شركة المهاجر للخدمات المالية تعلن خدمة (مع كل الود للمغتربين) للاستثمارات المالية

قولوا شركة “الطناجر للطبخات المالية” وكمان (خمشة مع كل الود للمغتربين)

والله من الغريب اقلب السودانيين في أمريكا باعو ولا عارضين كل ما يملكو في السودان للبيع وتحويل النقود الي أمريكا لانو المفيد شنو تشتري بيت بمليار سوداني وتااجره بمليون اخير قروشك تخته في اي حاجه في أمريكا وتعود بفايده مدرسه الكل عارض للبيع حتي بخصارات النصف لا دوقو لا شالو قروشو

دى سرقةجديدهللمغتربين
يكفى المبالغ التى تؤخذ على المغتربين فى سيارات الافراج المؤقت الحرامية والوسخانيين

مرحب بخير وكل ماهو مفيد للمغتربين ولكى يكون الكلام منطقى وايجابى من غير جدل طويل يجب عمل دراسه تؤكد انواع ومستوى المغتربين من حيث النواحى الماديه والعلميه والوظيفيه ز وكمان تحديد السن ومن بعد يقدم لكل شريحه ما يناسبها وبعدين اصلا المواطن المغترب كل همه بناء بيت وعرس وان امكن مشروع صغير .ده شكل العامه وصراحه انا كل املى ان نتوحد نحن السودانين من حيث الفكر والهدف لان كل ماسبق من زمن يؤكد ان كل ما مضى كان غير صحيح نرحب بكل ماهو مفيد نتعالو نتفق ونجتمع على الخير وحب الوطن
وبالله التوفيق

افيدونا صاحب شركة المهاجر هو منو وبناءا عليه نفكر في الاستثمار بالسودان

ههههههههههههههههههههههههههاهههههههههههههههههههههااهاااااااااااااااااااااااااههههههههههه

يا حكومة ياوهم علي منو ؟؟؟؟؟كفاية مشروع سندس ومنهدسه النصاب

لاحظو اسم صاحب الشركة عمادعبدالعزيزعتبانى اكيد ابن عم غازى صلاح الدين عتبانى (واللبيب بالااشارة يفهم)

هههههه فعلا الكلام مضحك … مرة بي شهامة ومرة بي شيكان ومرة سوق أوراق مالية ومرة بخطط إسكانية وشقق جاهزة ومرة مشاريع دجاج وبيض وأخيرا دخلت المهاجر … وعلي ما أعتقد المهاجر دي بتاعة واحد كان مسؤول في جهاز المغتربين , يعني احتمال فلوسها القامت بيها هي فلوس المغتربين أنفسهم. كمان الشركة تعمل نيابة عن المغترب … ما الصافي جعفر كان بيعمل نيابة عن المغترب يا جماعة!!!
بعدين ماجد سوار كل هدفه هو يبقي وزير شايف رئيس جهاز المغتربين دي شوية عليهو علشان كده القومة والقعدة والإجتماعات والورش دي كلها لهذا السبب وهو أن يكون وزير .

يكفينا عذاب المهاجر وابتزازها في ميناء الأمير عثمان دقنه وخاصة في ما يتعلق بإجراءات عربات الإفراج المؤقت وما تسببت لنا فيه من اعباء لمصالحها الخاصة حين فرضت علينا الدخول للسودان عبر دفتر التربتيك مع العلم بأن السودان ليس عضواً في نادي باريس للسيارات حتي يتم دخولنا عبر هذا الإجراء الذي لا علاقة لنا به وفي النهاية رجعت الفائدة الأكبر للشركة السعودية المنظمة لإجراءات التربتيك بس المهاجر حملتنا مبلغ 800 ريال لا ناقلة لنا فيه ولا جمل
ألعبوا غيرها فأنتم تلعبون في الزمن الضائع لأنه المغترب الآن بقي حق عيشة وتربية وتعليم وصحة ويادوب ما تطبعه ماكينته الداخلية بالكاد يلبي هذه الالتزامات أرهق وانهك واستنزف هذا الجريح بصورة قد لا يتخيلها البعض يبتسم في أعين أولاده وأهله وعشيرته رغم النزف الداخلي الذي يصبه وكثيراً ما يهز راسة بعلامة إيجاب لأمر ما طلب منه وقد تجاوز حدود امكانياته ومع ذلك يقوم بتنفيذه بشتي السبل وبكل ما أوتي من قوة ..
أتركوا المغتربين فهم بين نارين نار الغربة والعيش محنطاً ونار أمل الرجوع الذي يتبدد يوم تلو الآخر …
ارحموا المغتربين يرحمكم الله

مع كل الود قال لا احسن خالص الود بااح مافيش ود يا شركة المهاجر الكيزانية الحرامية النتنة الود دى اضيفوا ليها الف دال تبقى شنو ؟ هو الطير المغترب من البلد شنو ا وهجرتوه غير ودكم وغشكم وودادكم المغتربين لو عايزين ودكم كانوا قعدوا واصبحوا جداد حبا فى ودكم وودادكم بالله سيبوهم فى حالهم بلاء يخمكم تقبلوا منى عدم الود نيابة عن المغتربين الشرفاء الطافحين الدم من اجل لقمة العيش الكريمة ومبروك عليكم المغتربين الكيزان اليشبعوا بودكم

يكون الكلام دا نابع من وداد ؟؟؟
وبكره يقولو المشروع دا تحت رعاية حرم الريس (يا مخشلعنا ويا مدلعنا )

غريبيين إنتو ياخ
فاكرين العالم طير
الى متى ؟؟؟

نفسي الاقي تعليق واحد بس مخالف للراي…….. دليل اجماع من المعلقين انو المؤمن لايلدغ من جحر مرتين …… مثال حي وحقيقي عن حجم انعدام الثقة في كل ما يتعلق بالكيزان
شركة المهاجر وما ادراك ما المهاجر شركة نبتت من نبت شيطاني بغيض وتريد ان ترسل جزورها النتنة في عمق كل مغترب وتلون في وجهها المافون كل مرة لتنهب جيوب مغتربين جدد ولكن هيهات كل مغترب يعلم تمام العلم ان تلك الشركات التي لا علم له كيف تاسست وما هو كنهها ما هي الا حرباء تتلون لتعرف كيف تستنزف جيوب المغلوبين والمطرودين من بلدهم قهرا وليس اختيارا

اصلا شراء الأوراق الماليه والصكوك لا تحتاج لوسيط…
متاحه للكل في سوق الخرطوم…وصكوك شهامه متاحه
بشركة السودان للخدمات الماليه بالقرب من بنك السودان
وبنك الخدمات الماليه…يعني باختصار كلامهم كله فارغ
ولا علاقة له بالمغتربين…ومش محتاجه كل هذه الهلوله…
اخر مره صرفت فيها ارباح من صكوك شهامه في ابريل الماضي
وكان العائد تقريبا 16%….واذا تم تدخال وسيط كشركة
المهاجر سينخفض عائدك الى 8%….