اشتبكت قوة من الحركات المسلحة الموقعة على اتفاق جوبا للسلام الاثنين، مع مُتحرك من الدّعم السريع غربي مدينة الأبيض عاصمة ولاية شمال كردفان.
وكانت القوة المشتركة التي تضم حركة تحرير السودان، قيادة مني أركو مناوي والعدل والمساواة بزعامة جبريل إبراهيم، وتجمع قوى تحرير السودان والتحالف السوداني، في طريقها لولاية النيل الأبيض قادمة من الفاشر بشمال دارفور، لنقل وقود مخصص لإقليم دارفور.
وتتولى القوات المشتركة التي جرى تشكيلها في السابع والعشرون من أبريل الماضي، تأمين أجزاء واسعة من ولاية شمال دارفور في أعقاب الفراغ الأمني الذي خلفه القتال بين الجيش والدعم السريع.
وتوسعت مهام القوات في تأمين نقل المساعدات الإنسانية المخصصة لإقليم دارفور، كما تولت مسؤولية إجلاء الرعايا الأجانب العاملين في الإقليم.
وقال المتحدث باسم تجمع قوى تحرير السودان فتحي عثمان لـ”سودان تربيون” إن “قوة تتبع للدعم السريع اعترضت القوات المشتركة غربي مدينة الأبيض وطالبت بإدخال قواتهم وسط القوة المشتركة لتسهيل دخولها الأبيض الأمر الذي رفضه قائد المتحرك ما أدى لوقوع اشتباكات بين الجانبين لكن دون خسائر”.
وأشار المتحدث إلى أن قواتهم تمكنت من الوصول الى الأبيض دون أن تسمح لقوات الدّعم السريع التسلل معها لمركز المدينة. وتسعى قوات الدّعم السريع منذ بدأ الحرب مع الجيش السوداني في 15 أبريل الماضي، للسيطرة على مدينة الأبيض ذات الموقع الاستراتيجي الرابط بين ولايات كردفان ودارفور لكن دون جدوى حيث خاضت معارك عنيفة مع الجيش، وحاولت السيطرة على مطار الابيض المستخدم في بعض الأحيان للأعمال الحربية.
المصدر: سودان تربيون
خبركم دا اتاكدوا مم صحته و أعيدوا صيغته، يعني كيف قوة وجهتها دارفور تكون قادمة من الفاشر و متجهة نخو النيل الابيض؟ وكيف يكونوا اشتبكوا مع الدعم السريع و مافي خسائر؟
مرتزقة حركات دارفور القبلية المسلحة ديل مابيقدروا علي الدعم السريع لانهم اجبن مخلوقات الله وهم ناس نهب مسلح وسرقة واغارة وماعندهم موضوع غير تحميل الجلابة كل فشلهم واجرامهم وبلاويهم.
هذه الأيام الكيزان يكذبون دون يرمش لهم طرف، قالوا ان المغتربين استقبلوا دك بيوتهم التى يسكنها الجنجويد في الخرطوم بفرحة غامرة بالله عليكم أنا مغترب وعندي بيت بنيته بعد شقاء أضاع عمرى كله، افرح بدكه عشان حرب اشعلها الكيزان لكى يعدوا الي الحكم بالله عليكم هل يقبل العقل مثل هذه الترهات والله مافي بنى ادم بقبل حتى يكسر له كرسي في سبيل هؤلاء الاراذل الكيزان الدجالين المخنثين. قال بفرحة غامرة قال.
يا باشا انت نسيت الكضب ايام الحرب العبثية الاولي في الجنوب؟ انت ما قالولك انو الامهات الكتلو اولادم في الجنوب زغردن من الفرح علي موت اولادم؟ ما سمعت اسحاق غزالة رضي الله عنه قال انو الغزالة جاتم شايلا سكين واتكلمت معاهم وقالت وهبت نفسي اضبحوني فدا للمجاهدين؟ ما قالو ليك انو لحم الغزالة ديك كفا متحرك كامل واكلو لامن شبعوا وكمان فضل لحما زي ماهو؟ اعتبر موضوع فرح المغتربين بتدمير منازلم دي جزو من كضب الكيزان القالو الكضب من اجل الدعوة حلال.
غايتو حكاية اشتباك بين قوتين مسلحتين دون وقوع خسائر دى ماقدرت افهمها نهائى يعنى ولا لستك عربية
بدون خساير معناها انو مناوي وفكي جبرين في الحفظ والصون لانو شايف في الخبر عربية محروقه زالمقاتلين الماتو فيها ما خساير. الخساير هي ما يخص ارواح مساعد الحله مناوي وجبرين الباع اخوهو خليل.