مقتل خليل قصاص رباني
مقتل خليل قصاص رباني
عباس الشريف
[email protected]
مقتل خليل قصاص رباني وجودكم علي راس السلطة حيا ترزق لتحكم الشعب السوداني بعد ان استبحت حرمتنا و انتهكت جميع المفاهيم الانسانيه من اعدامات وتقسيم البلاد والتردي الاقتصادي وتعذيب المعتقلين هذا يعتبر بان ربنا سبحانه وتعالي سلطكم علي الشعب .
البلد تشعر بالخزي والعار من طغمة المؤتمر الوطني الفاسده الذي لم يشهد لها السودان حكما سياسيا مثيلا سابقا الم تشعر بالخزي والعار علي الحرب التي كنت تقودها باسم الدين وراح ضحيتها الاف الشباب ثم العودة للوحده الجاذبة ياريت لو نفعت بعد ان تعامل معكم الانفصالين من الجنوب ((بطريقة الكيشة اسكت ليهو وشلتو)) حتي انفصل الجنوب. برضو مقتل خليل قصاص رباني!!!!!!
للاسف…. كان انت نسيت انا ما نست… باعتبار الشعب السوداني. انت بتكذب علي نفسك ام علي العالم بتشوف بي ياتو عين والله الاختشو ماتو الذين أفسدوا في البلاد وأكثروا فيها الإفساد في الزرع والضرع والعباد , في السياسة والاقتصاد والإدارة والثقافة والتربية والتعليم وفي القضاء والدواء والماء والأرض والهواء ?.. اما الديمقراطية مسحتها بيها الواطه اول مره في التاريخ السياسي نسمع مرشح اقدم هدايا للمواطنيين لحم كما تم في احدي دوائر مدني مرشح الشعار بتاعو اكلو يا جيعانيين زمن حكومة الصادق يتم توزيع السكر يعني ناس مروقه هم ما عندها مع شراب الشاي والمخمخه تتناقش في المرشح القدم ليهم السكر هديه او رشوة زمنكم زمن العضة للجيعان إشتغلتو بي سياسة ? قل ما تريد .. نفعل ما نشاء ? الناس تكوورك الغلاء والجوع والحكومه ما شايفه شغلا وانتو ولا إهمكم العجبو ياكل لحمة واحده عند الانتخابات والما عاجبو اشرب من طين البحر النشفتو مويتو وبدل مؤتمر وطني واحد عملتو مؤتمرين واحد وطني والتاني شعبي ياخ ناقصنكم ….برضو تقول مقتل خليل قصاص رباني.
لم نستغرب لما سمعناه عندما وجهت دولة المؤتمر الوطني بالوقوف دقيقة الساعة 12 ظهرا في جميع انحاء السودان تضامنا مع قوات المؤتمر الوطني ((الجيش)) في حربه علي المتمردين وايقاف جميع اشارات المرور.
طلعو اولاد الابتدائي اهتفو الشعب يريد اسقاط النظام ….. يريد اسقاط النظام….. يريد اسقاط النظام.
قالو المعلمين اتجهجهو !!!!!!!!!!!!
رجعو الطلبه للمدارس
تجينا انت وتقول الحشود البتهتف في الشارع من اجل بقائنا ………. برضو تقول مقتل خليل قصاص رباني.
كفاية كذب ودجل حكايتك اصبحت :
رئيس متسلق سرق السلطه بحاشية فيها الغير نافع والضار في دولة تكدست فيها الاف المشاكل وكل ما يظهر تجمع مواطنيين تظهر مبتسما وراقصا.
الامور علي مايرام…
وفي رواية اخري بكره البلد تتصلح
لازم الناس تصبر.
معقول انت بي صحك ام اصبحت مثل المسطول الذي صنع باب من زجاج وعمل فيهو عين سحريه.
برضو تقول مقتل خليل قصاص رباني.
من لم يتعظ بالموت فلا واعظ له… مقتل الزبير _ مقتل شمس الدين _ مقتل مجذوب _ مقتل ابناء كل من حاج نور والطيب مصطفى واحمد الطاهر .. جل الله فى علاه فكلها ابتلاءات الهية لا يدرى كنهها الا هو.. فدع الخلق لخالقهم يا ريس وابحث لك عن عمل صالح فى حق رعيتك عسى ولعل تنال به حسن الختام…
بس نقرأ الراكوبة تفشنا شوييييييييييييييييييييييييييييية ونرجع نفكر في المواضيع العجيبة كل يوم شكل . فشفاشنا ورم من كترة الغيظ والعذاب والبلد الخسرت جد. نتأسف على شنو ولا على شنو؟ على الأخلاقيات الوصلت الحضيض ولا علي التعليم الوصل أسفل سافلين ولا على جامعة الخرطوم الكانت لينا فخراً وعزة ورقدت رز بالسياسات الغربية ولا على المناهج الدراسية البنحفظ فيها لأولادنا ونتلفت بهناك من الطمام من المقررات العجيبة وغريبة البتودي العيال في داهية وتوصلهم قمة الجهل ولا على سرقة الأطفال والبسووا فيهم ولا ولا ولا كتيييييييييييييييييييييييييييييييييييييييييييييييييييييييير ومسييييييييييييييييييييخ ما بتبلع. يا حليل بلدنا النظيفة الظريفة بأخلاقياتها وبمعاملات أهلها يا حليل مدارسنا الجمعت كل المستويات من كل الفئات دون فرق ولا فرز أصحاب كنا وبنشيل هم بعض يا حليل مشينا في سوق أمدرمان ونحن لسة أطفال والناس كلها تعرفنا وتحافظ علينا ونحن ماشين في سلام آمنين وأهلينا مطمئنين حسي بتقدر تخلي ليك بت ولا ولد في الشوارع براهم؟ ما بتجيك المصيبة من وين ووين والعياذ بالله. يا حليل الزمن الزين الما كان فيه إنقاذ ولا يحزنون راح وين يا ربي؟ وبرجع تاني؟ ثقتنا في برنا كبيرة بس نسعى والله المستعان ويا صاحب المقال إنت بتتكلم عننا كلنا إلا فئة خسرانة
الرجالة فين.. وين الملايين وين.. هبوا يا شباب بلدى المنهوب وساندوا البطل محمد حسن فى محنته وفك اسره بعد ان فدانا وحيدا وتحدى من طغى وتجبر وكشف زيفه وبهتانه.. كفانا هوان ومذلة واستكانة.. واستردوا كرامتكم المسلوبة بدلا عن الفرجة ولحس الكوع…