بعد الخارجية والاستثمار: “الطفل الصغير” اصبح مفتي الحزب الح
بعد الخارجية والاستثمار: “الطفل الصغير” اصبح مفتي الحزب الحاكم!
١-
***- ان تقسيم الادوار في مسيرة الأنقاذ منذ عام ١٩٨٩ وحتي اليوم تتسم بالسذاجة الشديدة والعبط المبالغ فيه، فقد تعودنا خلال السنوات الاولي من عمر الانقاذ – تحديدآ في سنوات التسعينات- علي ظهور شخصيات سياسية وعسكرية معينة تابعة للانقاذ كانت وقتها (وبتوجيهات حزبية) تشغل الساحة السياسية بالعديد من التصريحات المثيرة التي كان الهدف منها الهاء الجماهير وتغطية فشل الانقاذ في تحقيق شعار(ناكل مما نزرع ونلبس مما نصنع)، او بهدف سحب البساط من تحت اقدام بيانات المعارضة..
***- احتلت هذه الشخصيات السياسية – باالقوة- كل منابر الاعلام في البلاد، وراحت تبث وتنشر من خلاله كل يوم وبصورة مكثفة البيانات العسكرية..التصريحات السياسية..الفتاوي والخطب الدينية بهدف تثبيت افكار ومعتقدات معينة تخدم سياسة النظام الحاكم ، وهو ما سمي ب(غسيل المخ) في علم النفس.
٢-
***- من اشهر الشخصيات السياسية التي لمعت في سنوات التسعينات وحتي عام ١٩٩٩، كان هو الشيخ حسن الترابي زعيم الجبهة الاسلامية، ومدبر انقلاب ٣٠ يونيو. وقع عليه عبء القيام بدور (منظر الانقاذ) و(فيلسوف الانقلاب)!!. ولما كان حسن الترابي يحب بشدة الشهرة والظهور الاعلامي وبريق اضواء آلات التصوير، فانتهز هذه الفرصة وفرض نفسه دون الاخرين علي الساحة السياسية، راح يصرح بما يشاء دون حساب او رقيب!!..يفتي وكانه الوحيد في الكون “العالم العلامة ..الفاهم الفهامة”!!. راح يحث الشباب والتلاميذ علي الجهاد، والجنة التي فيها الحوريات ينتظرن بفارغ قدوم الشهداء!!، وكانت النتيجة مصرع عشرات الآآلأف في غابات وادغال الجنوب.
٣-
***- كان هناك الرائد يونس محمود، صاحب اقبح لسانه عرفته الاذاعة السودانية، الذي ما سلم احد من بذاءاته!!..
***- وهناك الدكتور ربيع عبدالعاطي ، الذي لم يوفق حزب المؤتمر الوطني في اختياره لكي يتحدث باسمه في المنابر والمحطات الفضائية العربية!!. كان( كارثة حقيقية) بمعني الكلمة لا علي الحزب فقط، بل جلب علي نفسه السخرية والهزء محليآ وعربيآ!!، قام الحزب بعزله كمتحدث رئيسي بعد سلسلة من التصريحات الغبية!!
٤-
***- اشتهر الدكتور نافع علي نافع في الساحة السياسية طوال ربع قرن بانه (فـتوة) الحزب، وحامي حمي النظام الحاكم!!، كان يتحدي الجميع -بلا استثناء- رئيس كان او عضو حزب!! لم يوفق المؤتمر الوطني في اختياره لكي يمثله في الداخل. نافع عرض حزبه الي احراجات بالغة كان في غني عنها… وبسبب بذاءته التي لا تحصي، ولا تعد قام احد المواطنيين في مدينة الهلالية برمي حذاءه علي نافع واصابه.. وفي مرة ثانية رماه احد السودانيين بكرسي في لندن جرحه في وجهه!!
٥-
***- بعد كل هذه الخيبات التي مني بها الحزب الحاكم في متحديثه الذين زج بهم الي الساحة السياسية طوال ٢٥ عام ليتكلموا باسمه في كل المحافل المحلية والدولية، كنا نظن ان الحزب وهو يودع هذه الايام ما تبقي له من فترة علي رئاسته الحالية للبلاد، والتي تنتهي بعد اسابيع قليلة ، يسعي جاهدآ لاختيار شخصية اخري قوية، تقوم بالدعاية الانتخابية للحزب وتخاطب الجماهير من خلاله….فوجئنا ان الدكتور مصطفي اسماعيل هو الشخصية البارزة في ساحة المؤتمر الوطني دون الاخرين،- او كما نقول بلغة الرياضة في السودان -(طالع في الكفر)!!
٦-
***- الشعب السوداني برمته لا يهمه في قليل ولا كثير من ينطق باسم المؤتمر الوطني ايآ كان هو سياسي او عسكري، فقط نسآل في استغراب شديد:( ما الحكمة في اختيار المؤتمر الوطني “كرت محروق” يلعب به في الوقت الضايع من عمر النظام والباقي ايام قليلة علي الانتخابات?!!.. هل عقم الحزب عن الانجاب..وما عادت حواء عنده ولاده؟!!)…
٧-
***- ما كنت اود ان اتطرق اليوم في الكلام عن (الطفل الصغير)- هذا اللقب ليس من عندي، انما من اختراع اعضاء في الانقاذ والجبهة الاسلامية منذ سنوات التسعينات!!-، لكن استفزني ذلك التصريح القبيح الذي قاله الدكتور اسماعيل لدى مخاطبته جماهير حزبه بمركز “الشهيد الزبير محمد صالح” , بمناسبة انضمام نفر من حزب الامة اليهم, وقال، إن (الانضمام إلى حزبه يعني أن الوطن فوق القبيلة والحزب جازماً بأن الترقي فيه يتم بالتقوى والخوف من الله ) – المصدر: موقع (الراكوبة) الموقر بتاريخ 29/1/2015-
***- ونسأل الطفل (الضغنتوتي) ان كان قد نسي:
(أ)-
كيف تم اختياركم ترشيح عمر البشير للانتخابات القادمة، وهو الذي اعترف من قبل لصحفية اجنبية -وبعضمة لسانه-، ان نظامه قد ارتكب مجازر طالت ١٠ ألف قتيل؟!!..
(ب)-
***- لقد إعترف الرئيس عمر البشير صراحة وعلي الملآ، ان حكمه شهد ظلماً خيم على البلاد ، تسبب في في الجفاف وتأخر نزول الأمطار، وبدى الرئيس نادماً للمرة الأولى وهو يتحدث عن هذه الدماء التى اريقت في دارفور وقال: نحن فرطنا في سماحة أهل دارفور وسماحة الأعراف، ودماء بعضنا البعض، وكنت انت يا دكتور اسماعيل حاضرآ عندما قال البشير هذا الكلام في حفل افطار فطور رمضان بمنزل التيجاني سيسي الفخيم في ضاحية كافوري؟!!…
(ج)-
***- هل عمر البشير (حزبيآ) فوق المحاسبة، والا ما معني ترشيحه وهو المطلوب دوليآ؟!!..كيف تمت ترقية الاعضاء في حزبكم ، وهم الذين كانوا وراء مصرع ٣٠٠ ألف قتيل؟!!..واغتصاب نحو ٥٠ ألف امرأة واطفال قصر؟!!..
(د)-
***- وانت يا مصطفي اسماعيل، كيف تمت ترقيتك حزبيآ، وقد فشلت في المناصب السياسية التي شغلتها طوال اكثر من ٢٢ عامآ؟!! .. فشلت فشلآ ذريعآ كوزير للخارجية، ظللت طوال فترة حكمك في الوزارة لا تبدي اي مجهودات لحل النزاع السوداني- المصري حول منطقة (حلايب) وتكرر في كل مرة، انها ستكون منطقة تكامل بين البلدين؟!!..فشلت في اطلاق سراح المعتقليين السودانيين في غوانتانامو!! ..وهناك مواضيع اخري لا تحصي ولا تعد فشلت فيها يا دكتور!!
(هـ)-
***- فشلت يا سمعة في عملك بقصر الشعب القديم، ولم تنجح كمستشار سياسي لرئيس الجمهورية ، تمت اطاحتك من القصر، عزلت من المنصب السابق، وتمت بعدها (ترقيتك!!) وزيرآ للاستثمار!!..
***- استثمار ملأت الصحف والمجلات اخباره، لكن حقيقة ما رأينا اي انتاج ملموس!!.. المستثمرون فروا من السودان بسبب قانون الاستثمار.. وفساد (حقي كم؟!!.. حقي وين؟؟!!)..
***-يقال -والعهدة علي الراوي-، مستثمر سعودي استغرب كثيرآ، ان وزير الاستثمار السوداني…طبيب اسنان!!
(و)-
***- اخيرآ اسألك:
( هل اعضاء اللجنة التي تقوم عندكم في الحزب الحاكم بترقية الاعضاء علي اساس “التقوى والخوف من الله ” فيهم:
علي عثمان؟!!..بدرية سليمان؟!!.. نافع؟!!..كمال “البكاي”؟!!..حاج ساطور؟!!..المتعافي؟!!..عبدالرحيم حسين؟!!..عوض الجاز؟!!
8-
***- لك الله يابلد….
بكري الصائغ
[email][email protected][/email]
منذ الظفولة ومازلنا نعتقد ان السياسي رجل تملاءه الحكمة والعقلانية وما ان يفتح فمه ويخرج لسانه تتحقق مكاسب جمة لصالح الوطن وانسانه ولم نعرف بكري اخوي
ان السياسة بها دجالين ومشعوذيين وتجارة سيخ واسمنت وكسارين تلج وحارقي بخور ولعب بالدين الا في عهد الانقاذ،
ماقيمة قصر يسكنه الشيطان وأتباعه وعشرين طفل ماتوا في مستشفي القضارف في يوم واحد والحمد الله فما زال الطبيب السوداني حي الضمير ،
فقد تقدم 16 طبيب باستقالتهم نسبة لتردي الاوضاع بالمستشفي وكل طفلين او ثلاثة في سرير والصورة المرفق بخبر استقالة الاطباء توضح حال المستشفي والقطط السمان تنتظر الموتي بالمشرحة لتنافس صاحب القصر في الشبع وامتلاء الكرش
وسلام للانسان الشاعر الطبيب ودبادي ويا سكان القصر العالي سلام
وصاحب القصر الفخيم يقتل والفطط تشبع وتمزمز [بأفضل اللحوم البشرية اللهم لا حسد ياقطط بلادي فقد اجاز لك البرلمان قانون الرفاة وعليك الا تختارى [بجاوي ، نوباوي , فلاتي ، جعلي ، شايقي كل لحوم اهل السودان متوفرةوجزار القصر لم يكن يوماً عادلاً الا بتوفير هذة اللحوم لمن يرغب من الحيوانات المدللة بقانون رفاه الحيوان
واهم الانجازات شوارع الاسفلت العديمة الجودة والمواصفات والتي لاتصمد بعد إكتمالها شهر او شهرين وتصبح كلها حفر تساعد الحاكم بأمر الله في هلاك شعبه بحوداث أليمه وما تبقي من الشعب سوف يدفن في حفر البحث الدهب الوهم
يا بكري ياود الصايغ يا ود الدهب عليك الله في دهب غيرك انت وبرقاوي وشبونه ومولانا سيف الدولة واهل الراكوبة وكتابها الاشراف والله لاندري ماذا نفعل الكارثة عظيمة وهم لايشعرون
الحمد الله علي سلامة العوده أستاذ بكري
عليك ألله ماتطول الغيبه،فأنا أتنفث الأكسجين من كتاباتك
أما،،،الجماعه ديل فهم أغبي البشر لك أجمل التحايا.
هم برضو بفتطروكم اطفال صغار يلعبون بالكيبورد وماخدين فنادق خمسة نجوم للراحة ةكدا, يعنى كلام انشائي وشوية فسوات بنسمعها من سنين ولسع حنسمعها لسنوات قادمة
الأستاذ بكري الصائغ … معلش بس سوءال بريء ..أنت من تخاطب وتصف بالحزب ؟؟؟ كلمة حزب كلمه كبيره لها مدلولها … لكن التنظيم والذي هو في الحكم عباره عن شلة صعاليك ونفعنجيه وكلمة عصابه هي أنسب تعريف … كانوا في قاع المجتمع وفي غفله من الزمن أستلموا السلطه …. ديل فشلوا في بلوغ أدني المناصب في الدوله السودانيه لانهم لم يكونوا موء هلين بالقدر المطلوب لذلك عندما جأت الأنقاذ وجدوا ضالتهم في استحواذ المناصب واقصاء كل من قيمهم بالمعايير المتفق عليها قبل الأنقاذ واستحدثوا معايرهم الخاصه عشان يعينوا ناسهم الفشله ..قانون الصالح العام أبعد الكفاءات عشان يجيبوا ناسهم دا وين في الدين ؟؟؟؟ دي ناس عندهم مشاكل نفسيه وعقد عشان كدا لا خير فيهم البته .. ولن ينصلح الحال إلا بي زوالهم واعادة ترتيب البيت السوداني من أول جديد .. وللاسف الشديد عاثوا فساداً غير مسبوق بسم الدين والدين منهم بريء … والدليل على كلامي ..اذا أخذنا مثال بسيط مما ذكرت أعلاه فحش القول الذي تبجح به هوءلا الآرزقيه من رئيسهم إلي غفيرهم أين هو من الدين الحنيف ؟؟؟ عمر البشير عايز تربيه خليك من الرجرجه البتصفق ليح … يجوا ويتبجحوا ويقولوا هو أنسب من يحكم .. يعني نفاق ودجل وكذب زي دا ما شفناه ولا سمعنا بيه … تقول السودان ما جاب لا أزهري لا المحجوب لا عبدالله خليل .. لذلك أتسال هل الناس ديل سودانين ؟؟ هل الناس ديل عاشوا وتربوا في السودان ؟؟؟ شربوا من أخلاقنا وقيمنا ؟؟؟… ونرجع للسوءال القديم الجديد من أين أتي هوءلاء ؟؟؟
الغالي . حبيبنا د. الصائغ .
مخاذي الانقاذ . لا تحصيها الاقلام ولو صارت الاشجار اقلامآ والبحار مدادآ .
الشئ المحيرني وما لاقي ليهو اجابة . هل ناس الانقاذ ديل عبطاء ام نحن اغبياء ؟
كتاباتك تنعشنا .
ما تطول الغيبة .
أستاذي بكري– لك التحية والتقدير–أسأت الظن بكم حينما توقفت عن ( نقح) طار الجماعة وحسبتك دخلت في مرحلة احباط وبيات شتوي بعد القصر والانهار التي تجري من تحته واودك شاكرا ومقدرا ان تواصل حديثك هذه الايام فاضحا بقية سيئ الذكر علي عثمان الذي ضيع الجنوب واورثنا حروبا فوق ما كنا نعاني والطيب سيخة وفعايله في دارفور وتقبيله يدي علي عثمان في قاعة الصداقة وهم اصحاب المسيرة القاصدة لله التي قامت لدفن الصوفية وعن الذين دمروا التعليم ابتداء من محي الدين صابر الي ابراهيم احمد عمر وعن ذلك الزبير بشير طه وهو يصوم الاثنين والخميس بافطار فاخر يدفعه مواطن الجزيرة التي اخذت حصها من سخرية البشير بعد ان دمر مشروعها الذي كان مضرب المثل وعن بقية الفلاسفة مهدي ابراهيم والمتعافي الطبيب البشري مسؤول الزراعة الاول في السودان ومتعهد استيراد التقاوي والاسمدة– ما فعلته الانقاذ يستحق ان يعاقب عليه البشير ويجرد من منصبه ويقدم للمحاكمة اذا كنا في بلاد اخري تحكم بغير دستور ( بدرية).- لك التقدير والاحترام KEEP UP THE GOOD WORK
مصطفي عثمان ووووغندور النظام لانه بتاع ماكلة لازم اهتم باسنانه
الشكر للأستاذ بكري،
عندي تعليق قصير من وحي مقال سابق لأستاذنا “سيف الدولة حمدنا الله” في مقاله “خصائص رئيسنا القادم” عن الشروط والمواصفات التي أعلن حزب المؤتمر الوطني توفرها في مُرشحيه لوظيفة رئيس الجمهورية في الإنتخابات القادمة.
http://www.alrakoba.net/news-action-show-id-161972.htm
كيف يجزم الدكتور اسماعيل بأن الترقي في حزب المؤتمر الوطني يتم بالتقوى والخوف من الله، إذ كيف يمكن قياس (التقوى والخوف من الله) في حزب المؤتمر الوطني؟ وهل هذا المقياس “منضبط”، أي يمكن قياسه في نوعه أو مقداره حتى تتم الترقيات على اساسه؟
أفيدونا يا أهل الراكوبة!
طيب انت امشي وابقي مستشار بافكارك اللي ما تخرش الموية
يا بكري نزلت من قدر الفتوات، نافع ما فتوه ، الزول فاتيه راسها عديل، زميلنا وبنعرفه
هذا الطفل المجزرة عمل مجزرة في وزارة الخارجية ليس مثلها مثيل اطاح بكل الدبلوماسيين الاكفاء الذين لن يتم تعويضهم واقل ما لديهم اتقان اللغات الاجنبية وليس لديهم جوازات من دول اخري كمصطفي عثمان وغندور وقطبي وربيع صاحب الدواب والازرق عاشق الناها وبطانته وعين كل دنقلاوي حايم من غير عمل عاطل اكثر ما لدي الدناقلة من مؤهلات شهادة ثانوي مقدودة كان يستعين بجواسيس ممن تم تعينهم من بطانته لنقل اخبار واقوال الاخرين ويطيح بمن يريد
لقب الطفل المعجزة يطلق علي العبقري الذكيء ومن لديه القدرات علي الابتكار والتفوق فاتسال من الذي اطلق عليه هذا اللقب وهل مارس طب الاسنان الذي درسه في بريطانيا ومن هم زملاؤه في المهنة لم اسمع ابدا اي طبيب اسنان يقول ان مصطفي هذامارس هذه المهنة سواء في بريطانيا او في السودان
واتمني ان يفيدنا اخوتنا في بريطانيا ممن درس معهم او عاصرهم في الدراسة عن مدي عبقريته وكفاءته في مهنة طبيب الاسنان
اللهم اجعل كيدهم في نحرهم اللهم شتت شملهم وارنا فيهم يوما اسود كيوم فرعون وهامان وجنودهم امين
مصفي اسماعيل كان يطمع في ان يكون الامين العام لجامعة الدول العربيه ولن غباءه منعه من ان يدرك ان جماعة الدول العربيه منذ انشائها كان امنائها من المصريين وهم:
عبد الرحمن عزام (1945-1952) : هو أول أمين عام لجامعة الدول العربية.
محمدعبد الخالق حسونة (1952 -1972
محمود رياض (1972 -1979) :
الشاذلي القليبي (1979-1990
د. أحمد عصمت عبد المجيد (1991-2001) :
عمرو موسي الذي تولي منصب الامانه في عام 2001 وخلفه نبيل العربي في عام 2011
مصر لن تسمح بان يكون امين جامعة الدول العربيه من دولة احري غير مصر,,
تقاسم الادوار ليس وليد 89 كما ذكرت بل منذ تاسيس وتخطيط وبناء هذه المزرعة وهي تعج بالقطعان من بقر وضان وماعز وثعالب وكلاب وضباع وخنازير وسخلان من مرضعة واحده لا اطيق ان اذكر اسمها وسط كل هذا القطيع تعيش هذة الحرباء وسط بولة وروثة وازعاجة مش حاجة عجيبة وغريبة المزرعة اصبحت حاليا مستنقع آسن ومضر لنا وسوف يموج ويفور هذا القطيع ب عفاره الذي يحمل لك صنانات البول والروث مسبب الازمات وهو م نعيشة الان
عن مصطفي اسماعيل نـحكي…
********************
(أ)-
مصطفى إسماعيل :
مستحيل ان يهرب البشير ويترك شعبه..
ثورة تونس نتيحة للفساد والقمع والارهاب والمحسوبية وهى اسباب لا تتوافر فى السودان ..
نتحدى ان يثبت اى بنك فى العالم بان لديه حسابا للبشير او احد اقربائه.
****************
المصدر:- الراكوبة –
01-26-2011 04:46 AM
—————————-
***- قال د. مصطفى عثمان اسماعيل مستشار الرئيس السودانى ان السودان يتوقع ان تصعد القوى الغربية الموجودة فى مجلس الامن قضية المحكمة الجنائية الدولية التى تطالب بالقبض على الرئيس عمر البشير بعد الانتهاء من استفتاء جنوب السودان
واوضح فى الحوار الذى اجرته معه الشرق ان الحكومة السودانية على اتصال مع الدول التى لديها معها علاقة جيدة من بينها الصين وروسيا وغيرهما مشيرا الى ان الحكومة بصدد نقل معركتها مع المحكمة الجنائية الدولية الى داخل الدول الغربية نفسها حتى يتم فضح المحكمة والانتهاء منها او يعاد صيغتها بحيث تخدم العدالة الدولية. وقال ان الحكومة السودانية لا تخشى مما جرى فى تونس لأن القيادة السودانية مرتبطة بالشعب دون حواجز وفى وقت وفى اى مكان ومستحيل ان يهرب الرئيس عمر البشير ويترك الشعب السوداني.
وقال ان الثورة فى تونس قامت نتيحة الفساد والقمع والارهاب والمحسوبية وهى اسباب لا تتوافر فى السودان مشيرا الى نفى البنوك الغربية عدم وجود اى دولار واحد فيها مقيد بحساب الرئيس السودانى وقال د. اسماعيل ان الحكومة السودانية تتحدى ان يثبت اى بنك فى العالم بان لديه حسابا للبشير او احد اقربائه دولار واحد فى الحسابات لديها.
(ب)-
فساد الانقاذ يعبر الحدود :
مصطفى عثمان يشترط على المستثمرين
دخول عبد العزيز عثمان في كل مشاريعهم!
***************************
المصدر:- حريات-
-March 19, 2013-
————–
***- كشف مصدر مطلع وموثوق لـ(حريات) أن مصطفى عثمان اسماعيل فرض محسوبه عبد العزيز عثمان على المستثمرين المصريين خلال زيارته الأخيرة للقاهرة. وقال المصدر ( إن مصطفى عثمان ظل خلال لقاءاته مع رجال الأعمال المصريين يقدم لهم عبد العزيز عثمان كرجل أعمال كبير واشترط عليهم دخوله كمساهم في كل المشاريع الاستثمارية التي ينوون الدخول فيها بالسودان) . وأكد المصدر استغراب المستثمرين المصريين من تصرفات الوزير مصطفى عثمان اسماعيل.
وعبد العزيز عثمان وعماد الدين حسين وعبد الباسط حمزة ثلاثي أضلاع مربع أهم مراكز الفساد في البلاد ، والضلع الرابع عبد الله حسن أحمد البشير شقيق المشير البشير ، الذي يشارك المافيا في استثماراتها ويسبغ عليها حماية المشير البشير. ويعرف (الاربعة) الذين تبدأ حروف اسمائهم بحرف (العين) بعينات الفساد. والثلاثي عبد العزيز وعماد وعبد الباسط كانوا مسؤولين عن التصنيع الحربي حين عملهم كضباط في جهاز الأمن في التسعينيات ، وإرتبطوا بأموال الجماعات الإسلامية بما فيها أموال أسامة بن لادن في السودان ، ونهبوا أموال التصنيع والجماعات وأسسوا بها امبراطوريتهم وشبكتهم المافيوية التي ضمت لاحقاً شقيق البشير.
وعلمت ( حريات ) أن عبد العزيز كان قد التزم بسفلتة طريق يتجه من دنقلا عن طريق البر الغربي إلى مصر مقابل حصوله على امتيازات استثمارية كثيرة ، إلا أن المفاجأة برزت في افتضاح ان عبد العزيز يعتزم تشييد الطريق مقابل أراضى حكومية ملكت له ويقوم ببيعها حالياً لمستثمرين مصريين!
(ج)-
قائمة ببعض قطع اراضي
مصطفى عثمان إسماعيل
*********
الممصدر:- -(حريات )-
05-14-2014 07:28 PM
————————
المدينة
الحي
المربع
رقم القطعة
المساحة
المالك
الخرطوم
اللاماب ناصر
5
190
400
محمد مصطفى عثمان اسماعيل
الخرطوم
الميزان
ـــــ
52
456
—————–
محمد مصطفى عثمان اسماعيل
الخرطوم
جبرة
13
518
620
———————-
مصطفى عثمان اسماعيل
الخرطوم
الشجره
6
184
641
———————-
مصطفى عثمان اسماعيل
الخرطوم
الشجره
6
187
500
———————–
مصطفى عثمان اسماعيل
الخرطوم
الازهرى
27
180
966
———————
مصطفى عثمان اسماعيل
الخرطوم
الازهرى
27
181
722
———————
مصطفى عثمان اسماعيل
الخرطوم
الازهرى
27
182
610
————————-
مصطفى عثمان اسماعيل
الخرطوم
الازهرى
27
183
971
(د)-
مصطفى عثمان لـ «الشرق الأوسط»:
الشعب السوداني غير مقتنع بذهاب حكومتنا ومجيء بديل أحسن منها!!
(هـ)-
لماذا يهرب المستثمرين الوطنيين من
السودان في (حتى تكتمل الصورة) (1- 2):
*****************************
المصدر:- جميع الحقوق محفوظة لـ المجتمع للمعلومات 2013 –
-الخميس، 26 يونيو 2014-
——————————
بالتزامن مع الملتقى الاول للمستثمرين الوطنيين. ناقش (حتى تكتمل الصورة) المشاكل التي تواجه الاستثمار في السودان. واضعاً في الحسبان أحاديث د. مصطفى عثمان اسماعيل وزير الاستثمار في صحن البرلمان والتي اثارت جدلا واسعاً كونها اماطت اللثام عن خروج حوالي 723 مشروع بحوالي 928 مليون دولار من السودان ناحية اثيوبيا. هذه المعلومة الصادمة تفرض سؤال عن الأسباب وراء خروج الاستثمارات السودانية الى اثيوبيا؟ وما الذي يوجد هناك -اثيوبيا- ولا يوجد هنا -السودان؟ والسؤال الأهم كيف نعالج مشكلات الاستثمار؟!!
والله بقيتو زى المهندس سليمان محمد بخيت بن علي بن سليمان ,يوم واقع فى حسين خوجلي ويم فى زيدان ويوم فى بدرية فلانة والثالث علي علي بن ابي طالب,, خصلة بتاعة حريم
لك التحية الأخ بكرى ..
الطريف مرة مصطفى عثمان ده كان فى لقاء فى التلفزيون ..زوجى قال لى تعالى شوفى الطفل اللعوب ..فضحكت وقلت ليه إسمه الطفل المعجزة..
أما ردى على بدر السماء الكيزان صحى فيهم شوية وجوه بلهاء لكن الغالبية منهم خبثاء بل أخبث خلق الله ومتوهمين إنه الناس طالما ساكتين مبسوطين وبحاولوا يوهموا الشعب السودانى بأنه مافى بديل أحسن منهم ..والحقيقة إنهم أسوأ من حكم السودان …
والله بقيتو زى المهندس سليمان محمد بخيت بن علي بن سليمان ,يوم واقع فى حسين خوجلي ويم فى زيدان ويوم فى بدرية فلانة والثالث علي علي بن ابي طالب,, خصلة بتاعة حريم
لك التحية الأخ بكرى ..
الطريف مرة مصطفى عثمان ده كان فى لقاء فى التلفزيون ..زوجى قال لى تعالى شوفى الطفل اللعوب ..فضحكت وقلت ليه إسمه الطفل المعجزة..
أما ردى على بدر السماء الكيزان صحى فيهم شوية وجوه بلهاء لكن الغالبية منهم خبثاء بل أخبث خلق الله ومتوهمين إنه الناس طالما ساكتين مبسوطين وبحاولوا يوهموا الشعب السودانى بأنه مافى بديل أحسن منهم ..والحقيقة إنهم أسوأ من حكم السودان …