أُلقي القبض عليها في مطار الخرطوم أثناء عودتها من الخارج، ..أكبر مزورة أراضٍ تتوب وترتدي النقاب
الخرطوم – حافظ الخير
أعلنت أكبر مزورة أراضٍ، أُدينت في تزوير أراضي بالخوجلاب في بحري، بجانب تزوير أراضٍ في أماكن أخرى، أعلنت توبتها وارتدت النقاب ورفضت كشف وجهها حتى للمحققين.
وعلمت (المجهر) أن السيدة أُحيلت إلى نيابة مكافحة التزوير في الأراضي والعقارات بعد أن أمضت عقوبة السجن، وتواجه (4) بلاغات جديدة كانت في انتظارها بعد انقضاء مدة السجن.
وأكدت مصادر (المجهر) أن السيدة أُلقي القبض عليها في مطار الخرطوم أثناء عودتها من الخارج، وكانت ترتدي النقاب تخفياً من الشرطة، إلا أنه لم يحمها وتم توقيفها ومحاكمتها، ومنذ القبض عليها رفضت نزع النقاب.
المجهر
مين أسم النصابة يا جماعة حيرتونا والله
نسأل الله أن تكون توبة نصوح ونسأل الله الهداية للجميع، ولكي تتحلل من حق الناس وتتم توبتها يجب عليها إعادة حقوق الناس لأصحابها
الله يتوب عليها , بس ترد المظالم لأهلها, لأن حقوق العباد مبنية على المشاحة وحقوق الله مبنية على المسامحة.
هاهاهاهاهاهاهاهاااااااااااا
والزوروا في تاريخ البلد والسرقو البترول والدهب والباعوا اليورانيوم لي ايران ح يعملو ليهم شنو .؟؟؟؟
إخص يا بلد !!!
رجعي فلوس الناس .
والتوبة بينك وبين ربك .
طيب الحرامية البسرقو عينك عينك وبدون نقاب البقبضم منو……………..
عندما عادت الى ارض الوطن هل من تلقاء نفسها؟ اوضاقت بها البلاد اليى كانت فيها؟ اماافتكرت
ان التهم قد انتهت.
(وتواجه (4) بلاغات جديدة كانت في انتظارها بعد انقضاء مدة السجن.)
على الطلاق دي شديدة ولضيضة..اتلقي ماخلت ليها واطة ما زورتا
تاني زوري يا المنقبة
قولوا لى ناس الحكومة ديل خلاص كفاكم أتحجبوا
انت حقه تشوف وقندراني ما تشوف!!!! ناس سرقوا بلد بحالوا وعدموهوا التكتح، لمن العفينة دي! ودي من انتاجم لان الطيور على اشكالها تقع.
كدي أسألوا شيوخ النصب والسرقة والإحتيال الحاكمين البلد وخلوا التلاميذ لبعدين
من شروط قبول التوبة النصوح أن ترد الاموال و الحقوق لأهلها
هل التوبة بالنقاب والحجاب ؟
واحد من الكيزان بي يفتش في عروس شرطا تكون منقبه وبتعرف وتجيد التزوير.؟
كان قلعت النقاب احسن ليها ,,,لانو لو طلعت سمحة الجماعة ( بتاعين القروض ) بلقوا ليها فتوى ,,,, وكدا يعنى .
تزوير اراضي دى بسيطه….فى ناس دين الله … زوروا
بسيطة!!! يعتبر الحصل منها دا(( مسكول بس))مقارنة بالتماسيح الكبار
الله يفك اسرها النفس امارة بالسوء