زينب شقيقة عمر البشير : غازي صلاح الدين هو خليفة الرئيس البشير في الانتخابات المقبلة
كان توقعاً أقرب إلى الترشيح من شقيقة الرئيس الأستاذة زينب حسن أحمد البشير عندما أشارت بأن الدكتور غازي صلاح الدين هو خليفة الرئيس البشير في الانتخابات المقبلة. وقالت إن البشير ونائبه علي عثمان قد تعبا ونريد لغازي أن (يتعب شوية).
حديث شقيقة الرئيس يفتح الباب مرةً أخرى للحديث حول خليفة الرئيس، وهو الأمر الذي ظلت التسريبات فيه أسيرة لتكهنات البعض ورغباتهم فيما يبدو، فكل شخص أو يرجح يعزز حظوظ قيادي حسب الزاوية التي ينظر منها لقضية الخليفة المحتمل لرئيس الجمهورية. ومن الملاحظ أن أغلبهم يستبطن أن خلفية الرئيس هو من داخل الوطني وينسى أن بالبلد أحزاباً أخرى قد تفرز من يستطيع المنافسة على الرئاسة.
مع ملاحظة أن جميع المرشحين قد (تعبوا) وقدّموا كل ما يستطيعون بعد ان ظلوا لأكثر من عقدين من الزمان في كابينة قيادة الإنقاذ، بما في ذلك د. غازي صلاح الدين نفسه بالطبع.
الرأي العام
ليه يعني ؟؟
عشان تصريحاتو الاخيرة ولا شنو ؟؟؟
الراجل نكشكم وطلّع ان 80 % منكم لا يمثلون الحركة الاسلامة واخيرا بعد 24 عاما وصل لحقيقة انه لا يمكن قيام دولة اسلامية لا يسود فيها العدل والمساواة بين الناس .
تعبوا من شنو !!!!
الناس ديل عارفين مافي حاجة الهفوها تاني عشان كده مخلنا لي غازي
…جيتى وطلعتى من وين يا الشقية؟ده وكت تصرِّحى فوقو؟..خلاس..ختيناك فى اللستة معاهم.!..وبعدين خلى يجيب معاه اوردوغان ذاتو يرجعوا لينا التركية السابقة , ونعيد الماضى من تانى..!!
انتو لسع طمعانين ح تحكموا تانى
إذا كان الخليفه هو غازى ,, والله يكون أحسن شىء , لانه أولا من أسره عريقه عرفت العز من زمان مازى ناس قريعتى راحت ,اللى ماكان عارقين ينطقوا كلمة ساندوتش وهو دكتور وثقف تمام وممكن ينهض بالسودان لان أفكاره مستنيره , وأسره أو عائلة العتبانى مشهوره بالاخلاص . أنا معه بقوه , وأتمنى له التوفيق
اخير تجيبي راجلك يجي يحكمنا هو الفضل شنو ما الامور كلها بقت قريبي وقريبك و راجلي وراجلك اقول ليك حاجه يا زينب انحنا اطبعنا علي اسرتكم الكريمه عارف عشان شنو شان بترقصو
حقيقة تعبوا بالجد من الحمل الثقيل م الاوزار و دماء الابرياء التى سفكت غدرا من دارفور الى النيل الازرق و كردفان والوسط و الشرق وهذا تنؤ منه الجبال صراحه يعنى .
وبعدين اللبع واللغف و الجرى وراء الاراضى و التملك ونزع ملكيات لاصحاب حقوق وهاموا على وجوههم هائمون يبحثون عن العداله لاستعادة املاكهم ولكن يا حسافا لم يجدوا اذن صاغيه ولا مجيب ؟
وكل يوم المطبلاتيه سير سير يا القشير والى اليوم دا ما وصل بعد الهبر و التملك حا اوصل و ين بعد ما البلد وصلت الخاتمه و تقزمت و تشرذمت و بقت سندوتش بس فول ما ذى جقكم هــامبور جــر يا كلب .
ونقول شنوا غايتوا الخليفة المرشح بعد الفضائح النشره ما اظن يلقى ليه وجه من بنى كوز وديل البعادوا الله استر عليه اقلعوا هدموا واخلوا ماشى ملط وخلى العقار و الراحات الكان فيها و فى النهاية طيارة انتنوف و عينك تشوف الموت قدامك و لكن المؤمن مصاب و قضاء و قدر و لجنه تقصى و انتهى الموضوع وكل قرد اطلع شجرته ..
واقترح خلوها ملكيه وريحونا من الانتخابات و التزوير و الكلام الكتير الما بحل و لا اربط ما افضل واخوانك ما شاء الله اسدوا الترعه واقدوا الخزنه .
لقاطت القطن دي الدخلها في السياسة شنو؟؟؟؟؟؟؟؟؟؟؟؟؟؟؟؟؟ وبأي صفة تتكلمين ايتها المعتوهة؟؟ هل السودان ورثتموهو انت واخوانك وباقي افراد العائلة التي اتت من الجحور وسكنت بالقصور… ربنا موجود وسوف يقتص منكم ياظلمة فهل تقوي اجسادكم علي عذاب القبر؟؟؟ وماذا تقولون عند الوقوف بين يدي المولي عزوجل فحيث لا انساب ولا القاب الا من اتي الله بقلب سليم
انا ما عارف باي اخت البشير ترشح خليفة ليحكم السودان والله ما في مهزلة اكتر من كدا
يا لمهانتا…ويا لذلنا!!
الأسرة الذهبية( المهدوية) تجهز خليفتها(شابين ..و..ونصف رجل)!!
الأسرة البلاتينية(الميرغنية)….جهزت خليفتها الذى (ينضُم)بلكنة مصرية!!
وأتفه تافهينا (ترابينا)….يلمع (عصومَه)!!
القادمون من صراصر ..وحوش بانقا…جهزوا لنا أيضاً خليفة(سمح القسمات..من بقايا الغازيات)!!
فزينب البشير…يا ترى (من تطلع زينب حسن أحمد البشير!!؟؟)مفتونة ب(بياض الغازى)
حق لمن غادرنا تعباً وقرفاً وذلا…أديبنا الفذ (سيد أحمد الحردلو)…أن ينام في (شبره)…قرير العين، مطمئن الرسالة…والقول
ملعون أبوكى بلد….ملعون أبوكى بلد….ملعون أبوكى بلد!!!!
بلد لا بواكى له…ويشردوننا في اربعة أرباع العالم…بلد لا بواكى له…وعشرون ألف تأشيرة (مخارجة)تمنح يومياً لزهرة شبابنا في (إ………… مهين ومذل!!
صحافة تافهة وحقيرة ومبتذلة….إعلاميون(………….)
تطلع إيه زينب…ولا مريم…ولا عبد الرحمن…ولا …بشرى…تطلع إيه مريم….!!
أكثر من ثلاثين مليون نسمة…تغتالهم الحروب والمقاتل والمهالك…والمسغبة….ومراوغات الكهول الفاشلين,والعجزة الذين لم يفلحوا في إدارة ما تحت أيديهم….مسرطنين…حقدة…مرابون …لصوص…وتجار دين…بأفعالهم …وبجهلهم….وتصابيهم…وضعف بصيرتهم حتى حواف القبر…سيوردون البلاد والناس موارد التهلكة…البلاد تباع…واراضيها ومشاريعها تهدر…ومؤسساتها يتم القضاء عليها ،الحدود تنهب جهاراً نهارا…الإقتصاد ينهار…وآخر حائط صد يتلاشى…الأخلاق والسلوك والترابط الإجتماعى يذهب هدر مدر…نعم البلاد في مهب الريح… كل تأبط سلاحه …وكل مشحون بأحقاده وبغضائه التى أحسن زراعتها جماعات المتسلمة وأشياعهم والمتحككين بهم …يظاهرهم في كل ذلك إعلام صفيق…وإعلاميون سفلة….يحدثوننا…
عن تافهة…وتافهون….همهم خلافة شعب يتيم…وكفى!!
ثم ماذا …!!؟؟
تعب البشير…تعب على عثمان….نريد لغازى العتبانى أن يتعب شوية !!!أي ….. ..أي دعارة…وأي بغاء هذا الذى تسوقه (الرأي العام)…وكل جماع صحافة المؤتمر الوطنى والمتأسلمة وأيفاع ترابييه!!
حقاً لقد(إرتاح) الشعب السودانى…. بعد أن تعب لأجله شقيقك المتسرطن…ونائبه غراب الشؤم علي عثمان طه!!!!…لهما أن يرتاحا….وللغازى العتبانى الصولجان!!…ولنا نحن جموع الشعب السودانى (كالزانية ) الحجر!!
(نعم ……. هذا الإعلام…و,,,,,,,,, هكذا صحافة وصحافيين)!!
نعم ملعون أبوكى بلد…ملعون أبوكى بلد…ملعون أبوكى بلد!!
سوف لن أستغرب إذا ما إنفجر هذا البلد وبشكل لا يبقي ولا يذر…أليس ثمة حكيم يا إلهى…هل يستحق هذا الشعب الطيب..مافيه من عذاب…وما نراه من قادم مستطير!!
كلمة “عتب” دي براها كافية إننا نرفضوا..أعلنوها مملكة السودان الإسلامية مرة واحدة عشان نعرف راسنا من قعرنا…غايتو كلو ده ما بحلكم خايفين من المحاسبة مرة إصلاحيين ومرة تخريبية ومرة ملكية بالوراثة..كاودا جاتكم…
السيده ( الاميره ) ذينب . السيد غازى لا ينتمى الى قبيلة قريش ولذلك لا يمكن ان يرث عرش ال البشير الرئيس الدائم الخالد ابدا حتى ينفخ فى الصور . والمشير نفسه لا يريد ان يتنازل عن عرش دويلة السودان المتبقيه لانها اصبحت ملكا له وشعبها عبيدا لجلالته . هذه فقاعة اختبار داخليه .. من اراد الحريه والمواطنه المتساويه عليه حمل السلاح وتحرير ارضه كما فعل الجنوبيون الاشاوس الابطال .. والا سبح بحمد خليفة المسلمين عله يعطيك صدقة ..
وكمان حتى أخت الرئيس بقى عندها كلام في مواضيع من النوع دا.ياللهوان
تعبو؟ تعبوا من ايه يا اختى من اللهط ولا من رجيعة البلد لورا ولا من ايه ماعارف
تعبانين يا عينى طول النهار قاعدين يقسموا فى السودان !!! ويدفروا فيه عشان يرجع لورا !!!!تعبانين من الدكتاورية والتسلط والقهر والجبروت وقتل الابرياء فعلا حاجات بتتعب وتجيب السرطان ؟!!!!!!!
والله أخوك ده أمه تكون بتكره خلقته
خاصة وأنها حكت قبل ذلك عن عقوقه لها من هو صغير وضربه لها بيد الفندك وهروبه من البيت أما كلامك عن حب الأمهات له فهو كلام يكذبه المنطق وواقع الحال فهل يعقل أن يكون محبوباً من الأمهات من تسبب في زج أبناؤهن في محرقة حروبه النفاقية والعنصرية أو أمهات من شردهم بسبب سياسة التمكين وحرمهم من حق العمل ولقمة العيش الكريمة أم أمهات من عزبوا وقتلوا وأغتصبوا في بيوت الأشباح التي إعترف بها أمام الملأ
إن الأمهات اللاتي يحببن هذا الخنزير هن من شاكلة أمهات مخانيس الوثني أمهات المثليين من شباب ومنظمات المؤتمر الوثني أمهات الحرامية والمفسدين من كلاب المؤتمر الوثني الذين وجدوا منه الحماية والرعاية
بعدين أخوك ده فيه شنو يتحبه لاخلقه لاأخلاق
وبعدين دولة السودان أصبحت ملك وورثة آلت إليكم من العارف بالله حسن أحمد البشير أم أنها هبة وهبها له كافوري لقاء خدمته في زرائب أبقاره وأغنامه عشان تختاروا منو البيخلف هذا الخنزير إن
حاكم السودان القادم سيأتي من أسود دارفور أو جبال النوبة أو الأنقسنا أما سيد غازي إن كنت معجبة به فاليستخلف أخوك الخنزير في أهله لأنه ربما يعتبر بعد إعدامه بحسب فتاوي علماء الضلال والنفاق ناس شيخ عبدو والشيخ المهجن وفقهاء الكندوم شهيد يتوجب إستخلافه في أهله
زي ما قال (الشايل المنقة) من وين ظهرت يا مقصوفة الرقبة، تبا لذكر شخوصكم المجرمة القميئة، حسبنا الله من تسلطكم على هذا الشعب المغلوب – نتيجة التآمر الكوني عليه – ود العتباني ده هو سوداني مية بالمية، دول بفخروا بأنهم مغاربة، كما ذلك الـ عبد الرحيم حمدي مؤجج وموجد النبرة العنصرية الاول- بره السودان هم اتراك، لكن السودان له أهله الخُلص – الســــوادنــة خلقة – وبالمناسبة ود العتباني ده اسمه يعبر عن حقيقة انتمائة لهذا الوطن – غـــازي – اليس غازي ربيب الترابي اللي خانوه، وتملص منو للسير مع الحثالة الباقية لتدمير السودان بعد مفاصلتهم سيئة الذكر ؟ عجبي لما حل ويحل بهذا الوطن ، بني وطني، لا تغرنكم الدرجات العلمية التي يحملونها، درجات علمية عبيطة، لم يوظفوها حسبما ينبغي لهاالتوظيف، بدلا من أن يكون مدرس بالمؤسسات العلمية جاءنا يخوض في السياسة، وياريت السياسة المعروفة للأمم و الدول العظيمة، سياسة اسلاموية ، لم نر لهم محمدة تذكر ، فساد وعهر وقتل. أين سيقف ود العتباني يوم الحشر العظيم. اليس هو من رجالات القصر لربع قرن …… الكلام يطول (يا مقصوفة الرقبة)، نحن المتربصون المرابطون القادمون قريباباذنه تعالى، فشيلي شيلتك ما دمت دخلت في السياسة.
سبحان الله مغير الأحوال من حال إلى حال
هل عرفتم من هي زينب حسن أحمد البشير؟؟؟؟
أسألوا سماسرة الأراضي ببحري عنها وعن زوجها وتحديداً أراضي كافوري مربعي (9و11)…
نصف هذه الأراضي السكنية مسجلة بإسم السيد / نور الدائم(المحسي)
ومن هو نورالدائم (المحسي) هو مواطن بسيط كان يتاجر بالبيض داخل حي كوبر أيام الشركة العربية الكويتيةوكانت له عجلة رالي سوداء تساعده في توزيع بضاعته…
وبعد أن تزوج شقيقة الرئيس المدللة (زينب) أصبح الآن ملياردير ونصف أراضي كافوري مسجله بإسمه وذلك تجنباً لمساءلة السيد الرئيس قانونياً… الذي قال أنه يملك شقة في حي النصر وبيت في كافوري ومزرعة 10 فدان ولكنه نسي أن يذكر عدد الفدادين التي يملكها زوج أخته زينب بضاحية كافوري…نور الدائم تاجر البيض قبل الإنقاذ والملياردير بعد الإنقاذ…وسبحان الله مغير الأحوال من حال إلى حال .
هيئة توفير مياه ولاية شرق دارفور
ابان زيارتي الحاليه الي مدينة الضعين والتي هي مسقط راسي ولي اليوم اكثر من ثلاثه اسابيع هالني ما رايت من شح في ماء الشرب وعندما استفسرت عن سبب عدم توفر الماء اجابني بعض العارفين ببواطن الامور بان المسؤل الاول عن المياهلا يدري شيئاعن الاداره انما همه الاول والاخير زرع الفتن داخل الهيئه وبيع الوظائف والتنقلات الهمجيه لمن يدفع اكثر مما ادي الي تشريد مجموعه من العاملين وانعكس سلبا علي الاداء علما بان الناحيه الشماليه للمدينه والشرقيه والتي اقطن بها لها اكثر من ثلاثه اسابيع تعاني من ازمة حاده وخانقه في المياه والوزير الزي يدعي الزاير لا امد الله في ايامه نايم علي العسل في الفساد الزي ضرب اطنابه من بيع اراضي المدينه حتي اتخم نفسه ومن معه في الفساد الزي غرق فيه مع مدير المياه بالولايه والزي يدعي الراوي وهو لايستطيع ارواء نفسه فكيف بربكم يروي هزه الولايه المتعطشه الي المياه والمواسيرمكسره والابار معطله رساه الي الوزير الزائر بان يتقي الله في مخلوقاته وان القيامة اتية لا ريب فيها 5555 والي ان نلتقي في حلقه قادمه لبحث ملفات الفساد في وزارة التخطيط العمراني بالولايه
زنوبة … بت البشير … القمر بوبا … عليك تقيل
We the Real Sudanese Will Never Allow A Half Sudanese like Gazi ToEven Think To Rule The Sudan
والله يا جماعة صدق المتنبئ حين قال:
من يهن يسهل الهوان عليه ما لجرح بميت إيلام
لقد هان امرنا حتى اصبح بغاث الطير و (الحمبرات) يحددون لنا من يحكمنا وكأننا اصبحنا أيتام ، نحن الشعب المعلم الذي علم الآخرين كل شيئ ما عاد لنا من كرامة ولا كبرياء ،أصبحنا جيفة يتندر علينا حتى (إسمها منو قلتو لي) . عين والله عين .وتفووووووووووووووووووووووووووووووووووووووو
هي من صراصر هي شايفه انها اطورت من ركوب الحماره الطياره مفتكر الناس كانت زيها هي ركبت الطياره وانحن ركبنا الحماره. زيها زي اي واحد لبس منطلون وقميص جزمه و حلق. افتكر نفسو متمدن و متحضر كتار مخدوعين المعامله الثقافه. الطباع
شعب السودان الكريم الفضل يستحق حياة حرة كريمة أحسن من هذه التى يعيشها بفضل كيزان الشيطان و يستحق حكاماً عادلين يخافون الله أحسن من هؤلاء الشرازم اللقطاء فاقدى الدين والأخلاق ..
و دى صحافة شنو دى ال ماعندها غير نقل الشمارات وكلام المشاطات و ال قلنا وقالو ؟؟ ياحليل زمن جريدة الراى العام لمن كانت كلمتها الإفتتاحية (قبل عام 89) زى نص القانون يحترمها الجميع و عندما كانت أخبارها زى إذاعة هنا لندن فى المصداقية و فى الصدق والأمانة .. وللأسف أصبحت بعد دخولها معسكر كيزان الشؤم أصبحت جريدة صفراء لا تصلح سوى لورق اللف فى البقالات ..
هو السرقة بتعب يا مدام
العتب علي العتباني ورقسني يا جدع عشان البشير يهز وسطو
يعنى السيده زينب شقيقة رسول السودان اختارت الخليفة الاول !
وامرهم شورى بينهم والضمير يرجع الى قبيلة بن كوز وبن جعل
.. نحنا ( التعبنا ) يا بت البشير .. والله ده الفضل ، نستاهل ياجماعه .
حلاص انتهينا من عبد الله والعباس ومحمد وووووو أشقاء الرئيس وبقينا نسمع كمان شقيقاته يقترحن علينا من يحكمنا! يعني حواء السودانية عقمت تماما وأصبح آل البشير نساء ورجالا هم الذين يحددون مستقبلنا بعد أن أفسدوا علينا حاضرنا ورهنوا مستقبل أحفاد أحفادنا بالديون.
غازي في عينك…مفترض بعد كده نتداول السلطة مع اهلنا في دارفور وجبال النوبة وشرق السودان وبرضانا قبل ما يبقي واقع اجباري ..هسع دي جاية ناطه من ياتو شجرة عشان تنظر لينا ما كفاية اخوها المابيصلح يدير طبلية سجاير بقي لينا رئيس قريب لربع قرن …..
تعالى احكمينا انتى؟؟
بالله شوفى ليكى جردل ابرى عوسيه وبعدو شوفى ليكى دلكة ولاحفرة دخان …بلاء يخمك
امشى يا قبيحة ياشينة
المحزن أن بعض التعليقات لا تمة بأي صلة بالتقرير وكلها مبنية علي أساس عنصري عن غازي وأصله وسودانيته وعدمها بدل التركيز علي شخصه وسلوكه وهل هو آهل لأن يرتقي لأن يكون في منصب. والوطنية والوطن ليس هو معيار يقيسك عليه الآخرين بل هو ما تقدمه أو ما ستقدمه فلن يضير أصل الانسان أن كان من أي مكان في السودان ليحكم . أخوتي نفوس بعضنا ونظرتهم الضيقة العنصرية هي ما سيقعد هذا الوطن الي الابد أنذعوا ثوب العنصر والفئة والبسوا ثوب الوطن بكل الوانه وابعدوا أمراض الجاهلية عنكم يسلم الوطن لنا جميعاً
واللة يا زنوبة انا زاتي فترت كل يوم ادعوا علي اخوكي و نايبوا واللة زهجت وفترت علي اللة شوفي لي واحد يسد مكاني عشان اخد راحة شوية اللة ياخدك و ياخد اخوكي و نايبوا قولي امين يا سجم.
الرئيس الجاي لازم يكون شايقي. لاننا نحن احق من غيرنا. نحنا اسياد البلد.
يا اخواننا مافي زول عندو صورة لي زينب دي عشان نقدر نكون فكرة مبدئية عمن هي وكيف تفكر وكيف جاءها الإلهام للتحدث في الشأن العام !
ما شافت أخوانها كيف شغالين بهدوووؤ وبعيد عن الأضواء.. عمولاتهم بيستلموها غادي غادي..وما ليهم في السياسة يجي غازي واللا أبكر..المهم الفكة اللموها دي ما تتهبش ! حسبنا الله ونعم الوكيل في وليداتك يا حاجة هدية رجال على نسوان إلا من رحم ربي
ههههها والله حكاية…. زينب كمان وتختار الخليفة…. وغازي صلاح الدين .. لكن غازي ما بيعرف يرقص زي البشير، نحن رئيسنا لازم يكون رقاص … خلاص علموهو الرقيص الباقي هين….
هل غادر المعلقون في الراكوبة من متردم أم هل عرفت الراكوبة بعد توهم
شكرا لكم أحباء الراكوبة لم تتركوا لي كلمة أٌقولها بعد قولكم هذا…..
حلاتا زينوبا
يا زنوبة ما تخلى الخليفة أخوك(العباس درجو) وأهو بالمرة زيتكم فى بيتكم وبالمرة يجينا رقاص جديد وأمكن على الواحدة ونص….أهههههههههاى.والله بقينا مسخرة ياجدعان.
شكرا اختي زينب — اثني ترشيحك— د غازي صلاح الدين هو مؤمن فرعون بين الجماعة!
أنا بقترح الخال الرئاسى يبقى رئيس ونايبو يكون نور الدائم بتاع البيض..الله يفقع
بيضكم زى ما فقعتوا مرارتنا..والله مرات بقول انا بحلم… ده كابوووووس..غايتو بقترح
انشاء الله بعد الكابوس ده يزح يجيبوا الكيزان كلهم+الصادق+الميرغنى فى ميدان عام
ويعملوا مثلا الكف ب 20 دولار البونيهْ فى الوش 100 دولار فى البطن 50 ..القرصة 10 دولار
و كده نكون حلينا ديونا و ملينا خزينتنا و اتفشينا…حيرتووووووووووونا..
تزوزي كلـبه مـهـوبلـه .. نحـنا ناقصـنك .
علشان كده غازي من ايام كان بغازل المعارضه وتحدث عن ان اسس الدوله وكان اسس الدوله القويه شئ جديد في قاموسه تحدث عن استقلال القضاء والصحافه والمراجع العام وسحب البساط من التمكين وتجار الدين ولكن ذكرني خطاب البشير يوم الانقلاب ووعووده وما صرنا عليه اليوم بعد 20 عاما من التمزيغ والتمكين والتهميش والتجنيب ومصادره الصحف وزجر المراجع العام وترويض النائب العام وبيوت الاشباح لم يعد للبلد حبيب لا من قريب ولا من بعيد روسيا وايران والصين اتجاه بشار الاسد وفعلا سمعنا صيحات الكنس الله يستر
يعني نفهم انو غازي فاز بالانتخابات المقبلة ؟ طيب مبروك مقدما كدا
يا ام جضوم غازي منو وانت منو زاتك بس خلاص عشان اخت الرئيس
ليك حق مابلد هاملة وشعب هامل واصبح حكر لاسرةالبشير واخوات البشير
هو انتو لسة قعدين بعد دا كلو يا زنوبة هوي يا اعمك غاى صلاح اعمل حسابك المرة دى دايرة يغطس حجرك الفجر الجديد
ياجماعه الهضربه شنو ما قلتوا عايزين دوله المواطنه . اها غازى ده مواطن سودانى لا شايقى ولا جعلى وطبعا دوله المواطنه لا تعترف باللون ولا العرق ولا الدين يعنى مافى داعى لحكايه ما سودانى اصلى وبقايا التركيه . والله حالتكم تحنن
خليكم تفاتيح يا جماعة غازي الايام دي زعلان بقي يفضفض و ينتقد الانقاذ عديل كدة و يقول عنها دكتاتورية و ما فيها عدالة و مرات يقول عايز يهاجر و الجماعة عايزين يسكتوا شوية و يعشمو في الرئاسة ذات نفسها و عاوزين يقول ليهو انحنا ما ناسنك يا غزويا – زينب مرت احمد التوم شنو كمان الدخلا في تحديد خليفة البشير يعني الحكاية بقت هاملة ساكت و يعني ما حركة اسلامية وجيش و دفاع شعبي و مؤتمر وطني — تجي فبركات من زينب مرت احمد التوم في النهاية تحدد رئيس السودان لربع قرن القادم .
هذا الخبر مجرد فقاعة إعلامية … وﻻ يهمنا سيكون واقع أم ﻻ … وفي النهاية الأحزاب هي التي ترشح من تريد لمعركة الرئاسة ….والمؤتمر الوطني سيحدد مرشحه بالصورة الديمقراطية عبر مجلس شورى الحزب … وقد يكون البشير ذاته أو غيره …. ونأمل أن تكون إنتخابات حرة ونزيهة وذات شفافية عالية بعيدة عن أي تزوير … وآمل منع أي مظاهر للدعاية الإنتخابية في يوم الصمت الإنتخابي وطوال أيام الإنتخابات … وأن يتم الفرز فورا في نفس المركز الإنتخابي أسوة بما حدث في مصر أخيرا ….وأن يمكن مناديب المرشحين والمراقبين الوقوف على كل الخطوات الإنتخاب والفرز …. ومرحبا بأي رئيس قادم بعد ذلك ولو من عواجيز الفجر الجديد ..