خطيب الجامع الكبير وبائعات الشاى ?.سّر العداوة !
مديحة عبدالله
قال إمام وخطيب مسجد الخرطوم الكبير كمال رزق (مافى دولة محترمة شوارعها مليانة كراسى بائعات شاى ) ودعا حسب صحيفة (الجريدة ) الصادرة أمس الى إزالة كافة كراسى بائعات الشاى الموجودة فى الطرق والأرصفة وقال ( دى فضيحة وينبغى على النسوة ان يدخلن المساكن وإيجاد عمل بديل لهن )!.
اتَّفق مع خطيب المسجد الكبير , لاتوجد دولة محترمة فى السودان , بدليل انه قال حديثه ذلك بثقة من أنه لن يخضع لاى مساءلة من أى جهة رغم أنه ينتهك علانية فى حق من حقوق المواطنة وهو حق العمل ويشكك فى أخلاق شريحة كبيرة من النساء الكادحات الائى ظللن فى مرامى نيران بعض رجال الدين الذين يسوؤهم رؤية النساء وهن عاملات خارج أسوار المنزل , متغافلاً عن عمدٍ ظروف العمل القاسية التى يعملن فى ظلها وإصرارهن على العمل (فى وضح النهار وتحت هجير الشمس) لاجل اعالة انفسهن واسرهن التى افقرتها الحروب وسياسات الإنقاذ الإقتصادية .
حاول إمام المسجد الكبير ان يغلف موقفه ضد عمل المرأة بدعوته لتوفير فرص عمل بديل لبيع الشاى , بدليل انه لم يتحدث عن الإستغلال الذى تتعرض له العاملات فى المصانع والمزارع وداخل البيوت ؟ ولم يُشر لأزمة البطالة التى تعصف بحياة الخريجين من الجنسين ؟ اضافة الى انه تجاهل حقيقة أن القانون هو الفيصل لمقاضاة كل مواطنة او مواطن فى حالة خرق القوانين العامة , وأنه لايمكن إطلاق الأحكام العامة او الدعوة لمصادرة حق العمل من شريحة فى المجتمع دون ان يتعرض من يقوم بذلك للعقاب .
انها الفوضى تلك التى تتيح للبعض ان يخوض فى الشأن العام حتى لو لحقت أضراراً ببعض المواطنين , وهى فوضى مقصودة فى تقديرى بقصد إلهاء الشارع العام عن أسباب الازمات الاقتصادية والاجتماعية , والقاء تبعاتها على الفقراء والمستضعفين بحيث يفقد المجتمع الثقة فى افراده خاصة النساء , وبحيث ينغمس فى إجراء محاكمات غير عادلة بإسم الأخلاق لبائعات الشاى أو الطالبات بهدف خلق مناخ لإفلات المتسببين فى الدمار من المحاسبة والعقاب .
الميدان
وياكلو واشربو وإتعالجو واسكنو من وين؟؟؟
انتا ما تذكر من السبب في هذه الكوارث المتلاحقة اتكلم عن اساس المشكلة هي الفقر .من افقر البلاد والعباد وخلى الناس زي التايهة جارية ورا لقمة العيش وكسبها بشتى الطرق.
اتعرفون ما هي الدول المحترمة؟
امريكا. برييطانيا. المانيا.
كافرة ولكن محترمة لان ست الشاي هناك لهارحقوق لا تنتهك الا بالقانون.
وشهد شاهد من اهلها.
مهنة تمتهن في الهوا. الطلق علي رووس الاشهاد.
انه سو* الظن .
ما هو البديل عن بيع الشاي؟
بل انها المهنة الوحيدة المحترمة لانها تمتهن في الهوا- الطلق وعلي رووس الاشهاد.
مما قامت الدنيا امهاتنا كن يبعن ويشترين … كن يبعن الفول والنبق والتسالي والطعمية والحلوىء وحتى الآن امهاتنا يفرشن امام المدارس الابتدائية بتاعت الاولاد والبنات في كل مدن السودان ما في زول (يا رزق) بيفرش غير النساء ..
وانا حبوبتي الله يرحمها ربتنا مع ابوي بالفول والطعمية..ثم تطورت فأصبحت تبيع المنقة والبرتكان إلى أن حجت الى بيت الله الحرام من قروشها .. وكان امي متعها الله بالصحة والعافية تدينا الزلابية والطعمية نبيعها في الدرب .. ويا رزق ..الذي لم ترزق من اسمك نصيباً ما تجارض الناس والحريم في ارزاقها.. واذا كنت عايز تنتقد الدولة انتقد الذين (هبروا بالمليارات) وهم على مقربة من المكان الذي تتحدث منه.. وتحدث عن قصور المنشية والمجاهدين وشركات الكيزان وغيرها…
اتعرفون ما هي الدول المحترمة؟
امريكا. برييطانيا. المانيا.
كافرة ولكن محترمة لان ست الشاي هناك لهارحقوق لا تنتهك الا بالقانون.
وشهد شاهد من اهلها.
مهنة تمتهن في الهوا. الطلق علي رووس الاشهاد.
انه سو* الظن .
ما هو البديل عن بيع الشاي؟
بل انها المهنة الوحيدة المحترمة لانها تمتهن في الهوا- الطلق وعلي رووس الاشهاد.
بصراحة دي مشكلة المنظر ان الشعب السوداني كله قاعد يشرب في الشاي ويتونس وما جايب خبر البلد ولا هاميه شىء غير الونسة ،،،
اكل العيش واجب لكن ما بالطريقة دي إلا النسوان كلهم يبيعوا شاى ؟؟؟
المشكلة كبيره والأزمة اكبر لهذا البلد كله المشكلة أن المصائب اصبحت تحل بمصائب اخرى
المنظر قبيح جداً للرجال المكسرين حول ست الشاي وما عندهم شغله
فعلا السودان دولة غير محترمة و الدليل خروج آلاف من النسوة للعمل في ظروف قاسية و احتمالهن للكثير و الدولة لا تقدم لهن بل تأخذ منهن جبايات تارة باسم المحلية و تارة باسم المستثمرين و الذي يأنس في نفسه الكفاءة للنقد فليكن محترما يقدم المشكلة و يطرح الحل .
ما شاء الله وتبارك الله والله شبونة تستاهل تكون وزير الثقافة والاعلام وتستحق أن تكون رئيس المجلس القومي للصحافة والمطبوعات … الله يحفظك وكثر الله من أمثالك في بلادي المجروحة ومعا نسير على درب النضال حتى يسقط الطغاة المتسلطين الحرامية تجار الدين عليهم لعنة الله والرسل والملائكة والناس أجمعين … يتكلمون عن الاستقلال وكلهم يحملون جوازات أجنبية
طالع هذه القائمة وشوف من يحكمنا :
1- جمال الوالي يحمل الجنسية البريطانية
2- مهدي ابراهيم يحمل الجنسية الامريكية
3- مصطفى عثمان اسماعيل يحمل الجنسية الامريكية
4- قطبي المهدي يحمل الجنسية الكندية
5- ياسر يوسف يحمل الجنسية الاثيوبية
6- ابراهيم محمود يحمل الجنسية الاريترية
7- الخطيب يحمل الجنسية الامريكية
8- غازي صلاح الدين يحمل الجنسية البريطانية
9- صابرمحمد الحسن يحمل الجنسية البريطانية
10- عوض الجاز يحمل الجنسية البريطانية
11- صلاح عبد الله قوش يحمل الجنسية الامريكية
12- نافع علي نافع يحمل الجنسية الامريكية
13- محمد بشارة دوسه يحمل الجنسية الامريكية
14- اخوان البشير يحملون الجنسية الامريكية وعلى راسهم شقيقه علي
هؤلاء عملاء اجانب يحكمونا بالوكالة عشان كده ضيعوا البلد وما فارقه معاهم ونهبوا الاموال وهربوها الى الخارج وعادي بكره يشتتوا زي الما حصل حاجة وهؤلاء ليس لهم علاقة
لا بالدين او الوطن لانهم already citizens of an other states
ما قلناها من زمان: ( حتّى وظائف أئمّة المساجد لوطنوها )
ياء شيخناء خلاس المواضيع انتهت فى السودان عشان كده بقيت تتكلم عن ستات الشاى والله ستات الشاى ديل افضل من الرجال الماسكين الحكومه عشان بياكلو مال حلال ياشيخناء ابقى راجل وتكلم عن الفساد والتدهور الاقتصادى ولاء بتخاف على منصبك كخطيب مسجد
ومافى دولة محترمة ممكن يحكمها هارب من العدالة
امام معرص حسع يشولو امتيازاتك تبقى انت ذاتك ست شاى عالم زبالة عندما يعتلى الحمار المنبر
الاحصائات تقول ان 46% من الشعب السودانى تحت خط الفقر…اى انهم لايجدون قوت يومهم …ولولا ان الشعب السودانى متكافل لابعد الحدود لاكل بعضنا البعض…ولو وصلت هذه النسبة للعالم لانتهت الحياة…بس الحمدلله نحن احياء نرزق…وسبب الافقار معروف…فعندما جاء الانقاذ كان اهل الجزيرة يعملون ويعمل معهم اناس كثيرون…وقد حول الانقاذ اهل الجزيرة وغيرهم من منتجين الى عطالى
اقتباس (لاتوجد دولة محترمة فى السودان) .عين الحقيقة والله .هل هناك نساء بفترشن الشارع والمؤسسات الحكومية يبعن الشاي والقهوة في الثمانينات؟ وماهي الاسباب التي جعلتهن يمتهن هذه المهنة؟ الاجابة كالشمس ولكن …..
صدق أو لا تصدق .. نويت أداء حج عام 1435 هجرية يعنى السنة الفاتت طبعا بدون تصريح ونصحونى أصدقائى بأن أذهب الى جدة فى حتة اسمها كيلو8 وقالوا لى سوف تجد هناك من يدلك من أبناء جلدتك وحين وصلت جدة اتجهت فورا الى كيلو8 أسفل الكبرى .. صدقونى اخوتى والله والله أهو بحلف ليكم .. أولا وجدت هناك سماسرة الحج جميعهم سودانيين .. والشئ المهم والملفت للنظر والذى أذهلنى هو أننى وجدت هناك نفس ستات الشاي هن سودانيات ونفس الكراسى ونفس القعدة ونفس الفحم ونفس الكبايات ونفس البراد ونفس تحليق الرجال حولهن ونفس الشاي ونفس الجبنة ونفس وشوشة الزول الذى يجلس بجانبهن ونفس الملامح والشبه .. والمكان حدث ولا حرج .. نفايات وزبالة وذباب وهلمجرا.. وعندما سألت احداهن عن سبب تجمع السودانيين أسفل الكبرى بهذه الطريقة الغير لائقة وعن سكوت السلطات عن هذا المظهر المشوه للبلد وتركهن فى الشارع مع جلوس الرجال حولهن أجابتنى فورا .. هؤلاء مسلمون يعرفون أننا فقراء ومحتاجين .. ووقفت وأنا اهمهم ببعض الكلمات وأقول سبحان الله وكأنى فى حي من أحياء الخرطوم وسمعتها تقول بصوت خافت دا جايى من وين .. وحينها وجدت صديقى السمسار السودانى يصيح لى ويقول يا زول تعال أركب مع ديل وكنا تقريبا ستة أشخاص فى السيارة ثلاثة مصريين واثنين باكستانى وعندما وشوشت مع مرافقى فى الطريق وسألته كم أخذ منكم السواق قال لى ثلاثمائة ريالا حينها علمت يأن السمسار السودانى ابن بلدى قد ضحك علي واستغل ثقتى فيه وأخذ منى ستمائة ريالا عدا نقدا سامحه الله .. لك الله يا بلدى
هههههههههههههههههههههههههههههههه
حفا شر البلية ما يضحك
هل يعلم خطيب المسجد هذا
بان المحليات تقوم بايجار الكراسي لبائعات الشاي
اجباري
يعني لوهم قالوا مادايرين
المحليات تاكل من وين
كرت صحي وايجار كراسي
وايجار عده و………….
والله يجازيك يا الفاتح جبرا
اكيد انت من اوحى لهم بهذه الافكار
يبيعوا الشاي لانه مافي عدل مجموعة بسيطة من الكيزان مكاوشين علي البلد ومافيها وباقي الشعب فقران . والكيزان من فقر عملوها عمارات وجاه وسلطان واستثمارات خارجية . لاوكمان لاعاجبهم العجب ولا الصيام في رمضان الله ينتقم منكم ياكيزان السجم والرماد . بهدلتوا البلد وبهدلتونا معاها الله لاكسبكم دنيا واخره ..
بالله عليكم دلونى على فتوى تحلل لى الخروج من المسجد أثنلء صلاة الجمعة إذا كان موضوع الخطبة سخيفاوسطحياوصادرا من إمام منافق مثل هذا.
تحية طيبة لكل الشعب السوداني ،،
السلام عليكم ورحمة الله وبركاته ،،،
الزول دا بصراحة ماعندو موضوع// ياجماعة القاعدة ما بتشمل الكل// بعرف ستات شاى من نفس الحارة اللى انا ساكن فيها وهم جيرانا والله أشرف من ناس كثيرين وبعملوا وبياكلوا من عرقهم (عرق الجبين) يعني ما بياكلوا من شئ ثاني …..
الاهم من دا كلوا الراجل الامام دا بتضحك على نفسو وبس الناس عارفة كل شئ .
وبعدين الناس تشتغل شنو (كويس دي طلعت لى شغل شاى) وممكن كان تبيع شرفها وهى داخل بيتها وشغل بالدس لكن انا بفتكر الزول البطلع اشتغل دا ربنا يكون فى عونه لانو هنالك كثير من المشاكل …
المجنون رقم 103
بحب اشرب الشاي مع ستات الشاي
ست الشاي :في عز الشتاء تجدها تقدم الشاي الدافئ والذلابية للمسافرين وتجد عندها ماء للوضؤ ومصلاية،ديل هن أخواتنا وخالاتنا بس دخول الاجنبيات سبب بعض المشاكل فلا تدفنوا رؤوسكم
* عزاؤنا يا اختى, اننا ندرك ان معظم “بائعات الشاى” الذى عناهم شيخ “ابو رزقه”, قد اجبرهن “نظامه”, نظام الفساد والظلم و البطش, على الجلوس فى الشمس الحارقه و الشتاء البارد لساعات طويله, فقط بهدف إعالة أسرهن, و ليس بقصد ما يرمى له هذا الشيخ المنافق.
* و راى الشخصى, ان معظمهن اكرم و انقى و اشرف من هذا الدجال الدعى: فهن يتكسبن من عملهن و عرقهن, بينما يتكسب هذا “المنافق الضليل” من ممارسة الدجل و الشعوذه بإسم الدين, و من على منابر مساجد الله!!:
* الصحيح, ان هذا المنافق لا يحتاج اصلا ل”مكبرات الصوت او منبر المسجد”, إن كان يعنى بما يقول “إخوانه فى السلطه”, فهؤلاء “اقرب له من حبل الوريد”. و هو ايضا لا يحتاج لكل هذا “الصياح” من خلال مكبرات الصوت, مستعصما ب”السلطه و المسجد”, إن كان يعنى هؤلاء النسوه الأشراف. فهن على مرمى حجر من “المسجد” الذى يحتمى به و يتصايح فيه:
* و إن كان “رجلا” بحق, عليه “النزول” من حيث هو, ثم مواجهتهن بما يتقيأ به, وجه لوجه, ليرى ايهما “ارجل!”, هو ام “هن”!!!
* و لعنة الله على “أئمة الضلال و النفاق”, و “علماء الإفك و الفتنه و الفساد”, و “شيوخ الدجل و الشعوذه و الإرتزاق”, و جميع “المتاسلمين المجرمين الفاسقين”, الذين اضاعوا البلاد و العباد, و تاجروا ب”دين العدل و الرحمه و الحرية و المساواه”.
المشكلة مش في ستات الشاي وانو المهنة شريفة ولا ما شريفة ومحترمة ولا محترمة،،، الموضوع الاكبر من دا كلو… كيف يكون واحد سطحي وساذج بالشكل دا امام مسجد وخطيب ويوجه الناس .. يعني هو عشان عندوا مال كتير يعني مثلا ولا شنو
اصلا كيف امام يتكلم عن مهنة زي دي بشكل غير لائق …
يعني اذا كان زول شوارع معليش لكن امام!!
على لسان ست شاى الى فضيلة الشيخ كمال رزق حفظه الله :
نحن نبيع الشاى وحولنا الكراسى لاكل لقمة حلال ولاننا نرى ان تكون فى الفضاء بدلا من نتحشر فى البنايات وننزل الستائر الحمراء نحن نجلس على عينك ياتاجر علشان نعيش انفسنا وبناتنا بالحلال و للحد من زيادة ضيوف دار المايقوما واولاد الخيران ولكى لا نسهم فى وليمة الكلاب صاحب الفضيلة سندخل منازلنا فى حالة تكرمكم وتعطفكم بان تاتى بنفسك او ترسل مناديبك ليطرقوا ابوابنا ويسلمونا من العتبة مظروف منفوخ فيه تكاليف المعيشة كل شهر ( حلة الموانح مع المواد التموينية الاخرى ومعاها اسطوانة الغاز ) ومصاريف المدارس وتكاليف العلاج ) قلنا من الباب لكى لا يدخل فى ذنب شبهة الخلوة ببائعة شاى وهذا اثم ويفضل ان يكون مندوب حريمى وان يكون ذلك من مواردكم الكثيرة المتعددة المصادر من مختلف الجهات باسم الدعوة فى سبيل الله خصص لنا من اموال WLLCOE TO ISLAMالمنهمرة كالمطر ومن اموال ال الشيخ الذى تكون لصيقا له منذ وصوله للسودان ملازما له كالظل منذ وضع رجله فى السودان الى مغادرته ومن اموال المنتدى وكل الجهات التى تغطيك بالاموال انت تصلك اموال بكل العملات تغطى وتواجه احتياجات بائعات الشاى فى كل السودان نقدر فيك احساسك الكريم تجاهنا و نرجو ان لا تكتفى بالخطب الرنانة التى تتبخر فى الهواء بمجرد نزولك من المنبر ولكن انزل مر علينا تحسس مشاكلنا شوف مرضانا واحتياجاتنا كما يفعل المركز الثقافى الايرانى وكتر خير حكومتك على مسرحيتها باغلاق المركز وفتحه لينا على شكل جمعيات فى الاحياء ( جمعيات فاطمة الزهراء ) وتواصلوا معنا و قاموا بحل مشاكلنا بكل الاساليب التى يجيدونها وما بخلوا علينا ولم يخطبوا فى المساجد ووقفوا يتفرجون علينا واعطونا قروضا حسنة لحل مشاكلنا ولتمويلنا نسددها فى 10 اشهر انت عملت شنوا ليه ما تفتح جمعيات ومراكز (عائشة ام المؤمنين ) رضى الله عنا وتمنحنا قروض حسنة وعطايا تانى كان شفتنا فى الشارع وشفت كراسينا احشرنا تحت الارض . كم دفعت للارض الواسعة حدادى مدادى لمنظمة WELLCOE TO ISLAM شرق جامعة افريقيا العالمية ام استلبتوها سلبا واغتصبتوهاملح كم كلف مركزك للدعاة غرب جامعة افريقيا ؟؟؟؟؟ طيب فضيلتكم طالما ان ارض السودان خاصة المحيطة لجامعة افريقيا مسخرة لانشطتكم الدعوية استلب لنا ارض بالجهة الجنوبية او اى اتجاه فى اراضيكم الشاسعة لنقيم فيها( تجمع بائعات الشاى الطائعات لتوجيهات مولانا كمال رزق ) بالله عليك خلينا فى حالنا وشوف لك شغلة او سفرة عبر المحيطات نحن مات عاجبنا جلوسنا فى برد الشتاء وحر الصيف نتحول من ظل لظل وما عاجبنا تركنا لاولادنا وامهاتنا وابائنا وهم فى امس الحاجة لرعايتنا لهم ولكن لابد من توفير الغذاء والكساء والدواء ومصاريف التعليم ومنتظرين اعلان فضيلتكم عن انشاء جمعية او منظمة عائشة ام المؤمنين على صفحات الراكوبة وستجدنا حاضرين حفظكم الله مصدر اموال واحد من مصادرك يكفى لانشاء هذه المنظمة .
تنبيه : ارجو ان لا يعتقد البعض انى اطعن فى ذمة كمال رزق لا والله لا اعرف عنه سوى انه يبذل فى الدعوة لمن يحب وانه جاف فى تعامله مع من لا يحب مما لا يتناسب مع الدعوة اما الامانة والذمة لا والله لا ادخل نفسى مما يعرضنى لعقاب الله وما اردت الا ان يصلح ويتحسس احوال الناس قبل ان يهاجم وان يهتم بالانسان قبل الاهتمام بالمظهر والمقارنة بمدن دولها تهتم بانسانها وان الفضيحة فى اهمال الانسان لا فى المظهر الذى هو من ساهم مع من يتبعهم فى دفع هؤلاء النساء لتشويه المنظر
عزيزي الإمام بائعات الشاي جزء من الثقافة السودانية، عليك أن لا تخوض في الحديث بهذه الغلظة .. إنهن يبعن الشاي في وضح النهار .. وإذا كانت هنالك بعض التفلتات عليك بها ولكن لا تعمم الحديث
البيت كلو شغال بمافهم ست الشاي ومع ذالك لا ينفع الحال
ابحث عن الحلول واترك ستات الشاي في حالم
الشيخ كمال رزق يعيش طاعماً كاسياً لا يدري شيئاً عن هذه الحكومة الفاسدة المترف كيزانها والتي دفعت نساء في الستين والسبعين للجلوس على قارعة الطريق بعد الثامنة مساءاً يبعن الآيس كريم والفول المسلوق لأكل لقمة العيش الحلال ولا يدري كمال رزق شيئاً عن نساء بعن أطفالهن ليوفروا لهم لقمة العيش وليوفروا لأنفسهن مبلغاً من المال يعشن به بعض الوقت. الشيخ كمال رزق لا يدري عن عائلات صارت تؤجر غرفاً في منازلها بالساعة ليمارس فيها بعض الكيزان الدعارة حتى تستطيع هذه العوائل إتمام الشهر دون ديون تعجز العائلات عن سدادها
دوله محترمه؟؟؟؟؟؟؟؟؟؟؟!!!!!!!
طيب في دوله محترمه تجي في اول الدول الاكثر فسادا
في دوله محترمه تدخله مخدرات وماتتعرف تابعه لي منو؟؟؟؟؟؟؟؟؟؟
في دوله محترمه يتهم وزير الشئون الدينيه فيها بالفساد !!!!!!!!
في دوله محترمه يختلس فيها موظف صغير في مكتب الوالي مليارات مامعروفه كم؟
ياخي دي بلد محترمه كلها بي معايير الفساد والتحلل لاننا نحترم الفاسدين ومافي فاسد نحنا مابنحترمو ونشجعو طوال عشرين سنه ,,,, احترموا فسادنا شويه
قال محترمه قال……
ياخي رجعونا
قوم لف
يا جماعة دة مخطط بدأته سهير عبدالرحيم عن شارع النيل و الليلةخطيب الجامع وبكرة ما معروف منو. لكن الله يا بائعات الشاي( حتى في كوانينكن لم تخلون من الحسد)
يا رزق اذا بتخاف الله تكلم عن حرامية الانقاذ وقصورهم وشركاتهم ونهبهم للبلد والمال العام ولماذا ساكت عن قصور ال البشير في كافوري … البشير قبل الانقاذ كان ماشي حافي وكداري واليوم كيف وضعه … ولكن يقول المثل الدارفوري دبيب في خشمه جراده ما بعضي وأنت يا كوز يا مطربق خشمك مليان جراد وسد …. وليك يوم انت بالذات والله ما نخليك وسوف نسألك في الدنيا يا ضلالي من اين لك هذا وسد … وخشمك عن امهاتنا واخواتنا ديا اشرف منك ومن رئيس عصابتكم البعير البشكير وكل الشلة الحرامية يا سفله يا كلاب انبح بيعد …
كمال زرق شخص غير محترم والدليل انه تغاضى الحديث عن الشماشة والمشردين فهم اولى من الحديث عن ستات الشاي .. لأن منظرهم في الشوارع يدل على ان حكومة كمال رزق حكومة غير محترمة
كمال رزق يها!
هلايب كيف؟
يا جماعة دي ثمار الحركة الإسلامية والحركات الإسلامية الطفيلية التي تؤيد النظام .
لتغزو مفاهيما السامة البدوية القاتلة والرافضة لكل ثقافة وعادات وتقاليد وكل ارث انساني واحلال البديل البدوي الهمجي الذكوري اللامجتمعي . بعني عايزين يحولونا لامساخ
الكلام ما بيع شاي ولا مساويك في الشارع ، البينتقدوا المفروض يوفّروا البدائل المناسبة وبعداك يتفلسفوا على خلق الله المستعففين الذين لا يسألون الناس إلحافا .
على رأي المثل : إيه الجبّرك على المرّ قال الأمّر منه .
المال الذي تكسبه ست الشاي حلال لانه من عرق جبينها ولكن انت تكسب المال من التقرب للحاكم وتغض الطرف عن البلاوي التي يمارسها الحكام لتكسب رضاهم