مهندسو صوت

*ما قلنالك خلاص يااخى اللى حصل حصل وتانى انشاء الله سبحانه وتعالى الحصل دا ما يدوس مشاعركم ويحصل..
*افضل الخطاؤون هم التوابون..وكل من اخطا تاب وسيعمل عملا صالحا باذن الله سبحانه وتعالى.. ومن كان منكم بلا خطيئة فليرمها بحجر..
*وافرض يا اخى حاسبناهم هل الاخطاء اللى حصلت ختكون ما حصلت.!! ممكن ترجع عقارب الساعه للوراء,,
*نحن يا اخى ما قادرين نرجع ساعة البكور المبكر لوضعها اللى كان لأنكم اعتدوا على زمن البكور
*نحن يا اخى لينا 3 سنين ما عارفين كيف نرجع السنة التعليميه الاثناعشريه اللى اخدا معاه سبدرات وقال ما اخدا وما عارفينها راحت وين..
* ما تنسى ان “اعادة” هذه السنه بيعنى اختلال استتراتيجية وخطط تنفيذ شعار”اعادة” صياغة ألأنسان السودانى المنبثق عن هذه الاستراتيجيه والذى هو احد مرتكزات وثوابت الانقاذ والذى ظل ساير زى ود القبايل (العديله ليه) وفق برنامج العمل المرحلى بافضل مماتم التخطيط له وخلاص الحكايه اضحت قاب قوسين او ادنى من “الاكتمام”(طبعن ألأأكتمام هو مزيج محوّر انقاذيا من الكمال والتمام)
*وكمان يا اخى لو حاسبنا المخطئين ايه الضمان الاخطاء تانى ما تتكرر.. ما الناس كوولهم بشر ومتساوين لاكين ما تنسى ان بعضهم اكثر مساواة من الاخرين (هم الاصابعين متساويات)
* اها برضو نحاسب تانىّ! الوكت كووللو يبقى حسابات ومحاسبات .. انتو نستو الانتاج والانتاجيه
*انتو فات عليكم موضوع الوثبه واندغاماوالبعد عما كان عليكم من تقبض
*نسيتو الحوار والاسترداف ولنتخابات والفراغ الدستورى (اللى حيضرروا منه اللى “اولريدى” فازوا بالتزكيه و”انشاء” الله سبحانه وتعالى يحصلو ياخدو راتب الشهرين الجايات لزوم اصلاح حالهم استعدادا لأثراء النقاش والمشاركه) اذا الاستراتيجيه ما مشت زى ما انتو عايزين .. ما فيش وكت!!

يعني ياستاذ عامل غبي زيي كده وما عارف انه وزارة الاشغال العامة كانت مسؤوله عن كل المنشات الحكومية و( تمكن ) منها التتار وعادت اثر بعد عين عشان جنس الشغل الكيري البتتكلم عنه والغنائم طبعا حق مشروع كما التحلل والسبي طبعا اهو شوية كباري وعمارات نصرف منها احنا ( الجماعة) اسهمنا الذهبية التي عرفها صلاح كرار وشبه الانقاذ بالشركة وللمؤسسين الحق في اسهمها وطبعا تتراوح الاسهم من ذهبية الي عادية والاولي للعسكريين والعادية للمدنيين واهو يصرفوها زي ما تفضلت بالكتابة عنه وانت حقو تريح نفسك من الكتابة لانه حسب حديث بله الغائب الديار السودانية ما تزال في سلطاننا الي ستة اعوام وثلاثين يوم اخري يعني بعد الخمسة سنين الجاية كمان حنعمل انتخابات ( طبعا مخجوجة) ونجلس في ذات القصر الي عام اخر وثلاثين يوم كمان واهو تحملنا شوية لانه فات الكثير وبقي ما يمكن الصبر عليه باعطاء الشعب تحميلات .

نسيت عمارة الرباط التي “خرت راكعة” قبل ان تكتمل … و شوارع الزلط التي تصان قبل ان يتم تنفيذها …. شركات ترسو عليها عطاءات قبل ان تسجل و والي طبيب فاشل يملك شركات تقوم باعمال اولاية حصرا … و كله لله

ماذا تتوقع من هؤلاء الخوارج .. لايخرج منهم الا النتانه وكل عفن البشرية.. يعنى ياسيد جبرة اذا كان
مطار صبيرة رضيع وبحسابك الذى نجرتة يكون كبرى المنشية صبى لم يبلغ الحلم بعد واصابة الخرف والزهايمر ..بعدين انت تتكلم كيف من يحاسب من ؟! ديل ذاتم حيلغوا مادة الرياضيات من المقرر عشان بعدين ما تقول لى 7+7 ولا بعل + 4 زيجات . كدى شوف لينا قصة العمرة الاقتصادية بتاعت النواب وصرف
مرتبات فبراير + مارس مقدما .

أستاذ جبرة : هل سمعت بمستشفى أم بدة النموذجى؟ أدعوك للبحث عنه وزيارته وتنويرنا عنه … يمكنك الأستعانة بالصديق Google earth أو أى صديق آخر تثق فيه.

ياخي عرفنا خط هيثرو اسع الدخل غسان شنو..ههههههههه

يسلم فمك ده العايزنوا انا اجزم بان الكبري تم لحس ميزانيته بس وين الحساب البلد بقت هامله للدرجة دي يا اولاد الكلب

امبارح استمعت لتصريح في احدى قنوات المؤتمر الوثني الفضائية لواحد مسؤول باين عليهو(… كبير) جاء ذكر اسمه مقرون بصفة مهندس وقد تحدث عن الموضوع من موقع الحدث وحاول ان يقلل من حجم المشكلة ووصفها بأن ضررها ليس كبيراّ وأنه ليس داخل جسم الكبري ويقصد هنا بالجزء الخرساني الموجود داخل النيل ناسياّ او متناسيا ان هذا الجزء من الكبري يعتبر اساسي جداّ وتكلفتة قد لا تقل عن 25% من القيمة الكلية ,,,دا شكلو مفتكر كل الناس مغيبين
**ويين دراسات ماقبل الانشاء وحسابات احمال التربة Bearing Capacity التى تسبق تنفيذ اي مشروع ؟؟
**ويين المقاول الذي نفذ اعمال الردم هل كان المقاول مؤهل لتنفيذ المشروع ماهي سيرة الذاتية وأعمالة المنجزة سابقاّ؟؟ ولا تابعه للوالي ** هل المواد المستخدمة في الردم backfilling material مطابقة لمواصفات المشروع ؟؟ وكيف كانت هي طريقة تنفيذها؟؟ ** هل نفذت على طبقات وماهي سماكة كل طبقة ؟؟ وبعد ذلك هل تم عمل compaction test بواسطة مختبر متخصص في التربة؟؟
**كيف كان تنفيذ السواتر والحواجز الاسمنتية على جانبي الكبري وماهي المواد المستخدمة فيها
**وييين المكتب الاستشاري المشرف على تنفيذ المشروع؟؟ ,,, نايم في العسل ؟؟ اكييد نايم في العسل ولايكون تابع للوالي برضوا ,, نازل طالع ماكل زي المنشار
**عندنا مجلس هندسي شغالين شنو ؟أين دوره في مثل هذة الجرائم وهذا الفساد ,, لماذا لم يحقق؟؟؟ على الاقل عشان ماتتكرر المشكلة مستقبلنا,,, اكيييد مافي زول قدم بلاغ؟
ووووو+وو كتر من واواتك ياجبرة
ديل مهندسين صوت كتيرة عليهم ديل ناس (صواتة) ولغف ســــااي ياجبرة
البلد انتهت ,,,الله يتولانا برحمتة

الكبرى لما اتعمل النيل كان عبارة عن خوووووووووووووووووووووووووووووور من كتر الفساد فى زمن الانقاذ وعدم مخافة الله النيل بقى ترعة عديل .. علشان كده مهندسين الصوت ديل عملوا حسابات خور او ترعة مش نيل وكمان حيجيهو يوم ويفيض ..

استغفر الله عالم ناسية الاخرة والحساب ..

مازلت المنشآت التي تركها المستعمر الانجليزي خلفه قوية صامتة وممكن تعيش 50 سنة
بينما كل المنشآت التي بناها الاستعمار الاسلامي السودان إنهارت في رمشة عين
وح يجي اليوم الذي يبتهج فيه الشعب (ويغني وفي رمشة ابعدوك يا…….)
الانجازات التي تمت في عهد الاستعمار الاسلامي كانت كل انجازات هلامية تفتقر للجودة والمواصفات تمت من اجل المزيادة السياسية مثالاً يقوم معتمد معتمدية طرفية في اصقاع السودان ببناء فصل دراسي من صفيح او خشب فيحشد الناس وتقدم دعوة للرئيس واجهزة الاعلام والرئيس ويقوم ويقع وتعزف الطبول وتنفق نفقات تبني مدرسة كاملة من اجل أفتتاح فصل مبني بصفيح
ويعتبر هذا انجاز تقد به وسائل الاعلام الناس قد والله اكبر، تهليل ،تكبير
المستعمر الانجليز وطنياً ومخلصاً في بناء المنشآت أكثر من حكومتنا التي اتخذت من الاسلام جلابية تستخدمها في صلاة الجمعة واللقاءت الجماهيرية (ويوم الخميس الحكومة بكامل وزرائها ترقص بالمايوه مع المطاميس وتغني يا ود الزمزمي عليك النبي تجي) وترمي الجلابية بعيد لستخدمها في مناسبة دينية أُخري

يخسى عليك يا استاذ

مالك ما بتذكر مستشفى أمبدة ما سمعتو ؟ ولا ما جابوه ليك !!

اها المستشفى دا من يوم الرئيس قص الشريط ورقص لحدى ما تم اخلاءه تمام لأنه ايل للأنهار 7 سنوات فقط (سبعة سنوات فقط) كتبتها ليك بالعربى عشان ما تقراها سبعين

علما بأنه المهندس الاستشارى رفض يستلم المبنى وكتب انه غير مطابق للمواصفات المطلوبه

ابعدوه وبعد اسبوع جابوا مهندس تانى استلم وجاء رئيسنا الزينة الحالف ما يخلينا افتتح المستشفى وهسى المستشفى فى خبر كان

هم حاسبوا منو قبل كدا عشان يحاسبوا ليك الشركة المنفذة للكبري ؟؟؟

كبري القوات المسلحة بدأ تنفيذه في عهد حكومة الأحزاب و تم افتتاحه في عهد نميري عام 1972م ويبدو انك نسيت أيضاً عمارة الرباط التي انهارت و نال الفاعل استراحة محارب.

كوبري المنشية يا سعادة الاستاذ جبرا (حنكوش).. فلذلك يتأثر بالنسيم فما بال جريان النيل وملاطمة الامواج في فصل الخريف..

اعتقد أنك ستنتظر كثيراً (بدون فائدة) عن السؤال عن خط هيثرو وغسان ..

أرجو إطلاق هاشتاق أو كسرة بإسم: أبحثوا عن غسان

يا أستاذ نسيت أهم عجائب الكباري (كبري الدباسين) ده الكبري ولا بلاش، شغل نضيف، عملو المتعافي الزيو مافي، قال ليك الكبري ده شدة مو عجيبة من العجائب أبي يتم ذاتو. وبعدين ليه الإستغراب يا أستاذ ذي ما الرومان عملوا برج بيزا المايل، نحن عملنا كبري المنشية المنجرف.

المشكلة بقت ما عندنا مرارة بتتفقع عند الشعب السودانى لأنه تم استئصال مرارتهم بقرار بشيرى حتى لا يحس المواطن بأى غبن تجاه فساد المسؤولين

انا شايف انو دي عبقرية في حد زاتا انو اكتشفو في خلل وماعملوا رايحين لحد ماالناس ماتت ياربي الوراهم منو؟ اكيد في زول وراهم

هذا قليل من كثير000000تعيش كتيار تشوف كتيار

مسلخ الجننينة والتى نفذته شركة طرق تم ولم يفتتح حتى الان لعيوب فنية.. وبركة الاسماك والتى امتلات بالعشر ..

مهندس واقف عكس اتجاه بولو رشاه بولو .. مهندس لا يستطيع ان يهندس بولو فكيف بهندسة طرق وكبارى..مقتبس من مقاول كبير)

كدي ورونا جهة واحدة مافيها فساد في هذه الحكومة المتأسلمة والاسلام منها براء عم الفساد في البر والبحر وبيلغف يرقوه يدوه وزارة اغلد من الاولى حسب لغفه وهكذا وهذه الكباري التي يتباهون بها بيت كلها بقروض خارجية يعني على ظهورنا وظهور الاجيال القادمة وليست من اموال البترول الذي للغف بليل وذهب للجنوب بليل او كما قال ايدانهم دولة كاملة الدسم بعد ما شبعوا منه والشعب السوداني الأبي هو الضحية اصبح شعب خالي الدسم وعلى وشك الوفاة