كشفت مصادر مطلعة لـ(السوداني) عن مساعي المجلس المركزي لقوى الحرية والتغيير لإقناع حزب البعث العربي الاشتراكي القبول باتفاق التسوية المزمع إعلانه قريباً.
وقالت المصادر إن وفداً من المجلس المركزي يضم الأمين العام لحزب الأمة القومي، الواثق البرير، وطه عثمان إسحق، وآخرين، عقدوا اجتماعاً مطولاً مع رئيس حزب البعث، علي الريح السنهوري لإقناعه “بالتسوية”.
ولم تؤكد المصادر ما إذا كان السنهوري قد أعطاهم موافقة فعلية للحزب بقبول هذه التسوية أم لا.
فى السياق قالت مصادر أخرى إن السنهوري عقد اجتماعاً مع ممثلى قوى الحرية والتغيير بالولايات.
السوداني
الجريدة اكذب من مسليمه الكذاب والدليل على ذلك اوردت خبر اطلاق سراح وجدى بقرار من النيايه
من هو هذا السنهوري هل انتخبه احد؟؟ وهل يفهم محمد احمد وابكر واساغه وكوكو وادروب معني بعث يعني شنو ؟؟ وهل الشعب الغلبان دا عربي اصلا ؟ وهل يعرف الاشتراكيه… واين صدام واين الاسد الاب والابن ؟؟ ياجماعه ما تفكونا من الاوهام دي!!! حزب البعث العربي تاريخه اسود وحزب فاشل ولم يعد له وجود الا في مخيلة بعض المعتوهين المتسودنين..!!!!!
صدقت والله ..
ما في حزب بعث في العالم تاني الا في السودان ، صدام سلم العراق للامريكان وايران وذهب و بشار الاسد اصبح سكرتيراً لبوتين !!
يا جهلول البعث دا حزب طوعى لا يتم انتخاب منسوبيه الانضمام له طوعى
حزب طوعى دى معناها شنو؟ … هو فيه حزب ما طوعى ؟
– يتمنعن و هن راغِبات …( عايزين يكبروا الكوم )
– خطبوها اتعززت فاتوها اتندمت …. ( المواهيم العقائديين و الصوفيون بنظرياتهم المستوردة و يتغامزون و يتناحرون حتي ينط امباشي مطافي متسلِماً الحيكومه و الخشم يبقي مِلح مِلِح )
واصلا السنهورى دة وحزبو مش فى مركزية الحرية والتغيير ، يعنى ناس الحرية والتغيير قراراتهم مش من المفترض تكون بالاجماع ، فاذا كان حزب البعث وهو جزء من الحرية والتغيير رافض للتسوية ، وحزب حق وهو جزء من الحرية والتغيير وهو ايضا رافض للتسوية ، فالفضل تانى منو الموافقين فى الحرية والتغيير ، حزب السنابل ( دة اصلا رؤساءه قابلو ياسر العطا وكانو فرحانين بالتصوير معاهو وخالد سلك فى ندوة مشهورة قال اى كوز ندوسو دوس دة شعار غلط ) تانى منو حزب الامة الرئيسو برمة دة اصلا عسكرى واتى طوبتو مع العساكر وود البرير دة عندو استثمارات خايف عليها ، تانى منو حاجو كدة اسمها التجمع الاتحادى الديمقراطىلا عرفناهو ابن شرعى للاتحادى الديمقراطى الرئيسو قاعد فى مصر واكل عليه الدهر وشرب ونام ولا ابن غير شرعى ، بعدين عصمت بتاع البنك المركزى طلع منهم ، اها تانى ورونى مركزية الحرية والتغيير فيها منو تانى .