المهدية والانقاذ شبه شديد (5)

تأملوا ..

ابو نخرة (الدنقلاوي)
الياس باشا امبرير (الجعلي)
الفكي اسماعيل المنا وهو من (الجوامعة)
اهلنا من (النوبيين)
عبدالله (التعايشي) كان فكي (الرزيقات) والذي يكتب احجبتهم

كاتب المقال الذي يدعي كتابة التاريخ والمعرفة لم يذكر احداً الا وقد عرفـّه بقبلته او جهته
ثم اخير وليس آخر ، جعل من خليفة المهدي (كاتب احجبة) يعني دجّال !!!!!!

شخص عنصري و مضلّل مثل هذا لا يمكنه ان يكتب تاريخ الأبطال .

تأملوا ..

ابو نخرة (الدنقلاوي)
الياس باشا امبرير (الجعلي)
الفكي اسماعيل المنا وهو من (الجوامعة)
اهلنا من (النوبيين)
عبدالله (التعايشي) كان فكي (الرزيقات) والذي يكتب احجبتهم

كاتب المقال الذي يدعي كتابة التاريخ والمعرفة لم يذكر احداً الا وقد عرفـّه بقبلته او جهته
ثم اخير وليس آخر ، جعل من خليفة المهدي (كاتب احجبة) يعني دجّال !!!!!!

شخص عنصري و مضلّل مثل هذا لا يمكنه ان يكتب تاريخ الأبطال .

الاخ شوقي..بعد مدحك الرقيق لغردون..تاكدت تماما من شكوكي وهي انك ماسوني ..غردون كان ماسوني كبيرة وصل الى درجة الاستاذية…محاولة فاشلة منك لتزوير التاريخ نابعة من انتماءك للحركة الماسونية الظلامية وحقدك الدفين على السودان و اهله..اللهم احفظ وطننا من امثالك..انت تمثل الوجه الاخر لنظام الاخوان المسليمن الشكل الديني للحركة الماسونية في العالم الاسلامي

م التحفة شوقى بدرى … عرفنا ان غردون كان متناهى الرقة والاحساس وكان الطف وارق من السودانيين وان الاعداد الغفيرة من السودانيين وقبلهم الصينيين كانوا يستحقون القتل والتعذيب وان استعماله لسلاح الدمار الجرثومى كان رحمة للسودانيين
ارجوا ان تقود حملة كبيرة تجعل يوم مقتله على ايدى الانصار هو يوم ( كربلاء السودان ) وان تقود حملة لمسح كل الاغانى الوطنية التى تمجد يوم مقتله …
ولا بأس ان يكون مقالك القادم دفاعا عن فرعون الذى عمر مصر وكان يحترم شعبه ويدافع عنهم بل ( ويستحيي نسائهم )وان انصار سيدنا موسى عليه السلام هم الذين بادروه بالحرب …
غفر الله لمن منحك الجنسية السودانية .. كل ما تعرفه عن السودان هو (مخزون احتياطى ) من قصص الحبوبات والحكامات وونسات الاندية او( الانادى )
هذه الاحاجى قد تلفت الانتباه اليك فهناك كثيرون مغرمون بغريب الحديث ولكنها لن تجعل منك كاتبا او مؤرخا او حتى سودانياُ…

الأخ شوقي بدري كل التحية لك على هذا الجهد الهام الذي يسهم في إزالة الغبش عما اعترى تاريخ السودان المعاصر و نرجو مزيدا من الكتابة فهي الوسيلة الوحيدة القادرة على تسليط الأضواء الكاشفة على الأماكن المظلمة من تاريخنا.

لي ملاحظة أود أن أوردها هنا و هي أن الفكي المنا (أبو البتول) كان من أخلص المساندين لمحمد أحمد المهدي و كان خلافه الوحيد ربما مع عبد الله التعايشي و الخليفة فيما بعد هو عدم إيمانه بمهدية المهدي و كان هذا سببا في قتله و التخلص منه في مرحلة مبكرة بعد فتح الأبيض بفترة وجيزة كما كان يشكل خطورة محققة كخليفة محتمل في المستقبل و هذا يعني أن الإغتيال كان سياسيا بإمتياز.

كما أرجو من الأستاذ شوقي أن يلقي مزيدا من الضوء على كتلتي أبي حراز و التيارة خدمة للتاريخ و شهادة مع خالص التقدير لكل ما يبذل

اخونا شوقى
كانت نهاية المهدية على يد الانجليز …..
ما الذى سيخلصنا من ناس الانقاذ

كل عام وانتم جميعا بخير
عندي معلومة
أولا انا من النيل الأبيض لكن سكنت فى البقعه للدراسه
أنصاريه صادقيه ما بلعب خالص فى هذا الانتماء . المعلومة هى الجد الرابع لوالدى الذى كان عمره خمسة وخمسون عام
عاصر حقبة المهديه وتناقل الحديث مثل عن فلان إلى وصل إلى جدى والد ابي الذى علقة على الصورة التى تحمل رسم الامام المهدى قال هذه الصورة رسم خيال وليست صورة المهدى وقال ان الامام المهدى قوى البني سمهري القوام مستديرة الوجه لا يخلو إلى الوسامة باهي اطلعه افلج وكل ما نسب اليه من احديث غير صحيحة وصل درجة رفيعة من العلم والتحصيل ووضع كثير من المراجع الإسلاميه شخصية المهدى كانت يشع منها نور الدين
انه كان مصلح اجتماعيا راقي
المهدى لو عاش بمدة حكم الخليفة لتغير حال السودان. اول من أسس دولة قوامها التشريع السنه ولو عاش المهدى ورأى ما يحصل فى بيوتات اهله لتجرد من الانتماء
واثنى على السيد الامام الصادق المهدى الذى لبس بردة المهدى وتوشح بها هذا له العالم الذى ارتفعت مؤلفاته إلى ثلاثمئة كتاب

حياك الله الأخ شوقى

بارك الله فيك أستاذ شوقي بدري و كل عام و أنتم بخير…كتاباتكم هذه تكشف تزوير تاريخ السودان كما قال المعلق [shamy]

اراك تلجأ للف والدواران وتحاول ان تعتذر عن اساءتك للثورة المهدية و تاريخ الشعب السوداني ولكنك كالعادة ترد علي نفسك.
ال المهدي لا شأن لنا بهم ولكن مشكلتنا معك و مع محاولاتك الفاشلة لتزوير تاريخ السودان البطولي الذي يفخر به اي سوداني تجري في دمه العزة والكرامة والحمدلله ربنا جعل كيدك في نحرك و اعترفت بالحق بلسانك

اللافت في المقال دة انه شوقي بدري رجع لي سيرة غردون حبيبه المفضل والذي يكتب عنه بانه القديس الحالم الرؤوف المحب للشعوب المستضعفة وكأنوا يكتب لجمهور من القرّاء عنده قنابير !!!!

منو القال ليك غردون كان أشفق من النملة الشفوقة علي الشعب السوداني زي ما داير تقنعنا ؟
غردون دا ما ياهو اول زول بدا الحرب البايلوجية في التاريخ لما نشر جرثومة الجدري وسط السودانيين الأبرياء عشان يحارب بيها الثورة المهدية ؟ أخبث حرب لشخص خسر الحرب في الميدان حتي الإنجليز اسياد اللحم والراس ما سلم من انتقادهم اللاذعة ليوم الليلة ، لكن نسوي شنو ما دام في سودانيين زيك يزينوا الباطل ويزوروا التاريخ ويشكروا اي مستعمر قتل وسلب ونهب ثروات خلق الله !!!
غردون دا ما ياهو الإعدام احمد العوام لمجرد انه قال كلمة حق عند سلطان جائر ؟ وما ياهو الرسل صالح ألمك وقطع راس الشريف احمد وطه أمير المهدي في الجزيرة وعلق راْسه في الخرطوم لمدة 3 ايام يستلذ بمشهد الرأس المقطوع . الناس الكتلهم غردون ديل شنو كانوا ..عرايس مولد في نظرك؟؟؟؟؟؟؟
غردون قال في مذكراته انه اذا وقع في يده عثمان دقنة والعبيد ود بدر سيعاقبهم بالذبح وتعليق الرأس في الخرطوم مثل الامير الشهيد احمد ود طه ، امشي اقرأ مذكرات غردون لعلك تتعظ وتتعلم شغال تمجد لينا في مستعمر طاغية وعيونه زرق وتشتم في الرجال الحرروا البلد و سوو ليها كرامة بالله انت سوداني انت ؟
كتابة التاريخ دي ما ونسة يا استاذي الفاضل

في ماذا انت حيران يا ود بدري ؟ محمد احمد المهدي حينما كتب ما كتب وقام بالثورة كان شاب في الثلاثينات من عمره ونحن نعتبره بطلا فذا ملأت شهرتة الآفاق وقاتل من اجل عزتنا وكرامتنا بغض النظر اذا كان مهدي منتظر او غير منتظر نسأل الله له المغفرة والرحمة اذا احسن بالزيادة واذا اساء التجاوز وهو بين يدي الرحمن. المهم انه بطل سوداني اذل بريطانيا وحرر السودان من الاستعمار وهذا ما لن تستطيع ان تنكره حتي لو ما كان مهدي وهذا بطل يفخر به اي شعب اصيل , هذا اكثر من كفاية للشعب السوداني لتخليد ذكراه .

يا ود بدري انت رجل انصرافي وتخلط المرارات الشخصية بالعام والخاص ..ما هذه الهراء الذي تهدر فيه وقت الناس معاك؟؟؟؟ …هناك طغمة حاكمة متجبرة اسمها الانقاذ خلينا في الحاضر وكيف نكنسها وتذهب الي مزبلة التاريخ ….هناك مناضل معتقل اسمه الوليد الحسين كيف نطلق سراحه …مشكلة مقالاتك دائما off point …. بعد انجاز هذه المهام يمكن ان تتفرغ لمقارناتك الغبية التي لا طائل منها بين الانقاذ والمهدية ….بين السلطنة الزرقاء وحكم عبود…..بين مملكة نبتة و نظام مايو

العم شوقي بدري ماهو دور ودمحمود ودزايد ناظر قبيلة الضباينة في القضارف في حكومة عبد الله التعايشي ؟وقرانا وسمعنا بانة كان رجلا كريا وكان له قدح (قدح ودزايد ) لوعندك اي معلومة فارجو منك ان تفيدنا بها وجزاك الله خيرا وعيد مبارك عليكم

المهدية ثورة عظيمة نحن فخورون بها . والثورة شكلت الوجدان والتركيبة النفسية لقطاع كبير من الشعب السوداني . هذه حقيقة لا يمكن انكارها . وابصم عليها انا بالعشرة . ونشأنا وكل شئ حولنا ينضح بالانصارية وروح التكافل والشجاعة والاقدام

وطيب يا ود بدري ؟ كتان دي قناعتك
العجاجة المسويها دي كلها فوق كم ؟

حقا انك مدهش!
عندما يكون المرء عمره اكثر من سبعين سنة، قضى اكثر من ثلثيها في اوروبا طالبا ثم لاجئا ثم مهاجرا، وحتى هذا الثلث الاخير كان في مجابدة بين ام درمان وبيوت الافندية. هل يحق لهذا المرء ان يتحدث ويفتي في اخلاق الشعب السوداني.هل يحق له ان يتكلم بعنصرية عن قبائل البقارة والغرب ويلصق بهم كل هذه الافتراءات ؟
وكاتب هذا المقال لم يتجول في السودان كثيرا، على سبيل المثال غرب السودان -وهو اقليمان بشعوبهما اي منهما اكبر من دول اوروبيه كبيره-كل معرفته بالغرب ان احد جدوده عاش في جبال النوبة . هل يحق لهذا الرجل ان يحاكم مجموعات بشريه لم يعرف كثيرا عن تاريخها وثقافاتها وعطاءها وقيمها.
واذا رجعنا لاهم مصادر كاتب الاسن هذا، وهو جده بابكر بدري، هل بابكر بدري كان محايدا ليكتب لنا التاريخ كماهو . ام تراه كان يوثق ما سمعت به اذنيه وشاهد بعينه. وهل مالم يشاهده بابكر بدري او لم تره عيناه، او كما يحكي هو بصيغه ان اخبره احدهم دون تحقق ، هل امنا هذا وكان كاف للمرء للتلخيص والافاده.
نحن ضد الطائفية الحالية وال السادة ولكن الثورة المهدية هي تاريخ السودان له وورثتها هم الشعب السوداني فلا تتجني علي تاريخ السودان لتصفية حساباتك الشخصية مع ال المهدي

أولاً أسلوب الكاتب شوقى بدرى ركيك من ناحية اللغة والصياغة والتركيب ولا أدرى أين تعلم اللغة أو الى أى مرحلة تعليمية وصل هذا الكاتب .. فمستوى كتابته من ناحية اللغة والصياغة أقل من مستوى ما كنا نكتب ونحن فى السنة الأولى من المرحلة المتوسطة.

ثانياً محتوى ما كتب يدعو الى العنصرية البغيضة وإحياء الضغائن بين قبائل السودان عبر نسب منكرات الأفعال الى قبائل معينة وإظهارهم فى موقع الجلاد فى مقابل إظهار قبائل أخرى فى موقع الضحية وأيضاً عبر ذكر أحداث مؤسفة وقعت ضد قبائل معينة ذكرت عبر مؤرخين أغلبهم أجانب لا تخلو كتاباتهم من غرض ولا تبرأ من تهمة عدم الموثوقية وهذا ما جعل كثير من المؤرخين الذين أتبعوا خط الحياد والإحترافية المهنية أن يدعوا الى إعادة كتابة تاريخ السودان الحقيقى بخيره وشره وليس ذلك التاريخ الذى كتبه المصريون والشوام والإنجليز لخدمة أغراضهم ومصالحهم ولتشويه سمعة أهل السودان والحط من قدرهم وإظهارهم بمظهر الدراويش المتخلفين المتعطشين للجنس والقتل.

فماذا يستفيد الكاتب مما كتب ؟! وما غرضه فى ذلك ؟ّ! … ما أفهمه من تركيزه على أحداث معينة فى تاريخ السودان أن غرضه ليس بريئاً ويبدو أنه يعانى من مشكلة نفسية معينة تجاه بعض القبائل تجعله ينفث سموماً حاقدة عليها لدرجة أن يصفها بأنها السبب فى كل مصائب السودان شماله وجنوبه .. ولكن نذكره أن الله سبحانه وتعالى سائله عن كل ما يكتب وعن كل هذا البهتان .. فليجتهد وليحضّر مقالة طويلة عريضة يدافع بها عن نفسه أمام رب العالمين وليحضر مراجعه ومؤرخيه الأجانب ليشهدوا له فلعلهم ينقذوه.

الاخ شوقي بدري انت تهرف بما لا تعرف ،
لماذا تتهم قبيلة الغديات بسفك دماء الناس بالباطل وحب الانتقام ما هذا الكلام الفارغ الذي تدعيه ؟
انا شخصيا تربيت وترعرعت في كنف اهلنا الغديات في ربوع كردفان والحمدلله مثل اهلنا في كل قبائل السودان كرم و رجالة وفروسية وعشا الضيف من علي حساب اهل البيت وكل اخلاق سودانية حميدة . ابي رحمة الله عليه اخبرني كيف ان جدودنا بايعوا المهدي وأوصاهم المهدي بان يحقنوا دم كل مسلم يستسلم لجيش الثورة المهدية ونفذ ابونا الامير اسماعيل ود الامين أمير الغديات وصية محمد احمد المهدي الذي قال قولته المعروفة : بارك الله في الغديات نصروا الدين وأجاروا المساكين . هؤلاء هم الغديات الذين تفتري عليهم يا شوقي يا بدري بحديث الإفك . الان تأكدت تماماً انك شخص تكتب عن تاريخ المهدية من ناحية عنصرية بحتة وتضغط باستمرار في هذا الموضوع بصورة تثير شكوك اي شخص عاقل عن أهدافك الخفية في تدمير تاريخ السودان والشخصية السودانية ولكن هيهات

هووووي يا شوقي بدري ارعي بقيدك وما تتلاعب بتاريخ السودان

ديل أهلي البقيف في الداره وسط الداره واتنبر و اقول ديل اهلي

محمد أحمد المهدي:
يا راية في جيش الفتى المهدي الإمام.

الخليفة شريف:
انا للموت صابرون

الخليفة عبد الله التعايشي:
حاميها تورا شين أغر.

الشهيد ود حبوبة:
الإعلان صدر واتلملموا الخلوٌق
بي عيني بشوف أبرسوة طامح فوق
كان الْمُنى بالمراد واليمين مطلوق
ما كان بنشنق ود أبكريق في السوق

البطل علي عبد اللطيف و البطل عبد الفضيل الماظ:
نموت ونفني ويحي الوطن

الزعيم اسماعيل الازهري :
استقلالنا زي صحن الصيني لا شق لا طق

الامام عبدالرحمن المهدي ومحمد احمد المحجوب :

العيـد وافي فأين البشـر والطـرب … والناس تسـأل أين الصارم الـذرب
الواهـب المـال لا مـنّ يكــدّره … والصادق الوعد لا مَيْنٌ و لا كـذب

ناديتَ : حريـة السودان تضحيــة … لا مغنـم هـي للأحـرار أو سلب
هي الرسـالة …لا جاهـاً طلبت بها … وقصّرت دونـك الألقـاب والرتب
بذلـت كـل سـنىّ فـي صيانتهـا … فكـان منك عليها العمـد والطنـب
من للبـلاد وقـد أودي محــررها … وصائن السـلم والأَهواء تحتـرب

ديل أهلي البقيف في الداره وسط الداره واتنبر و اقول ديل اهلي
اكان متبري من ديل يبقي تقعد في السويد حقتك دي بعافيتك

التحية اولا للثورة المهدية المجيدة وكل قبائل السودان اللي بدمائهم وتضحياتهم حرروا السودان من الاستعمار .
اولا عندي مجموعة من الأسئلة للأخ شوقي بدري :
ما هي الفائدة المرجوة من نبش فتن الماضي وتفتيش كل سئ في تاريخ السودان والكتابة عنه ؟

هل هي الرغبة في الشوفونية المتنطعة ونظرية خالف معتقدات الشعوب وقلل من مكتسباتها وإرثها لكي يعرفك الناس ويسطع نجمك ؟

ماذا نستفيد نحن كشعب سوداني نعمل لاسقاط كابوس الإنقاذ من تاريخ بعيد غابر يجتهد قلمك الخبيث لبث وإعادة نشر اي فتنة فيه من جديد ؟

ما هو حجم استفادة كتائب الجهاد الالكتروني الكيزانية من كتابات شوقي بدري وأثرها في صرف اأنظار الناس عن معركتهم مع النظام الحالي الي المداعسة في أساطير و حكاوي شوقي اللي ما عندها مصدر ولا مرجع وكلها عبارة عن طق حنك ساي زي ما قال الإخوة الذين سبقوني بالتعليق
الثورة المهدية لها ما لها وعليها ما عليها نعم ونقدها مطلوب لكن اكيد ما حيكون بطريقتك الفطير دي ، وفي النهاية ديل رجال عملوا العليهم وحرروا البلد من الحكم الأجنبي ، وقدموا ارواحهم في سبيل مبادئهم .. فماذا فعلت انت يا شوقي غير خلف رجل علي رجل ولعن الوطن وتاريخه مع كل احتساءة شاي صباحية في من مقر إقامتك الدائم في ستوكهولم السويدية ؟

قليل من المنطق يا حاج شوقي علي الأقل احترم عقول القرّاء

سلسلة مقالات ممتازة والفكرة واضحة وفعلا في تشابه كتير

مقال محشو بالمغالطات واللخبطة كعادة شوقي بدري
يا زول منو القال ليك علي الجلة أتعاون مع الإنجليز ، انت التاريخ دا قريتو وين ؟ في يوغندا ؟

علي الجلة جد بابو نمر ناظر قبيلة المسيرية حارب في كرري وامدبيكرات وكان في خط النار الاول قابل بي سيفه الجلة ومنها جا اللقب علي الجلة – انت بتجيب الكلام دا من وين ؟ كل شئ عندك خبط عشواءوتكتب حسب ما يجي في راسك لا مراجع ولا يحزنون

العم الوناس شوقي بدري

ولله انت راجل تحفة !

ياخي متأسفين خالص نحن فعلا شعب ما يسوي يكتبوا عنه ، شعب ما عنده ذوق ولا أدب ، كيف بالله يعمل ثورة ضد الانجليز اسيادنا ويقتل القديس الوسيم الحالم غردون رسول الانسانية والمحبة للسودان اللي جا عشان يمسح جراح السودانيين ويسويهم بشر بعد ما كانوا زي البهايم !

متأسفين لأنو كتلنا هكس وستيوارت و بقية الغزاة الجونا ، ما يستاهلوا أبدا ، دول كانو ناس طيبين ( اوي) زي ما بقولوا المصريين .

وعشان خاطر عيونك الحلوة دي انت و ابنك وحبيبك حمور زيادة ح نوجه دعوة لمسح الثورة المهدية العامل ليكم جن دي من كل المقررات ،

لازم وحتما نمسح المهدي وعثمان دقنة وعلي عبداللطيف وعبدالفضيل الماظ من تاريخنا المزور ده ونبدله بتاريخ الابطال الأصليين للبلد الاسمه السودان دا زي غردون وكتشنر وصالح المك وخشم الموس ومن شايعهم

وبالمرة كده ، بلاش استقلال ولا اليوم نرفع راية استقلالنا وأوهام فارغة زي دي معاكم

ولحدي ما ده يحصل نلاقيك في نجرة جديدة من نجراتك التاريخية

الإمضاء

الشعب السوداني

من الخطأ محاكمة الماضى بمقاييس وقوانين الحاضر فالكل يعيش زمانه،، ولذلك عندما يكتب المؤرخون في البلاد المحترمة تاريخ أسلافهم يلتزمون المهنية العلمية الصارمة وينأون عن السباب والفحش في النقد التى تتحول إلى إنتقاد وحتى في إطار أسرنا نبتعد عن إنتقاد أجدادنا ورموزنا ولا نشطط في إتخاذ كتاباتهم إن وجد وسيلة للتهجم على الآخرين بلا مبرر.

ثم إن كتابات بابكر بدرى ليس قرآنا منزل منزه عن الغرض والتأويل ومحاولة إستخدامها للنيل من الآخر،،

لذلك نرجو أن نكون موضوعيين ولننظر إلى تاريخنا كإرث بموضوعبة دون الإسفاف ومحاولة تجريم الآخر ولو إنبرى المؤرخون لإتباع أسلوب شوقى بدرى في تقييم رموزنا السابقين لقامت حروب وكوارث فالوحدة الوطنية والتراضى الوطنى يتم في العقل والقلب قبل ان تتم ترجمتها لأفعال.

الأمر الآخر يجب ألا نقيم (بتشديد الياء) تاريخ الدولة المهدية من خلال روايات الحبوبات وقصصهن لنوم الأطفال فليس هناك مصادر موثوقة لذلك وربما كان الدافع الوحيد لإختلاق ذلك هو الحقد والكراهية التى إستقرت في مخايخ بعض المجموعات وكتابات الموتور سلاطين باشا فتحولت بمرور الزمن إلى سياسة دولة تسعى للإنتقام من ذلك الماضى عن طريق جلدها بمفاهيم الحاضر وبفعل موروثات مبنية على تلك الروايات الحبوبية بسياسات ترقى ألى درجة الكراهية والإبادة وجرائم الحرب والحرب ضد الإنسانية ولذلك تظل محاولة محاكمة البشير في لاهاى في معناها الأوسع هزيمة لتلك العقلية الى سعت لمحاكمة التاريخ بآليات الحاضر.

ظللت اقرأ كتابات شوقى بدرى التي فيها الكثير من الغث والقليل من السمين وهو ينزع كثيرا للخروج عن اللياقة فبدأت غشاوة تتشكل أمام عينى رويدا رويدا تجاه ما يكتب وقد لاحظته لا ينفك عن الهجوم على المهدية وخاصة الخليفة عبدالله بسبب وبدون وليعلم شوقى أنه لولا الخليفة لما كانت أم درمان التى يتفاخر بها لكنه لا يذكر أصلها وفصلها.

خلاص شتمت القبائل يا حاج شوقي كلها قبلت علي الغديات كمان ؟
اتق الله ولا تلفق قصص من راسك لاولاد الناس

نفس القصص والحكاوي الملفقة تشيل وتعيدها ما عندك جديد يا شوقي بدري هذه علامة الافلاس

كلام حبوبات يا سوقي بدري ما عندك غيره

أعتقد أن الحديث عن الثورة المهدية من جانب شخص ناقل فقط (من جده او قريبه )وغير متخصص = ونسة مشاطات بإمتياز. .
ثم هنالك كثير من الفتن صعب الإفتاء فيها حتي علي المتخصصين -وما اقتتال الصحابة ببعيد عن الأذهان -لذلك وجب تنبيه الجد شوقي بأنه ليس كل من هرم أو عاش عمره وعمر غيره أن يدلي ويفتي فيما لا يعرف ويعلم وأن هذه (الأوربا ) التي انت فيها وتفتخر بذلك لها من الماضي والتأريخ اقذره وهم ما كلوا ولا ملوا من الافتخار به -علي علاته -عليه لا يجرمنك منقصة شخصية في تعميمها علي الأمة ولتعلم أن هذا هو تأريخنا (بحصحاصه ) ونفتخر به وليس بالضرورة أن يشارك جدي في معاركه .!!!

اولا يا حفيد بابكر بدري ،، لك الحق ان تفتخر بجدك وليس لنا الحق ان نفتخر بالمهدية التي لولاها لما اصبح جدك؟ ،،، ثم رجاءا اذكر إنجازاتك الخاصة ولا تعش على ماضي جدك وما هو الفرق بينك وبين الطائفية اذن؟ ،، ولكن أسالك ما كل هذا الحقد على المهدية ام تريد ان تتجه عكس كل التاريخ الذي يعتز به كل السودانيين،، والطائفية التي تتحدث عنها وقصدت المهدية هم اكثر ناس يذكرون فضائل جدك وبشهادة. زعيمهم الصادق المهدي ،، الإنقاذ تعمل وعملت على فرق تسد وانت تريد ان تحفر فى التاريخ لتخدم نيران الفتنة اذا ليس هناك فرق بينك وبين البشير. ونافع،،،، نعلم مشاكل أبناء الغرب مع أبناء النيل ايام المهدية والاحقاد ولكن ليس اكثر بما فعله البيض بالسود فى أمريكا ولا الإنجليز بالهنود الحمر والآن يتعايشون دون احقاد لأنهم نسوا المرارات وتسامحها اما انت تريد ان تؤجج نار الفتنة ،،،،

ي شوقي بدري والله انك جاااااااااهل,

اولا علي الجله لم يتعاون مع الانجليز قط بل اسر في ام دبيكرات وكان في سجن ام درمان لمده خمس سنوات واطلق سراحه بعدما عرف سلاطين باشا التوتر في اداره المسيرية الحمر فاطلق سراحه ولا تنسى ان علي الجله شارك في ثورة الفكي علي الميراوي مع ناظر المسيرية الزرق، فعزلتهم السلطات من مناصبهم وارسل علي الجله الى المنفى مرا اخرى لامدرمان!!!

مشكلتك ي شوقي لا تمام معلومه تاريخيه واحده انت تتحدث من موضوع ليس لك به معلومه تاريخيه وتألف على هواك بالله ما تكتب ساي وتشوه وتزور تاريخ الشخصيات!!!

عندما يحرر الكيزان وطن من براثن الاستعمار و يوحدوا الشعب السوداني بكل قبائله كما فعل المهدي و رجال المهدية ..بعدها قارن كما تريد !

يا ترى من دفع لهذا الشوقي بدري كي يكتب؟ اترك الاجابة لكم
قال هتلر : كان بامكاني قتل كل اليهود لكن تركت لكم البقية لكي تعرفوا لماذا كنت اقتلهم.
الامام المهدي وخليفته عاشوا في زمان لايمكن أن نقارنه بهذا الزمان زمان سبق الحروب العالمية التي قتل فيها عشرات الملايين من الناس وسط الامم المتحضرة ناهيك عن هذه المتخلفة
لم يرتكب المهدي ولا الخليفة ابادة جماعية رغم ان هذا السلوك كان سائدا وقتها بل نكلوا باعداء ثورتهم ممن خانوا الوطن وقادوا المستعمرين وطعنوا طعونا عنصرية في اختيار الخليفة ولم يتركوا له مجالا سوى بقتالهم ومواجهتهم
وما فعله بهم لايقارن بما اقترفوه في ذلك الزمان
هؤلاء تركوا احفادا لهم بعد اكثر من مئة عام نرى نحن افعالهم اليوم بالوطن وبالناس . كل حكام الانقاذ الحاليين من احفاد العربان الصديقة الذين حاربوا مع كتشنر ..نافع علي نافع, عمر البشير , الترابي, صلاح قوش كل هؤلاء جدودهم خونة حاربوا المهدية
ونرى سلوكهم وهم البقية الباقية كالبقية التي اشار اليها هتلر لكي نعرف السلف من افعال الخلف
لاتأتي كراهية من فراغ بتاتا

ماذا تستفيد يا باشمهندس شوقي من تحريف الحقائق التاريخيه؟ السؤوال من هو المتسفيد من تخريف هذا التاريخ العظيم؟؟

سبحان الله!!! بالله عليك الدخل علي الجله هذا الفارس العظيم بالخائن ابو دقل شنو؟ يا شوقي حرام عليك تتهم الرجل بالتعاون مع المستعمر وهو قاتلهم حتى اخر لحظه!!!

ارجو ان تتأكد عن صحه المعلومات قبل نشرها!!!!!

انا شخصيا اتهمك بتجهيل شبابنا عن معرفه التريخ الوطني، شكلك كده عايز تصفي حساباتك مع بعض الناس!!

شكرا لك شوقي بدري،سيبصق عليك الكثيرون لان الحق مكروه،،لا ادري كيف سيكون حالنا لو لم يأت الانجليز،،،المهدية كانت فوضي منظمة بحق وحقيقة ولم يخطئ من قالوا:انت قايل الدنيا مهدية!!!دجل ووحشية،كانت عصر الشجاعة الحمقاء

عنوانك مفروض يكون: سلاطين باشا وشوقي بدري شبه شديد

المهدية فخر ومجد لكل سوداني اصيل لها وما لها وعليها ما عليها ولكن خلاصتها انها حركة وطنية و ثورة حررت السودان وهزمت الاستعمار . الظروف التي واجهت الخليفة عبدالله التعايشي في إدارة الدولة مختلفة عن ظروف آليوم . من السذاجة إسقاط احكام علي التاريخ بعقلية ونفسية إنسان في القرن ال21 . ولو أسقطنا ذات الأحكام بنفس المنطق المعوج ستحاكم دولة الاسلام الأولي وصحابة النبي صلي الله عليه وسلم ولما سلم عمرو بن العاص ولا معاوية بن ابي سفيان كاتب الوحي . هذا خطأ منهجي عميق يا شوقي .

ما هذا الهراء يا شوقي بدري ؟
تشبه الانقاذ بالمهدية؟
هل وحدت الانقاذ السودانيين مثل المهدية ؟
هل حررت الانقاذ الوطن مثل المهدية التي هزمت بريطانيا وتركيا ومصر مجتمعين ؟
هل حافظت الانقاذ علي وحدة السودان ام باعت الجنوب لامريكا وحلايب للمصريين ؟
لولا المهدية ما كان هناك تاريخ نفتخر به السودانيين

وأخيرا من انت يا شوقي ومن أين اتيت ؟؟؟؟
ومن أين اتي هؤلاء المخبولين الذين معك ؟؟؟

هناك من خسر الجولة تاريخيا من القبائل التي تعاونت وخدمت الاستعمار. هؤلاء انتصرت عليهم الثورةالمهدية وعلي حلفائهم الانجليزانتصار كاسح وحررت السودان من دنسهم ودنس اسيادهم. هؤلاء الي اليوم ما زالت ذكري خيانة اجدادهم مثل العلقم في حلوقهم ومستمرين وبخبث شديد في محاولاتهم الفاشلة لتزوير تاريخ السودان الناصع وبطولات الشعب السوداني في المهدية والهدف واااضح قلب الطاولة لصالحهم . شوقي بدري واحدة من ادواتهم الصدئة لتحقيق اغراضهم ولكن للاسف التاريخ انكتب من بدري و منذ قال تشرشل عن ابطال المهدية: انهم اشجع من مشي علي ظاهر الارض وباطنها, مقولة موجودة في كتاب حرب النهر ستظل تخرس كل متطاول علي تاريخ شعبنا السوداني العظيم

شوقي شابكنا انه خبير في التاريخ والله العظيم اثبت انك ماوعندك اي معرفه في التاريخ!

يا شوقي بدري لماذا كل هذا الحقد على تاريخك و وطنك واخوانك..والله مقالاتك تفوح منها رائحة كراهية و حقد دفين كما انها خالية تماما من اقل درجات الموضوعية و التحليل العلمي المنطقي..يا رجل عيب عليك تقارن ثورة قومية حررت البلاد و العباد من نيران ذل الاتراك و المصريين بنظام الانقاذ الفاسد المفسد وهو في حقيقة ليس بنظام سياسي مجرد عصابة استولت على الحكم…….والله كرهت الراكوبة بسبب مقالاتك المسمومة الحاقدة…لا موضوعية لا ادلة ….ياخي كرهتنا حياتنا…وكشفت انك رجل اي كلام مجرد زول حاقد و مريض نفسيا ….اتوجه بنداء لادارة موقع الراكوبة بعدم نشر مقالات لهذا المدعو شوقي بدري..هذا الرجل ينتهك تاريخنا و حاضرنا و يبث ما في داخله من امراض و احقاد …هذا موقع محترم، نعم المجال مفتوح والحق مكفول للجميع للتعبير عن ارائهم و النقد البناء في اي موضوع..لكن مقالات هذا الرجال ما تندرجت تحن هذه النوع من الكتابة..مجرد تعبير عن نفس مريضة تفوح رائحتها النتنة مع كل مقال..

اسمعني سا شوقي بدري..انا من دارفور يعني ما عربي لكن اجدادنا حاربوا في المهددية وطردوا الاتراك والمصريين الانجاس الكانو بذلوا الناس…ما تمس المهدية ولا تقارنها بعفن الانقاذ دا… بعدين يا شوقي المهدية دي وحدتنا و وحدت كل السودان ضد عدو اجنبي واحد..الانقاذ فرقتنا وعذبتنا و همشتنا…الانقاذ وليس الشعب السوداني…الشعب السوداني مغعلوب على امره و جزء منه جاهل لانو الحكومة عملت ليه غسيل مخ لانها تمتلك امكانيات امنية و لوجستية واسعة وتمتلك التحكم في ارزاق الناس عشان كدا غيرت العقول و القلوب لكن في ثوابت ما في حولها اختلاف..منها الثورة المهدية..حتى وان كان فيها اخطاء تظل الثورة المهدية حركة قومية عظيمة وحدت الامة ضد المستعمر….ياخي انك تنتقد التاريخ نقد بناء دا شئ جميل لكن له منهج معين و اهداف..انت شلك بس بتنتقد من اجل الانتقاد…وين ادلتك.؟؟؟ ياخي نحن مالنا ومال مذكرت جدك؟؟؟؟

ان تلويث وتزوير تاريخ الثورة المهدية الجميل الذي بنى قومية سودانية لاول مرة يتفق عليها الجميع هو عملية مستمرة من لدن سلاطين ولن ينتهي بشوقي بدري او حمور زيادة
وهو كيد المستعمرين سياسيا حتى بعد خروجهم
ده كوم برا

نحنا قي قصص الخيانة التي انتهجها اقوام من بني جلدتنا ووقوفهم مع المستعمر قبل الثورة المهدية وحتى خلال فترة الثورة المهدية ضد اهلنا وضد كل ابطال الثورة المهدية لدرجات تصل الى حد السحل والاغتصابات الجماعية بكميات غريبة ومخجلة في كثير من المناطق

وهي قصص متواترة لا يمكن انكارها

بالاضافة الى توطين الرق في السودان واصداؤه التي ترجع الى اتفاقية البقط في السودان القديم ذات التفاصيل التي يشيب لهولها الولدان والتي اعتبرها كرست وشجعت هذه المهنة القذرة حتى القرون الوسطى وما قبل الحديثة في تاريخ السودان
وباختصار من ان يبيع الرقيق غير اهل شوقي بدري الرباطاب وكبير تجار الرقيق الذي علمهم السحر الزبير باشا رحمة . باعوا السودانين في جبال النوبة وغير السودان والليلة يزوروا التاربخ يخفون به سؤتهم
لا يسعني الا ان اقول ياللعار الابدي

استاذنا شوقى لا اتفق معك بان المهدية كانت ثورة عظيمة كما جاء فى بداية مفالك فقد اعادت السودان مئات السنين خلال حكمها وقد ورد فى كتاب السيف والنار فى السودان (مهما اختلفتا فى تقييم الكتاب ) ورد حقيقة ان السودان قبل المهدية كان من اكثر الدول تقدما مقارنة بمن حولة بمعايير تلك الحقبة وانة كان الاقرب الى مصر من حيث التقدم والخدمات وان قيام المهدية وما تحملة من جهل وادعاءات غيبية كاذبة اعاد البلاد الى القرون الوسطى والعريب ان بقية مقالك يؤكد ذلك بالادلة القاطعة

مستعربة الشمال النيلي وتزوير التاريخ بحكاوي الحبوبات

لماذا كا هذا الحقد علي تاريخ الشعب السوداني يا شوقي بدري ؟

المهدي اول رئيس سوداني الوحيد يشطب بالقم الاحمر ثقافة الاستعلاء العرقي للمجموعة النيلية . جانا في الهامش متواضع وتقي وزاهد وقال نكون سودان يضم كل الأجناس والقبائل . بدأ بنفسه فصاهر الفور والنوبة والدينكا و زوج بناته للبقارة الذين تلعن ابو خاشهم اليوم . الثورة المهدية اول من نادت بتوزيع الثروة والسلطة في السودان وقدم المهدي خليفته من الغرب وجاب عثمان دقنة من هامش الشرق وأمر حمدان ابوعنجة من جبال النوبة . التشكيلة الجديدة المتساوية في السودان أزعجت ربائب الاستعمار من الجماعة المقربين من الحكم التركي ولي يوم الليلة مجتهدين في تشويه تاريخ السودان بقصص حبوباتهم . شوقي بدري بغبائه هو سطر جديد من ثقافة مستعربة الشمال النيلي التي ستقضي علي ما بقي من السودان . وإلا بالله عليك ما هو الفرق بينك وبين الكيزان ؟ انت وهم وجهان لعملة واحدة. المفروض يكون العنوان شوقي بدري والكيزان شبه شديد