الدبلوماسية السودانية تكشف عن تفاصيل الخطة «ب» للتعامل مع دولة جنوب السودان في حال عدم استجابتها للخطة «أ»
كشف الناطق الرسمي باسم الخارجية السودانية العبيد أحمد مروح في تصريحات صحافية عن تفاصيل الخطة «ب» للتعامل مع دولة جنوب السودان في حال عدم استجابتها للخطة «أ» التي يتم التعامل بها حاليا، وقال إن الخطة «ب» تعتمد على الضغط الاقتصادي ودعم المتمردين، وأضاف أن الخطة الجديدة تتعلق بأن يلجأ السودان إلى الضغط اقتصاديا على دولة جنوب السودان ومساندة متمردي الدولة الجديدة، وذلك في حال استمرار حكومة جوبا في دعم الحركات المتمردة على السودان، مشيرا إلى أن بلاده تعتزم إطلاع دول الإقليم على جهودها من أجل إقامة علاقات اقتصادية ودبلوماسية وحسن جوار مع دولة جنوب السودان طيلة الفترة الماضية لإشهاد العالم على النوايا الحسنة للسودان، وقال إن بلاده بذلت كل ما تستطيع ولم تكافأ إلا بالعمل ضدها من قبل الدولة الوليدة.
الشرق الاوسط
الافكار الخسيسة دي بتعرفو ليها بالحيل (دعم المتمردين) .. اسلوب الغابة دا ماكفاكم منو ليه ماتكون خطتكم الحوار المنطقي السليم بدل تاجيج الحروب في كل مكان ودعم المتمردين .. وقال دبلوماسية قال
بالله عليكم يكون الجنون كيف .. اذا كانت الخطة ب تعتمد على الضغط الاقتصادي ودعم المتمردين لاحظ دعم المتمردين
المعاملة بالمثل من قواعد الدبلوماسية العالمية
يا متوهم.
بلا خطة ب ولا ك.
إنت مفتكرنا حمير شايلات قِرَب.
زمان كنتو بتدعمو المرتزقة الجنوبيين بقروش البترول هسع بلف البترول قفلو وأكل عيشكم أصبح مشكلة ناهيك عن دعم المليشيات الجنوبية.
نصيحتى لكل عضو معترك عفنى -مؤتمر وطنى- أن يسجل ما سرقه وإختلسه من مال الشعب بالمناسبة زوجتك لو شابة سجلها.
…ننتظر معاكم لغاية الخطة ..هـ ..و…ي..نشوف حتودونا يا تو …هاويه.;(
من اول يوم انت بتدعم فى المتمردين فما الجديد
الحكومة استحالة تدخل حرب مباشرة للجنوب ولكن هنالك من يقوم نيابة عنها وهى الخط ب (( وهى اشارات اليها علنا )) .. هنالك اناس جاهزين لمحاربة الجيش الشعبي لان الجنوب دولة قبلية عند تغذية المنشقين من الحركة الشعبية نفسها بالسلاح والمال سوف يقلبون طاولة سلفا ومن حولهم .. والحكومة الان تسعى لتغيير نظام سلفا وابداله بساسة مواليد للمؤتمر الوطني امثال لام اكووول ..وهذه هى الخط بــ ) .. لان هنالك كثير من القبائل وزعماء القبائل غير راضين عن هيمنة الدنيكا للسلطة والثروه في الجنوب ؟. يعني بالواضح ما في شمالي حيشيل سلاح ويطلق نار بل جنوبي حيقتل جنوبي .. ونشوف يا سلفا كير ابناءك الاربعة حترسلهم وين ؟
ولا الخطة ب و لا الخطة ع مابتنفع !! الصدق والشفافية هما الخطة الصحيحة
الجنوب لن يخسر شيئا من الحرب لاتوجد لديه منشأّت يمكن تدميرها غير ابار البترول
وهذه ممكن حمايتها بدعوة قوات الامريكان او اسرائيل , ثم بعد ذلك لن نرى غير
الندم ولحس الكوع وبوس الايادى والرجلين
سبحان اللة من اين اتى هولاء الكذب و النفاق والظلم هى صفاتهم الناطق الرسمى يتحدث عن الخطة ب .لقد تم تنفيذ الخطة بعد الانفصال مباشر حينما تم قفل الطريق ومنع دخول البضائعى الى الجنوب وتم تسليح الملشيات و تجنيد الطلاب و مواطنين بالقوى فى الخرطوم
لذلك لن يكون هنالك خطة ب غير الحرب واننى اومن بان الشعب فى الشمال ليس لها يد فيما يحدث
الظاهر إتراجعتوا من موضوع خوض حرب مباشرة مع الجنوب :eek: :rolleyes:
لعل المانع خير يا الناطق الرسمي باسم الخارجية السودانية العبيد أحمد مروح وأمين مجلس الصحافة وموظف جهاز الأمن والمخابرات (؟)
ما لقيتوا مجاهدين يجاهدوا ليكم وللا شنو؟ دا إسمو كلام يا راجل !!!
هههههههه….بالنسبة ليك إنت يا العبيد مروح طبعاً جهادك ح يكون بيانات تلفزيونية وكدا
يا حليل أيام الناس بتتغشى ليكم ( ) ( )
hhhhhhhhhhhhhhhhhhhhhhh !!!!!!!!!
نحنا اقتصادنا زيرو كبييييييير واي سلعة في البلد زادت بنسبة 110% او اكثر مثل بسيط
الشاي الحب الرطل منو كان بي خمسة الف الان بي 12 الف
وبعدين البلد عبارة عن حروب في اي حتة في البلد الاتجاهات الاربعة
عليكم الله شوفو مشاكلكم وحلوها بعدين فكروا الخساسات البتسوها دي
وفي المقام الاول الجنوب بقي دولة ذات سيادة ومعترف بيها في الامم المتحدة يعني لو طلقة
قامت بالغلط ممكن يكون في تدخل دولي ( دا المتمننو ) يعني بصراحة الكروت القافلين عليها
كلها ميتة فاحسن الناس تحاول تحل مشاكلا وتبطل الفوضة دي
حسن النوايا لاتفيد السودان وهى السبب الرئيسى فى ضياع السودانيين كشعب وكافراد
كان المفروض ان نبدا مع هؤلاء اللذين اختاروا الانفصال واستغلوا حسن نوايانا وانفصلوا كان المفروض ان نبدا معهم بالخطة ب او حتى ج ان وجدت لابد من الضغط عليهم ودعم المتمردين الجنوبيين بل لابد لنا من السعى الى تغيير الوضع القائم هناك الذى يسعى لتدمير شعب الجنوب الطيب وتدمير شعب السودان فكما تدين تدان فالعين بالعين والسن بالسن والبادى اظلم