فشل زيارة الرئيس البشير لدولة قطر
في الاجتماع الأخير للمكتب القيادي لحزب المؤتمر الوطني قال الدكتور إبراهيم أحمد عمر يجب علي المكتب القيادي أن يواجه مشاكل السودان بوضوح و معرفة الأسباب الحقيقية وراء الأزمة السياسية و هل نحن نريد فعلا ديمقراطية أم نرقب في نظام أخر لكي يستمر المؤتمر الوطني في السلطة و عقب الاجتماع همس في آذن الرئيس كيف نستطيع حل المشكلة الاقتصادية التي هي كعب أخيل للنظام إذا كنا فعلا نستطيع التصدي للقوي السياسية بأساليب عديدة و يمكن احتواء مطالبهم كيف نستطيع أن نحتوى السوق و نسيطر عليه إن الجوع و الفقر و الحاجة يؤدي إلي اليأس و إذا وصلت الجماهير لمرحلة اليأس سوف تكون بداية للثورة التي تتطلع لها المعارضة و قال أن السودان فقد كل احتياطي للنقد الأجنبي و إذا لم نجد بصورة مستعجلة احتياطي سوف يتدهور الجنيه بصورة كبيرة مما يؤدي إلي ارتفاع للأسعار فقال له الرئيس أنني مستبشر خيرا بزيارتي إلي الدوحة و مقابلة شيخ حمد و قال أن الرئيس الإيراني قد وعد بدفع 200 مليون دولار و هي التي تعهدت بدفعها إيران لتنمية الشرق كما وعد بإرسال مواد غذائية للسودان بما يعادل مئة مليون دولار.
غادر الرئيس البشير الخرطوم إلي الدوحة و هو يحمل معه أمال كبيرة أن الشيخ حمد سوف لا يرفض طلبه و أجتمع الرئيس البشير اجتماعا منفردا لمدة ساعتين مع شيخ حمد حيث طلب من دولة قطر مبلغ أربع مليار دولار لكي توضع كاحتياطي يوضع في بنك السودان الهدف منه حماية الجنيه السوداني من التدهور و أعتذر الشيخ حمد باعتبار أن دولة قطر لها التزامات كثيرة في عدد من الدول و هي لا تستطيع لأن توفي بدفع هذا المبلغ. ثم كرر الرئيس إذا كانت قطر لا تستطيع أن تلبي طلب السودان نرجو من فخامتكم تغطية نفقات بعض الحاجات المستعجلة و بالفعل قد وافق الشيخ حمد علي تنفيذ محطة كهرباء أبو حمد و دفع نفقات الفريق القومي و مخصصات مدرب أجنبي للفريق القومي كل هذه كانت حصيلة زيارة الرئيس البشير.
القضية التي تريد نقاش عقلي إذا كانت الإنقاذ دائما تفخر بأنها شيدت محطة مروي الكهربائية و التي سوف تغطي كل الإقليم الشمالي فلماذا الطلب المستعجل أنشاء محطة كهرباء أبو حمد رغم أن الرباطاب يعانون من مشكلة المياه و عدم تعويضهم في ممتلكاتهم التي فقدوها و القضية الثانية هل إن الأزمة المالية السودانية في النقد الأجنبي وصلت لهذه المرحلة التي يعجز فيها السودان لدفع منصرفات الفريق القومي و مخصصات المدرب الأجنبي و التي لا تتعدي كلها أثنين مليون دولار.
واذا نظرنا إلي السياسة التي قدمها وزير المالية و الداعية إلي الاستغناء عن الملحقيات الثقافية و الإعلامية في عدد من الدول و هي جميعها تبلغ العشرة ملحقيات ثقافية و لا تتعدي منصرفاتها و جميع مخصصات القائمين بها في السنة مليون و أربعمائة ألف دولار أمريكي و هذه الخطوة تحدد فعلا الإشكالية المالية التي تعاني منها الإنقاذ و التي جعلت الرئيس البشير يذهب بنفسه إلي دولة قطر لكي يشحدهم مليارات الدولارات ولكنه رجع بمحطة أبو حمد للكهرباء وهي محطة صغيرة لا تتعدي تكلفتها 750 ألف دولار إضافة إلي إن دولة قطر قد تكفلت بتغطية منصرفات الفريق القومي الذي تأهل الى نهائيات الدورة الأفريقية في الجابون.
القضية التي تحتاج أيضا إلي تعليق النصائح التي قدمها السيد النائب الأول لرئيس الجمهورية للقوي السياسية المصرية أن لا تنزلق إلي الفتنة الطائفية و أن الإنقاذ لها تجارب يمكن أن تقدمها إلي الأخوة المصريين يقول المثل ( ….. و شايلة موسها تطهر) كان أولي بهذه النصائح أن يقدمها إلي نفسه حيث أن السودان يشهد معارك في ولايتين إضافة إلي مشكلة دارفور التي لم تحل هذا غير الجنوب الذي انفصل هل يريد النائب الأول أن يفصل جزءا من جمهورية مصر.
كمال سيف
[email protected]
* صحافي سوداني – سويسرا
اولا اصبت بلعجب من صورة العجب ولكن عند قراتي للموضوع فهمت سر علاقة الصوره به . ياجماعه بلعقل كدا القروش البشحدوا فيها دي ماممكن يجيبوها من ارصدتهم البرا البلد يعني يعتبروها دين علينا يفكوا بيها زنقتنا ااااقصد زنقتهم اااااااخ بقيت ذي المرحوم يونس شلبي في مدرسة المشاغبين ماقادره اجمع…..المهم يجيبوا لينا وبعدين يشيلوا حبه حبه عشان ما نحس ونثور وكدا…ويبقوا علي الاقل طبقوا المثل المصري ….من دقنوا وافتلوا……:lool:
البشير الفاشل مشي يشحد للدوله ولا للمنتخب .. في دوله في الدنيا بتبني منتخبها الوطني بلد تانيه ! هذه من انجازات صحيفة الانقاذ .. بعدين القروش بتاع قطر للمتتخب زاتها حاتتنهب مع ناس النهب المصلح الانقاذي … ومادام البلد واقعه كده البشكير ده بتفسح بقروشنا ماله وماشي مالاوي عشان يغير جو والبلد في الحضيض وعدمانه الدولار .. ده لو كان زول قدر المسئوليه ماكان عتب برا البلد عشان يوفر اللقمه لشعبه لكن حاكمنا واحد ارعن بليد
العجب لانه لاعب في الفريق القومي المذكور في المقال
بعد قراءة المقال تذكرت أيام المرحلة المتوسطة عندما كنا نقوم بتأسيس فريق الحي ناخذ ورقة ونلف على الدكاكين والشخصيات المروقة في الحي لجلب التبرعات.
ولكن أن يقوم رئيس بذات نفسه ولحمه ودمه فهذا قمة الخذلان …
وأقترح للصحفين اسم مقال فأنا لست صحفيا واسم المقال هو :
الشحدة الرئاسية
كاتب الموضوع اما ساذج او بيعتبرنا ساذجين,اصلا نحن السودانيين الاصلين ما همنا كورة . ولا همنا محطة كهربا. همنا سجارة بنقو في هولندا.
الدعم للفريق القومي ثمن وقوف الاتحاد مع بن همام
لن تخاطر اي دوله في الدعم الذي سوف يذهب مباشرة للانفاق العسكري والباقي للفساد
الدعم لن ياتي الا بايقاف الحرب والتسويات السياسية ومعالجة فساد السلطة
علينا بذلك المنافق المدعو مصطفى عثمان إسماعيل .. مدعي النزاهة الذي تطاول على الشعب السوداني بأنه كان "شحاد" قبل انقلابهم المشئوم .
تُرى ماذا يقول هذا الصفيق ورئيسه يحمل قرعته يتحاوم بقيده القصير جدا يستجدي الملوك والرؤساء والأمراء وكل من يصادفه في الطريق دون استحياء .. النزيل نزل الحلقة بعد أن فشل مراسلته مصطفي إسماعيل في الشحدة من الكبار .
يخيبكم يا وجوه الفقر .. قروش بترولنا وديتوها وين ؟؟ طلعوها من محل غطستوها أسترو بيها حالكم المايل ..
"هين قرشك .. ولا تهين نفسك " .. المثل ده ما سمعتو بيهو ؟!
غايتو .. غتيتين غتاتة !!
بصراحة الحكومة مناسبة جدا مع شعب جوعان وفلسان وفي نفس الوقت جبان لا يغيرالله ما بقوم حتي يغيرو ما بانفسهم
العجب بقى مشتشار رئيس الجمهورية ولا شنو .
والمريخ كيف فكاهو …
احسنت صنعا ياكاتب المقال عند إدراجك لصورة العجب في المقال وتذكرت ( العجب ) شخصية بت قضيم التي تجيد التمثيل … كذلك هذا ( العادل إمام ) الذ ي يجيد التمثيل ومن المؤسف يجيد تمثيل الادوار ( التراجيدية ) في دور الشحاد الاكبر ,,,, وهو وعصابته الفاسقة لو كان قلبهم علي هذا الوطن لأحضروا ماسرقوه من أموال ( البترول الدهب …. الخ ) من خارج الوطن المنهوب ماله والمغلوب علي أمره شعبه حتي فريقه القومي هزمه الفريق البشير بالضربة القاضية وبكل أسف ذهب يتمطي ويشحد بإسم الفريق القومي يالها من فضيحة … شعب يموت من الجوع والفقر والمرض وحاكمه يشحد من أجل الفريق القومي ومدربه الاجنبي العار والخزي لك أيها الرئيس واللعنة عليك وعلي بطانتك إلي يوم الدين آمين اللهم عليك بهم وعجل بذهابهم إلي إبواب جهنم نزاعة للشوي
يا اخ كمال سيف الانقاذ ضربت مثل حى لتوحيد الاوطان و ايقاف الحروب الداخلية و التعايش السلمى بين الطوائف و الثقافات المختلفة!!!!!!!!!!!!!! بس العيب ما فيها العيب فى بنى قريظة و المعارضة العميلة لو انخرطوا فى مشروع الانقاذ ده كله ما كان حصل و معاهم امريكا كمان!!!!!!!!!! انفع اكون امين الدائرة السياسية فى حزب المؤتمر الوطنى مش؟؟؟؟؟؟؟؟!!!!!!!!! يلا تعالوا انخرطوا كلكم لحد ما يفضل فيكم عضم!!!! انتوا متاكدين انه ناس الانقاذ ديل كملوا الابتدائية؟؟؟؟؟!!!!
توزعو في الدولارات للمصرين والعربات الجياد والبقر والحركات والبركات
ان شاء الله يحنو عليبكم بي حاجة من دولارات المعونة الامريكية
الكيزان والاجر علي الله علي بالدين الناس ديل فيهم حلات شتيمة بس كدي اليتخارجو
عنوان المقال _____ فشل زيارة الرئيس البشير لدولة قطر
جاني احساس كدة كانو البشر ناجح في كل شي او النجاح دايما حليفو وفشل (بس ) في زيارة الدوحة
ياخ الفشل متجسد في البشير وياتو فشل ؟ ما اي فشل ! الفشل الزريع
دة شي والشي التاني الله يسالكم المفروض يمسكو ناس الامن المحترمين ديل ويستاهل الجلد
البشير ولا ابوعيسى الفاضحنا وضيع بلدنا ووطلع مييتين ابو اهلنا البشير ولا ابو عيسى (عاد دة كلام !)
اذا فرضنا ابو عيسى مشى يشحد دعم من هولندا عن طريق سفارة هولندا
اهو الشير ما مقصر يقصر الملح زي المنشار طالع شاحد ونازل شاحد ما خلى زول زاتو نشحدو بعد نسقط النظام :D
أنا مستغرب لشحدة قادة المؤتمر الوطني
يعني هسي الرئيس لو حاول يبيع قصر مرتو الإشترتو من ولد الشيخ مصطفى الأمين أو عمارات ذات العماد حقت أخوهو أو إستثمارات فاطمة خالد المليارية في منظمة حسن الخاتمة أو يأجر جزء من مسجد أبوهو الخمس نجوم اللي في كافوري
لو مثلاً نافع باع قصر بنته المنيف أو باع مزرعته الـ16 كيلومتر مربع اللفي سوبا
أو باع أي واحد فيهم أي شيء من طرف الدولاب ممكن يساهم في فك الأزمة
لكن الظاهر الحاجات السرقوها دي من الثوابت
ومستعدين يبيعوا أخوانهم الأفغان العرب ويسلموهم لأمريكا ولا يبيعوا متر واحد من الأراضي التي همبتوها
وبعد دا كلو يقولوا ليك لا دنيا قد عملنا
دا حالتو ما عملتوا للدنيا الغرور ….طيب لو عملتوا ليها كان ح يحصل شنو بالضبط؟؟؟
هههههه
اااي والله غلفه وشايله موسا تطهر
— ليه يا أخوانا صورة العجب مع الزول العوير دا ؟؟
العجب يفرح والبشير يجيب الكربة ؟؟
العجب فنان والزول دا دلمة ؟
العجب بجيب القون السمح الطال انتظاره, والزول دا بيجيب المصيبة دقلا يتلولح ؟؟
العجب سيدو , والزول دا الممغص سيدو ؟
يا أخوانا الزول الوضع الصورة قاصدنا نحنا المريخاب ولا شنو ؟؟؟
اطلاقا لاينجح البشير في عمل ولا قطر تدعم مشاريع الخير ولكن لو طلب البشير القطريين لابادة الفور والنوبه لساهمت في ذلك واصلا البشير راجل فاشل ومنافق وكذاب
والله نحن عارفيين انو الحكومة خلاص لحقت امات طـــــــــــــــــــــــه
لكن مستوي المنتقديين فات امات طــــــــــــــــــــــــــــــــــــــه
دي ماغلفة وشايله موسه طهر!!..عجزت وبتشحد!!!وين قروش زمان!! مايمد القرعة للحولي!!!من المره للمتعافن!! لابوجاز صاحب الشركاة لقوش سمسار البترول!!لكرتي النهب سوق الاسمنت والسيخ!!! حته الطفل المعجزه اللابت عندو دولارات وتجاره وبطاحات!!! وبتاع المدارس الاجنبية الناكر للفساد ابو ميه!! وين القروش الشاله ود احمد عمر!! رجعت والله رضوا بيها البنية بينما الشعب في مسغبة!!! ووين ابو البواخر الكان موجر وبقي في القصور متجاور!!!وللبترول متاجر!!اسه كلهم لبتو القروش بعد ماربو الكروش!! وعاملين اضان الحامل طرشه!!!وعاملين مفتحين!! ونسونم الكتار بيشتروا في الدهب وكلو واحدة عارفه اليوم الاسود الجايي!!! وبدل مالقروش تتصادر اخير يخزنوها !!اصلهين ضراير قلبن في جيبن!!وبكره بقروش المهابيل يشتروا رياييل!!! ونحنه ماحاسدين لكن انتهي الدرس يا!!! وبدل مايوسسوس للريس كان يقوليهو القروش الفي لندن مشت وين!!! ده الجعلي الوحيد اللي حيشيل الشيله!!!واحسن يتابع اخبار حسني البارك!!بيفيدوا في مقبل الايام!!! ولو دامت لابن عبد العزيز الزاهد لما دامت اليك فشتان مابين العمرين!!!
نحن شعب رمة
لا ضمير لا دين لا ذمة
الفشل فى داخلنا نحن السودانييين ولو جات حكومة تانية برضو ح نكون فى مدارات الفشل ,,, السبب
ما قلته فى الاعلى
نحن لا نحب العمل ونتعجل تحقيق طموحاتنا وان عجزنا رمينا الناجحين
نحن نحسد بعضنا بعض
واى واحد شايف نفسو احسن من التانى
نحن كعبين عديل كدة
وكان مغالطنا اسأل نفسك
الاقتصاد بإمكانه أن يفعل فعل السياسة بل وأكثر، ولكن السياسة لا يمكن أن تشكل بديلاً لفعالية الاقتصاد. خُذ تركيا نموذجاً. الإنجازات الاقتصادية لحزب العدالة منذ أن كان اردوغان رئيساً لبلدية اسطنبول هي التي صعدت به سياسياً إلى أن وصل إلى رئاسة الوزراء كسب معركته الاقتصادية بالداخل التركي، فارتفع بمؤشر دخل الفرد من خمسة آلاف جنيه في العام إلى اثني عشر ألف جنيه، وصعد بالدخل القومي من 120 مليار دولار إلى 414 مليار دولار!! من هنا بدأ في مقارعة السياسة للقلاع العلمانية الأقوى وهي الجيش التركي، ثم استعاد دوره الإقليمي بقوة، وأصبحت تركيا لاعباً رئيسياً في قضايا الشرق الأوسط، بل صار أردوغان نجماً ساطعاً في سماء الثورات العربية. خدم الاقتصاد تركيا سياسياً؛ خارجياً وداخليا.. والدرس المستفاد هو حين تحاول أن تلعب السياسة بعضلات اقتصادية مهترئة لن تحصل إلا على دولة مصوملة!! .
الآن إذ تتجه الدولة لجعل السياسة في خدمة الاقتصاد فإنها تصحو لأداء الفريضة الغائبة، وبإمكانها أن تذهب في إنفاذها بعيداً. زيارة السيد النائب الأول لمصر وما شهدناه فيها من تحرك باتجاه المصالح الاقتصادية العليا للسودان نأمل أن تمثل نهاية تاريخ السياسة كقائد للدولة ليحل محلها الاقتصاد كقاطرة رئيسية للنهضة. بإمكان الدولة أن تفعل.. ففرصتها واسعة.. فقط لو تركنا وراء ظهورنا، الهيجانات وقرع الطبول الفارغة التي تضر ولا تنفع.
ما مشكله لو شيخ قطر رفض يديك ممكن تمشى تقعد فى ضل اى مسجد من مساجد قطر وتمد كورتك القطرين اكرم من شيخم.
ولا اديك فكره افضل بكثير : موسم الحج على الابواب امشى الحج واقعد تحت ضل الكعبه لو اى حاج اداك ريال واحد حتطلع بمليارات الريالات وتحلحل مشاكلك بس اعمل حسابك وخلى الشفقه والخلعه لو ريال وقع منك لا تدنقر تشيلو لانو حيدفسوك بجزمهم وبرجعوك مكفن، اصلكم القروش دى بتموتوا فيها، وااوعى تسوق ناس ابعفين وناس كرته وكمال عبد ديل بكجوك اصلهم ممحوقين .ولو سقت وداد حتكملها ليك دهب وتياب وعطور وشباشب وملبوسات اصلها مشوله قدومها انا عارفها كويس عينها ما بتتملى والله دى تاكل حق اليتامى والارامل وتاكل حق ابوها وامها
الله يقطعكم والله لا جاب باقيكم.
يا من تسمي نفسك [man]
الشعب السوداني ليس رمة الشعب السوداني شعب مكافح وودود وطيب وذو مروءة
الظاهر عليك يا خوي من الجماعة اياهم او مستفيد
والا لماذا تعاين في الفيل وتطعن في غيره
سبب البلاوي ما واضح والمصايب شنو الجابها سوى الاخوان الاسلامويين وجبهتهم الاسلاموية؟
ده الكلام الصحيح …اوافقك في كلامك يا [man] بشكل مطلق واا بيوفق ورينا الوصلنا لي ده شنو لوما كلام [man] صاح وصحيح والجاي اسوأ!!؟؟ واتذكروا كلامى ده
يا سيد كمال يعني عاوز تقول بأن دعم الفريق القومي من الحاجات المستعجلة ؟
اذا كان ده كلامك فأنا في غني ان اقراء لك المستقبل لانك لا تحترم عقولنا وتعاملنا زي الاطفال .صحيح اعارض الحكومة بس ما احتقر عقول الناس والفق الكلام حتي انال من اي شخص اعارضه في سياسته واذا كان هذا اسلوب معارضه ما اختلافنا منهم تغير الشكل والاسم وليس الفعل .انا اريد تغير الافعال وليس الاشكل .
وافق امير قطر على دعم الفريق القومي …. يا بخت العجب ورفاقه ..,,,
كان غلبتكم قولوا وعلنو انسحابكم من السلطة لانو اتورطوا ورطة كبيرة تخبطوا في ود الدول العربية وقبل كم يوم نجاد يتضرع عندكم وانتو عارفين الدول العربية كلها ماخدة منو موقف اها اشربوا خلو نجاد يديكم شي
العقل الجمعي السوداني مبرمج علي حب المال
عشان كدا اي حاجة او حركة من مسئول او زيارة يقوم بها الي صديق او شقيق او حتي خصم تظنونها من اجل طلب المال والشحدة ,, وهذه واحدة من اسباب تخلفنا الناتج عن الاتكالية ,, يااخوان عليكم بالقراءة الدقيقة والعميقة والتحليل المنطقي وقراءة واقع الحال والمتغيرات السياسية التي تجري علي المسرح العالمي الان
اذا كان دليل قوم الغراب ضلوا لا وصل ولا هم وصلوا
هههي البشكير شال الكورة من مرتو الشبعت من ورا حق الشعب ومشي يلفا بيها في نص العرب صحي بقيتونا الشعب الشحات علي قول الطفل المعجزة… كان زمان الهانم حايمة بيها تشخد لدعم المتضررين من الحروب القوما حزبكم الفاسد. وتلهفا في جيبا.. بس علي قول الكاتب اعيدو ما نهبتم من مال الشعب ينصلح الاقتصاد… خلو بس ضار علي ضار ولا اخوان البشكير يبيعوا واحد من فنادق كوالالامبور ولا شركات دبي او خلو مرة البشكير تبيع واحدة من عمارات حي العمارات … ملحوظة صغيرة اي عمارة اتباعت في العمارات في العشر سنين الاخيرة مشترياها مرة البشكير او او او .. والقائمة تطول .. بس نهايتكم قرببببتتـ…
الأنكى من كدة انو الشيخ حمد قال للبشير بتمهم ليك تلاتة مليون دولار بس بشرط انك تانى ماتورينى وشك لأنك كل ماتجى أوباما وأوكامبو يجننونى–وبعدين انت شايف الدنيا كلهامكركبة من ليبيا لليمن لى سوريا والصومال دفعنا لمن نفسنا انقطع جايى تفتح لينا باب جديد–والله تكتر الا أخلى بتاعين الجزيرة يلحقوك القذافى