لماذا قال السر قدور “أنتِ مصيبة يا فهيمة” وكيف كان أداء الوجوه الجديدة في أغاني وأغاني
شهدت الحلقة عودة المطربة الشابة شموس إبراهيم … وقد تفردت بأداء أغنية حدائق البان جديد ..
ثم تلاها شريف الفحيل بأغنية “بيني وبينك والأيام”
وأعقبته ريماز ميرغني بأغنية “قلبي ماله اليوم”
ثم جاء طه سليمان عندما أدى أغنية “هانت الأيام عليك”
حسين الصادق، وأفراح عصام شكلا ثنائياً في أغنية “أيامنا”
وخُتمت الحلقة المطربة “فهيمة عبدالله” التي اجادت في أداء أغنية “مرّت الأيام”
وقبل الأغنية قال السر قدور بأن فهمية عبدالله “زعلت منه” لأنه قال لها بأنها مصيبة.. وواصل السر قدور ” وقلت لها ذلك من باب الإعجاب “..
وبعد انتهاء أغنية “مرّت الأيام” كرر السر قدور قائلا:
“الله عليك .. الله عليك
والله … لولا زمن البرنامج كنت أقول ليك عقبي
انتِ فعلاً مصيبة
يا سلام ياخي
يا سلام عليك
شكراً يا فهيمة
والله عبدالدافع عثمان لو كان حي كان أداك جائزة”
أفراح صاحبة الصوت الأوهن حقوا تتخارج من اللمة دي…
…الله يكتّر مصيباتنا , على شاكلة فهيمة عبد الله, صوت بمسحة حبشية جميلة,,الى الامام مع المحافظة على هذا التألق.!!
ما شاء الله المطربة فهيمة اجادت وجودت بصوت دافئ مشحون كمية من الشجن ومرت الأيام
مسحة حبشية وللا مسحة عسلية إتقي الله يا راجل !
شريف الفحيل لم يؤدي اللاغنية اداء حسنا لو كان صاحب الاغنية علي قيد الحياة لناوله كفا علي خده
استاذة – فهيمة – ذكرتينا اغانى الزمن الجميل – الله عليك
فهيمة البنت الكليمة و…. معليش رمضااان
يا سلام يا سلام يا استاذ السر, إنت المصيبه!
فهيمة عايزة تكون فنانة وبت مؤدبة الاتنين يجن كيف ؟
والله حرام عليك يا شريف الفحيل لو ما قادر تغنى الاغنبه يا اخى اعتذر لكن ما تشوه اللحن بالطريقه دى خليتنا ناخد حبة الضغط مرتين ارحمونا
والله المصيبة في الكيزان لو الشخص يلاحظ للفهيمة من تقاسيم وجهه وملامحها يؤكد انها أقرب لحفظة القران
من الفن لكن لسوء الاقتصاد وسياسات الكيزان في تجويع الشعب مما افرز ذلك الله يكون في عونك هذه الدولة الرسالية التي جعلة الانسان السوداني يتشابه عليه البقر .
ادروب مؤتمر بجا1954 الي النخاع
البت الإسمها افراح دى متسلبطة فى الغنا سااااكت وهى ما عندها أى علاقة ، انا ما عارف مصرّين عليها ليه فى البرنامج ده ؟؟
عليك الله يا السر قدرو شيل لينا الفحيل الحامض دا ياخ وكمان طه سليمان وافراح وكان ما قادر تشيلهم كلهم بس عليك الله شيل لينا الفحيل دا فااااااقع مرارتنا دا ظاهر في الشاشة اكتر من دعايات شركة زين وووووووه
فهيمة شنو عليكم الله؟ ليه الاغنية دي ما غنتها منار صديق بعدين وين الفنان عصام؟؟ افراح عصام امشي بيتكم وسوقي معاك ريماز
يا جماعة لاحظوا
اي اغنية غناها عصام اجادها
واي اغنية غنتها منار اجادتها
افراح ما اجادت الا اغنية ثنائي العاصمة البارحونا وراحوا مع عاصم البنا
طه ساعات يبدع وساعات يخفق
الفحيل للان ما اجاد اي اغنية تغنى بها عدا اغنية حمد الريح لا سلام منك
حسين الصادق الحكم علية الان ظلم في حقه
الفنانات عامة يجدن الاغنية الجماعيه لان بها يغطين عيوب اصواتهن
اذا عاوزين تعرفوا انو الاغنية اتغنت بصورة لائقة ولا بس ارجوكم انظروا ملامح وجه المحمدية
افراح عصام ومعها ريماز لاعلاقة لهم بالغناء ولاادري من الذي اقنعهن بانهن فنانات كان الله في عون السودان انحطاط في كل شئ – اقتصاد منهار – رياضة حدث ولاحرج – غناء وفن في اسفل السافلين بامثال هؤلاء واولئك –