وزير النفط يؤكد التزام الوزارة بتنفيذ الخطة الاستراتيجية لزيادة الإنتاج النفطي

الدكتور محمد زايد عوض يقول ويؤكد حرصه على استمرار برنامج توطين الصناعات النفطية وتدريب وتأهيل الكوادر العاملة في قطاع النفط ، دعيا قيادات القطاع لوضع الكوادر طبقاً لمؤهلاتها وتخصصاتها وذلك وفق مؤشرات الاداء لكافة العاملين .
هل تعلمون ان هذا الدكتور الهمام تخرج من جامعة الخرطوم وعمل دكتوراتو على حساب المشروع الالماني لقاها كيف و علاقتو بالالمان دي اسالوهو منها هو كان يعرف يجاوب. دا ما المهم تخصص سيادتو في تخصص دقيق هو Micro Paleotology يعني شغلتو في الجيولوجيا كلها هو تحديد اعمار الصخور و اشتغل بيها في جامعة الخرطوم قام عوض الجاز جابو وزارة الطاقة مستشار للوزير يشاوروهو في شنو و الله ما عارف رغم انه ما مارس اي عمل جيولوجي منذ نيلة البكالوريوس قعد مستشار ما عندو شغلة كم سنة كدا و فجأتن عينوعو مدير استكشاف في شركة الشركة دي اتحلت الان بس للعلم انها حفرت تلطاشر بير جافة في النهاية دفعو شركة سودابت خسارتهم اصلها بتاعة الامن قالو و كان رئيس مجلس ادارتها علي حسن احمد البشير و الذي يحلو للموظفين بالشركة تسمينه بعلوبة العوقة. و بعد نجاح دكتوركم الهمام في عمليات تدمير قطاع النفط و تقلبه في المناصب الفنية التي لا علم له بها الان وصل الى مرحلة النهاي و لانهاء كل ما يتعلق بالنفط ها هو امامكم و شوفو بعيونكم لو الانتاج زاد جالون واحد جالون شنو دا لو زاد كباية بس اقى قابلني.
و شيلو الفاتحة يا جماعة و غايتو كان عندنا بترول زي ما كانت عندنا زراعة و كانت عندنا ثروة حيوانية

يا سعادة الوزير الآبار جفت والإنتاج تدحرج إلى أقل من مستوى الطلب اليومى للنفط في السودان ومنذ زمن الزبير ومكاوى وإلى اليوم تظلون تنفخون في قربة مقدودة ياخى خليكم صريحين وخاطبوا الشعب بالحقيقة المرة،، لو كان فيها خير ما كان عينوك ليها وزير كان جابو ليها واحد من شندى لفوق، هذه هي الحقيقة.

نحن لانصدق حرفا وحدا مما قاله الوزير الهمام..روحوا العبوا غيرها

الحقيق الغائبة هو ليست هنالك بترول في سودان الذي يحكمه الموتمر الوطني ، نعم توجد في سودان جبهه الثوريه بلاحري مناطق المحرره الدليل هو كونه محمد زايد وزير عندما كان نفط السودان متوفر قد سكنه عليه عوض الجاز عقدٱ من زمان لانه هذه وزاره قاتل عليها قرنق عشرون عامٱ ليلآ ونهار من انت يا زايد حتي بهذه سهوله انت ذاتك اصلا زايد لوزاره زايد

عن اي نفط تتحدث هل انتاجك من الخام من جميع الانواع يكفي المصافي المحلية فقط ؟؟؟ الاجابة للاسف لا وانت الان تستورد الجاز
ثم لو كان هناك نفط لما الت اليك وزارة النفط وانت موظف في سودابت ينظر اليك مديرها علي انك ما زلت تعمل تحته
بالله فكر في التخزين والتكرير علي شواطي البحر الاحمر ووسع مواعين التخزين للشركات العالميه وادخل في شراكات حقيقيه مع الشركات العالميه وسيبك من كضب الجماعة ديل واعمل في مجال التكرير وعلي شواطي البحر الاحمر لا في اواسط السودان والغرض معروف بالضرورة والتنوكة الضاربةالبسو ليك فيها دي خلي بالك منها