اصدرت حكومة ولاية كسلا مرسوماً بمنع الحفلات العامة والخاصة إلا بتصديق مسبق من المحلية .
ونص المرسوم الذي صدر مؤخراً على أن الحفلات العامة تشمل المؤتمرات والمنتديات والاجتماعات والورش التي تقيمها المنظمات السياسية والطلابية والحفلات الغنائية العامة.
واشترط المرسوم تقديم طلب كتابي بشان الحفل للمحلية قبل 48 ساعة من تاريخه على ان يتضمن الطلب تحديد زمان ومكان اقامة الحفل والغرض من اقامة الحفل والحصول على تصديق من المحلية.
وقال ان المحلية تصدر تصديقا على الطلب بعد الدراسة الأمنية وفقاً للرسوم المحددة.
دبنقا
هل يشمل هذا القرار ندوات الإرهابي و المجرم أحمد هارون و أمثاله من المطلوبين للعدالة . ام استباق لمحاصرة العمل الجماهيري الرافض للحرب الذي تجهز له قوي الثورة.
كلام غير منطقي … يعني لو عندنا احنا مناسبه حنكون حجزنا علي الاقل قبل شهر ده اذا كان قاعه و اذا في البيت برضو حنكون اتفقنا مع الفنان برضو قبل فتره غير أشياء كتيره بتحضرها والحجز مع عربون …. بعدين يجو الفاضيين دول اكلمهم قبل يومين عشان لمن يجي يعمل الدراسه الأمنيه دي اجيب ليه اتوس اول حاجه و بعدين اديه بتاع الفطور و حاجه عشان يمشي لي الموضوع لانه انا حاجزه ودافعه عربون… بلا دراسه امنيه بلا كلام فارق الأحسن يأمنو البلد عشان الناس تعمل العايزه تعملو او ممكن يطلبو من الناس انه تبسط مناسبتها عشان الوضع ما يسمح. الوضع هنا بقا الكل بيأكل في بعض…. يا رب الرحمه من عندك
ثووار احرار تطلعوا الشارع في أي وقت ،، وأي ندوة او حركة قردية بلبوسية تبلوها. نعم للحكم المدني الديمقراطي ودولة القانون والمساواة في الحقوق والواجبات والجميع تحت المحاسبة والوظائف بالكفاءة والأجدر ،، والجيش وطني شامل كل السحنات غير مسيس يحمي الوطن والدستور والمواطن ،، القوات النظامية الأخرى تمشي على السراط المستقيم بتطبيق الأنظمة والقوانين بصرامة وكل من يتجاوز او يفسد من هذه القوات يتبل بل العيش .
ووالمواطن يحترم نفسه ويخلي عنده وطنية بلاش فوضى وقلة أدب ،، يجب العمل بجد واجتهاد لنهضة البلاد وتطويرها ،، بلد حباها الله بكل خيرات الأرض التي تتمناها الدول الأخرى ،، ونحن قاعدين لسة في قبليتي وقبليتك وانت عب وانا حر ولوني ولونك ،، خافوا ربكم وشوفوا العالم وين ونحن وين ،، ارجو النشر مع الشكر