اقتراح جامعة «الخرطوم شمال» لاستيعاب الطلاب الشماليين
اعلنت وزارة التعليم العالي والبحث العلمي، عن اكتمال كافة الترتيبات لاعلان الجامعة التى سوف تستوعب الطلاب الشماليين بالجامعات الجنوبية مطلع الاسبوع المقبل، واقترحت (جامعة الخرطوم شمال) اسماً للجامعة، فى وقت اكدت جامعة السودان للعلوم والتكنولوجيا ان الطلاب الجنوبيين سيعاملون معاملة الطلاب الشماليين الى حين تخرجهم.
وقال وزير الدولة بوزارة التعليم العالي والبحث العلمي خميس كجو كندو، ان اجازة مقترح انشاء الجامعة الجديدة سيتم اليوم من قبل السلطات الرسمية، واكد فى ندوة انعكاس انفصال الجنوب على الطلاب بجامعة السودان امس، ان الدولة ملتزمة بمعالجة قضايا الطلاب الشماليين فى الجامعات الجنوبية، وتقديم كل العون للطلاب الجنوبيين فى الجامعات الشمالية وربط ذلك بموافقتهم على ان يتم القبول عبر مراكز خاصة بهم.
وقال ان الوزارة رفعت مقترحاً لتسمية الجامعة الجديدة باسم «جامعة الخرطوم شمال» لاستيعاب الطلاب الشماليين الذين كانوا يدرسون فى الجامعات الجنوبية على ان يتخرجوا بشهادات جامعاتهم السابقة.
من جانبه، تعهد مدير جامعة السودان للعلوم والتكنلوجيا البروفسور احمد الطيب احمد بعدم ترحيل الطلاب الجنوبيين الذين يدرسون بجامعة السودان والبالغ عددهم 950 طالبا بكلاريوس ودبلوم لحين تخرجهم، وقال انهم سيواصلون دراستهم الى حين التخرج.
الصحافة
خطوة في الاتجاه الصحيح حتي لا يضار احد من انفصال الجنوب
الله يرحمك يا جامعة الخرطوم (( ح يسموك جامعة الخرطوم وسط))
مع احترامي لمسمى الاقتراح (جامعة الخرطوم شمال) اقول انه غير موفق وقصير النظر….فقد سبق وأن اقترحت على هذا الموقع تعليقا على موضوع مصير طلاب الشمال الدارسين بالجامعات الجنوبية أن تنشأ جامعة بالشمال على نفقة حكومة الشمال بمسمى جامعة جوبا فرع الخرطوم لربط امل استعادة الوحدة وان كان صعبا في يوما من الآيام فانا كنا فشلنا كجيل من توريث الأجيال القادمة حقيقة بلد مزدهر فلا مانع أن نورثهم حلما جميلا ربما يتمكنوا من تحقيقه في يوما ما وذلك بربط السودان الشمالي بالسودان الجنوبي عبر جامعة جنوبية بالشمال ذكرى دولة كانت موحدة في يوما ما..تماما كما فعل الانجليز عند حكمهم للسودان و كانت جامعة الخرطوم هي جامعة لندن فرع الخرطوم وبنا المصريون املا في بقاء السودان ضمن الدولة المصرية جامعة القاهرة فرع الخرطوم والتى خرجت كوادر لا زالت تأمل في عودة دولة وادى النيل فمن الأولى ان تكون جامعة جوبا فرع الخرطوم ليعودا سودان الاستقلال مسقبلا
الاسم غير لايق. اقترح جامعة النيل الابيض لكونه الرابط الوحيد بين الدولتين.
جامعة النيل الأبيض يربط بين الدولتين … !!! بكرة نردمو النيل ده …
يعني ما لقو اسم تاني
حرام عليكم يا الكيزان
تتنتهكوا الحقوق الادبية لاعرق جامعة في السودان
وكلمة شمال دي شنو يعني
يا جماعة وين حقوق الملكية الفكرية
بقيتو والله اكعب من الصينيين في التقليد وتشويه السمعة
وياناس جامعة الخرطوم ما تسكتوا علي المهزلة دي
فاتحين 500 جامعة وبعد دا كلو عاوزيين يشوهوا سمعة جامعة الخرطوم
وغير كدا دا مافي صالح طلاب الجامعة الوليده
الموضوع ابسط من كده ، مفروض الطلاب ديل يتخرجوا بنفس مسميات جامعاتهم القديمة حتي يتخرجوا لانو لما قدموا وتم قبولهم بجامعة معينة ومفروض يتخرجوا منها
ما تسيئوا استخدام السياسة وتجعلوها وبال علي اهل السودان
عليكم الله ما احسن الحرب بي الف مرة من البحصل دا ؟