ضبط كميات كبيرة من نبات القات بالخرطوم…القبض على (18) متهماً منهم (9) نساء
الخرطوم : هبة – تمكنت إدارة المباحث الجنائية ولاية الخرطوم شعبة شرق النيل امس بالتنسيق مع شرطة المحلية من القبض على شبكة من الأجانب بحوزتها كمية كبيرة من نبات القات تقدر ب(28) جوال و(4) شنط كبيرة كل واحدة تحتوي على عدد (20) كيس وميزان. وألقي القبض على المجموعة المكونة من (18) متهماً منهم (9) نساء وجميعهم من الأجانب ما عدا سائق العربة الذي كانت مهمته تنحصر في ترحيل المضبوطات.
ووفقا (للمكتب الصحفي للشرطة) فأن الكمية التي تم ضبطها كانت معدة للبيع وقامت الشرطة بنصب كمين تم على إثره القبض على المجموعه.و تم فتح بلاغ تحت المادة (15/أ/ مؤثرات عقلية) من القانون الجنائي والمادة (30) من قانون الجوازات والهجرة فيما يجري التحري مع المتهمين لتكملة الإجراءات وعرضهم للمحاكمة.
السوداني
[COLOR=blue]الصورة رمزية لكيفية تناول القات[/COLOR]
اوعا يكون قبضو جغمة معاهم
ههههههههههههههههههههههه
يعنى الفى الصورة ديل مخزنجية ؟
حكاية أجانب دى كلمة فضفاضة ورونا جنسهم شنو علشان نعرف القات ده زاتو نوعيته كيف وجاى من وين ؟ أصلى والا تجارى ؟
مش كل يوم شابكننا اجانب أجانب .. وين المواطنين من الحاصل ده ؟
والله سؤالك عجيب القات معروف من مليون سنة اصلة من اليمن والمقبوضين يمنين ودة اكيد اما المخزنين ديل ممكن ونفتكر سودانين او بشبهونا بس الاجانب كثروا في السودان واصبح الهوية السودانية مامعروفة وفبل ايام باكستاني تزوج سودانية في افراح افراح وبنغلاديشي تزوج سودانية والامر والاغرب قتلها ودفع ديتها وسودانية متزوجة امريكي ونسميه تعايش ديني وبناتنا نزوجهم لكل من يتقدم وبكرة ممكن نيجيري يتزوج سودانية واولادنا جالسون في الحدائق العامة والبلد ملخبطة
عندنا مشاكل ما معروفة الوحدة والانفصال والبترول والثروة والديون وغايتو الله يكون في العون عرفنا البنقو وجانا القات وبكرة الافيون والشمات وبعد كدة مامعروف ماشين لوين والله يكون في العون؟؟؟؟؟
ديل من اليمن الجنوبي قاتلهم الله الرجفه:cool:
بالنسبه للصوره. الصوره ماخوذه من النت
اما موضوع ضبط كميات معناه اساسا في سودانيين بيستخدمو القات والسبب كانو عايشين بره وخرمو زي السودانيين خارج السودان سفه سفه سفه سفه (التمباك)
ما كفانه التمباك لمن يجينا القاد
للاسف ستحدث كوارث اكبر من هذة,والقات مصدره اليمن وبلدنا مفتوحة دون رقيب او حسيب,ومع انتشار الاجانب ستنتقل الينا بلاوي والبلد ما ناقصة من الفيها,ويجب ان تتحرك الحكومة بكافة اجهزتها لحسم امر الاجانب دون رحمة,لان التاريخ لا يرحم,ولنري جيراننا العرب خاصة المملكة العربية السعودية في تعاملها مع الاجانب دون فرز من اجراءات الدخول والاقامة حتي المغادرة فاين نحن من ذلك.واتمني الحسم دون رحمه.
للمعلومية القات نبات منشط وليس مخدر , وأسألوا السودانيين الذي كانوا باليمن وأنا أولهم ,,, مع تحياتي خيام عباس الخيام أكبر مخزن سوداني باليمن ويومياً , ويا سودانيين لو خزنتو الفات لزعتوا الصحراء كلها ناهيك عن الاراضي الجاهزة