رساله من الشاعر مختار دفع الله الي المواطن ابراهيم الشيخ
رساله من الشاعر مختار دفع الله
الي المواطن ابراهيم الشيخ
***
داير اكتب عن معاني
وعن قيم باذخه ومهولا
وعن نفوس بالعز أبيه
جسدت معني البطوله
واحكي يا (ابراهيم ) صمودك
وكيف بقيت رمز الرجوله
زي جبل شامخ موتد بالشجاعه
لا السجون القاسيه ممكن
ليكا بتبدل قناعه
لا المنافي الحافله بصنوف البشاعه
لامغريات الدنيا بي زيفا ومتاعه
يوم تهز شعره في ثيابك
وتمشي تستجدي الشفاعه
بل صحيفتك في سجونك
كل يوم تزداد نصاعه
ومن صمودك نكتب التاريخ لاجيالنا الجديده
ونبقي نستلهم جسارتك لي طموحاتناالبعيده
وتبقي للوطن البشاره وشمعه للافراح تقيده
والشموس باكر بتشرق من جبينك
والاماني الوارفه تنبت من يقينك
والسواعد بكره تمتدا وتعينك
وتبقي رايه عليها تلتف السواعد
لي وطن بي خيرو واعد
والاراده العاليه ديمه
والمبادئ الليها قيمه
عاده صبحت ليك وشيمه
لا رضيت في يوم تساوم
لا رخت فيك العزيمه
والله يا ابراهيم عوافي
الأمل باكر بوافي
ويطرد احزان المنافي
وتبقي في تاريخنا ملهم
لي حلم اصبح خرافي
والله يا ابراهيم عفارم
والله ياابراهيم عوافي
***
اغسطس 2014 م
هل من ملحن ومغني انا على استعداد لاحولها الى فيديوكليب
شكرا ايها المبدع على انصاف هذا البطل الجسور ونعتقد أن مريم المهدي تستاهل منك مثل هذا لأنها رمز للتضحية والنضال .
يسلم قلمك يا مختار يا صاحب يامشرقة للمرحوم خوجلي عثمان هذا البطل ابراهيم الشيخ يجب الاحتفاء به لانه قال كلمة حق في وجه امام جائر للبطل ابراهيم الشيخ تحية ولقلم مختار تحية اهلا بالشرفاء من امثالك يا ابراهيم ويا مختار
يسلم قلمك يا مختار يا صاحب يامشرقة للمرحوم خوجلي عثمان هذا البطل ابراهيم الشيخ يجب الاحتفاء به لانه قال كلمة حق في وجه امام جائر للبطل ابراهيم الشيخ تحية ولقلم مختار تحية اهلا بالشرفاء من امثالك يا ابراهيم ويا مختار واحلي كلام ( والله ياابراهيم عفارم والله ياابراهيم عوافي)…
ابرا هيم بستاهل اكثر من كدة بس يامختار دغع الله عتوزين نعرف قبضت كم عشان تضع اانقط فوق الحروف
مشكور ايها المبدع فقد جدت بكلمات حق في قائدنا العظيم ابراهيم الشيخ.
لله درك أيها الشاعر الاديب ضمير أمتك الاخ/مختار دفع الله واما أمل السودان وحلمنا للتغير أبراهيم الشيخ ثق ان هذا الشعب لن ينسى تضحياتك ومكافتحك للظلم والحيف ومحلك القصر الجمهورى رئيسا متوجا بحب الشعب أيها المناضل المعلم حفظك الله