المحكمة تستمع الى أقواله كـ (شاكٍ) ..قطبي المهدي : كنت في العمرة وعلمت بسرقة 300 مليون من منزلي،،عبارة عن (13.140) يورو و(100.063) فرنك سويسري و(345) ألف ل لبنانية و(15) ألف أسترليني و(2) ألف ج مصري و(420) ل سورية و(9) آلاف ريال سعودي و(26) ألف دولار.
حضر قطبي الى المحكمة برفقة حرسه الشخصي وحاول دخول القاعة قبيل الجلسة، لكنه تفاجأ بأنها مغلقة فعاد ادراجه وانتظر حتى حضور القاضي، وحينها اخليت مقاعد للرجل وحرسه وبدأ في الادلاء بإفاداته بصوت خافت اضطر معه القاضي الى تنبيهه برفع صوته،
الخرطوم: آثار كامل
استمعت محكمة جنايات بحري وسط برئاسة مولانا الصادق زكريا إلى د. قطبي المهدي القيادي بالمؤتمر الوطني في قضية سرقة ونهب منزله، وأفاد في أقواله بأنه كان يقضي مناسك العُمرة وتم إبلاغه بالحادثة فحضر إلى الخرطوم ثاني أيام الحادثة، وعند ذهابه للمنزل وجد الباب مفتوحاً ودواليب المكتبة مُحطّمة والمبلغ مفقوداً، وأبلغه الحارس بأنه أخطر المباحث لمتابعة الموضوع، وذكر أن المبلغ الكلي (300) ألف جنيه وهي عبارة عن (91) ألف جنيه و(13.140) يورو و(100.063) فرنك سويسري و(345) ألف ليرة لبنانية و(15) ألف أسترليني و(2) ألف جنيه مصري و(420) ليرة سورية و(9) آلاف ريال سعودي و(26) ألف دولار. واستمعت المحكمة أيضاً لإفادات بعض شهود الاتهام منهم حافظ علي عريف بجهاز الأمن والرقيب فني صلاح يوسف، وأوضح المساعد شرطة محمد الطيب أنه تم تكليفه مع التيم في البحث عن الجناة، وبعد ذلك وردت معلومة عن المتهم السادس وتم تكثيف جمع المعلومات، وقال: اكتشفنا علاقة المتهميْن السادس والأول وتم القبض عليه والتحري معه، حيث ذكر أنه التقى المتهم أول أيام عيد الفطر بمقابر حمد النيل وأجرى عملية تبديل عملة له، ثم تم القبض على المتهم السادس بالسوق العربي وبحوزته (20) ألف جنيه وعربة آكسنت، وبعد التحري معه ذكر أنه خطط للجريمة ومعه المتهمون السادس والخامس والتاسع، وتم التنفيذ بمعاونة المتهمين السابع والثامن وتقسيم المال فيما بينهم، وأرشد إلى المتهم الخامس الذي ضُبط بحوزته (350) ألف جنيه، وتم القبض على باقي المتهمين. يُذكر أن عدد المتهمين (9): (3) تجار عملة و(2) من معتادي الإجرام و(4) من الاستخبارات، فيما بقي هنالك متهمٌ هاربٌ تم فصل الاتهام في مواجهته، وحددت جلسة في نوفمبر المقبل لمواصلة سماع الشهود واستجواب المتهمين.
الرأي العام
[COLOR=blue]قطبي يبلغ المحكمة بتفاصيل 9 عملات سرقت من منزلهلصوص سطوا على داره أثناء أداء الأسرة للعمرة[/COLOR]
الخرطوم: سلمى آدم: مثل أمس أمام قاضي محكمة جنايات بحري وسط، القيادي بالمؤتمر الوطني البارز، قطبي المهدي، كشاكٍ متضرر من سرقة مبالغ مالية بتسع عملات تعادل 300 ألف جنيه سوداني من منزله بحي الصافية الراقي بالخرطوم بحري.
وحضر قطبي الى المحكمة برفقة حرسه الشخصي وحاول دخول القاعة قبيل الجلسة، لكنه تفاجأ بأنها مغلقة فعاد ادراجه وانتظر حتى حضور القاضي، وحينها اخليت مقاعد للرجل وحرسه وبدأ في الادلاء بإفاداته بصوت خافت اضطر معه القاضي الى تنبيهه برفع صوته، وغادر قطبي القاعة فور انتهاء أقواله.
وأفاد في أقواله للمحكمة بأنه يوم حادثة سرقة منزله كان بالمملكة العربية السعودية هو وأسرته لأداء العمرة، وعلم في اليوم الثاني وبعدها عاد إلى الخرطوم وعند وصوله إلى منزله وجد الباب الخارجي مفتوحا والداخلي مكسورا ودواليب مكتبه محطمة والأموال قد سرقت، موضحاً للمحكمة بأن حارس المنزل أخبره بأنه قام بفتح بلاغ لدى قسم الصافية بحري وبعدها تابع إجراءات البلاغ وأخذت أقواله كشاك متضرر، وذكر تفاصيل المبالغ المسروقة وهي (91) ألف جنيه سوداني و(13.140) يورو و(11.360) فرنك سويسري و(645) ألف ليرة لبنانية و(420) ألف ليرة سو?ية و(20) ألف جنيه مصري و(9) آلاف ريال سعودي و(5) آلاف جنيه استرليني و(26) ألف دولار، وتعادل العملات المسروقة قرابة (300) ألف جنيه سوداني.
وأكد قطبي للمحكمة أن المتهم السادس كان يعمل معه كسائق خاص لفترتين، الأولى كان عسكريا بالاستخبارات العسكرية، والثانية بعد فصله، مؤكداً بأنه لم يطلب منه أن يواصل معه في العمل بعد استدعائه من قبل الاستخبارات العسكرية ولم يتابع موضوع استحقاقاته بعد فصله.
وأضاف شاهد الاتهام الأول حافظ علي وهو عريف بجهاز الأمن والمخابرات الوطني انه قبل حادثة السرقة بيوم كان حارسا في منزل قطبي وسلم الخدمة لزميله محمد مصطفى، وأول يوم عيد الفطر اتصل عليهم شخص يدعى بشير أخبره بالحادثة وبعدها ذهب إلى موقع الحادث لمعرفة ما حدث ووجد باب المنزل مفتوحا ودواليب المكتبة محطمة ومبعثرة.
وذكر شاهدا الاتهام الثاني والرابع بأنهما يتبعان لمباحث ولاية الخرطوم وتم تكليفهما بعملية البحث والقبض على المتهم السادس وبالبحث توصلا إلى المتهم الأول، وبالتحري معه ذكر بأنه قابل المتهم السادس في أول أيام العيد واستبدل له مبلغ (10) آلاف دولار و(10) آلاف يورو بمقابر حمد النيل، وتم نصب كمين له بالسوق العربي الخرطوم وألقى القبض عليه وضبط بحوزته مبلغ (20) ألف جنيه سوداني وعربة «جياد» وبالتحري معه أفاد بأنه خطط للجريمة هو والمتهم الرابع والخامس والتاسع، وقاموا بتنفيذها بمعاونة السابع والثامن وتقاسموا المبالغ ال?سروقة بينهم، وأرشد على المتهم الخامس وتم القبض عليه بمنزله بأمبدة وضبط بحوزته (35) ألف جنيه سوداني وبعدها توصلوا إلى المتهمين السابع والثامن والتاسع.، وان التحريات مع المتهمين كشفت بأن المتهمين الأول والثاني والثالث تجار عملة، والرابع والخامس والسادس والتاسع عساكر بالاستخبارات العسكرية، والسابع والثامن معتادو سرقات. وحددت المحكمة جلسة الرابع والعشرين من الشهرالقادم لمواصلة سماع القضية.
الصحافة
is this a house or a BANK..1
فى الغرب الكافر -كما يزعمون- نصح رئيس الوزراء احد وزراءه بتقديم استقالته لماذا ؟ لانه ذهب بالسيارة الحكومية لقضاء مشوار خاص وشخص وقال له كان الاجدر بك ان تركن السايرة وتذهب بالباص لان وقود هذه السيارة يدفعه دافع الضرائب ======اخ يا سودان من الحرامية النهبوك ويزعمون انهم اهل دين واهل تقوى== والشعب مسكين وجعان ===ادخلوا الناس المساجد ودخلوا هم السوق ====اح يا سودان ===بس لينا رب كريم وملهم لهذا الشعب الذى لن ينسى ولن يرك كل حرامى وكل مرتزق=== انظروا الى هولا النكرات ، اين كانوا قبل الانقاذ؟ اين اموالهم؟ كانوا من اشد طبقات المجتمع فقرا وهم الان بفضل السلطة ==التى يقولون انها لله لا للسلطة ولا للجاه=== اغنياء يبرطعون وينهبون
وبداء فى الادلاء بصوت خافت اضطر معه القاضى بتنبيهه لرفع صوته يا ربى خجلان ولا مستحى مبالغ بالحجم دا كلوا وكمان عملات مختلفة فى خزينة المنزل والله شئ مؤسف ومخجل حقيقة بالنسبة لينا لكن هو مالو خجان ما شئ عادى بالنسبة ليهم وبعدين بيت الصافية دا ذاتو امتلكه متين المعروف عن الصافية ملك لاولاد الاصول موش لناس 30||6|1989 ربنا انتقم من كل حرامى ماكل مال السحت
قتلتو مجدي وجرجس عشان شوية دولارات وانت معاك كل هذا المبلغ ولم يفعل فيك شىء من اين لك هذا يا حرامية والله انتو عاوزين تقطيع خلف خلاف
مال حلاااال …. عشان كده ما بضيع :D
من أين له هذا المبلغ الضخم ؟
أنا لو كنت في مكانه لقضيت النظر عن الموضوع خوفا من الفضائح لكن هؤلاء نزع
الحياء
هل هذا النكرة يعمل تاجر عملة ؟
حسبنا ااه ونعم الوكيل منهم …..هؤلاء لا يشبعون
بس نفسي اعرف ليه محتفظ بالليرة اللبنانية
وبمشى لبنان يعمل
سؤال برى جداً جداً شنو
ماتفهمونا غلط ياااااااااااااااخ
والله هذا هو زمن المهازل ان يترك شيخ الحرامية ويحاكم الحرامية الصغار!
الذين سرقوا المبالغ المذكورة من المذكور كان يجب ان يكافأوا ويكرموا ويعفوا من العقوبة لأنهم كشف الحرامي الكبير الذي يحتفظ بكل هذا المبالغ في شكل عملات مختلفة في داره ولا يسأل حتى عن السبب أو تقوم الجهات التي تحميه بتوضيح الأمر وتشرح فيه المبررات لتحويل بيته الى بنك خاص على الاقل احتراماً لعقولنا !!
على عينك يا تاجر والما عاجبه يحلق حواجبه !!
وزير هو أم تاجر صرافه والله كلهم فجرة فاسدين يوم الحساب قريب قريب جداً >>> والقاضى نفسه فى دائرة الاختصاص سوف يحاكم
واضح ان هذا الرجل تاجر عملة و من كبار حرامية المؤتمر الوطنى حيث يوجد بحوزته جميع العملات، و بينما يتم القبض على تجار العملة من غير جماعة المؤتمر الوطنى و ايداعهم السجن، فان تجار المؤتمر الوطنى و محسوبيهم لا أحد يطولهم أو يقبض عليهم، اذن هم من يخربون اقتصاد البلد و هم من يتاجرون بالعملات، و اذا كان هذا المبلغ يوجد فى مكتبته فقط، فما خفى كان أعظم، هذا أكيد هو مصاريف البيت فى فترة غيابه لأداء العمرة بدليل انو جادعو فى المكتبة للولية لزوم المصاريف ، يعنى بالنسبة له مبلغ بسيط و تافه و أكيد أرصدته فى البنوك المحلية و العالمية أكبر من كده كتير و أكيد هذا المبلغ لا يساوى شيئ أمام عقاراته المنقولة و الثابتة. الله يورينا فيكم يوم يا ناس المؤتمر الوطنى يا حرامية.
يذهب الحرام من حيث أتى .
;)
((91) ألف جنيه و(13.140) يورو و(100.063) فرنك سويسري و(345) ألف ليرة لبنانية و(15) ألف أسترليني و(2) ألف جنيه مصري و(420) ليرة سورية و(9) آلاف ريال سعودي و(26) ألف دولار.)
بالله ده دولاب في منزل ولا صرافة ، ومن اين له هذه الاموال
اليست هي الانقاذ التي اعدمت مجدي وجرجس في حيازة العملة والتي تخصهم ولاتخص الشعب السوداني كهذه التي مع قطبي المهدي.
والشئ الغريب ان السرقة تمت وهو في العمرة ، كيف تعتمر باموال مسروقة ايها اللص الحقير
قطبي المهدي نموذج فقط وكل سدنة الانقاذ يفعلون اكثر من ذلك
لماذا لاتساله المحكمة عن مصدر هذه الاموال
ولماذا يحتفظ بكل انواع العملات
هل لانه لايدري الى اين يكون الهروب لحظه وقوع الواقعة
اوروبا مستبعدة
سويسرا لامجال
مصر لن يستطيع الاختباء
سوريا ربما
السعودية ربما
لماذا لايحتفظ بعملات اسيوية ؟ربما لان الكبار سيسبقونه الى ماليزيا والصين؟وهو لايريد ان يكون البيض في سلة واحدة
طيب ماذا يفعل هذا القطبي في العمرة وهو يعرف نفسه سارقا وفاسدا
لماذا لايصدق مع نفسه لحظة
اهو موت الضمير؟كحال كل السدنة في الانقاذ؟
اجيبونا ايها الشيوخ
الحرامي الكبير هو قطبي المهدي انت تاجر عملة وانحنا نجي مسافرين نبدل الفين دولار ونستلم من المطار واحتمال مانلقي واحتمال يكون الدولار خلص في الصرافة عمرتك دي باطلة نصاب محتال من الدرجة الاولي انت وسيدك
تسعة عملات يا حرامي وماشي تطوف بيت الله
الله اليغطس حجرك
خلي يجي واحد من الحرامية تجار الدين يقول لي اعدمتو وصادرتو دولارات مجدي وجرجس لشنو
الله ينتقم منك يا حرامي ان شاء الله تدخل عليك بالساحق والماحق
علي القاضي ان يسأل عضو عصابة تدمير السودان -قطبي-من اين اتي بهزة الاموال بالدليل والاثبات وكم تبلغ ثروتة قبل دخولةالي الحكومة- احلي حاجة كان صوتة خافتا لانة المجرم الحقيقي
يا اخوانا و الله الزول دا مسكين لا عندو ين يابانى و لا دولار كندى و لا دينار كويتى و لا ريال قطرى وهى لله هى لله
ما شأ الله كل عملات الدنيا شكله صاحبنا جاهز محل ما يهرب لما تسخن ما عنده مشكله ( صرافه متحركه)
بيت قطبي المهدي ده اصلو صرافه ولى شنو ؟؟؟
مادام المسؤلين يضعون اموالهم خارج النظام المصرفي وبهذا الكم الهائل وماخفي طبعا اعظم
فكيف بالمواطن العادي ؟؟؟
في الخليج اعمل في شركة اجنبيه يرفض ملاكها بقاء النقود خارج النظام المصرفي يوميا يتم توريد اي درهم يدخل للشركه نهاية اليوم …. ودي ما بلدهم
اين نحن من اؤلئك
والله قطبى دا مافضل ليهو الإ يمتلك عملة الجنوب عشان لو حصلت حاجة من كل إتجاه يهرب
من اين لك هذا يا قطبي المهدي :mad: لا اله الا الله انا لله وانا اليه راجعون اللهم ان نسالك الحلال ونعوذ بك من كل حرام ومشبوه
is this a house or a BANK..1
طيب القاضي دا ما كان يسالو
من اين لك هذا ؟؟:mad: :mad: :mad: :mad: :mad:
إنتو ناس عل كرتى بيمشو يشحدو برة ليه ماهى القروش قاعدة هنا فى البيوت والمكاتب….. شوف دا زول واحد عنده القروش دى شوف الباقين واحسبو معاى…. وكبيرهم اب جاعورة براه عنده كم….. تقول لى دايرين ستة مليار علشان نحل الازمة الاقتصادية…. نحن دايرين لينا ستمائة مشنقة اول وبعدين نشوف موضوع الاقتصاد دا.
يمشي لبنان …………………………………………
وبعدين يكفر في السعودية ……………………….
أخ يا بلد ……….. أخ يا بلد …………….. أخ يا بلد
ما عندك وجيع ………………………… بس لينا رب اسمو كريم
حتتحاسبو علي مثقال ذرة
i:lool: this man should be asked why not keeping money in Bank he is a leader he should be good example does he notify the Central bank and Custom Duty
انشاءالله الوزارة الجاية نجدك وزير مالية قدر الضربة واكيد المبلغ ده كان حق مصاريف ام العيال والحشم غايتو طلعتو دقون فسو ساكت ايها الكيزان الحرامية لعنة الله عليكم يابركة هذه الايام نشوف فيكم يوم اواء منما جرى لقذافى
ياشباب كل القصة انو حرامى سرق حرامى فيها شنو يعنى ؟؟؟؟؟؟؟:lool: :lool: :lool: :lool: بعدين راى الخال الرئاسى الحلبى الطيب مصطفى والامنجى سحااااااااااااااااااااااق شنو؟ . برضو هى لله ؟
زمان اعدم اشخاص بجريمة امتلاكهم عملة صعبة
ما الذي يعفيك من الجرم ،،،،
الاشخاص المعفيين من المساءلة من الحصول على العملة الصعبة هم فقط المغتربين ،،، اما البقية فهم تجار سوق اسود
ليصدق قول نبينا الكريم صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].
في الكلمة العظيمة لشيخ الإسلام ابن تيمية رحمه الله: "إن الله يقيم الدولة العادلة وإن كانت كافرة ولا يقيم الدولة الظالمة وإن كانت مسلمة" هداية للأمة في مرحلة التيه الحالية، وتفسير لحالة الاستقرار التي ينعم بها الكفار في أوروبا وغيرها، وحالة الفوضى والفتن التي تعيشها أغلب بلاد المسلمين.
اقتباس : وان التحريات مع المتهمين كشفت بأن :
3 تجار عملة،
4 عساكر بالاستخبارات العسكرية،
2 معتادو سرقات.
التعليق : يعني الحرامية سرقوا من الحرامية ، هل يوجد اعتراف أكبر من كده لمحاربة الفساد والمفسدين .
إذا سرق فيهم الشريف تركوه وإذا سرق فيهم الضعيف أقاموا عليه الحد
يا عالم مالكم انتم حاقدين كدا !!!! الراجل هوايته جمع العملات، زمان كان من هواة جمع الطوابع و الان غير النشاط.
هسع دي فيها شنو عليكم الله ؟؟؟؟ عيبوها لي.
بعدين هو لو كان حرامي ما كان رجع و قطع عمرته، كان احتسبها و واصل عمرته.
هاهاهاهاهاها …… يكا
9 متهمين
9 عملات اجنبية
المكتبة محطمة ___ يعنى الفلوس موضوعة داخل المكتبة !!!!!!
وهو خارج السودان للعمرة __ يعنى شايل معاهو كم غيرالبنك الخلاهو وراهو ؟؟
والذهب فى غرفة النوم اخباره شنو ؟؟؟
ده قطب المهدى ياجماعة __ ماعنده اى صفة غير (قيادى فى المؤتمر الوطنى )!!!1
طيب التماسيح الماسكين وزارات ورئاسة مجلس ادارات الشركات عنهم كم ؟؟؟
برضو تقولوا حكومة اسلامية ؟؟؟
المبلغ قطبى المهدى قيادة فى المؤتمر الوطنى والحرامية عساكر فى استخبارات
المؤتمر الوطنى !!!!!!!!!!! زيتنا فى بيتنا ___
يا جماعة مافي واحد بوق أو طبّال أو مأجور أو أمنجي أو مؤتمر عفني أو حتى بتاع عناقريب زميل يقد عين الشيطان ويدافع عن هذا المقس .
بعدين عمرة شنو المشيت ليها يا منافق إنت قايل نفسك بتغش الحق عزوجل يا ساذج:
عن أبي هريرة رضي الله عنه ، قال : قال رسول الله صلي الله عليه وسلم ( إن الله تعالى طيب لا يقبل إلا طيبا ، وإن الله أمر المؤمنين بما أمر به المرسلين فقال تعالى :{ يا أيها الرسل كلوا من الطيبات واعملوا صالحا } ، وقال تعالى :{ يا أيها الذين امنوا كلوا من طيبات ما رزقناكم } ، ثم ذكر الرجل يطيل السفر أشعث أغبر يمد يده إلى السماء : يا رب ! يا رب ! ومطعمه حرام ومشربه حرام وملبسه حرام وغذي بالحرام فأنى يستجاب له ؟. رواه مسلم
وكمان مضربة بسعر السوق الأسود.
المعمر ليها شنو وإنت كاتل الجدادة و خامى بيضها؟ قايل ربنا يعنى ما عارف فعايلك؟ وبعدين فى واحد فى القرن الواحد و عشرين بخت مبلغ قدر ده فى البيت؟ ما كان أحسن مرة واحدة تدفنهم فى صفيحة جنب الحمام.
الزول دا من هواة جمع العملات دى كم عملة معاه هو موظف والا تاجر فى السوق
عمرة شنو الماشيها وانت حرامي وفاسد …
يا آخي اختشي يا لص … الناس ما لاقية تأكل ولا قادرة تضحي ولا قادرة تتعالج وتعلم اولادها وانت تكنز الذهب والفضة … الناس جعانه والفول ما لاقياه وانت تشغل نفسك بجمع المال الحرام …
تتاجرون باسم الدين وانتم ابعد ما تكونوا عن تعاليمه وواجباته .. نجمكم قارب على الافول وفجركم تحول إلى ظلام دامس .. والدروة تنتظركم ومشانق كوبر التي تدلى منها الشرفاء قد جدلت حبالها لتختبر ابدانكم السمينة ورقابكم الممتلئة بشحم السحت … فأين المخرج واين المصير ….
السلام على مجدي محجوب في قبره وعلى الطيار جرجس …
السؤال الذي يطرح نفسه لماذا تم اعدام مجدي محجوب وجرجس ولماذا لا يتم اعدام قطبي بحيازة عملات اجنبية في بيته ؟؟؟:cool: :crazy: من اين له بهذا ؟؟
وهي (91) ألف جنيه سوداني و(13.140) يورو و(11.360) فرنك سويسري و(645) ألف ليرة لبنانية و(420) ألف ليرة سو?ية و(20) ألف جنيه مصري و(9) آلاف ريال سعودي و(5) آلاف جنيه استرليني و(26) ألف دولار، وتعادل العملات المسروقة قرابة (300) ألف جنيه سوداني.
وبرضو مشيت العمرة انت فاكر الحجر الاسود هو البروة
يا حبيبي من اين لك هذا
يا بشير يا احول يا اشتر اليس هذا فساد
ولا لسه عايزين دليل
لقد سمعنا وراينا الكثير عن مايدور من اختلاسات ف الوسط الانقاذي ولكن السؤال الذي قد تكون اجابته في غاية الصعوبة الي متي سيستمر ذلك ???
مجرد سسسسسسسسسوال
هل قطبى يشغل منصب رسمى فى الدولة حتى يحرسه جهاز الامن
8 عملات مختلفه !!!!!!!!!!!!!! وحسب سعر السوق الموازي ( اسم الدلع للسوق الاسود ) فهي تساوي اكثر من ضعف هذا التقدير …..
إقتباس :
( استمعت محكمة جنايات بحري وسط برئاسة مولانا الصادق زكريا إلى د. قطبي المهدي القيادي بالمؤتمر الوطني في قضية سرقة ونهب منزله، وأفاد في أقواله بأنه كان يقضي مناسك العُمرة وتم إبلاغه بالحادثة فحضر إلى الخرطوم ثاني أيام الحادثة، وعند ذهابه للمنزل وجد الباب مفتوحاً ودواليب المكتبة مُحطّمة والمبلغ مفقوداً، وأبلغه الحارس بأنه أخطر المباحث لمتابعة الموضوع، وذكر أن المبلغ الكلي (300) ألف جنيه وهي عبارة عن (91) ألف جنيه و(13.140) يورو و(100.063) فرنك سويسري و(345) ألف ليرة لبنانية و(15) ألف أسترليني و(2) ألف جنيه مصري و(420) ليرة سورية و(9) آلاف ريال سعودي و(26) ألف دولار….. ) .
تعليق :
01- يا أيّها العاطل قطبي المهدي ، هل تعرف ماذا يعني أن تكون لديك ، ولدى كلّ واحد من إخوانك العطالى الكرام البررة الأقوياء الأمناء ، أصحاب الأيادي المُتوضّئة الطاهرة ، التي بلغت درجة الأصالة الإخوانيّة في الصدق والأمانة ، فرفعت عنها المُساءلة والمُحاكمة ….شرعيّة كانت أم مدنيّة كما قال جعفر نميري للترابي فيلسوف الإخوان …… لكن لا بأس من أن يكون أحدهم شاهداً أو شاكياً ….. الذين يجلدون بنات النّاس …ويقتلون الحائزين على الدولارات ويصادرون دولاراتهم …ويرفدون الناس من وظائفهم ويوظّفون فيها الإخوان ….ويقتلعون النّاس من الحكم ليحكمون …. ويقتلون النّاس من أجل الخلود في الحكم …… ويقولون للنّاس : شريعة وطبّقناها ، المُساءلة في شنو ؟؟؟ ….. هل تدري ما معني أن يكون لكلّ واحدٍ منكم مبلغ ( 300 ) ألف جنيه سوداني … ، يعني ( 300) مليون جنيه سوداني بالقديم …. مطبوعة جديدة لنج …… موجودة في دولاب المكتبة …… لشراء العملات الحرّة …. وتهريبها إلى خارج السودان …… بصفة دوريّة ….مُنذُ أن إستوليتم على السلطة والثروة …… ومعها كلّ العملات الحرّة التي جاءت إلى السودان في عهدكم الإنقلابي الإجرامي الحرامي التزويري …. عبر الجباية من المغتربين. ، وعبر تبرّعات و ديون الدائنين ، وعبر بيع ثروات أجيال السودانيّين ….. وتهرّبونها إلى الخارج … بغرض العيش هناك إلى أرذل العمر ؟؟؟
02- هل تعلم يا دكتور أنت وإخوانك الحراميّة ، ماذا يعني أن تقوم أجهزتكم الأمنيّة ، بطباعة العملة السودانيّة ، و طباعة العملة لبض الدول الأفريقيّة ، في مطبعتكم الكائنة بالخرطوم …. ذات الثمانية أبواب متتالية … ؟؟؟
03- ما الفرق بينكم يا دكتور وبين الذين يزوّرون الدولار الأمريكي ، والريال السعودي ….. وغيرهما من العملات العالميّة ؟؟؟
04- أرجو أن تفهم يادكتور أنّ ما تفعلونه ، أنتم وأمثالكم من العالمين ، ، هو ليس سرقة أموال المواطن السوداني ….. وتدمير الإقتصاد السوداني ، فحسب ، إنّما أنتم ، ونظائركم في الفلسفة الإقتصاديّة الحراميّة العالميّة ، تسرقون أموال المواطن العالمي ، وتدمّرون الإقتصاد العالمي…………. بإمتياز ؟؟؟
05- منّكم جفلة …………….. وبالله منّكم الغياذ ………. العمليّة دي إبليس ما سوّاها قبل كدة ؟؟؟
06- لكن الأمر المهم ، هو أرجو أن تفهموا ، يا إخوان ، أنّ هذا هو سبب الحصار الإقتصادي ……. على السودان …… من قبل الذين يحكمون العالم وحلفائهم .. ألا وهم الأمريكان …. ولن يرفعوا هذا الحصار في عهدكم على الإطلاق …. ما لم تغيّروا ما بأنفسكم …………. من إحتيال وهمبتة وحراميّة وقلّة أدب ما أنزل الله بها من سلطان ؟؟؟
07- متى ستقلعون عن هذه السياسات والممارسات …… سياسات الإحتيالات والتدبيرات والتزويرات والإخلاسات السافرات ……… ومتى سترجعون هذه الأموال إلى خزينة الدولة …………. بعد أن فضحكم الله ……… يرحمنا ويرحمكم الله ….. ويغفر لنا ولكم وللعالمين أجمعين ؟؟؟
08- المرجو من السيّد رئيس الجمهوريّة أن يتلحلح ، بالدرّة بتاعة سيّدنا عمر رضي الله …..وكِدة …. ما ينوم لينا ساااااااااااااااااكت كدة ……………. ويعمل فيها رئيسنا …. وحاكمنا بالشريعة الإسلاميّة …..وحيسلّمها لي سيدنا عيسى عليه السلام ……. عشان على الأقل يقدر الأخير يستلمها منه وكدة ؟؟؟
09- التحيّة للخريّجين السودانيّين ولراكوبتهم الواسعة الكثيفة الظلال …………. في همبريب الشتاء الدابو هبّ لينا دا ؟؟؟
فيما العجب حرامي آخر من حرامية الانقاذ فضحه الله وماخفي اعظم، السيناريو….. سيختفي قليلا ثم سيظهر في موقع ومنصب آخر يتيح له سرقة اكبر بس الفرق سيكون اكثر حرصا من افتضاح امره مرة اخرى ……. قديمة مش كده فيلم بايخ ومعاد ومكرر وممل وسيستمر طالما نحن خلف شاشات الكمبيوتر كل واحد فينا عامل فيها خبير بالعلوم السياسية، لايغير الله مابقوم حتى يغيروا ما بأنفسهم
قال عمرة قال ))
ان الله طيب لا يقبل الا طيب
دا الموجود في دواليب المكتبة وكان في العمرة يعني معاهو غير دا كثير …1
ياربي كم في جيبو والخزنة والبنك وفي ماليزيا ودبي وكم اللابساهو الحرمة دهب ..!!
والبيت دا زاتو إتبنى بي كم وسعر أرضو الفي الصافية بي كم وقد ذكر أحد المعلقين في مقال سابق أن الرجل ينحدر من أسرة معدمة ..؟؟؟؟
لك الله ياوطن …!!
الملاحظ ان اغلب المعلقين هم المغتربين خارج الوطن والسبب بسيط وهو انهم تركوا السودان مليون ميل مربع محروس باعلى الفضائل واسمى الاخلاق ولم يدركوا الى الان ان السودان اصبح محروس بفضلات القبائل انظر الى كل المتنفذين في البلد وارجع الى تاريخهم سوف تجدهم كانوا في ذيل المجتمع فيا اهلي الطيبين لاتغضبوا فان اغلب جرائم الاموال سقطت من الفانون الجنائي السوداني واصبحت لاتمثل جريمة بفضل امير المتسولين عمر بن البشير لاتوجد جريمة اسمها السرقة او الرشوة او الاختلاس او الابتزاز او نهب المال العام او اكل مال اليتيم السودان اصبح مولد مباح فيه كل شئ من خلف الستار
ياجماعةالخير انتو قايلين المسالة لعب عيال كل واحد يقول ليك ليه اعدموا مجدى وجرجس ما يعدموا قطبي ديك تجار عملة وقطبي دا زول صاحب بنك فيها شنو يعني لمان يلقوا في منزله تسعه انواع من العملة والوضع طبيعي سبق وقلت ليكم لزوم مصاريف العيال وام العيال مش من حقو البلد بلدو وهو الكل في الكل انتو كلاموا دا خلوه هسع بس الراجل يمشي يقول ليه دا شنو ياحرامي يا ابن الحرامي
هل يعقل انو يكون في انسان في الدنيا ابوه شقي عليه ورباه بالحلال يقوم يطلع حرامي بالتاكيد ما ممكن لكن ديل تربية حرام عشان كدا الحرام يجرى في دمهم دا حرامي ابن حرامي ابن حراميه مربي بالحرام وغزى بالحرام وكان البلد فضل فيها قضاء اول سؤال من اين لك هذا ياحرامي بالمناسبة ماهو الفرق بين الحرامي واللص كان ما عرفتو الفرق اقول ليكم قطبي المهدى حرامي ابن حرامي لكن الجماعة السرقوه لصوص عرفتو الفرق والله اشرحوا ليك بطريقة تانية
حتي نلتقي سوف اوضح ليك اكتر الفرق بين الحرامي ابن الحرامي واللصوص
اسمعوا دى:
البشير مشى شال 20 مليون وقال لى مولانا….دى يحليلوهاكيف؟
مولانا: بسيطه امشى لف الكعبه 20مرة بس! صاحبنا لافى حول الكعبه لقى نافع! طبعا نافع اتهجم فقال للبشير: والله دى لفتى ال50 لكن عوض الجاز دا من امبارح لافى بى موتر!!!!:cool: :cool: :cool: :cool:
– دي صرافة .
– لا ده بيت
– لا دي صرافة
– لا ده بيت قيادي في المؤتمر الوطني .
– أيوااااااا فهمت.
إقرار هذا الحرامي الفاسد أمام القضاء بكل صراحة وبجاحة في دولة أعدمت أبرياء بتهمة حيازتهم لبضع دولارات آلت أليهم عن طريق ميراث لم يتم توزيعه ألا يدلكم ذلك على سفالة وعفانة وخيانة وخيابة درويش الوثني وأنه إمام المفسدين في الأرض وأنه مالم يتم حرقه أو سلخ جلده حياً هو وكافة م.. المؤتمر الوثني ومن والاهم لن تكون هناك عدالة ولن تقوم لما تبقى من السودان وشعبه الفضل قائمة بين دول وشعوب العالم ولن ينعم بالأمن والإستقرار الذي يعينه على إعادة بناء مادمره هؤلاء السفلة
يا جماعه داير اسالكم مجرد سؤال اذا كان قطبى المهدى بلعب فى الروابط وعنده قدر ده كم يكون عند المتعافى وعوض الجاز البيلعبوا فى الممتاز
اكاد اجزم و انــا صــادق أن هذا القطب شمالى او جنوبى لا يعرف شكل الطرادة قبل الانقاذ ؟
لكن نقول لى البشير هؤلاء هم الصفوة و المتأسلمين و الذين اصطفيتهم ليكونوا عونــا لك و هو اصلوا الحال من بعضه و لم اجـد فيكم من هو امين او ابن ناس و العياز بالله منكم و من الخفوكم يا سرق .
ومن يتحري عن اموال السودان التي نهبت خلال 22 عاما!!!
هذا ما قالوه العمالقة قبل اكثر من 15 سنة بقراءة مستقبلية مستنتجة من عدم مطابقة الافعال مع الاقوال وهذا جزء مما تغني به فنان الغلابة الراحل مصطفى سيد احمد وتم تجاهل تجربته اعلاميا من قبل هؤلا الحرامية لان كلامه مر لهم حلو لنا…………..مقطع1
الوهم الداير يسوقنا اصبح مفضوح الحال
ما فضل الا مروقنا بي سلاحنا نعدل المال
بغضبت نيلنا الطامح وكتين اكسح جريان
يا سيل الشعب الجامح في ثورة بعد عصيان
ياضراع الولد الجارح بي سلاحك في المليان
الكي للالم الناتح والعبرة لكل غبيان
وبعدين معاك يا قطبى !!!صاحب بالين كضاب !!!عومرة وعمرة !!!يعنى حتى ستى بانك ما عندو خلطة عملات زى دى !!!يمهل ولا يهمل ..اقترح بتحويل المبالغ الى ادوية لعلاج الاطفال المحرومين ..لانو الانقاذيون ديل شبعوا لما فاحت عفناتم!!!
مقتبس من أعلاه ….(وحينها اخليت مقاعد للرجل وحرسه وبدأ في الادلاء بإفاداته بصوت خافت اضطر معه القاضي الى تنبيهه برفع صوته، وغادر قطبي القاعة فور انتهاء أقواله.
الصوت خافت بسبب الخجل من ضاءلة المبلغ الموجود في المنزل ….الذي لايستحق بلاغ !!!!! حاجة تكسف وسط العصابة !!!!!!!! مش كده ؟؟؟؟؟؟؟؟
لاتعليق ….فقط حرامي ورغما عن ذلك يذهب لاداء العمرة …. سبحان الله الذي وجد من بين أسمائه الحسني الاسم ( الصـــــــبور ) لكن حتماً سوف يكون هنالك مفعول الاسم الإلهي ( المنتقم المذل القهار ) علي هولاء الفسقة تجار الدين باليورو
يا عسيل .. عشرين لفه وخمسين لفه شنو ؟ والله ناس الانقاذ ديل عن بكرة ابيهم لو اللف فى الكعبه حيغفر ليهم ما عندهم طريقه الا يركبوهم مراوح فى الحرم !!
أيهما أحق بالمساءلة؟هؤلاءالشرفاءأم هذا الحرامي المجرم _ أولا مفروض يسأل هذاالأخطبوط عن مصدرهذه الأموال ومن أين أكتسبها في الذي يعاني الشعب الجوع والمسغبةنجد أمثال هذا الجرذ يحوز علي ملايين الجنيهات من غير وجه حق _أمثال هذا يجب أن يعدموا رميا بالرصاص أمام الملأ لكن نعمل شنو مع إمبراطوريةالفساد المحميةبالأمن والشرطةوالقضاء
متعب نفسه يمشي العمرة ليه بس
السلام على مجدي محجوب في قبره وعلى الطيار جرجس …
السلام على مجدي محجوب في قبره وعلى الطيار جرجس …
تمشي وين من الله ياقطبي يا نجار العناقريب
في ناس اعدمت بسبب العملات الصعبة اتذكرون ما رايكم يا
افيكم علما رفضوا اعطاء ضمانة لكل من المتهم 4 و6و7و8و9 بحجة وجود شبة قصاص علما بان المال لا يجوز فية القصاص لانة مال غيرررررررررررر متقوم الخخخ رايكم شنو
الحالة قيادي كان وزير حيكون عندك كم مثلا في بيتك مليار ؟؟!! الله يحرقكم من طرف يا حكومة الإغراق …
الحسبة الصاااااااااااح
المبلغ الكلي (300) ألف جنيه وهي عبارة عن (91) ألف جنيه و(13.140) يورو و(100.063) فرنك سويسري و(345) ألف ليرة لبنانية و(15) ألف أسترليني و(2) ألف جنيه مصري و(420) ليرة سورية و(9) آلاف ريال سعودي و(26) ألف دولار.
الاجمالى سوق اسود ( اقصد موازى ) يعادل : 91.000.000 74.000.000 473.000.000 1.000.000 99.000.000 1.500.000 31.000 10.000.000 107.250.000 = 856.781.000 فقط ثمانمائة وستة وخمسون مليون وسبعمائة وواحد وثمانون الف جنيه لاغير …. بالقدييييم
انتو قايلنا وهم …. ياوهم وسجم انتو
ياود زكريا ياوهم ان كنت فعلا صادق مع نفسك وربك .. خلى جربوع المهدى الحرامى ده يثبت مصدر القروش دى وانو مالكها الفعلى وانها حقتو .. وتسالوا كمان ليه خاتيها فى بيتو والانظمة الهو معين باعتباره من رعاتها وانته كمان بتحظر عليهو الكلام ده .. بلاء يخمك انته وهو فى قفه واحده
اول سؤال مفروض يوجهوا القاضي له من اين لك هذا ، وبعدين يدخل لحيثيات القضية ، انحنا فى زمن اذا سرق المسئول تركوه واذا سرق المواطن اقاموا عليه الحد ، قال فصلنا الجنوب عشان نحكم بشرع الله اقعدوا العبوا بالدين كدا لغاية مايرسل عليكم ريح صرصر عاتية وتكونوا زى مصير القذافي
قال ماعايزين يفرطوا فى ابيي ؟؟!!!! انتوا فرطوا فى الجنوب كله شنوا يعنى ابيي اسمعوا كلام باقان اموم وادوهم ابيي ويدوكم بترول عشان كروشكم تتملى قروش احسن يديكم باقان ولاشحدة الوليد بن طلال ودول الخليج سودتوا وشنا ، عشان باقان عارف نقطة ضعفكم القروش لو هو جادى فى ذلته دى كان اديتهوا الخرطوم ذاتها
يا جماعة ما تظلموا الراجل يمكن من هواة جمع العملات والله انا زمان كان عندي مية ياباني حقو افتش عليه وارسلو ليك يا قطبي قلت لي مية الف فرنك سويسري دي من توتي ولا من بحري ههههة
والله عجب هذا تاجر عملة وشغال سوق اسود بالليل والنهار والرتبة دي غطاء وحصانة مقننة للنهب لماذا تقبضون على النوبه التيرا البتقولوا حرامية ما انتم الحرامية الكبار والله انا لو كنت القاضى المسئول لقطعتك من خلاف ولصلبتك في جزع الشجرة بتاعتكم دي شجرة الانقاذ هي شجرة الزقوم انشاء الله تتجرعوها في سكرات الموت فبل الحساب الاكبر شعبكم جعان وحفيان وعريان عمرة شنو ولا حج شنو البتحجوه كله نفاق في نفاق نهب وسلب لاموال الشعب والدولة ربا اختلاسات كيف يصح الحج بهذا المال وانا مابصدق بعد ورود كل هذه الارقام بان هذه الاموال من كسب عرق جبينه ربما تهريب الاموال والبضائع وتجارة المخدرات ايضا داخلة في هذه الاموال لانه يحمل حصانة وجواز دبلوماسى كمان نطالب الشعب بالقصاص من اللصوص دول.
ذهابه الى العمرة ما هى الا لتمويه و خداع الشعب السوداني بمظاهر الاسلام مثلها مثل لبس الدقون و ملابس الحجاب لقد عرف كيف يستقل شياطين الأنس جهل الشعب السوداني و قد قالها الترابي من قبل ان الشعب السوداني جاهل…و انا ازيدها مسكين و بسيط في فهمه …..انه السوداني الطيب , اكل راسوا و امسحلو .
أُغْـنِـيـَـه أخِـيــرَه لِلأَطـْـفـَـال
قـَـــمـَــــــــر الــحِــلـَّـــــــــه الــضَـــوَّا الــقـُــــنـْـــــديـــــــل شِــــــــنْ سـَـــــوَّا
لــِــــيــــشِــــــــنْ يـــــَـــاوَدْ حـَـــــــــــوَّا طـَـــالـــِـــق فـِـيــنـَــــــا الـــعـَـــــوَّا
نـــَـاس الــحِـــــلــَّــــه الـــغــَـــــــادِى سَـــــــوُوا الــجـَــــــــامـِـــــــــع نــَــادِى
صـُـــــوتــَـــــــك فــُـــــــوق الــــــــــرَّادِى كــَـلـْـبــَـــــــًا نـــَــابـــِــــحْ صَــــادِى
أوْلاد الــحِـــلــَّـــــه الــفــُـــوقْـــنــَــــــا سَـــارقـِــيـــن نـَـــمَّــــةْ مـَرْبــُـوقـْـنـَــا
مِـــنْ مُــــرَّك كـُـــسَّـــع ضُــوقـْــنـَــا ومِـنْ خـِـيــرَك نـَـاشِـــف سُـــــوقـْــنـَـــا
أوْلاد الــحُــــــوش تــِحْــــتـَـــــــانــِـــى لاعـْـــــبـِـــيــــن حَـــــــــرَّةْ حـَـــرَّانــِى
نـَـضْــمَــــاتـَـــك فَــايْتــَـه أضَـــانــِى نــَـمَّـــــاتـَـــــك مـِــى فـِـى لـِــسَـــــــانـِـى
أوْلاد الــحِـــلـَّــــــه أُمْ بــُــــــــــــــورَه شَـــلْـــنَــــــاهَـــــا عـَـلِــيــــهُــــم نــُورَه
شَـــايْفـِــنـَّـــك فـُــــــوق الـــصُّــــــورَه يَــاكـَــاسِـــــــر كـُــــلْْ مَــجْـــبــُـــــورَه
أوْلاد الــحـِــــلـَّـــــه أُمْ نــَــــالـَـــــــــــه لاعـْـــبــِـــيــــــن كـَــارُّو وعَـــتــَّـالـَــه
يــَـاسـَـــاتـِـــــر مـِـنْ هَــالـْحَـــــالـَــــه الــفـَـــــال الــخـِـــيــــــــر مـَـافــَـــالـَــه
نــِـحْــــــــــنَ وِلادْ قــِــــــــــدَّامـِـــــــــى لاعْـــــبـِــيــــن عَــسْكـَــر وحــَــــرَامِى
إِيــــدِيــــنـَـــا الــمَــطــَـر الــهَــامـِــــى لاعْــــبــِـيـــــن عَـسْـكـَـر وحَــــــرَامِى
ولـِـسَــــانـــَّـا الـــسَـــهَـــــم الــرَّامـِــى لاعْـــــبـِــيــــن عَـسْـكــَر وحَــــــرَامِى
أبـــَـــدًا مـَـافـِـــيـــنـَــــا حَـــــــــرَامِـــى لاعْــــبـِــيـــــن عَــسْـكــَر وحَــــــرَامِى
بـَــس دُرْنــَــــا الــلِّــعْــب الــسَّـــامِى لِـــعـْـــــــب الــعَــسْــكــَــر وحـَـــــرَامِى
واحـْـدِيــن الــيَــبـْـقـُــوا العَـسْكـَر واحْـــــدِيـــن الــيَــبْــقـُــــوا حَــــــــــرَامِى
نــَاس أحْــمَــد يـَـبـْقـُـوا العَسْكَر نــَاس سَــامِى الــيَــبـْـقـُـوا حَـــــــــرَامِى
نــَاس أحـْـمـَـد قِــبْـلُــوا العَسْكَر ونــَاس سَـامِى الـقِـبـْـلـُـوا حــَـــــــرَامِى
مَــا فـَــرَقــَـــتْ يـَـانـَــاس أحْـــمَــــد مَــابـْــتَـــفْــرق يَــانـــَــاس سَــامِى
نــِـحْـــــــــــــنَ وِلاد قــِــــــــــــــــــدَّامِــــــــى لاعْبـين عَسْكَـر وحَـرَامِى
إِيـــــدِيـــنــَــــــا الـــمَــــطـَــــــر الــهَـــــــامـِــى لاعْبـين عَسْكَـر وحَـرَامِى
ولـِـــسَـــــانــَّـــا الـــسَـــــهَـــــــم الــــــــرَّامِــــى لاعْـبـين عَسْكَر وحَـرَامِى
أبـَــدًا مَـافِـيــنَــا حَــرَامِى لاعْـبـين عَسْكَر وحَـرَامِى …. لاعْـبـين عَسْكَر وحَـرَامِى
لاعْبين عَسْكَر وحَـرَامِى …. لاعْبين عَسْكَر وحَـرَامِى …. لاعْبين عَسْكَـر
قطبي كلموه بي جاي….نسى حكاية لبيك اللهم لبيك ونسى الكعبة زاااتها بي وين!!
وجاء تاني يوم للسرقة
وبقى يقول قروشي لبيك
مولانا الصادق زكريا لبيك
حسبنا الله ونعم الوكيل
والله أنا ما عارف دا كان ماشي عمرة لله أو عمرة للتجارة وإستبدال الأموال
وبرررضو تقولوا لينا جينا عشان الشريعة والاسلام…..هههههه( ) ( ) (؟)
أطرف تعليق كتبه زولب قال فيه : (غايتو طلعتو دقون فسو ساكت ايها الكيزان ….) هاهاهاها … تحفة .
القاضي ما يكون راجل ويسأل ادكتور قطبي سؤال خارج القضية … من أين أتيت بهذا المبلغ يا قطبي …. وإشتغلت وين وشغال شنو أصلا ….. هل قيادي بقت وظيفة مربحة لهذا الحد ……………… لو اجبه قطبي او لم يجيب علي السؤال نكون مبسوطين … بس للأسف القاضي تلاقيهو متمني متي تنتهي افادات قطبي عشان يروح بيتو لانو هوا …هههههههههههههههه
تسعة عملات بالله عليكم دي بنك سودان ولبيت مجرم عادي محترف الاحتيال باسم الشعب السوداني بالخارج يعتبر المبلغ المسروق وساخة جيب عند محتاليي وسارقي حقوق الامة السودانية
البشير يهدي اللحوم واصحابه يسرقون الاموال
أسمعوا أنقول ليكن يا أخواني وأخواتي : الزول كان وسخان وسرق ومشي الإستيكة وإتنضف ورجع من مكة ما فوكا حاجة ….
إمكن الله يغفر ليهو زنوبوا بس بشرط إنتوا تسامحوهو .
بعدين كونوا ناس المخابرات يسرقوا الزول الحارسنوا دا :قطبي المهدي …السرقة دي يأخواني حلاااااال …. والله أعلم
بس كان الزول الإسمو قطبي المهدي دا يضيح ليهو خروفين تلاته وكان عشرة كمان كويس وكان يطبخوهن ويسوهن أكل كويس ويوزعوهن لمساكين المساجد خاصة مسجد الخرتوم الكبير وأم درمان وبحري …
وبعدين يا أخواني كان الزول إتكلم بصوت خافت معناهو خايف من العملية اللس سواها ، وكان القاضي يسعلو ويقول ليه إنت القريشات ديل جبتهن من وين ؟؟؟
بس القاضي دقس ما سعلوا .
ونحن بنشكر كل القائمين بالأمر في صحيفة الراكوبة وبنقول ليهم كتر خيركن وبارك الله فيكن .
ويا أخواني النصر خلاص قريب وقرب وأبشروا بالفجر الجديد قادم بإذن الله . والله أكبر على الخاينين للوطن والشعب .
تلقاو اول ما رجع من العمره شاكل الحارس وقاليو مبلغ مالك ياخ نحن ناقصين فضايح ماكنا برانا قدرنا نصل للحلراميه ديل وجبناهم واحد واحد ولمينا الموضوع
يا ترى قطبي كان حزين وقت سأله القاضي ولى خجلان علي عملته اتكلم بصوت منخفض .. نحنا الراجل بنعرف صوته عالييييييييييييي و الجبن عار … هم الرجال ديل ما قاعدين يدخلوا الراكوبة دي يشوفوا تحتها في شنو ولى اولادهم ما بيعرفوا سكة النت دي عشان ينصحوا اهلهم من عمايلهم دي . والله سخط الشعب ده عليهم ما حا يخليهم يتهنوا بيها احسن يرجعوا لصوابهم وقت مفوضية الفساد ما شايفة شغلها .. ابو صلعة قال مفوضية فساد هاهاهاهاهاهاااااااااي:lool:
الزول دا الا يكون عندو مطبعة في البيت حقو الناس يفتشو بيتو بالطريقة دي بدمر مش اقتصاد السودان بغطس حجر البلد
:D اقسم بالله العظيم قريت العنوان بس الضحك شرطني :D
شر البلية ما يضحك
دا كلام شنو دا … لااااااااااااااااا حولتن ولا قوتن الا بالله العظيم
يا ربي الزول دا خاشي صندوق – يعني مثلا ختات عالمية ؟ (؟) يمكن !!!
الوزراء البسافروا عرفناهم بدكنوا باقي النثرية معاهم لكن دا ما حصل سمعنا بيهوا سافر
والله انا محتار عديييييييييييييييل كدا :eek:
والله حكايه لكن بنك السودان ما متوفره فيه انواع العملات الفى بيت قطبى هوجابة من وين
ملاحظــــــــــة بســـــيطة :
إذا كانت دي القـــروش الــفـــي مكتبة في البــيت .. كم ستكـــــون :-
* المبـــالغ الفـــي الخزنة الرقمـــية الحائطية ؟؟
* المبالـــغ الفي البنوك الداخلــــية والخارجيـــــة ؟؟
* قيمــة العقــارات داخــل وخـــارج الســــودان ؟؟
* قيمة مجوهــــرات ام العيـــــال ؟؟
يارب نشوف فيكم يوم أسوأ من الشافوه الليبيين في القذافي ..
دا قطبي المهدي ما رايك في ناس نافع و اصحابه
امكن يكون نصيبو مع الجماعة من شحدة برة باسم السودان؟
قرأت هذا المقال كنسخة ورقية (مطبوع) قبل أن أطلع عليه على الإنترنت. ولقد توصلت في الحالتين إلى نتائج أرجو أن لا تغضب المعلقين الثائرين. لقد تيقنت أن أحلامنا قد تضاءلت وصغرت مثلها مثل المنتجات التي نشتريها في شكل عبوات صغيرة تتوافق مع قدراتنا المادية والتي دأب الشارع العام على تسميتها ب (قدر ظروفك). لقد أصبح نقدنا أيضاً (قدر ظروفك) وأصبح منهجنا في النقد (قدر ظروفك) وأصبح تقديرنا لحجم ثروات (الحرامية) تقدير مبنى على رؤية (قدر ظروفك). أخوتي، أن مبلغ مليار جنيه موضوعة بإهمال على مكتبة قيادي لا تشكل أي ثروة تذكر إلا إذا نظرنا إليها بمنظار (قدر ظروفك) الضيق الذي أصبح أداة قياس سودانية محلية لا تتوافق مع المواصفات العالمية. هل تصدقون أن هناك صحفي (كبير) بمقياس (قدر ظروفك) الذي أصبحنا نقيم ونحكم به على الأشياء. ذهب هذا الصحفي لتقديم واجب العزاء في عزيز لديه، وفجأة قال لمرافقه: هيا دعنا نذهب حالا! فاستغرب مرافقه من سرعة المغادرة خصوصاً وأن الفقيد كان صديقاً شخصياً لذلك الصحفي (الكبير). ولما علم الصحفي (الكبير) بدهشته مرافقه، همس في إذنه قائلا: (لقد نسيت على ضهرية العربة مبلغ 3 مليار جنيه!!!). فغر المرافق فاه ولم يزل فاغراً فيه حتى هذه اللحظة لأنه تربى وترعرع في فترة مقاييس (قدر ظروفك) لذا فإن حكمه على الأشياء والظواهر يكون بنفس هذه الأداة الصغيرة الغريبة. ولما علم المرافق أن ذات الصحفي كان قد أشترى قبل ذلك عدد ثلاثة فلل يتجاوز سعر الواحدة 700 ألف دولار أصيب بصدمة عصبية لأن عقيلته المبرمجة على (قدر ظروفك) لم تتحمل تلك الأرقام الفلكية التي يملكها صحفي مجرد صفحي مش قيادي بالمؤتمر الوطني. ثم أن السيد/ قطبي يحمل شهادة الدكتوراه ويحمل معها الجنسية الكندية ويحاضر في جامعات كندا وأمريكا، وبريطانيا، وسعر المحاضرة بالشيء الفلاني حسب مؤشر (قدر ظروفك) الذي نحكم به على الأشياء ببلاهة وغباء. سادتي، لا تتصورا مدى فرحة أعضاء حزب المؤتمر الوطني ومنسوبيه مؤيديه ببلاهة القراء الثائرين لأنهم يعتبرون أن مليار جنيه تساوي ثروة حسب مؤشر (قدر ظروفك) الذي يتعامل به هؤلاء القراء المساكين والغلابة. سادتي، هناك لقف ولهف يساوي ألوف أضعاف هذه النثريات الطفيفة التي يمكن أن تكون موجودة عند أي بائع (خضار أو فاكهة) في سوق الخميس أو الجمعة فما بالكم بشخص مثل قطبي المهدي؟ فكروا في صفقات شراء الأسلحة وبيعها (لأن السودان أصبح يبيع أسلحة)، فكروا في عمولات بيع الشركات العامة (سودان إير) على سبيل المثال، فكروا ثم فكروا ثم قدروا في أشياء أكبر من هذه النثريات الملقية بإهمال على مكتبة البروف. سادتي، انزعوا عنكم هذا المنظار القديم المسمى (قدر ظروفك)، والذي لا يرقى لمستوى ثورات الربيع العربي. أنه منظار لا يصلح إلا لتقدير ثروات (ستات الشاي) وباعة (الموية الباردة) و (قصب السكر والعنكوليب). كبروا منظاركم، تكبر هممكم، أنظروا للرؤؤس الكبيرة والسرقات الخطيرة واتركوا أمور النثريات ومصاريف الجيب هذه لأنها لا ترقي لمستوى إثارة شعب ولا لتحفيز طاقاته الثورية. إذا ظل هذا منظاركم الذي تحكمون به على الإنقاذ وأهل الإنقاذ فساء من منظار، بل أنه سيجلهم يدركون أن الشارع السوداني لم يعد ذلك الشارع، وأن القراء لم يعودوا مثل قراء زمان، مما يجعلهم يسدرون في غيهم ويستمرون في السرقة والنهب والسلب واللغف إلى مالا نهاية.
الاخوة الكرام
طبعا يا اخوانا نحن السودانين ناس حسودين شديد يعنى زول واحد ربنا اكرموا انو يكون عندو قروش كتيرة
انتو حاسدنوا على النعمة دى الله اداهو
اى زول داخل الحكومة الله برزقو
وبعدين الراجل دى ما وطنى والدليل عندو عملة سودانية
اما انا والله اليورو دا بعينى ما شفتو
الزول القروش دى كلها عندو
الزول دا ما نصيح والله :crazy:
يا اخي قطبي الله يهديك انت مادام في ايدك عملة صعبة وانت عارف من كم يوم وزارة الصحة تناشد عندها نقص في اكثر من
اذا في عشرة بس زي قطبي دا معناتا السودان دولة تقودها مافيا.:mad: :mad: :mad: :mad: