تحذيرات من موجة برد قوية تبدأ الأربعاء

بعشق شمسها الحراقة
حليل النيل حليل الغابة

طيب هنا الحوبة حوبتك يا كمال رزق البطاطين مقطعة الملايات مدلقنة المعدة فاضية الابواب والحيط من زمن المطر الشق الصغير فيها زقاق والشق الكبير شارع ما عندنا قروش عدس لا فول شوربة البصل ( السخينة ) كملنا البصل فى شوية زيت قدر نقطة نقطتين ما عارفين نتمسح بيها ولا نكبها فى شوربة البصل اذن بعد عرض الحال ده كللو وعارفين ما حيحرك فيك ساكن ولا بهزك اها لابد من التحرك جماعات ووحدانا الى اين ؟ البعض حيقول نحو القصر !!! لا نحو بائعات الشاى للتحلق حولهم وهناك عدة فوائد من هذا التحرك قولوا واحد التدفئة بلهب نيران المناقد قولوا اثنين نشبع جوعنا باستنشاق ريحة اللقيمات اللذيذة ثلاااااثة نستاذن منها فى المسوح بزيت اللقيمات ارررربعة انتظارا لمرور كمال رزق علينا او الحوكومة بعد استفزاز كمال رزق ليها يمكن تجى مارة علينا توزع علينا مظاريف وبطاطين ( لو كنت مكان مدام سند كنت عملت كدة ) خمسة حماية بائعات الشاى بتشكيل سد منيع من جماعة المحليات كدة نكون استفدنا وافدنا