مصرع وإصابة (9) في انهيار بئر بمناطق التنقيب عن الذهب بـ«قلع النحل»
لقي (4) أشخاص مصرعهم وأصيب (5) آخرون بجروح متفاوتة نقل (2) منهم لمستشفى القضارف أمس بمنطقة سالمين بمحلية قلع النحل ولاية القضارف إثر انهيار «بئر» بمناطق التنقيب العشوائي للذهب.وأفادت مصادر (آخر لحظة) أنَّ انهيار البئر جاء نتيجة لتدافع أعداد كبيرةمن المواطنين للمنطقة بحثاً عن الذهب بجانب الأمطار الغزيرة التي ضربت المنطقة أمس.. وأوضح معتمد محلية قلع النحل أحمد محمد صالح لـ (آخر لحظة) أنَّ تدافع المواطنين كان بسبب الكميات الكبيرة التي تم استخراجها من البئر قبل يوم من وقوع الحادثة. داعياً المواطنين للابتعاد عن الآبار العميقة حفاظاً على أرواحهم والبحث عن الذهب في المناطق السطحية، وأكد المعتمد على توفير الخدمات الضرورية بمنطقة التنقيب وتقنين عمليات التنقيب وضبطها داعياً المواطنين لأخذ الحيطة والحذر.
آخر لحظة
ده كل القدرتو عليهو .. الذي يجري تنقيب مقنن وليس عشوائي .. للأن أجهزة استكشاف أماكن الذهب يتم إدخالها إلى البلاد عن طريق مسئولين مرموقين في الدولة ..
أرواح الناس ماهي هملة ..
أوقفوا هذا العبث .. وأكشفوا لنا أسماء المتورطين في استيراد تلك الأجهزة اللعينة .
معي صديق طبيب الان اخد معاهو اربعة اجهزة بتاعت الكشف عن الذهب ودخلها السودان عاد وبدون اي مسالة ودفع عليها جمار اربعة مليون ريال لاغيرة (متورطين شنو وهذة الاجهزة مالية السوق في كل دول العالم وباابخس الاتمان يا ابوي واذا كان عاوز واحد الان بالف دولار وتجمركوا بي اربعة مليون وعشان تبيعو في السودان بي 18 مليون كلمني الان او تاجروا لاي حد الشهر بي مليون عموا لا تتكلم فارغ يا اخي واضبط نفسك وفتش محل انت موجود وبتلقي الجهاز دا ورسلو لاهلك في البلد هنا يخلصوا عااااااااااااادي جدا جدا
يا اهل المخ
امريكا لم تنجح الا بهجرة الذهب الي كاليفورنيا و ما تبعها من اعمار و تطور. غايتو لو دايرين خلو الذهب للحكومة تأممو ( اسع يقوم واحد فهمان منهم بعمل ذلك " حرصا علي ارواح المواطنين" و تبيعة للصينين و لا الفرنسين و تشموا قدحة.
يا خوي إنت كاسر ركبة ؟!
جهازك البتعتل فيهو عشان تجيبو السودان بيكلف أقل من 7 مليون جنيه .. وبيتباع بي 18 مليون .. والمتورطين ديل هم اللي عملو سوق للأجهزة دي .. وفتحو الاستيراد كوبري عشان إنت والغلابة الزيك يدخلوها بالحبة والحبتين .. والقطط السمان يوردوها بالكونتنرات .. وفي النهاية الناس الغلابة تموت بالعشرات بحثا عن الوهم الكبير .