!!!!!!!
أستاذ الصائغ ، معقول القيامة لا أسه ما قامت !!!!!!!!
First of all, importing electricity from Ethiopia would not be a catastrophic issue if Sudan did not invest such great deal of money and resources in same projects ?dams? as main objective and resources of electricity.
Ethiopia has competitive and comparative advantages such as water resources, cheap labors and land inclinations over Sudan. It can be acceptable to import electricity from Ethiopia, however it is not acceptable to spend all this money for the same purposes in Sudan and fell.
The international trade theories say that Sudan should focus in the industries that have cooperative and comparative advantages. What and where Sudan is good at!!!! Answer ?Corruptions? and mismanagements.
Sustainable developments and sustainability are simply defined as developments that do not compromise the future of the next generations, and continuity?.
In the traditional visibilities studies many issues are considered. The very simple lose, profit, politics and demographics and other traditional objectives and issues ?will that project make us better off in a sustainable development standards)? have not been realized and accomplished. There are also new global issues atmospherics? such as ?waste, carbon dioxide emission ?Global warm?, and ozone layer depletion, and finally the so called ?Corporate Responsibilities?.
What that ?dam? did to the people in that area!?!!
There is an indusial check list for such projects. It seems the Sudanese regime has built
?a slum dam?.
Second is the livestock, It is actually not harmful to import or even build projects of livestock in Ethiopia. The first period of farm animals is important and expensive, in other words let the animal grow in Ethiopia, eat richer grass in peace as ?we are busy using our land to fight each others and kill students?, then bring the grown up strong cattle, sheep and big and stamp proudly SUDAN on its hip and export it.
One more example is Turn you Nokia telephone and open it, it is made in Finland, battery in Hungary and the card is from China.
Again for the same comparative and comparative advantages can justify the import of this livestock, but again suitability is important, such as carful studies of such projects.
يا ود الصايغ
ما جننتنا !!!!!!!
والله يا بكري ود الصايغ أصبحنا لا نفهم حاجة
هل هذه أخبار السودان أم الصومال أم اصوان أم السلطان أم السرطان ؟؟؟
كيف نصدق الواقع ؟؟؟؟؟
هل تستورد جمهورية السودان الديموقراطية ( الوطنية ) الآتي :
اللحم
الفحم
السكر
اللبن
الموية
الخضار
الفواكه
الصلصة
العدس
أم دقوقة
ونأكل مما يزرع غيرنا كدرا وطينا !!!!
حسبنا الله ونعم الوكيل ونقول بصوت عالي : يحيي العدل
يا أستاذ بكرى
إنها حقاً علامات الساعة..بلد حدادى مدادى..فيه 4 خزانات والسد أب قد.يستورد الكهرباء
ونحن نستورد من أثيوبيا الأبقار والأبقار..
والزيارة لسد مروى كانت مجاناً بالبص السياحى عشان تشوفو الانجاز التاريخى الضخم العملتو الحكومة.والرد الرد كبارى وسد؟؟؟؟؟؟؟؟؟؟؟.ده كلو كان أضغاث أحلام؟.أخخخخخخخخخخ.
بصراحة المؤتمر الوطني لو عندهم ذرة وطنية كان من المفترض ينسحبوا ويستقيلوا من حكم السودان ويشكلوا حكومة انتقالية ويسلموا الحكم للشعب ، دا هو الطريق الوحيد الصحيح ، يعني المؤتمر الوطني فشل في جميع المجالات ، العملة السودانية حالياً في انهيار حاد والاقتصاد منهار وحينهار زيادة اطراف السودان كلها ملتهبة سواء كان دارفور ولا جبال النوبة ولا غيرو حتى في الخرطوم الناس ملّت من الكذب والنفاق والطلاب ملوا والنساء مضطهدين ، الباقي شنو
الأمانة الحقيقية هي انو اي انسان يفشل لازم يكون شجاع وينسحب لأن الحكم أمانة ووطنية ومسؤولية وتكليف
عزيزي الصائغ تحية طيبة …
علامات الساعة في السودان ظهرت وبانت منذ العام 1989 ..فضل تقوم عليهم القيامة.. قول يامهون وكل أول ليه أخر يا الصائغ وقريباً بإذن الله..المهم الناس تعمل بهمة في الداخل والخارج..والتحية للطلاب الشرفاء وأصحاب الأقلام الشريفة وكل المناضلين ..والدمار والعار لإخوان الشيطان والأحزاب الطائفية ممثلة في الصادق المهدي ومحمد عثمان الميرغني ..و هم سبب بلاوي السودان منذ العام 1956 ..المفروض القضاء علي هؤلاء الأوغاد المرتزقة ..حالاً بعد سقوط النظام وبدون رحمة أوشفقة..وله
السودان حيكون ذي مابيقول المثل ساقية جحا تشيل من البحر وتودي البحر..
–
أخـوي الحـبوب،
ابوشـنب،
(أ)-
—-
لك مني السلام الحاروالتحايا الطيبة،وألف شكرعلي الزيارة المفرحة ،وسعدت بتعقيبك علي تعليق اخونا زاهـي وقلت:
(علوه عشان يلبدو تحتو من الصواريخ الاسرائيلية)!!، ونسيت في المقالة اعلاه ان اضيف انه وواحده من انجازات الانقاذ الكبيرة والتي نشرتها الصحف باهتمام شديد وعلي صدر صفحاتها الاولي خبر امساك إن السلطات الامنية بسرب من النسور، تتجسس لصالح الاستخبارات الإسرائيلية، في مهمة استطلاع سرية!!،
***- شفت كيف الانجاز ده كيف ياابوشنب?!!..يمسكوا الصقور ويسيبوا الطيارات!!،يشوفوا الطيور الصغيرة ويعموا عن رؤية اربعة طائرات اسرائيلية حامت داخل الفضاء السوداني لمدة ساعتين ومافي زول جاب خبرها!!،
ونسأل بسخرية شديدة:
***- هل التقطت الرادارات السودانية دخول الصقور الاسرائيلية?!!..
***- هل طاردها سلاح الطيران حتي وقعت في الشباك?!!..
***- من امسك بالصقور، خبراء من وزارة الثروة الحيوانية..من قبل القوات المسلحة..جهاز الأمن..الدفاع الشعبي?!!..
***- واين هذه الصقور الان ونحن لانملك حديقة حيوانات: هل تم توزيعها كغنائم حرب علي كبار قادة الحزب?!!..
***- هل سيقوم البشير بتسليم الصقور لايران?!!
***- هل ستتعرض هذه الصقور للتعذيب الشديد حتي تموت من فرط الضرب المبرح ويتم القاءها في ترعة بولاية الجزيرة…وبعدها يصدر قرار من الطبيب الشرعي بانها (الصقور) قد ماتت غرقآ?!!
(ب)-
—–
وهاك ياحبوب رابـط خبرجديد بثه بالامس موقع “الراكوبة” الموقر:
خبير اسرائيلي:
ما الفائدة من وضع كاميرا على نسر لا يمكنك التحكم به؟
إنه ليس طائرة بدون طيار يمكن التحكم بها.. ما هي الفائدة من تصوير نسر يأكل جثة جمل نافق؟
**************************
http://www.alrakoba.net/news-action-show-id-80404.htm
(ج)-
***-واخيرآ!! الانقاذ ترد (الصاع صاعين) لاسرائيل وتستولي منها علي معدات حربية!!
2-
أخـوي الحـبوب،
Zahi- زاهـي،
(أ)-
—–
التحية الطيبة الممزوجة بالفرحة علي قدومك الميمون، وسعدت بالزيارة الكريمة… واما عن سؤالك المقدر وسألت:( كمان احتفلوا قبل ايام بانتهاء تعلية خزان الرصيرص والذي كلف الملايين من العملات الصعبه ( جدا ) . كسره : يا يكون ربي علو لي شنووو?، فافيدك بان اخونا ابوشنب قد اجاب علي السؤال وقال: علوه عشان يلبدو تحتو من الصواريخ الاسرائيلية!!
(ب)-
***- تعرف ياأخي زاهي حاقول شئ يمكن ماحتصدقه!!، من سنوات الخمسينيات وحكم الراحل اسماعيل وخزان الرصيرص بعلو فيه!!، وانا شاهد عيان علي اخبار التعليات في ذلك الوقت!!..والله والله ياأخي زاهي، الخزان ده بعلو فيه طوال 56 سنة وليوم الليلة مااتعلا!!، وليه يتعلأ مادام واحدة من مصادر (اللغف!!)?!!، الانجليز بنوه في ثلاثة سنوات بواسطة العمال المصريين المهرة، ونحنا اكتر من نصف قرن وماقادرين نعليهو…وبصراحة، اصلآ مافي تعلية ولا يحزنون، دي مجرد تصريحات تتكرر كل عام بلا توقف، والغريب انو اصلآ مافي سوداني واحد ودقق في حكاية التعليات دي من سنة الاستقلال ليوم الليلة!!
إثيوبيا بها حوالي 10 خزانات لأنتاج الكهرباء وتبني الآن في سد الألفية الذي سينتج ما يعادل 5 مرات ما ينتجه سد مروي ومرتين ما ينتجه السد العالي ؟؟؟ وهنالك اتفاقية مع إثيوبيا لتصدير الكهربا لعدد 5 دول أفريقية من ضمنها السودان ودولة جنوب السودان ؟؟؟ أثيوبيا تمنع البنوك الأجنبية وتحارب السوق السوداء في العملات الصعبة والتعامل فقط عن طريق البنوك الوطنية لأنها تحتاج بشدة لهذه العملات لصرفها في التنمية ؟؟؟أثيوبيا لها قانون إستثمار واضح لمصلحة الطرفين ولا مجال لأعاقته من قبل المرتشين ولذلك جذبت مستثمريين جادين حتي من السودان نفسه حيث الفساد الذي يعيق أي مستثنمر محلي أو أجنبي ؟؟؟ اثيوبيا تعاقدت مع المانيا لتحويل 70% من جامعاتها الي معاهد تكنولوجية لأنهاتحتاج الي متعلمين منتجين وليس حملة شهادات مزيفة حاملها لا يفقه أبجديات تخصصه ؟؟؟ شركة طيران أثيوبيا تتطور بسرعة فائقة وهي ثاني دولة بعد اليابان تستعمل أحدث طائرة منتجة من شركة بوينق الأميريكية وهي دريملاينر 787 العملاقة وخطوطها كل يوم في إزدياد والتي وصلت الي جميع غارات العالم ؟؟؟ السودان يستورد حتي البصل من اثيوبيا ناهيك عن اللحوم؟؟؟ معرفة السودانيين عن إقتصاد ونمو أثيوبيا مغلوط لأن فقراء الريف بأثيوبيا يأتون للعمل مع أغنياء الخرطوم فيعتقد الكثيرين ان السودان متقدم علي اثيوبا ؟؟ وبمقياس أحد بيوت الخبرة العالمية إن أثيوبيا تتطور بنسبة11% والسودان بناقص 3.5-% والأدهي وأمر ان السودان يستورد عمال لكنس أوساخه ؟؟؟ هذه عبقرية حكومة الإنقاذ الكيزان اللصوص القتلة مغتصبي الرجال والإناث قاتلهم الله ؟؟؟
يا استاذ بكري انت قلبت علينا المواجع ,فقادة المؤتمر الوطني اينما توجهوا لا ياتون بخير
من خلال الانجارات نرى ان المسؤولين في اثيوبيا يسعون للحكم لخدمة شعوبهم بينما عندنا ناس قريعتي راحت من الراقصين و المايستروا بتاعهم يسعون للحكم حتى تكون الارض و الشعب في خدمتهم.
الاثيوبيون بعملون بصمت و منافقي الانقاذ يقولون ما لا يفعلون.
يكفي فقط ان نرى حجم القوات الاجنبية الموجودة في البلاد لنعرف مدى الفشل.
لقد جظيت حكومة الانقاذ بتاييد و فرص لو حازتها الحكومة الصومالية لاصبحت الصومال قطبا اقليميا و لكن وا اسفاه
الاخ بكرى هدا الاستيراد للابقار القصد منه تركيز الاسعار
يعنى بعد كدا نشتغل تركيز وناكل مما نركز
وكمان نستورد دولارات وريالات وكل عملات قطبى المهدى لكى نركز سعر الهالك الجنيه السودانى والدى لو لم يات هؤلاء لوصل العشرون جنيها وبحساباتهم فقط يساوى 6.7 يعنى لسع عندهم فسحة ولاتنسى الثلاث اصفار التى سحبت كما سحبت سلطة الشعب بليل
اما الكهرباء الاكدوبة فاصغر مدينة فى السعودبة تزيد كهربتها عن الفين ميغاواط يعنى ضعف سد مروى
واهلنا قالو السواى ماحداث ولكن هؤلاء الارادل ليس لهم صناعة الا كثرة الكلام المحشو كدبا وافكا
3-
أخـوي الحـبوب،
Fax- فاكـس،
تحية الود، والاعزاز بقدومك البهئ، ونورت المكان بزيارتك ياأمير، وألف شكر علي مساهمتك الكريمة، ومواصلة لكلامك افيدك بهذه المعلومات التاريخية:
1-
***- في بداية سنوات الستينيات ظهرت اولي بوادر الانتفاضة المسلحة من بعض الفصائل الاريترية ضد نظام الامبرطور هيلاسي، وكانت السلطات الأمنية الاثيوبية تعامل من يعتقل او حتي مجرد اشتباه بانه من المعارضين اسوأ معاملة ويندر ان يخرج احدآ من معتقله حيآ، كانت السلطات الأمنية تطبق في ذلك الوقت سياسة (اكسح، اكنس، قش، ماعاوزين اسري وماعندنا لهم اماكن!!)، وهي السياسة التي اقتبستها نظام البشير ويعمل بها الأن، ولماذا زادت الاعتقالات بلا تهم ،والاغتيالات المبرجة وتتم بلا مسألة او حساب فروا السكان من هناك للسودان، وامتلأت بهم كسلا وبورتسودان، ومنهم وبعد دخولهم للسودان بدأت تتكشف الحقائق وعرف العالم مايجري من انتهاكات وتصفيات دموية،
***- اليوم انقلبت الآية، واصبحنا نحن السودانيون ونفر ونهرب لاثيوبيآ ونحتمي بها من شر مايجري في السودان من ذل، واضطهاد، وسياسات عنصرية بغيضة،
***- اليوم انقلبت الآية واصبح حالنا كحال الاريتريين في سنوات الستينيات، وتفيد اخر احصائية (غير رسمية) ان عدد السودانيين الذين يعيشون الأن في اثيوبيا وارتيريا قد فاق ال 750 ألف سوداني!!، وان بعضهم قد استغني عن جنسيته السودانية واستبدلوها بالاثيوبية والارتيرية، وان بعض السودانيين المغتربيين في السعودية ودول الخليج قد راحوا ويستثمرون اموالهم في هاتين الدولتين بعد ان وجدوا تسهيلات كبيرة في شراء الاراضي السكنية، فانتعشت الدولتيين كثيرآ بالمليارات التي دخلت لارتيريا واثيوبيا!!
***- قال لي احدآ من اقاربي ويعيش باديس ابابا، ان معاملة السلطات الاثيوبية للسودانيين (ايآ كان وضعه الاقتصادي) في منتهي الاحترام والرقي..ولا تعامله معاملة الاجنبي اطلاقآ،، ويندر ان تقوم السلطات الامنية باعتقال سوداني بلا تهم محددة،
***- عكس الحال تمامآ في السودان، حيث اوضاع الاثيوبيين في غاية الردأة وتتم معاملتهم كفائض عمالة غير مرغوب فيها، ويحرمون من ابسط حقوقهم الانسانية، كحق العمل مثلآ…حتي وان مهنة بيع الشاي والفطير!!
***- ويكمل صديقي كلامه فيقول:
( رغم ان اثيوبيآ تحتل مكانة اخيرة في قائمة افقر دول العالم وتعاني بعض مناطقها من جوع وتخلف، الا انها حالآ من السودان الواقع تحت حكم البشير الذي عنده المليارات من عائدات النفط، والذهب، والثروة الحيوانية…واكبر دليل علي ذلك انها تصدر الكهرباء والابقار للسودان ، وتحرس ابيي!!
4-
أخـوي الحـبوب،
المشتهي الكمونية،
تحياتي الطيبة العبقة المعطرة لشخصك الكريم،
( وطبعآ لازم تشتهي الكمونية مادام ابقارنا وخرفانا بقت تمشي هدايا للمصريين وتتصدر للخارج، ونستورد ابقار من اثيوبيا وتدخل زرائب وحظائر كبار رجالات الحزب ويتمتعوا براهم باكل المشويات والكستليتات والكمونيات..وانت والمساكين ليكم الله واكل البوش ( لمن استطاع اليه سبيلا!!)،
***- واختلف معاك جملة وتفصيلا ياأخوي مشتهي الكمونية في فقرة من تعليقك وقلت:
(السودان يمتلك الأراضي الخصبة وعشرات الملايين من الثروة الحيوانية ولا زال فيه من يشتهي الكمونية والسخينة وموية الفول والدكوة!!!!!!!)،
***- بحسب وجهة نظري السودان لايملك اطلاقآ الاراضي الخصبة، فالمعروف محليآ وعالميآ ان كل اراضي السودان قد اصبحت قبورآ تضم جثامين مئات الألآف من الذين تمت تصفيتهم جسديآ من قبل النظام، وانه من مساحة ارضية باي مكان في سودان “الجيبون” الا وكانت بها مقبرة عادية او جماعية، بل ويقال – والعهدة علي الراوي- انه ولما امتلأت الاراضي بالمقابر، اصبحت الجثث تلقي بالترع والمصارف المائية لعدم وجود اماكن لدفنها، ( ولو ما مصدقني اسأل ناس ولاية الجزيرة!!)،
***- اما عن سؤالك الاخير والذي سألت فيه:
( أستاذ الصائغ ، معقول القيامة لا أسه ما قامت !!!!!!!!)،
فاقول: ماهو ده المجنني انو لسه ماقامت!!
يا أخوان ماتظلموا الجماعه ديل لأن كهربة السد لا تكفي المشاريع الضخمة والمصانع التي تدور عجلتها ونحن نعيش في رغد وسعادة !!!!!!!! ولا أقول لك يمكن هربوها خارج السودان ( تأكدوا من ماليزيا إمكن تلقوها هناك ) ، ولا إمكن ما اتحملت الهتافات ( الرد .. السد ) وزى ما علق أحد الأخوة وقال السد أب قد .. إمكن تكون هربت من القد . أعملوا حسابكم يا ناس الشمالية سد مروي ده كبري فقط ويمكن يقع بيكم لأنه أكيد ما ثابت وحسب ما سمعنا إنه الأساس بتاعو جالوص ! أو إحتمال يكون شحنو بيها العصي الخاصة بمكافحة الشغب عشان كده كملت لأنه العصي كتيرة جدا .
5-
——
أخـوي الحـبوب،
Adam Kat – أدم كـات،
( أ)-
—–
السلام الحار الطيب لشخصك الكريـم، وألف شكر علي زيارتك المقدرة، والمحاضرة القيمة التي ساهمت بها، وكان بالفعل تعليقآ مليئآ بالمعلومات القيمة المفيدة،
(ب)-
—-
ومواصلة لتعليقك الكريـم، هاك بعض الروابط التي تحكي عن امبرطور السدود والدولة القائمة بذاتها داخل نظام الأنقاذ:
**************************************
1-
أسامة عبد الله يعترف بعجز وزارته عن حل مشكلة كهرباء نيالا…
http://www.alrakoba.net/news-action-show-id-79019.htm
2-
فوق القانون ..امبراطورية أسامة عبدالله .. وفوق رقابنا…
http://www.alrakoba.net/articles-action-show-id-25800.htm
3-
أسامة عبدالله يواصل سيطرته على
عدد من الوزارات (تفاصيل التعديل الوزاري…
http://www.sudaneseonline.com/cgi-bin/sdb/2bb.cgi?seq=msg&board=400&msg=1341761404
3-
رسالة من الحامداب للبشير السفاح و أسامة عبدالله (فيديو)…
http://www.youtube.com/watch?v=hOTszdyFjuc
4-
من هو اسامة عبدالله الذى كسر قرارات
الرئيس ورفض توسط لجنة الحكماء….؟…
http://www.sudanforum.net/showthread.php?t=140815
5-
أسامه عبد الله أقوي من علي عثمان…
http://www.sudaneseonline.com/cgi-bin/sdb/2bb.cgi?seq=msg&board=400&msg=1343658131
6-
امبراطورية اسامة عبد الله: قانون وحــدة تنفيذ السدود!!
http://www.abritabag.net/vb/showthread.php?t=6513
7-
انتصار اسامة عبد الله .. قرار جمهورى باقالة مدير الكهرباء!!
http://www.kermaonline.com/vb/showthread.php?t=13328
———————————
***- اخيرا اسدل الستار على صراع الجبابرة والذى تضرر منه المواطن المسكين بانتصار السيد اسامة عبد الله مدير وحدة السدود بالضربةالقاضية على السيد مكاوى مدير الهيئة القومية للكهرباء بقرار جمهورى صدر قبل قليل اعفى خلاله رئيس الجمهورية السيد مكاوى من منصبه…
***- هذا القرار تاكيد على استمرار الفوضى فى اجهزة الدولة برعاية تامة من رئيس الجمهورية الذى اطلق يد اسامة عبد الله وجعله بسلطات واسعة تفوق سلطات الوزراء ورغم ان الكثيرون ومنهم مسؤولون فى الدولة غير راضيين عن هذا الوضع الا ان الرئيس بنفسه يحمى السيد اسامة وكانت نتيجة هذا التضحية بالسيد مكاوى مع ان كل الدلائل تشير انه على حق لانه المسؤول الاول عن الكهرباء وفقا لسلطات منصبه والمفروض ان دور اسامة عبد الله ينتهى بانتهاء تشييد السد ولكن لك الله يا بلدى.
***- المعروف ان اسامة عبد الله انشأ شركة كهرباء خاصة بوحدته ويرفض ان تكون تحت وصاية الهيئة القومية للكهرباء او وزارة الطاقة والتعدين وهما الجهتان المسؤلتان عن هذا الجانب فى الدولة .. فالسيد اسامة عبد الله يرى انه اجتهد فى بناء السد وبالتالى لن يسمح لاية جهة حتى ولو كانت مختصة بقطف ثمرة جهده .. تخيلوا ان هذا تفكير مسؤول فى الدولة ويجد حماية من رئيس الجمهورية ولكن الامر ليس مستغربا من رئيس دولة يحمى القتلة والمغتصبين فى دارفور..
كيف يتطور وطن تديره مثل هذه العقلية ؟؟!!
***- السيد اسامة عبد الله يتحكم فى الكهرباء الصادرة من سد مروى ويريد بيعها للهيئة القومية للكهرباء على ان تقوم الهيئة القومية للكهرباء ببيعها للمواطن … يعنى دولة داخل دولة!! تخيلوا !!!!!!!
أخـوي الـحبوب،
يحيي العدل،
(أ)-
—–
تحياتي الطيبة، وسلامي الحار العطر لك ،وسعدت بالزيارة الكريمة، وانصحك ان تخلي بالك من نفسك كويس، فاسم “يحي العدل” يعرضك للمسألة والاتهام بانك مخرب اكتر من صلاح غوش ذاته!!وعمومآ كلمة “عدل” في حد ذاتها اصبحت ترهب وتخوف البشير لانها كلمة تذكره بلاهاي!!..يازول اعمل حسابك ويرموك في الترعة!!
(ب)-
أخـوي الحبوب يحي العدل، بالله عليك الله طالع الرابط ادناه وتعليقات القراء الكرام ، وبث من عبر موقع (الراكوبة) الموقر بتاريخ:11-21-2012, وجاء تحت عنوان:
( فشل مشروع سد مروى …الربوى…الماسوره)!!
http://vb.alrakoba.net/t125598.html
أخـوي الـحبوب،
الزوُل الكَان سَمِحْ،
(أ)-
—-
الزول السمح غصبآ عن عينك أهديك سلامي الحار من بلدآ اصبح البرد فيه اقسي من برد سيبيريا، وسلامي لك ده اقوي من العواصف والزوابع، وألف شكر علي الزيارة والطلة والتعليق المقدر،
(ب)-
***- وصلتني رسالة غاضبة شديد من أخ عزيز يعترض فيها علي مزج وخلط الدين بالسياسة في مقالاتي، ويعترض علي عنوان المقال، وزج علامات الساعة بالمقال!!
***- ومع خالص احترامي الشديد لأخي العزيز واقدر غضبه ولا اعترض عليه- عملآ بحرية الرأي المهذب المكفولة للجميع- فهذه العلامات غير واضحة المعالم وراحت كل جهة وتفسرها كما تريد!!، انا شخصيآ لا اعرف ماهي هذه العلامات، وقلبت كل المواقع الدينية بالانترنيت فما وجدت هناك اي علامات محددة، حتي علماء الدين مازالوا مختلفين حولها!!
***- سالت صديقي الجزائري عن هذه العلامات، فقال انهم في الجزائر يؤمنون بانه وعندما تجف وتنشف مياة البحر الابيض المتوسط تمامآ من المياة، فانها احدي علامات الساعة!!
***- صديقي الصومال يقول ان احدي علامات الساعة عندما يفوز الفريق القومي الصومالي لكرة القدم بكاس العالم!!
***- واؤكد لاخي انني والله ماتعمدت فقط وان اتهجم علي علامات الساعة واقول ان استيراد نظام الانقاذ للكهرباء والابقار واحدة من هذه العلامات المبهمة، ولكن قصدت وان ابين الي اي حد اوصلنا هذا النظام الحاكم…وكيف اصبح حالنا بعد ان كنا اولاد عز وننشد:
تقول لِى شنو…
وتقولي لِى منو ،
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
تقول لِى شنو
وتقول لِى منو.
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
تقول لِى شنو
وتقول لِى منو .
***- نحنا كنا (الزول السمح)…شينتونا..الله لايكسبكم..
8-
أخـوي الـحبـوب،
منتظر الفرج،
تحية الود، والشكر علي الزيارة المقدرة، والتعليق المحبط، وبالفعل ياأخي كانت لقطات تلفزيونية التقطت بمهارات شديدة والبشير يهز بعصاه ومن خلفه السد والعمال يواصلون البناء، وظل التلفزيون (يفلقنا) باللقطات دي ليل ونهار، وننتظر متين الكهرباء تدخل البيوت والمصانع، وننتظر الفرج، فلاجانا فرج ولاشفنا كهرباء..والقليل الموجود (الكهرباء) زادت اسعاره!!…
(ب)-
وهاك بعض الروابط المحبطة:
********************
1-
شعب ايه الانت جاي تقول عليه…..زياده اسعار الكهرباء!!
http://www.sudanforum.net/showthread.php?t=157976
——————–
***- 207% ابتداء من مساء السبت ، ودون اعلان مسبق حيث فوجئ المواطنون بهذه الزيادة عند ذهابهم للشراء .
***- واستثنت الزيادة ما دون الـ 100 كيلو واط وشملت زيادة 150% ما بين 101 الى 600 كيلو وط واصبح السعر الجديد 65 بدلا عن 26 وأكثر من 601 كيلو واط فالزيادة بلغت 207% واصبح السعر الجديد 80….
***- يا شعبا تسامي يا هذا الهمام!!
2-
هدايا الحكومة السودانية للشعب السوداني
بمناسبة رمضان: زيادة أسعار الكهرباء بنسبة 333٪ فجأة!!
http://sudan30january.blogspot.de/2012/07/blog-post_7303.html
————————-
فى حالة شراء 100- 600 كيلو وات الآن… أنت تدفع 0.65 جنيه بدلا عن 0.15 جنيه. هذه زيادة 333٪ مرة واحدة!!
***- فى حالة شراء أكتر من 600 كيلو وات … أنت تدفع 0.80 جنيه الآن بدلا عن 0.26 جنيه. هذه زيادة بنسبة 207٪ مرة واحدة
***- والدفع مقدم. يعني الماعندو المبالغ الطائلة دي؛ وأصلا معظم الشعب السوداني ما عندو… يقضي رمضان بدون كهرباء
هذه حقائق وأرقام الزيادات المفاجئة الأخيرة. وهذه الزيادات تحدث برغم إدعاءات الحكومة أن سد مروي سيحل أزمة الكهرباء!!
3-
بنسبة بلغت 250 % تعرفة الكهرباء…
زيادة فلكية جديدة خارج الموازنة!!
http://www.alsudani.sd/news/index.php?option=com_content&view=article&id=8582:–250——–&catid=48:2011-10-17-18-30-59&Itemid=112
9-
أخـوي الـحبـوب،
Salah Al Deen – صـلاح الدين،
تحياتي الطيبة والممزوجة بالشكر علي الزيارة الكريمة المقدرة، وألف ألف شكر علي التعليق الجميل،
***- وصلتني رسالة من أخ كريـم يقيم في سويسرا يؤكد فيها ان البشير يستعجل استيراد الكهرباء من اثيوبيا باي ثمن وباي طريقة ومهما كانت التكاليف وقبل القاء خطابه الرسمي يوم 31 ديسمبر بمناسبة ذكري عيد الاستقلال حتي يتضمن خطابه البشري للمواطنيين بان الكهرباء وصلت ودخلت المنازل ونورت المدن والقري!!،
***- البشير يهمه فقط ان يكون موضوع الكهربة الاثيوبية في خطابه القادم… ولاتهمه التفاصيل حول كيف?!!.. وبكم?!!وصلت الكهرباء!!،
***- وبالطبع من الأن بدأت بروفات الهتيفة تستعد ليوم خطاب البشير، وسيقفون خلفه عند القاء خطابه، وماان يعلن عن وصول الكهرباء المستوردة، حتي يسارعون بالتهليل ورافعون باصابعهم للسماء و(الله اكبر.. الله اكبر!!)، ويهتزون ويتمايلون و…(ورا…ورا… تايوتا!!) والبشير يهز بعصاه فوق رؤوسهم!!
***- اما المواطن فان كل همه وقتها سيكون محصورآ في الاسعار الجديدة لل(جمرة الخبيثة)!!!
10-
أخـوي الحـبوب،
حليم-براغ،
(أ)-
—-
التحايا والقومة لك ولبراغ ام الدنيا بحق وحقيق مش زي التانية الاخربت خراب سوبا من قبل الجماعات الاسلامية واخر فتاويهم بان ابوالهول صنم لابد من تكسيره وهدمه، ولكن واجهتهم اماهم مشكلة وهي: هل بعد تحطيم تمثال ابوالهول يعتبر شهيدآ?!!…سعدت بالزيارة ياحليم وبالمشاركة المقدرة،
(ب)-
——
***- تعرف ياعبدالحليم، اليوم الخميس وبدأت العطلة في البلاد العربية والاسلامية، وفي اخوة اعزاء اتفرغوا لي تمامآ ولموضوعي المحبط ووصلتني العديد من الرسائل والمكالمات، واحبطت من مكالمة يقول فيها صديقي ان موقوع ( الراكوبة) محجوب ومحارب بشدة في السودان، وصراحة ياحليم ماكنت ملمآ بهذه المعلومة وكنت اظن ان المواضيع التي تبث من المواقع مقبولة ولا اعتراض أمني عليها!!…لك الله يابلدي،
(ج)-
***- استغرب في توقف المباحثات بين حكومة الخرطوم والقاهرة حول الاتفاقيات التي وقعت من قبل لمد السودان بالكهرباء، والاسراع باستيرادها من اثيوبيا!!، وبالمناسبة، سبق وان قاما الرئيس انور السادات ونميري بالاتفاق علي توصيل كهرباء سد اسوان لحلفا وحتي دنقلا ومروي، وكنت وقتها اعمل بوزارة الاعلام وملمآ بتفاصيل الاتفاق، وظل الاتفاق ساريآ حتي وبعد مصرع السادات، وكان الرئيس حسني مبارك يرعي بشدة اتفاقيات “التكامل الاقتصادي والاعلامي” بين القاهرة والخرطوم…
***- فلماذا توقفت المباحثات وماعاد احدآ في السودان ويهتم ببث الروح في الاتفاقيات القديمة والتي تصب في مصلحة البلدين?!!…ويبقي السؤال مطروحآ:
( من وراء ازاحة ملفات كهربة السودان من السد العالي…واستبدالها باستيراد الكهرباء من اثيوبيا?!!).
أخي الغالي بارك الله فيك نعم إنها محنة عجيبة أن نشتري كهرباء من إثيوبيا ياأخي أنا تأكدت تماما أن السودان تحكمه عصابة من الأنجاس نعم هؤلاء مجموعة حرامبة وهناك إتفاق ضمني فيما بينهم أسرق أنهب أقتل نحن نفعل ما نشاء دولة بوليسية فاشية فاشلة وشعب بات من الخوف لايلوي على شيء سوى إهتمام بأتفه الأشياء عموما لاراد لقضاء الله والله يعطيك ألف عافية على ماتقوم به ولكن لاحياة لمن تنادي
وصلتني رسالة كريمة من أخ عزيز يقول فيها:
( الاخ/ بكري..السلام عليكم…
علي حسب ما سمعت من احد المهندسين فان هنالك مشكله فنيه في سد مروي وهي ان توربينات الكهرباء لا تولد الكهرباء الا في منسوب معين في البحيره وعليه لابد ان تكون البحيريه في منسوب مستقر حتي تتولد الكرباء ولكن هذا يؤثر علي نسبه الماء التي كانت من نصيب المشاريع المرويه وعطش مشروع الجزيره يشهد بذلك يعني اسامه الذي يتحكم في الماء من خزان الروصيرص افتحوا اقفلوا وهو عاوز كهربته تتولد وناس الزراعه عازين الماء المشكله فنيه واصحاب الحل موجودين لكن البسمع منو؟!!
الحبوب بكرى
وان يبشر المواطنيين في كل البقاع بان انتهاء العمل في سد مروي قد انتهي تمامآ، وان الكهرباء بدء من اول يناير الجديد ستدخل البيوت ……نعم ياأخ بكرى ستدخل بيوت الأشباح لصعق مزيدا من الشعب بدون أى ضوضاء ومن لم يمت بالسوط مات بالفولت.
أخـوي الحبـوب،
ود الحاجة،
تحياتي الطيبة العبقة الممزوجة بالفرحة الشديدة وبقدومك الميمون، ولكن مابالغت في تعليقك ( المامفهوم!!) وقلت:
(يا استاذ بكري انت قلبت علينا المواجع!!)،
***- ياأخي المواجع السودانية بالذات اصلآ مابتتقلب وثابتة فينا ثبات جبال التاكا، وكان متنا وفارقنا الدنيا تبقي المواجع موجودة في العظام!!، ونندفن بيها، ويجينا منكر ونكير ويبكيا حالنا!!، انت يازول ماسوداني ولا شنو?!!..ولايمكن الله تعالي استجاب لدعوات الحاجة الكريمة (امد الله في عمرها) وخفف عنك المواجع وبقيت بس تتقلب?!!
***- جاء في تعليقك المقدر وقلت:
( يكفي فقط ان نرى حجم القوات الاجنبية الموجودة في البلاد لنعرف مدى الفشل)!!،
***- في سنة 1945 دخلت القوات السودانية الي داخل العمق الاثيوبي وقاتلت بضراوة شديد القوات الايطالية التي كانت تحكم اثيوبيآ بقبضة حديدية، وبفضل القوات السودانية وضباطنا الكبار وقتها ومنهم علي سبيل المثال: ( اللواء محمد طلعت فريد، اللواء مقبول الحاج الأمين، اللواء حسن بشير نصر)، الشعب الاثيوبي لاينسي اطلاقآ فضل السودان عليه وتحريره من المستعمر،
***- واليوم انقلبت الأية تمامآ، واصبحت القوات الاثيوبية تحمي سكان ابيي من نظام البشير وتمنع دخول قواته المسلحة المسيسة ومليشياته للمنطقة!!…ومش كده وبس!!، وصلني رسالة من اخ عزيز يؤكد فيها ان المنطقة السودانية التي احتلتها اثيوبيا من السودان عام 1995 (الفشقة) اصبحت تصدر الخضروات والقصب والبرسيم للسودان!!…
***- والله ياود الحاجة، قلبت المواجع فيني!!…او زي مابتقول المطربة ام كلثوم:( صحيت المواجع في)!!
أخـوي الحـبوب،
إبن السودان البار،
تحياتي الطيبة، وجمعة سعيدة باذن الله تعالي عليك وعلي الجميع، وسعدت بالزيارة الكريمة، واشكرك علي المعلومات القيمة التي جاءت في تعليقك المقدر وصبت في خانة انجازات اثيوبيا العظيمة، وتوقفت عند فقرة جاءت بالتعليق وقلت:
( شركة طيران أثيوبيا تتطور بسرعة فائقة وهي ثاني دولة بعد اليابان تستعمل أحدث طائرة منتجة من شركة بوينق الأميريكية وهي دريملاينر 787 العملاقة وخطوطها كل يوم في إزدياد والتي وصلت الي جميع غارات العالم)،
***- تعرف ياأخي ابن السودان البار، ان السودان سبق اثيوبيا واغلب الدول الافريقية في استعمال الطائرات المدنية، وعندما كانت عندنا طائرات “الفوكرز” عام 1947، كانت اثيوبيا يادوب طلعت من حكم الاحتلال الايطالي.
***- واليوم وبعد 57 سنة من الاستقلال ماعندنا ولا طيارة سودانية حديثة ، وعندنا بس 6 طيارات قديمة ممنوع هبوطها في مطارات اوروبا!! ،مامعروفة تابعة للخطوط الجوية السودانية ولا لشركة (عارف)?!!،
***- وبالطبع انت عارف قصة بيع الخطوط الجوية السودانية وكيف استطاعت شركة (عارف) ان تشتري ذمم بعض المسؤوليين الكبار في نظام وتشتري منهم الخطوط الجوية بعد ان دفعت- والعهدة علي الراوي من مصلحة الطيران المدني- عمولة قدرها 60 مليون دولار تم تقسيمها علي خمسة مسؤوليين سودانيين كبار، والغريب في الامر، انه لا احدآ من السودانيين ،بل وكنوع من المبالغة اقول (ولاحتي البشير نفسه) يعرف من يملك الطيارات الخردة?!!
***- السلطة الحاكمة في اثيوبيا ذكية وتعرف نقاط الضعف والغباء في نظام البشير فقامت بارسال عشرات الألآف من الاثيوبيين العطالي والاميين للسودان، واستوردت بدلآ عنهم الكفاءات والاستثمارات، الحكومة الاثيوبية سحبت من الانقاذ استثمارات السودانيين بعد ان منحتهم تخفيضات عالية في الضرائب وتسهيلات في المعاملات، وبلغت استثمارات السودانيين هناك بنحو 22 مليار دولار ضاعت علي السودان بسبب :( حقي وينو?!!..حقي كم?!!).
أخـوي الحبـوب،
Hajabbakar – حاج أبـكر،
تحياتي الطيبة وسلامي العطر، وألف شكر علي الطلة الميمونة والتعليق المقدر،
***- توقفت عند معلومة جاءت في سياق تعليقك وقلت:
(اما الكهرباء الاكدوبة فاصغر مدينة فى السعودية تزيد كهربتها عن الفين ميغاواط يعنى ضعف سد مروى)!!
***- طبعآ بعد ماطلعت فضائح السد وظهرت حقائق اسباب فشله وانه سد لن ينتج الكفاية من الكهرباء وستقوم الحكومة باستيراد كهرباء من اثيوبيا ، سكت الاعلام المسيس بعدها تمامآ عن بث اي مواضيع تمجد السد واكتفي ببث الاخبار والبيانات الرسمية عنه، وسكتت ايضآ هتافات الهتيفة: السد السد هو الرد!!،
***- ولفت نظري ايضآ فقرة في تعليقك وقلت:
( هدا الاستيراد للابقار القصد منه تركيز الاسعار يعنى بعد كدا نشتغل تركيز وناكل مما نركز وكمان نستورد دولارات وريالات وكل عملات قطبى المهدى لكى نركز سعر الهالك الجنيه السودانى)!!،
***- وبما ان الكلام هنا يدور عن الاستيراد، فقد بث موقع (الراكوبة) الموقر صباح اليوم الجمعة 14 ديسمبر الحالي خبرآ جاء تحت عنوان:
( جمارك السودان تضبط حاوية تحتوي على مواد مشعة)!!،
http://arabic-media.com/newspapers/sudan/alrakoba.htm
***- والغريب في امر الخبر انه يصادف نفس اليوم الذي خرجت فيه فضيحة استيراد الانقاذ لبراز يوناني في 14 ديسمبر 2005!!
أخـوي الحبـوب،
Ageed- عقيـد،
(أ)-
—-
تحياتي الطيبة وسلامي العطر، وألف شكر علي الزيارة المقدرة والتعليق الكريـم، وافيدك باننا نحن سكان منطقة كجبار ومروي نعرف تمامآ بان هذا السد سينهار في يوم من الايام (ان لم يكن يكن اصلآ قد انهار واعتمدنا علي كهربة اثيوبيا!!)، نحن سكان هذه المنطقة المنكوبة، نؤكد بان السد الذي شيده الصينيون سينهار لان بعضآ من السدود في الصين الشعبية قد انهارت بسبب عدم قدرتها علي مقاومة الفيضانات والسيول العاتية التي ضربت السدود!!
(ب)-
——
وهاك الروابط التي حكت عن كوارث
انهيارات السدود في الصين الشعبية:
***************************
1-
199 قتيلاً في فيضانات الصين وانهيار سد يهدد حياة 12 ألفا…
http://www.alwasatnews.com/2847/news/read/436460/1.html
2-
مصرع 10 أشخاص في انهيار أحد السدود بشرق الصين…
http://omaniaa.net/showthread.php?t=532948
3-
سدود قرب النهر الأصفر الصيني تواجه خطر الانهيار…
http://www.almustaqbal.com/storiesv4.aspx?storyid=353404
4-
: وسائل اعلام:
سدود قرب النهر الاصفر في الصين ( في حالة هشة جدا)!!
http://www.chinainarabic.org/oldsite/modules.php?name=News&file=article&sid=4101
(ج)-
***- اذا كانت سدود الصين الكبيرة بجلالة قدرها وعظمتها قد انهارت….فهل سيصمد هذا السد السوداني النسخة من سدود الصين?!!
***- مصيرنا وقدرنا ان نكون نحن الحلفاويون ودائمآ في رحيل مستمر من منطقة لاخري….بسبب السدود وحكم العسكر..و(يسقط عبود…ومعاه البشير)!!
أخـوي الحبـوب،
شهاب ثاقب،
تحية الود، والود الشديد لشخصك الكريـم، وجمعة مباركة باذن الله تعالي عليك وعلي الجميع، وهلت الانوار بزيارتك الميمونة، وسعدت وفرحت بكلماتك الرقيقة في شخصي الضعيف، وجزاك الله عني كل خير وسؤدد ومتعك بالصحة التامة والعافية الكاملة،
***- لفت نظري في تعليقك فقرة قلت فيها:
( نعم إنها محنة عجيبة أن نشتري كهرباء من إثيوبيا )!!،
***- هو شنو الما اشتريناه من برة?!!..كل البضائع والسلع الضرورية والاستهلاكية الموجودة في الاسواق مستوردة من الخارج!!، ومش كده وبس!!، حتي الاسماء والالقاب بقينا نستوردها من برة!!، زمان اسماء البنات كانت مثلآ زي : مهيرة، الحنينة، زهرة، وحسه هاك ياالاسماء المستوردة: شاهيناز، سوزان، زيزي…وماخفي من محن وبلاوي الاسماء الغريبة العجيبة اعظم وادهي!!،
***- واستوردنا لقب مشير!!، والمعروف قديمآ ان رتبة مشير لايحصل عليها (جنابو) الابعد ان يكون قد خاض حروبآ ضارية اثناء الحرب العالمية الثانية، ولذلك فان عدد الذين حصلوا علي رتبة مشير عددهم قليل للغاية في اوروبا واميريكا مقارنة بتعداد جيوشهم، ولكن عمر البشير جاءه اللقب العسكري وهو قاعد في قصره الفخم!!
***-هو شنو الما اشتريناه من برة ياأخ شهاب ثاقب?!!..عندما استورد نظام الانقاذ براز يوناني عام 2005، سخر الشعب المصري من حال الشعب السوداني الذي لم يعد يتبرز…فاستورد براز من الخارج ليملآ به السيفونات!!
***- الحاجة الوحيدة الفلحنا ونجحنا فيها هي تجارة البشر!! نصدر سرآ وعبر البحر الاحمر الي السعودية سودانيين ضاقت بهم سبل الحياة في بلد مازال يعيش عالة علي منظمات الاغاثة ومنذ عام 1990 وحتي الان!!
أخـوي الحبـوب،
Zingar – زنقار،
السلام الحاااار اطيب العبق ارسله لك في هذا اليوم- الجمعة- المباركة باذن الله تعالي عليك وعلي الجميع، وألف شكر علي الطلة والتعليق الجميل، ولا استبعد والله ياأخ زنقار -وكما قلت- عن استيراد الكهرباء: (ستدخل بيوت الأشباح لصعق مزيدا من الشعب بدون أى ضوضاء ومن لم يمت بالسوط مات بالفولت)!!..ونسيت ان تضيف:
( ويتم القاء الجثث في الترع)!!
***- وصلتني رسالة من أخ عزيز يقيم في القاهرة يقول فيها:
( والله نحنا اغرب شعب في العالم:
´***- لو الكهرباء انقطعت ننقنق!!
***- لوبنينا سد عشان الكهرباء…نحتج علي بنيانه!!
***- لو ما بنينا سد نحتج لعدم وجود سد يضخ الكهرباء!!
***- لو استوردنا كهرباء ، نقول عيب كبير!!وكمان من اثيوبيا?!!
***- ولو قعدنا في الضلمة، ننقنق، وليه كل دول العالم عندها كهرباء الا نحنا?!!
***- ولو استوردنا مولدات كهربائية…تزداد اسعار الجازولين!!،
***- كل السودانيين سود وغبش، وبنستعمل كلمة (الله ينور عليك!!)،
***- واخيرآ: انت عاوزنا نعمل شنو ياعمي الصايغ?!!
الاستاذ العزيز بكري
تحية طيبة
من علامات الساعة ان يستمر في حكمنا
هذا الكم من السفلة و الاوغاد
أخـوي الحبـوب،
نادر،
التحايا الطيبة العبقة، وفرحت بقدومك وطلتك البهية، وسعدت بالتعليق والمشاركة، وردآ علي ماكتبت اقول ان علامات الساعة – كما علق قارئ كريم- لاتحصي ولاتعد، ولااستبعد ان يكون وجود نظام مثل النظام الفاشي في السودان واحدة من هذه العلامات، وان يكون امين حسن عمر رئيسآ لقطاع الفكر والثقافة بالمؤتمر الوطني، ومصطفي اسماعيل وزيرآ للاستثمار!! وساطور نائبآ للبشير!!…اما ظهور الطيب “سيخة” بعد طول غياب والاحتفاء به من قبل غالبية اعضاء الحركة الاسلامية (فدي القيامة ذاتها!!)،
(ب)-
اخوي الحبوب نادر، اهدي لك وللجميع مقال بث من موقع (الراكوبة) الموقر..وهاكم الرابط:
سد مروي طلع فيل أبيض يا عبدو..!ا
***********************
المصـدر:
http://arabic-media.com/newspapers/sudan/alrakoba.htm
***- ولكن!! عندما تقرأ خبرا يقول إن السودان سيستورد كهرباء من إثيوبيا لإنارة مدنه الشرقية! عندما تقرأ خبرا هكذا ستصيبك الأسئلة بالدوار عن ما الجدوي الإقتصادية و الإجتماعية من قيام مشروع سد مروي? وهل تـم إنشاءه لتحويل مجري النيل و تدمير الثقافات السودانية القديـمة أم من أجل تشريد الـمناصير من قراهم?? أم هو محض مشروع سياسي الغرض منه هتافية{ الرد بالسد } لهزيـمة إدعاءات أوكامبو و الجنائية الدولية?!!
الحبيب بكرى لك التحية وصباحك خير ,ياخوى نسيت التوم الصينى والشمار المصرى يعنى حلة سليقة مستوردة ,لحم اثيوبى +توم صينى +شمار مصرى .ناكل ممانزرع ونلبس مما نصنع .