طه يقود وفدا من 100 شخصية الى جوبا اليوم لإقناع الجنوبيين بالوحدة..حزب البشير يقترح صيغة «دولتين برئاسة جمهورية متناوبة و «الكونفدرالية» بديلاً للانفصال.. الحزب الشيوعي يطرح مشروع سياسي وحدوي .
يرأس نائب الرئيس السوداني علي عثمان محمد طه أضخم وفد حزبي وحكومي إلى جوبا اليوم لإجراء مباحثات مع حكومة الجنوب حول قضايا ما قبل الاستفتاء العالقة وبحث آلية المؤتمر الوطني لجعل «الوحدة خيارا جاذبا للجنوبيين»، في وقت اقترحت فيه «الحركة الشعبية» تسليم ملف منطقة آبيي الغنية بالنفط إلى الأمم المتحدة لتكون تحت حمايتها إلى حين التوصل إلى اتفاق بشأنها، في وقت وصل فيه الشريكان إلى طريق مسدود حول استفتاء المنطقة. ودعت الخرطوم واشنطن أمس إلى التعامل مع السودان كوحدة واحدة ورفع العقوبات المفروضة على الشمال.
وقال وزير رئاسة مجلس الوزراء لوكا بيونق لـ«الشرق الأوسط» إن وفدا من الخرطوم يتوجه اليوم إلى جوبا للمشاركة في اجتماع مع النائب الأول للرئيس رئيس حكومة الجنوب سلفا كير ميارديت. ويتوقع أن يبحث الاجتماع وفقا لمصادر أخرى برامج لجعل الوحدة خيارا جاذبا. ويتكون الوفد من نحو مائة مسؤول حكومي وقيادي في الحزب الحاكم، ويترأس الوفد نائب الرئيس السوداني علي عثمان محمد طه، ويضم مختصين في جوانب اقتصادية وأمنية. ويدخل طه في اجتماعات مع نائب رئيس حكومة الجنوب رياك مشار حول خلافات الاستفتاء على أبيي، وقضايا ما قبل الاستفتاء مثل ترسيم الحدود بين الشمال والجنوب، وإقامة مشاريع تنموية. وقال مصدر في الحركة الشعبية إن الخرطوم طرحت رغبتها في الوحدة وطلبت جوبا منها تقديم آليات الوصول إلى ذلك.
الشرق الاوسط
——-
وكانت الصحافة قد كتبت في 30/6/2010 :
كشفت مصادر مطلعة لـ«الصحافة»، ان المؤتمر الوطني طرح على الحركة الشعبية، تبنى الكونفدرالية بنظام دولتين ورئاسة بالتناوب كصيغة بديلة لخيار الانفصال.
وأكدت المصادر، ان اجتماع نائب رئيس الجمهورية علي عثمان محمد طه، ونائب رئيس حكومة الجنوب الدكتوررياك مشار، الذي ينطلق بجوبا غداً سيناقش طرح الكونفدرالية كأجندة رئيسية .
وقالت ذات المصادر، ان لجنة الشراكة برئاسة صلاح عبد الله «قوش» ونيال دينق نيال ، شرعت فعلاً أمس الأول في عملية التفاوض حول الصيغة التي طرحها المؤتمر الوطني بشأن الكونفدرالية «دولتين ورئاسة جمهورية بالتناوب» بين الشمال والجنوب.
وأكدت ذات المصادر، أن طه سيطلق بجوبا برنامج الحكومة لجعل الوحدة الجاذبة، وقالت ان الاجتماع الموسع سيحضره حكام الولايات الجنوبية العشرة الى جانب رؤساء المؤسسات الاساسية بالمركز ووكلاء الوزارات المتخصصة والمهمة بالحكومة الاتحادية.
وأوضح بأن الاجتماع ستطرح خلاله جملة من المشاريع التي ستنفذها الحكومة في الفترة المقبلة بشكل فوري، اضافة لتلقي معلومات من حكومة الجنوب وحكام الولايات حول المشاريع التي يمكن أن تدعمها الحكومة الاتحادية وتنفذها بسرعة.
يعتزم الحزب الشيوعي طرح مبادرة تهدف لتحقيق الوحدة خلال ايام مؤكداً طرحها على تحالف جوبا قبل إخراجها في صورتها النهائية واوضح الناطق الرسمي باسم الحزب صديق حسين ان المبادرة عبارة عن مشروع سياسي وحدوي ، يحوي كافة الجوانب التي تخدم قضية الوحدة مشيراً الي انها تعرض على قرار المائدة المستديرة، التي انعقدت في العام 1965م وقطع حسين في تصريح لصحيفة اخر لحظة بقومية استفتاء الجنوب مؤكداً ان بحثها لاينبغي ان يتم بين الشريكين لوحدهما محملاً المؤتمر الوطني مسؤولية تعويق وعرقلة خيار الوحدة مشيراً لعدم احداثه لأية تنمية في الجنوب بجانب مايحدث في قضية ابيي والحدود متهماً اياه بالتمهيد للانفصال بطرحه للمشروع الحضاري الاحادي ، والاضطهاد الديني والعرقي للجنوب ، معلناً تبشيرهم للوحدة لحين الاستفتاء مستبعداً وقوع احداث عنف خلال العملية .
آخر لحظة
30/6/2010
Tooooooooooooooooo late
الفسخو بله 0 الكيزان اخترحوا كونفدرالية بنظام دولتين والرئاسة تكون بالتناوب شىء عجيب كيف هذا يعنى يحكم السودان البلشير سنتين ويخلفه سلفاكير لمدة سنتين اخرى وهكذا ؟؟ والله كيف 0 عجيب امرك ياعلى عثمان يا ثعلب يا مكار هذا اخر ما توصلت اليه ؟ تتكلمون عن الدين والشريعة وتوافقون ان يحكم البلد مسيحى وطبعا دا عندكم حرام المسيحى لا يحكم المسلم صراحة اثبتم من اجل السلطة دى مستعدين تعملوا اى شىء حلال او حرام وبرضو هى لله هى لله عجبا عجبا لكم يا مواهيم كروتكم كلها خلصت نشوفك ياثعلب الانقاذ حاتطلع لينا بشنو المرة دى بعد اجتماعك مع رياك مشار وحاتتنازل للطيش من اجل هذه السلطة اسرع يا ثعلب يامكار فالترابى اماك ود/ خليل خلفك وين بتودى راسك وخليك علمانيتك دى ولا تتكلم باسم الدين ياكذاب ومراوغ غير تدخل الجحر ما عندك محل تانى بس شوف حجر لرئيسك البشير المخلوع من اوكامبو ومن خليل جعل الله كيدكم فى نحركم ثانية وخلصشعب السودان منكم ياآكلى اموال الناس بالغش والتدليس 0
من هذا الطرح يكون المشروع الحضاري أصبح في خبر كان , وأرواح الشهداء التي راحت في حرب الجنوب بدعوي نحن مسلمون وأولئك كفار يستوجب قتالهم راحة هدرا!!! أين المشروع الحضاري وتطبيق شريعة الله التي وعدوا وبشروا بها البلاد والعباد؟؟؟ هل نظام الحكم الذي يطبق فيه شريعة الله يقبل بأن يحكمه رئيس غير مسلم علي نحو ما جاء في الطرح الذي قدمه المؤتمر للحركة تفاديا للإنفصال وذلك باقامة دولتين يحكمها رئيس واحد بالتناوب !!
نتساءل ما هو مصير الشريعة الإسلامية في ظل رئيس غير مسلم للدولتين ؟ ما هو نوع القانون والتشريع الذي يحكم الدولتين ؟؟ هل ستطبق الشريعة في شمال البلاد ويستثني جنوبه؟؟؟ كما أن هناك بعض الأمور فيما يخص المسائل الشرعية والإسلامية ترفع للرئيس وتستوجب تدخل الرئيس والذي من المفترض أن يكون أميرا وخليفة للمسلمين هل ممكن أن ترفع هذه المسائل لحاكم غير مسلم؟
كل صباح جديد يتضح لنا أن هؤلاء ما هم إلا طغاة ومتجبرين – باختصار أي صفة غير كريمة نجدها تنطبق عليهم – إنهم يحبون السلطة والمال كحبهم لأبنائهم أو أكثر, ولن يكون هنالك مشروع حضاري ولا شريعة إسلامية ستطبق إنما اللعب علي هذا الوتر الحساس الذي يدغدغون بنغماته الشعب السوداني أو غن شئت قل البسطاء منه .
أليس هذا الطرح يستوجب مساءلة هؤلاء الحكام وأن ينتفض الشعب ضد هؤلاء الفاسدين المتدثرين باسم الدين , لقد ظهرت حقيقتهم وكشفت نواياهم السيئة بهذا الطرح وعلي الذين يدورون في فلكهم ومؤيديهم المخدوعين فيهم مراجعة أنفسهم فكثير من الشعب السوداني البسطاء يؤيدونهم بحسن نية وبفطرتهم أملا في تطبيق شريعة الله .
كل من يسعى لوحدة السودان سيجد ابناء الوطن المخلصين خلفه 1 – دفع الضرر مقدم على جلب المنافع 2 نشر الدعوة يكون بالقدوة الحسنه نشر الدعوة يكون لغير المسلمين 3من شاء فليؤمن ومن شاء فليكفر 4لقد عملت العصبة اولى البأس على تنزيل فهمها للدين على ارض الواقع ولكنه يظل فهم البشر وقد اصطدم عندالتطبيق باختلاف الرؤى وعدم حصول المقاصد .ان لسان حال النواة الصلبة للمؤتمر الوطنى بعد اغتيال جون قرنق هو لو استقبلت من امرى ما استدبرت ….. لقد ظنت النواة الصلبه ان من ياتى بعد جون قرنق سيكون اقل بأسآ وشدة الا ان سنينآعددآ من النضال ومقاومة الظلم اكسبت القيادات الجنوبيه منعة وتصميم على نيل الحقوق كامله غير منقوصه .أن ادارة الازمه تستدعى ان يوضح كل طرف سقف مطالبه ويبين الثوابت ليصار الى حل يحفظ مقدرات البلاد كمجموع ومصالح العباد كافراد
هذا هو السليم وهذا هو عين العقل
دولة الكل فيها مواطن من الدرجة الاولى
لا لجهاز الامن القمعي
لا لكبت الحريات باسم الدين وتمكنا
وطن خير ديمقراطي..لا تشريد من الوطن ولا من العمل
يتمتع الكل فيه بكامل حقوقه تحت مظلة حقوق الانسان من الالف الى الياء
وطن تسود فيه العدالة والناس جميعا فيه سواسية
لا واسطة ولا محسوبية..ولا تزوير ولا خج صناديق
وطن تلغى فيه الجمارك المبالغ فيها والضرائب المبالغ فيها والرسوم المقطوعة من الرأس والتي تذهب الى جيوب الكيزان
مجانية العلاج والتعليم وتقييم المعلم
دمج الجامعات في عدد 15 جامعة فقط توفر فيها الداخليات والمكتبات والمعامل والطعام وتدعم دعم علمي بحق حتى يعود الخريج خريج وليس كطالب المتوسطة
اعادة مشروع الجزيرة وكل المشاريع التي ابادها الكيزان الى سيرتها الاولى
اعادة السكة حديد والخطوط الجوية والنقل النهري ومصانع النسيج وووو
الى سيرتها الاولى قوية في حضن الحكومة وليس في جيوب الكيزان
وفوق كل ذلك تفعيل قانون من اين لك هذا
يلا كملوا الباقي ياناس الراكوبة
دي انصاف الحلول نفسها ..البشير يحكم سنة وبعد يجي دور سلفاكير يزعل الشيخ ابو زيد .. الدكتور الحبر ..ود عبد الحي يوسف وشلة السلفيين الجدد الذين يحيطون بالرئيس ..علي عثمان قال حا ينتقل للجنوب عشان الوحدة ولسا مركلس في الخرطوم .. الحركة الشعبية ربما توافق على هذا المشروع على أن يتم نقل العاصمة لجوبا ..يعني العاصمة برضو نص هنا ونص هناك
الموضوع ليس موضوع تناوب للرئاسة الموضوع موضوع علاقة الدين بالدولة وتغيير الدستور الدئم للبلاد وتوزيع الثروة على الاقاليم ومجانية العلاج و التعليم ووقف الحروب الداخلية وهذا لا يكون الا باذالة هذا النظام الفاسد المفسد
هكذا وبعد مرور كل يوم يتضح للشعب السوداني
نظام عمر البشير
ولا تعليق
…«الاجتماع الموسع سيحضره حكام الولايات الجنوبية العشرة الى جانب رؤساء المؤسسات الاساسية بالمركز ووكلاء الوزارات المتخصصة والمهمة بالحكومة الاتحادية.» في حكومة ال 77 ديل يطلعو كم ويصرفو كم من ميزانية الدولة في ساعة الصفر….الله في عون السودان.
نتقبل اى جهود تصب فى خانة الحفاظ على وحدة البلاد مهما تعالت اصوات المتكالبين على هذا الوطن، يُثبت الاستاذ على عثمان طة كل يوم بأنة الشخص الوحيد القادر على الخروج بالوطن الى بر الامان وهو شخص مقتدر لذلك ويكفي اسهامة فى حل معضلة الجنوب التي دمرت الاخضر واليابس وذهبت بخير ابناء وطني ، ان كانت كونفدرالية ولا فيدرالية ولا ليبريالية نود العودة الى الوطن ارض المليون ميل كما تركناة ولا تلتفت للمناديين بأن لا يمكن لمسيحي أن يحكم مسلم ومثل هذة الخزعبلات حديث مللنا سماعة فلنركز جهودنا للفترة القادمة فى كيفية قبول الآخر والتسامح والمحبة وتناسي المرارت والمآسي التي المت بنا فى السابق وانت شخص جدير بذلك .
This bunch thieves would do anything to remain on powe, we in the north part of this beloved country will nort allow you to continue to perscute us in the name of Islamr
yes itis too late. itis good idea but itis too late. i do not think people of the south they accept that. no body trust this goverment .
بناء الجنوب لو يسمعوا النصيحة احسن يعملوا دولتهم ويرتاحوا من الاستعمار والاستبداد والغطرسةوانتم السابقون ونحن اللاحقون10
نعم نعم موافق ان يحكمنا سلفاكير ميارديت سودانى ود بلد اصيل رجل مسيحى صاحب دين وعلى خلق عفيف اليد مبرا منالموبقات التى يعملها الكيزان ليل نهار لا يسرق مال الشعب ولا يرتشى ولا يمكن ان يبيع البلد بدراهم بخسة كما يفعل الكيزان الوسخة تجار الدين نعم انا مسلم اصلى واصوم واريد ان يحكمنا سلفاكير وليس البشير العوير الاهبل المجرم قاتل شعب دار فور مطلوب العدالة الدولية اخوتى احبتى مسيحى عادل ونزيه خير الف مرة من مسلم ظالم وفاسد وخائن للعهد وقاتل
Just been reading that Albashir decided to grant the sudanes nationality to apalastinian footballer . yes another one like thounds palastians and hunderds thousands if not millions egyptians before him all granted the sudanese nationality.. these people are so, fertile in ten years time we will be the minority in sudan like the aborigines in Australia we may have to start a rebillion to have our basic human rights .this has to stop wake up my brothers and sisters before it is too late
يا جماعة الخير …. لقد أرهقنا الفقر والله … والمرض …والحرب …كفاية علينا نحن مواطنين مساكين فى الشمال والشرق والغرب والجنوب مابتهمنا الايدلوجيات وعلاقات الدين الشرعية والغير شرعية بالدولة …. دولتين فى دوله … دوله فى كوز موية …!المهم عندنا السلام السلالالالالالالالالام وحقن الدماء … والعيش الكريم … ونحن والله ناس ما طماعين … ليه نحن نموت عشان صراعات السياسيين والناس الكروشا كبار دي …خلو الناس تعيش … والبلد دي والله والله و الله كبييييييرة وواسعة تشيلنا وتشيل الدنيا كلها معانا … نفسي أفهم السياسيين ديل سايقننا وين ومودننا وين … سهوة السلطة .. شهوة المال وين الشريعة هنا ياالناس الاتكلمتو عن المشروع الحضاري ..الكيزان ما يغشونا ويقولو نحن جينا نطبق الشريعة الناس ديل ما عارفين الشريعة دي ذاااااااتا شنو … كدي اليطلع لي كوزا كدي عندو ضل ويقول لي الشريعة دي شنو ؟ ؟ ؟ مقولة تقول أنو السياسيين كلهم حرامية …بس البيكون فى المعارضة حرامي ما قادر يسرق عشان كده طوالى يفتن فى أخوه الفى الحكومة الحرامي الشبعان …طلعتو …. عينا ذاتو ولنا عودة
فصل الدين عن الدولة
في بلد متعدد الاديان والثقافات هو الحل
وتعليق عادل عبد الرحمن مثال قوي للتعليق الممتاز
سوداننا لافرق بين شمالها وجنوبها شرقآ وغربآ كلنا اخوان بأذن المولي عز وجل تتحقق الوحدة رغم انف المتربسين الدجالين الطائين المناقدين الخاضئين الذين خرجو من ارض الوطن ويتحدثونا من الخارج بانفصال بلادنا الحبيب وتشويح سمعتة الله اكبر عليكم وعلي كيدكم
اها ودى الفائز فيها منو الهلال ولا المريخ
ومتين حندخل دورى المجموعات وياربى ح يكون شكلو كيف
اخخخخخخ منكم يا كيزان
Tooooooooooooooooo late وزى مابقولوا ـ من بعد ما فات الأوان ـ
مصطفى مارتينو
ايهــــــا ألناس .. الحــلال بين .. والحــرام بين .. وبينهما وطـن يتأرجح .. فمن شاء منكم الإبقاء علي هـذا الوطـن .. موحدا .. آمـنا .. مستقـرا .. دار سلام وعدل مثل رسالة الإسلام نفسه .. فليقل جهـرا إنـه لايمكـن فرض عقيـدة واحـده علـي شـعوبه المتعـددة دينيا وثقافيا .. وليقل جـهرا إن الدولـة المــدنية الديمـقراطية هـي الكفيلة بهـذا التنوع .. وليقـل جهـرا إن الـدولة الدينية مرفوضه لسـودان فسيفسائي ، حتـي لـو جاءت شـريعتها مبرأة مـن كـل عيـب .. وليقـل جهـرا إن تجـار الديـن هـم الذين جلبوا لـه الكوارث .. والاسـلام منهم براء .
الاستاذ / فتحـي الضَو .. هـل كفرت العصبة .. أم أسلـم أهـل السودان .
That?s for real nonsense, it?s too late Mr. Vice President you are the one create this peace in Navasha so what is new now. It will very healthy and peaceful if you just accept the fact that south Sudan is for real this time for referendum, and no one can stop us from doing that, and secondly the peace deal is done and no new negotiation on new peace agreement, unless you are ready to fight us again., then we ready for it and this time it will not be in South I assure you it will be in Capital so you can taste the war.
Its so funny to accept from NCP that they want the Islamic state to governor by southern, and we do not trust you MR NCP, it?s just days between us and your NCP, your party is the one create all these mess so please stop talking on nonsense confederation. We are tired of old Sudan, we need peace for good so we do not any more fight tomorrow when NCP throughout that new agreement.
والله الحل ابسط مما يكون
الدمقراطية وحرية الراى وتداول السلطة
مافى شئ اسمه دين ولا علمانية ولا شئ هذه كلها منقصات يقف وراءها الشموليين والعنصريين هم من يطلع علينا كل صباح بفحيح وعويل جديد من يتكلم عن التمييز العرقى والدينى سوى منبر الشؤم بقيادة خال البشير (الم يقول الخال لن نرضى بالجنوبيين ولو دخلوا فى دين الله افواجا ) لم نسمع بجنوبى يتزمر من تطبيق الدين انما كل همهم فى تساوى الفرص والشعور بدوله للجميع ظل جون قرن طيلة فترة تمردة يذكر فقط العنصرية لم نسمعة يتكلم عن الدين او العرق او حتى الرئاسة
انظر اخى ماذا لو فتحت الخدمة المدنية للجنوبيين ؟ ماذا اذا كان وزير الداخلية جنوبى بدل هذا الاريترى؟ ماذا لو قامت الحكومة بمد طريق اسفلت الى جوبا وباموال تخصم من بترول الجنوب ؟
اهم حاجة نساها المعلقون وهي منبر السلام العادل بقيادة الطيب مصطفى ، وجماعة هيئة علماء السودان … وبعدين وزراء أنصار السنة والأخوان المسلمين .. هذه من اهم العقبات ..العقبة الأخيرة هي موقف حزب المؤتمر الوطني من المريسة والعرقي ..وبعدين توظيف الجنوبيين في الخدمة المدنية .. إيييك وقيادة الجيش والأمن وإعلان الحرب ..انتوا نسيتوا الصواردمي الناطق بإسم الحرب في دارفور …دا في كل شهر قوااته بستولي على 1000 عربة لانكروزر ..يعني أكبر من سعة المصنع في اليابان ..وصلاح قوش قال ناس الحركة عواليق ..زيعني الموضوع كلو جايط
ناس الانقاذ خربوها بمشروعهم الذى لم يخدم الا انفسهم الانفصال قادم شوفو ليكم موارد صرف لشرطتكم وجيشكم وناس امنكم ووزراءكم وولاءكم وحراميتكم
لابد ان تفهمو ان الشعب السودانى سوف يستطيع ان يصلكم في عماراتكم وقصوركم ويكسرها ياتجار الدين اللهم الا ان تهربو الى ماليزيا حيث ممتلكاتكم الاحتياطية
زول غيرك شايل هم البلد مافي والله يا علي وبالرقم اني بكره الكيزان بس الله بعلم وبشهد حبيناك في الله
ربنا اوفقك واسدد خطاك واجعلا ليك في ميزان حسناتك يارب قادر يا كريم
الان انكشق المستور يعني الموضوع لا اسلام ولا جهاد ولا دولة الشريعة الموضوع سلطة وجاه ومال ولعب ولبع
الانصار قالو للمهدي يونس ود الدكيم ده بسكر ياخي كيف يكون قائد للجيش
قال ليهم المهدي نادوه لي
الجماعة مشو ليهو وقالو ليهو المهدي دايرك
يونس لبس الدرع وشال سيفو وحرابو وركب حصانو وجا للمهدي
ود الدكيم قال أها الجماعة وين
ردّ المهدي وهو ينظر للجماعة أنزل البلد في أمان
طيب لو كان السيد قرنق حي كان ده حصل
والله والله كان السودان كلو حيكون حركة شعبية
لأن الشي الحاصل ده ليس شراكة والواضح إنو المهدي ما راضي عن يونس ود الدكيم
لكنه خايف الفتنة
ومع ذلك المهدية تاريخ للسودان لاحترامها قضية السودانيين
وللأسف الآن هنالك قضية لم تجد من يحترمها
الاتهام مرفوض يا سوداني ياواعي
انا ماعارف يتحنسو فيهم كدا ليه عاوزين انفصلو خليهم اروحو … كلها كم سنه وبجو راجعين عايزين الوحده
اكسبو زمنكم ياكيزان ما فيش وحده لا جاذبه ولاغير جاذبه-المليارات البتصرفو فيها فى الفارغه والمقدوده دى ادعمو بيها سعر السكر ….بعدين حكم بالتناوب دا كيف ياطه؟مرات نكون مسلمين ومرات نكون كفار ؟ كفايه نفاق هى للسلطه وهى للجاه كرهتونا
هاك الانبطاحة دى انتو قايلنها خطب ورقيص وكذب وخداع وحماقة وعوارة وكفالة يتيم
ياجماعة إتخيلو الشهداء ( إن صح التعبير ) قاموا من الموت (يعني مجرد خيال )
ولقوا باقان أموم رئيس لعموم السودان حسب الإتفاق الجديد !! ناس علي
عثمان حيقولوا ليهم شنو ؟؟
والله حيرتوا الشعب السوداني لي وين سايقنوا ما معروف،، اللهم ارحم وطني وبي وطني من التشتت والضياع واجمع الكلمة ووحد الصف ، انت القادر علي ذلك يا رب، وجنبنا اللهم الفتن والفتانين واصلح جميع شأننا يا رب العالمين.
ياناس الراكوبه راكوبتكم دي بتقيل لي مرشوشه مويه بارده وفيها عناقريب هباب انتو منتظرين وحده جا زبه المره دي مش يمشي علي والله يمشي البشير زاتو مايعمل حاجه اهلنا في الجنوب عرفو الاعيب المندكورات وعلي ده المره الاخيره له عشان يمشي الجنوب يبكي علي اطلال اهلو الشويقه الكان بتاجرو في سوق كنجوكنجو وسوق توريت . لكن بعد تعود ومعاك الوزراء المشو معاك جهزو جوازاتكم وانتظرو الموافقه والتصديق بزياره دوله الاماتونج الكبري الحدوده حتي خط سكه حديد ربك وقولو ياناس الراكوبه لود شندي المتخيل يمشو ويجو مالم هم خريف ولا شنو السلام
الي متي يرتقي الاخوة الانفصاليين في الجنوب الي الفهم والادارك اللازمين , لانهم فقط يحصرون عملية الوحدة او الانفصال في شوية براميل البترول القربت تنضب دي , الحكاية ما بترول لان البترول في الشمال المستغل وغير المستغل يوجد بكميات ضخمة القصة قصة وطن مليون ميل مربع موروث من الاجداد فلذلك حزب المؤتمر الوطني يتمسك بالوحدة ويتحمل مسئوليته في هذا الصدد بشجاعة وفي النهاية الجهد الذي يبذل في سبيل تحقيق الوحدة هو جهد بشر والمسؤولية ليست علي الوطني وحده وانما يتحملها كل افراد الشعب وكل فرد عنده مسؤولية تجاه هذه الوحدة ناس المؤتمر الوطني بشر فان نجحوا فالحمد لله ولا سيكونوا مرتاحي ضمير لانهم افوفوا ما عليهم
خمسه سنوات ونص قاعدين تعملوا فى شنو؟؟ جايننا هسه تتكلموا عن وحدة جاذبه
it is too late
احسن تحاولوا تحافظوا على باقى الوطن قبل مايفوت الاوان برضو
بس المشكلة انكم ما فاضين من الاستمتاع بالسلطه واموال المساكين
السؤال لماذا لم تقترحوا ذلك سيد علي ايام المفاوضات ايام اقصاء الاخرين كنتم تعتقدون انكم اذكى من مشى على قدم
ولكن وا اسفاة طلعتم حمبرات واضعتم بلد المليون ميل مربع و خوفي على الباقي من هكذا عقليات تحكم البلد بالقياس بالتكة يلا خموا و صروا
عافي منك يا ( سلفا ) خليت الناس تجيك في مكانك جماعات ووحدانا وتجري وراك تستسمحك وتبوس رجليك علشان خاطر الوحدة,الناس مزنوقين يا سلفا , كانوا نائمين في العسل , وظنوا أن الإنفصال غير ملاقيهم , وفجأة هلت عليهم تباشيره فأصبحوا يتلاومون مع بعضهم البعض وكادت أن تذهب ريحهم ,,,أصبحوا يتساءلون كأهل الكهف في نومهم وفي غفوتهم , منهم من قال – وهو يائس – فات الآوان علي الوحدة ومنهم ما زال يؤمل في الوحدة ويدعو لها في الزمن الضائع ,,,, وعلي ذكر الزمن الضائع الذي يذكرنا بعالم كرة القدم ,,,,تبقي من زمن مباراة الإستفتاء القليل وخطرت لهم فكرة القيام بالتبديل بغية إحراز أهداف ربما تكون في صالح الوحدة أدركوا أن الوقت ليس في صالحهم فأبدلوها بدولتين تكون رئاستها دورية ما بين رئيس شمالي مسلم والآخر جنوبي مسيحي, يريدون كسب هذه المباراة فيما تبقي لهم من زمن وهم مهزومون بهاتريك من سيلفا, بأي ثمن حتي لو كان هذا الثمن مشروعهم الحضاري وتطبيق الشريعة الإسلامية, الجمهور يشاهد ما يحدث في الملعب غير مصدق يضع أياديه علي رؤوسه من هول المصيبة والفاجعة الكل يفقد أعصابه حكام ومحكومين من أنصار الفريق الشمالي , أما أنصار الفريق الجنوبي فرحين بما آتاهم من إتفاقية نيفاشا وفرحين بما يخبيء لهم المستقبل القريب والعاجل من بشارات الإنتصار وميلاد دولتهم الجديدة والذي يفرحهم أكثر أن جيرانهم الشماليين سيصبحون ضعفاء لا مال لهم ولا بترول ولا أراضي زراعية يعتمدون عليها, وربما نشهد في المستقبل إنقلاب ( الآية ) يصبح الشمال مستعمرا من قبل الجنوبيين ويذوقوننا من نفس الكأس المر الذي أذقناهم من عنصرية وبغضاء وكراهية وقتل.
تخيلوا ياجماعة وشوفو الكيزان وصلو لأى مرحلة من الانحطاط والله مستعدين يعملوا اى حاجة من اجل السلطة شوق قلة الحيا وقلة الادب بقوا يجروا بالمئات على سلفاكير ويتزعمهم الثعلب الكبير على عثمان وعايزين نعرف الفرئيس الصورة دا قاعد يعمل شنو البلد كلها تحولت من الترابى لعلى عثمان ورئيس الهنا دا قاعد للرقيص والكشف الله يكون فى عونك يا وطنى فقد ابتعد اهل الراى والشجاعة واصبح كل فاسد صاحب منصب وكل منافق بقى خطيب ولله درك ياوطن الله يرحمك ياسودان ويعيدك لمجدك ويكفيك شر هذه الحكومة الهنجوكة
ياجماعة على عثمان ده قاعد يسافر بى شنو من الخرطوم للجنوب بيركب طيارة ولا سيارة لأن طريق الجنوب قتل كل أصحابه السياسين من العسكرين والمدنين لم يبقى منهم إلا على عثمان طه وهو ما خايف يزوقوه من نفس الكاس ويروح فيها ش ف م . الرجل دقس فى الاتفاقية ووقع فى المحل الخطأ وعايز يتمرجل تانى ويتم الناقصة
مكان اقامتك ليس جوبا يا علي بل هي تل ابيب او واشنطن مكان اتخاذ قراركم
الجنوبيون ماينفصلوا عليهم يسهل وعلينا يمهل يعنى شنو بترول الناس ديل ليهم خمسين سنة بعد الاستقلال مباشرة اتمردو قالوا ماعيزينكم والله انا لوشاورونى الستة سنين دى كنت عملتها ستة شهور لان الموضوع واضح من خمسين سنة يعنى عايزين تقنعوا زول بيحارب ليه خمسين سنة تقنعوا ستة سنوات والله مرحلة الاساس بقت ثمانية سنوات حتى يتعلم الطالب وحتى د ماعلمتهم عشان كدى كل قرد يطلع جبللو ا وريحزنا من الاكذوبة التى تسمى الوحدة الجازبة وانا شمالى من دعاة الانفصال ومكن الحق اعطاء الجنوبيون حقهم فى ان يحكموا انفسهم
معزرة سعادة نائب رئيس الجمهورية لان زمن الاستفاء قد اقترب وحان ولقد قضى الامر الزى كنتم فيه سوف تستفتيان لن يجدى البكاء على اللبن المسكوب يا سيادة نائب الرئيس فقد طارت طيور الجنوب بارزاقها وتنتظر طيور باقى الاقاليم ايضا الطير بأرزاقها بعد ان فشل مشروعكم الحضارى سعادة نائب الرئيس فى اقامة دولة العدل والجكم الرشيد لقد فات الاوان بعد ان سيطرتوا علينا فى غفلة من الزمان والان تلعبون فى الزمن الضائع وتستعملون نفس اساليبكم القديمة فى الضحك على عقول ما تبقى من عقول الشعب السودانى الفضل شوفوا ليكم لعبة غيرها لان قطار الوحدة ودع ورحل وقطار المشورة الشعبية على وشك المغادرة اما زلتم فى احلام اليقظة اليس بينكم رجل رشيد مثل الخال الطيب مصطفى ام انكم كالانعام اواضل سبيلا سوف يخلد التاريخ لكم فى سجلاته انكم استوليتم على السودان وطنا موحداكما سلمه الازهرى وعبود والنميرى والصادق المهدى ام انتم اولياء الله الصالحين فقد قسمتم البلاد وشردتم ا لعباد من اجل راية الاسلام والحاكمية لله وبعد ما ان تمكنتم تناسيتم رب العباد والعباد بعد ان كانت هى لله لا لدنيا وزخرفها ولما حانت ساعة الحقيقة الان اصبحتم فى حيرة من امركم فلن يجدى اللعب فى الزمن الضائع عزيزى نائب الرئيس فقد حقق الغرب اهدافه بمساعدة رائعة جدا من المؤتمر الوطنى فعندما ينفض سامر القوم والبلاد فى انفصال فلكل حدث حديث وعندها سوف يتزكر العنقالة كل الخدع والمماراسات السبئة التى ارتكبوها ضد الشعب السودانى الاصيل الطيب والزكرى تنفع المؤمنين
سواها ولا يخاف عقباها،،،الزبير استشهد،،،ابراهيم ورفاقة استشهدوا،،،،قرنق وطايرتة استشهدوا ،،،وقرارات اربعة رمضان ،،،،ونيفاشا،،،، عندنا مثل زمااااااااااااااااااااااااااااااان في السودان بقول(كلب مزرور في تكل)