صوب المتحدث الرسمي باسم حزب البعث السوداني، محمد وداعة، انتقادات عنيفة ضد قائد ثاني قوات الدعم السريع.
وقال وداعة إن حديث دقلو (الصغير) بشأن عدم السماح بقتل المتظاهرين واعتقال السياسيين، إنه كلمة حق أريد بها باطل، وإفساد العلاقة بين قيادات المكون العسكري، بعد أن كادت الأزمة أن تضع أوزارها. وأضاف تصريحات عبد الرحيم اللهم إلا أن يكون خلاف بين الإخوة آل دقلو.
ووصف وداعة وفي لصحيفة (الحراك) تصريحات دقلو الصغير بـ “الخطيرة، عازياً الأمر لوجود خلاف بين آل دقلو. وأضاف هذا إن حدث فهو خلاف خطير، أما بشأن الحديث حول تسليم السلطة للشعب رد وداعة بأن الأمر لا يحتاج مناشدة من دقلو، وقال يكفي وفي جلسة عائلية أن يقنع حميدتي بالاستقالة من مجلس السيادة، وبهذا يفتح الباب لتسليم السلطة للشعب.
وأضاف “سبق وقلنا إن الإطاري وتوابعه ستكون سبباً في (فرتكة) القوى السياسية وحدث ذلك وعملياً تركت شروخاً في بيت مولانا. وأردف هاهي لعنة الإطاري دخلت بيت آل دقلو وتساءل وداعة لماذا أعلن عبد الرحيم بعد السماح بقتل المتظاهرين من الليلة وصاعدا؟ لماذا ليس من الأمس؟ وقد سقط (124) شهيداً منذ الانقلاب، وآلاف من الشهداء في فض الاعتصام؟ ومثلهم ويزيد من الشهداء في دارفور.
وشدد أن ذلك لا يعفيكم من مسؤولية قتلى الأمس وما سبق من قتل؟ وتابع وإذا كانت لديكم القدرة على عدم السماح بقتل الشباب المتظاهرين من (الليلة وصاعداً) فلماذا سمحتم بذلك سابقاً”.
ياخ بطلو النقة و المناكفات, أولاد دقلو فى الوقت الحالى هم الوسيلة الوحيدة للضغط على الانقلابيين وأنتم ليست لديكم أى وسائل عملية واقعية أخرى لمقاومة العسكر ولجنتهم الامنية التى تحصد فى كل يوم أرواح الشباب, عليكم أن تتواضعوا وتكونوا واقعيين, العسكر و فلولهم من الكيزان لن يتركوا المشهد ولن يتنازلوا ان لم تكن هنالك قوة ضاغطة فعليا تجعلهم يعيدون التفكير عدة مرات, هذا هو ما فى متناول اليد الآن من فرص, غير ذلك سنظل لافين تحت رحمة البرهان و طغمته الى ما نهاية.
أولاد دقلو مجرمون و قتله يا مغلوب علي عقلك
نثمن هذا الرأي
يا سلام عليك أيها المواطن المغلوب على أمره، ردّك موضوعي للغاية.
أحييك يا واقعي.
فعلا مغلوب يعني معناها نؤيد كل من يوصلنا للسلطة و لو كان جنجويدا او قاتلا او مجرما ..انتهازية و جبن بدون خجل.
ال دقلو عيال كيزان وسيتم تاديبهم ان عصو اسيادهم
وداعة غواصة صلاح قوش ويتحرك حسب توجيهاته وقد كان ملازما له فى مصر. على وداعة ان يسال مخدمه قوش عن بيوت الاشباح وشهداء الثورة. يجب كنس كل العملاء ال الميرغني وامثال وداعة وحركة الارتزاق المسلح، هؤلاء جميعا لا مصلحة لهم فى التغيير
والله يا ناس البعث والشوعى ما عارفين انتو عايزين شنو وكونو انه يصدر منو هذا الحديث برضو مبقيول وزى ما بيقولو
ان تاتى متاخرا خير من لا ان تاتى
وياناس البعث والشيوعى الفرتكه بداتموها انتم دون ادنى اعتبار للوضع الحاصل والذى كان يتوجب انكم تتوحدوا مع
الاطارى لمحاولة حل ازمة البلد
منو يقنع منو بالاستقالة؟ هههههههههههههههه يا جماعة الله ده غباء شنو ؟ لا حميدتي حيستقيل ولا أخوه حيقنعه بالاستقالة أصلا لان كلام زي ده بيعني نهايتهم ونهاية الدعم السريع حقهم المتكول في الجيش ومصلحتهم مع بعض ومصارينهم في يدين بعض عشان كده قلنا الاحزاب اليسارية لاتصلح للحكم ولا لادارة دولاب دولة عشان الزلنطحية في أفكارهم وتصرفاتهم والمخ المخاته ده غايتو انتو با بعاعبت البعث المقبور والشيوعيين ده يلتخوه بي ده كل حزب فبكم أخيب من اخوه هسه كان قعدتوا مع قحت ومشيتوا مع الزحمة الفيها الرحمة مش كان انسترتوا والناس ما سمعت بي افكاركم الخنفشارية دي
ايوة كدا هو الصاح يستقيل ال دلقو كلهم وينزلو معاش ونضم الدعم للجيش وبعدين نجيب خمسة نواب مدنيين للبرهان المرة دي والنواب يكونو مريومة وجعفر حسن وخالد سلك والدقير ومعاهم عرمان عشان مايزعل وكدا وعشان نلغي الاتفاق الاطارئ مش ديل عاوزين يعملو الاطارئ فقط عشان يكونوا في الحكومة خلاص نخليهم نواب البرهان عديل كدا هههههه
وين فكي منقة من الرصة والمنصة ياستو ؟ خخخخخخخخ انت طبعا جاي تتمسخر ياكوز الشاي
وداعة المتحدث الرسمي للمجرم صلاح قوش
يا جماعة لا تجلسو تحكو فى كلام لا يسمن ولا يغنى . البقول ليكم الدعم السريع قدر التحدى مع القوات المسلحة كذاب والله العظيم ما يصمد ثانية امام قواتنا المسلحة وعلى البرهان ان يترك الخوف ويدخل التاريخ بقرار نهاى واستلام السلطة وتكوين حكومة عسكرية وانتهى . وصدقنى لا امريكا ولا جن احمر بقدر يعكل شى . السيسى قتل 4000 شخص فى ليلة واحدو اية عملو ليهو الان افضل صديق للغرب والامم المتحدة والدعم ياتى لة من كل العالم . البلد بلد السودانيين يعملو ما يريدون فيها . او اذا البرهان خايف يجب ان يتناذل لغيرو والله الجيش بة رجال ياكلو النار . خلى يستلم واحد ويجزر العملاء السياسين ديل وكلاب الغرب . والله كل الشعب يقيف معه لانو الشعب ضاع . واكتشف خيانتهم وضلاله لهم .
طيب يا محمد وداعة ليه ما تطلب من جنرالات الدم برضو يقدم استقالاتم
و لا المسألة فيها خيار و فقوس؟!!!!
و ستخلو الساحة لبرهان و لجنته الأمنية و لن يسلموا السلطة يا وداعة!!!!
أنا ما عارف تفهموا كيف يا وداعة و صديق يوسف بتاع الشيوعي؟!!!!
غلبكم تحشدوا الشارع للاطاحة باللجنة الامنية