تسريب صوتي: حسبو نائب البشير يتحدث لجماهير الشمالية … تعرف على عقلية الإسلاميين

لا حول ولا قوة الا بالله
معقول دا يكون نائب رئيس جمهورية
دا مفروض اعلى درجة يرتقيها تكون نائب رئيس نادى درجة تالته
يا حسبو ي ابنى رئيس الجمهورية ونائبيه ومساعديه ومستشاريه مفروض يرتفعوا فوق الحزبية لانهم يمثلون كل اهل السودان
البشير وفريق عمله رؤساء لكل اهل السودان وانت بكلامك التافه دا لا تمثلنى ولا تمثل الا جماعة المؤتمر الوطنى ومفروض البشير بعدما يتسمع لحديثك المسجل دا يسألك هل هذا الحديث المنسوب اليك صدر منك
لو قلت نعم
يجردك من كل شىء حتى ملابسك الداخلية ويطردك خارج القصر
مصيبة البشير فى الناس اللى حوله ولو عاوز يرجع للمسار الصحيح عليه قتلهم جميعا
شووفوا بالله حسبو دا لا يصلح لأى شىء

نفسى اعرف ياتو دين البتكلمو عليو الجماعه ديل وياتو كتاب
بس عشان نتابع معاهم.

يا أدارة الراكوبة – الفيديو لا يفتح – الرجاء معالجة المشكلة حتى نستمع الى ما يقوله هذا الارعن ..

تمكين الدين ؟؟

الرجاء اهادة تحميل الفديو لانو ما موجود

الحمدلله كلام الكوز الغبي ده ما فتح عندي الله رحمني من المرض

https://www.youtube.com/watch?v=q_1voNry9sw
هذا هو الرابط

الفيديو ما يفتح معاي.. لكن البعرفوا الزول دا ثقافتوا ضعيفة جداً، واقسم بالله مخجلة ، دا لسع في اوهام بأن العلمانية ضد الدين وهدفها تدمير الدين وان العلمانيين مجرد كفار منحلين.. بالله انا عايز اعرف الزول دا عندو مؤهل اكاديمي غايتو مؤهلاتوا الثقافية في الحضيض

الزول دا شكلوا من شاد وتحديدا شمال شاد

معاك حق يا حسبو ان لا تفرط فى كرسيك . هل تعلم يا حسبو انك اصبحت نايب الريس . انا عارف انو عقلك الباطنى مامصدق . لكن اصدق كييييييف

والله لا شيوعيين ولا بعث عربي ولا علمانيين ولا كلام فاضي..انتو يا الكيزان وديتو البلد في ستين داهية وختيتوا الوطن في الدرك الاسفل من جحيم المأساة.. التلاعب بالدين واستغلاله اصبح بضاعة راكدة.. بعمايلكم عملتوا لينا تشويش في الدين والايمان..نصيحتك دي امشى قولها للجنجويد الذين كنت رأس فاعل في خلقهم..حسبنا الله ونعم الوكيل فيكم..

وين التسريب ؟

منو القال ديل اسلاميين لم اسمعها الا من افوههم التي تقضى علي الاخضر واليابس…
يعتقد انه هو الذى يفهم اكتر من غيره و وصي علينا ولم يفهم كفاءة من اتى به ليتحدث الينا ببطن ممتلئه هكذا
علينا ان نبكي ونحمد الله على مصيبتنا

أنا أسأل كل سوداني غيور و يحب وطنه هل لو حكم السودان الكيان الصهيوني أو أمريكا أو بريطانيا أو حزب الشيطان هل كانوا يرضوا لوطنهم على الشاكلة التي أصبح عليها أسأل الله ان ينتقم من كل من خرب البلاد و أفسد العباد باسم الدين

حسبو ده واحد معتوه والحل الوحيد مع الكيزان ديل البندقيه فهم لايعرفون غير الحل العسكرى تافهين حقيرين بمعنى الكلمه

دا مش الراجل اللي قال ما فيش فايدة من التخطيط للخريف بس أرفعوا يديكم بالدعاء؟

أقترح على إدارة الراكوبة أن توزع علينا ليمون مع كل خبر يخص هذا الحسبو لأنو بيعمل الطميمة والغثيان.

يا جماعة الكيزان ديل خلوا القران كووولو ومسكوا في آيتين بس

الَّذِينَ إِنْ مَكَّنَّاهُمْ فِي الْأَرْضِ ………..
المشكلة انهم ماسكين بس في اول الاية ونسوا باقي الاية
أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ ۗ وَلِلَّهِ عَاقِبَةُ الْأُمُورِ
سورة الحج آية 41

والاية الثانية
وَيَسْأَلُونَكَ عَنْ ذِي الْقَرْنَيْنِ قُلْ سَأَتْلُو عَلَيْكُمْ مِنْهُ ذِكْراً* إِنَّا مَكَّنَّا لَهُ فِي الْأَرْضِ وَآَتَيْنَاهُ مِنْ كُلِّ شَيْءٍ سَبَباً* فَأَتْبَعَ سَبَباً ﴾سورة الكهف اية 83

عاجبهم ليك التمكين دة جنس عجب و ما عارفين ماهو التمكين الالهي الذي هو للاتقياء الاصفياء النظيفين العفيفين .. مش للحرامية الوسخ العفن اللامنهم ديل سرقوا قروش البلد ونهبوا المال العام واستباحوا كل ثروات البد وجابوا أي فاقد تربوي لموهو عليهم بداعي التمكين.
التمكين يا كيزان هو لاقامة العدل الذي هو اقرب للتقوى .. التمكين هو لارساء المساواة بين الناس والامر بالمعروف والنهي عن المنكر !! فأين انتم من هذا يا كيزان ؟؟
الا تعلموا ان ربك لبالمرصاد .. !!

ويقولو ليك مهمشين
شوفو الاتنين الفي الصورة دي بيلمعو كيف من اكل قروش الشعب

وين الفيديو ياجماعه ؟؟ الظاهر الجماعه قدروا يعملوا تشويش .

لكل بداية نهاية .. ولا بد لليل ان ينجلي ولا بد للقيد ان ينكسر ..

مثل هؤلاء الذين دمروا السودان ودمروا التعليم فى السودان . اللهم عليكم بهم وفرق شملهم . مثل ديل عملوا جامعة فى كل مدينة الا الشمالية بطولها وعرضها عاملين فيها جامعة واحدة وبما انا اكثر ابناء الشمالية مغتربين شوفوا حال القبول بالنسبة لابناء المغتربين 97% او اقل بقليل للمنافسة وتخيلوا طالب يقدم فى جامعة وبنسبة 82% من ولاية الى ولاية اخرى هندسة مدنية يرفض ويقبل طالب اخر بذات الولاية بنسبة 72% هندسة مدنية لماذا طالما انا راغب فى التعليم فى ولاية اخرى .
عندما كانت فرص التعليم للافضل كان الطالب يسافر اينما يتم توجييه من الوزارة ويتزود الطالب بثقافات المناطق الاخرى وتزيد روابط الصداقة والعلاقات الى تبادل الزيارات وتسود المحبة بين ابناء المناطق
وما نراه الان دمار للتعليم وسجن كل ابناء ولاية فى ولايته

يمهل ولا يهمل
الويل لكم ي شبه اليهود
اللهم سلط عليهم حزبا رادعا
ياااخي كفااايه دمرتو السودان

هسى الكلام دا فيهو شنو زول بوعى فى عضويته بأن يتركوا الصراعات عشان العلمانين والشيوعيين دايرين الفرصة دى ، فرصة الصراع الداخلى ، ما المؤتمر الوطنى حزب كبير وحاكم وعايزينوا يحكم خمسين سنة تانى عشان السودان يبقى دولة عظمى ،

لو داير تسال من اسباب تدهور السودان شوف الحاكمه منو وبعدين اسال مين حسبوا ومين عبد الرحيم محمد حسين بل ومين البشير شوية مهرجين فى فصل ولا يصلحو لقيادة السيارات حتى ناهيك بلد زى السودان