الخرطوم : السوداني
كشف الأمين العام للمؤتمر السوداني، خالد عمر يوسف، عن طلب تقدم به قائد قوات الدعم السريع، الفريق محمد حمدان دقلو، للقاء عدد من ممثلي قوى الحرية والتغيير في يوم 11 أبريل عام 2019 .
وقال خالد عمر إن عدداً من أعضاء التحالف من بينهم صديق يوسف، وعمر الدقير، ومحمد ناجي الأصم، قابلوا “حميدتي” بمكتبه بالخرطوم 2 .
وأضاف: “حميدتي أخبرهم أنه ليس جزءاً من الترتيب الذي أقدم عليه ابن عوف، ومع تسليم السلطة للشعب، وسيلزم موقعه، ولن يكون جزءاً من ترتيبات المجلس العسكري”.
وبشأن المفاوضات بين التحالف والمجلس العسكري ، قال خالد عمر في سلسلة حلقات حول ما جرى خلال أيام الثورة، إن الحرية والتغيير لم تطرح أن يتم تعيين وزيري الدفاع والداخلية من المكون العسكري، ولم يكن مخططاً مسبقاً التنازل عن الوزارتين .
وأضاف: “لكن داخل الاجتماع صديق يوسف قال مجلس الوزراء كاملاً للحرية والتغيير، وأكيد طبعاً الدفاع والداخلية شؤون عسكرية يحددها العسكريون وممكن يعينوهم العسكريون “.
السوداني
عاوزين تشنعوا بالشيوعيين وتردوا الصاع صاعين فها انتم اصبحتم في الهواء سوا مع ان الشيوعيين لا يزالون ممسكين بالشارع ومتواصلين مع لجان المقاومة باعتبار انهم ضد كل التنازلات التي تمت من جانبكم مع انهم هم من كانوا يوجهونكم حتى تقعوا في الخطا ومن ثم يتركونكم عكس الهواء ويحملونكم المسؤولية كاملة
خالد عمر كلامه مرسل ونسأل هل كان خالد عمر حاضر للاجتماع وإن لم يكن حاضر لهذا الاجتماع كما ذكر في حديثه إذا هناك من نقل له الكلام طيب اليس من الامانة وأداب الحديث أن يذكر مصدر كلامه اما سواقتنا بالخلا تاني ما بتحصل حتى ولو ضد الكيزان
إذا كان صحيحا،يبقي الحروب الشيوعي تعبان شديد..وغير مدرك لعواقب فعله..والعالم اليوم…ففي كل الدول الديموقراطية،المدنيون هم من يسير العسكر..والامن…
معقول بالبساطة دي يا خالد سلك!!!!
نفترض انو قال، هذا رأي فرد، وزنو شنو مع راي الجماعة (قوي الحرية والتغيير)؟؟؟
ولو صديق يوسف بعتبر الشرطة قوة عسكرية، تبقي كارثة!!! ويبقي الفرق بينو وبين حميدتي شنو؟؟؟؟؟
دا دليل على أنكم كنتم إما شباب أغرار أو شياب جهلاء فكيف آنستم في نفوسكم الكفاءة وسمحتوا لنفسكم بتمثيل الشعب السوداني وتتفاوضوا باسمه؟
عشان كدة فشلتم في ادارة المرحلة الانتقالية يا فارات وخليتو العسكر يسخروا منكم يا هوانات!
يعني لو هو ما قال كان خلوها ليكم ؟
افرِض.. يا خالد عمر ..ان صديق يوسف قال فى الاجتماع داك ان وزارة الدفاع والداخليه للمكوِّن العسكرى..هل كان كل ما يقوله صديق يوسف هو القول الفصل ! اليست هذه واحدة من جهالات حمدوك اللى تضاف الى ما اوصلتم به كوولّكم البلاد الى هذا النفق الضيق؟ هوّّ فِعْلَن عشان ما ننسى كان لآزم نعرف الحقيقه.. ال حقيقه! ياتو يوم حمدوك دا اتخذ ليهو قرار.. موش زمنو كوللو قضّاهو مبادرات وتنازلات واسفار! ارجعوا يا ناس الى مقال احمد القاضى على صحيفة “Sudaneseonline” قبل ايام قلائل! والسودان عموم مليان ويزخر بمن يسدّوا عين الشمش و يحجبوا شعاعا.. !
صديق يوسف فى الاجتماع المذكور كان يمثقل راى قوى” الاجماع الوطنى” و ليس الحزب الشيوعى
بطل دغمسة برضو صديق يوسف قال ليكم انزلز انتخابات 20/20 بتاعة البشير.
العبو صاح
هل كان خالد عمر حاضر للاجتماع وإن لم يكن حاضر لهذا الاجتماع كما ذكر في حديثه إذا هناك من نقل له الكلام طيب اليس من الامانة وأداب الحديث أن يذكر مصدر كلامه اما سواقتنا بالخلا تاني ما بتحصل حتى ولو ضد الكيزان