إصابة «22» طالباً وطالبة بجامعة السودان بحالة تسمم لتناولهم «فتة»
الخرطوم: عيسى جديد :
أصيب «22» طالباً وطالبة بكليتي الموسيقى والدراما وعلوم الاتصال بحالة تسمم إثر تناولهم فتة فول في وجبة الإفطار بالقرب من الجامعة، وتم نقلهم لمستشفى الحوادث بالخرطوم. وقال مصدر طبي بالحوادث لـ«آخر لحظة» التي زارت المصابين إن التسمم نتج عن تناول طعام فاسد مشيراً إلى أن أوضاع المصابين مستقرة بعد تجاوزهم مرحلة الخطر بإجراء الإسعافات الأولية لهم، لافتاً النظر إلى تماثل بعض الحالات للشفاء وخروجهم من المستشفى، فيما لا زال بعضهم يتلقى العلاج.
اخر لحظة
مابنخليكي ياموية الفول..مش لو تسمم،نلقي غيرك وين؟إتأدبي مع الغلابة ..مابتعايني ود عمك العدس قاعد ب أدبه
ان حبيبنا الفول لا يمكن ان يسمم ..انني اتعاطاه منذ ان تعلمت الاكل وعمري الان فوق الستين استمتع باكله يوميا ….ولم يحدث ان غدر بي …ليلة ما
التسمم من حاجة تانية ..انني اشهد على براءة الفول ..حتى ولو كان معفن واكلته …حبيبي الفول …شوفو غيري وغير حبيبي … البيض مثلا ..الخ
غايتو كان ما الوضع الزفت المعيشيننا فيهو الكيزان ديل ما كان في ادمي اقترب من الفتة و شقيقها البوش .. دي وجبات لا تنفع ولا تضر مجرد حشو بطن و حفظ حياة لا اكتر ولا اقل
و كمان ياكلوا فيها ناس كلية الموسيقى و مستنين يغنوا ليكم حاجة غير ورا ورا
اكيد واحد من ناس الدراما ديل لمن حس بأعراض التسمم صاح بأعلى صوته ^ خونة .. خيانة .. كل حلفائك خانوك يا قسم السيد ^ تتتتتتن ( دي موسيقى تصويرية)
الفي الصورة… شكلها فتة كاربة بس ناقصة زيت سمسم وشطة
مات شبعان أخير من مات جيعان.
والله في ناس فتتكم دي ما لاقيينها
دوسوا ساكت وربك يشفي الجميع.
سبحان الله حتي الفته بقت تتعزز علي شعبنا
صاحب المطعم لقى زيت السمسم غالى كبليهم زيت فرامل
حتي الفتة بقت بتسمم؟؟ يا ربي ناكلوا شنو تاني؟؟؟ أحسن حاجة الواحد يشتري قمح حب أو ذرة حب و و يجيب ليهو بخسة صغيرة بها علاقة و غطاية و يصب فيها القمح أو الذرة و شوية مياه بس تكون الموية نظيفة .. و كلما حس بالجوع يتناول شوية بلبلة و يشرب من الموية و كدا يكون ضرب عصفورين بحجر ؟؟ظ لا رأيكم شنو ؟؟ أسألوا الرعاة فإنهم خبيرون بهذه الأمور و لا تسألوا المتعافي البيقول كلام ما معقول