قال عضو المكتب القيادي للمؤتمر الوطني نائب رئيس الجمهورية السابق حسبو محمد عبد الرحمن ، أن هنالك دولاً كشفت لهم عن وجود شركات في الخارج تقوم بـ(فتوشوب) للصور وتروج للمظاهرات ، لافتاً إلى أنه تم اتخاذ إجراءات قانونية ضدها وتابع (قيادة الدولة واعية بالمؤامرات والكيد وما بنفك السلطة بالساهل كده)، وزاد (العيار الما بصيبك بقويك) ، مؤكداً إيمانهم بالتداول السلمي للسلطة ، ولفت إلى أن الاحتجاجات استهداف داخلي وخارجي لتغيير النظام وليس المطالبة من أجل الدقيق والوقود .
وقال حسبو لدى مخاطبته قيادات وهياكل المؤتمر الوطني بنيالا ، الاحتجاجات تم استغلالها استغلال تاني لكن لن يهزم الشيوعيون المشروع الإسلامي ، وطالب حسبو عضوية الوطني وقياداته بعدم التعامل بردود الأفعال والعمل على قيادات المبادرات وتوحيد الصف ، بجانب إعلاء القيم والمبادئ وتعزيز الأمن والاستقرار بحسب صحيفة آخر لحظة ، داعياً إلى ضرورة الرجوع إلى الله بالدعاء والتضرع لرفع البلاء والغلاء والفتن .
وقال حسبو المشروع الإسلامي السوداني النهوضي حقق إنجازات كبيرة خلال الـ(30) عاماً رغم ما يواجهه من تحديات وعقبات قديمة متجددة من حروبات ومؤامرات ، وأضاف أن الموارد الموجودة في دارفور لا توجد في أي بقعة من السودان لكن دخلها الشيطان على حد قوله .
السودان اليوم
اخرس يا حسبو عدس. اتلهي كفاك شبعت وجضمت وسكنت الفلل و بقيت نائب رئيس وبرضو لسع عاوز ترضع وما داير تفك الشطر بالساهل لكن حتنفطم رغم أنفك وويقضفوك كل العدس
اسي الخروف لمن يبعبع في زول بيهتم بس دا انت عبارة عن خروف بتبعبع و مافي زول شغال بيك و يفكوها بالساهل بالصعب كدا كدا مصيرهم محاكمات ثم إلى حبل المشنقه هؤلاء الارهابيون المدعون المتلبسون بزي الاسلام فالاسلام و الشعب السوداني برئ منكم …….. تسقط بـس
واضح انكم الشيطان الأكبر دخلتوا علي البلد ونشفتوها. حق الشعب المسكين المقهور سكنتوه قصور ونساء وأموال بكل العملات. ليكم يوم ان شاء اللة لن تنجو… نحن واركم واركم…
صاح انتو ما حتفكوا السلطة بالساهل كدا و لكن الله سبحانه تعالى سينتزعها منكم انتزاعا و فى اقل من لمح البصر و دائما تصريحاتكم تثبت كل يوم انكم جاهلون بالدين و معرفتكم بالاسلام كمعرفة فراشة التبش فى سوق ام دفسو بالفيزياء النووية مع احترامنا لكل المهن الشريفة.
“ولفت إلى أن الاحتجاجات استهداف داخلي وخارجي لتغيير النظام وليس المطالبة من أجل الدقيق والوقود…”
إيه المفهومية اللي نزلت عليك دي يا حسبو بيه؟ أتاريك انت بتفهنها و هي طايرة و نحن ما عارفين؟
تاني قال “….كن لن يهزم الشيوعيون المشروع الإسلامي …”
يعني يا حسبو المشروع الإسلامي انت فهمتو بأنه يمح لكم بالسرقة و النهب المصلح؟ و كمان عايزين تنصبوا على الله؟ انت اظنك خايف على بيتك السمح داك، لكن ما تخاف، نحن ما حنسكن فسه زول، لكن سنهدمه إن شاء الله و على حسابك، عشان ما يجي واحد تاني فاهم الإسلام زيكم كدا يقوم تاااني يبني ليه بيت زي بيوتكم دي.
هؤلاء اللصوص يعتبرون البلد فريسة وقد اغتنموها ونهبوها ولن يفرطوا في غنيمتهم لغيرهم فهم يظنون فقط أن كل من يقول لهم كفى دمار وقتل وفساد إنما هم لصوص آخرون ينافسوهم فيها، جعلوا من أنفسهم شعباً آخر وطبقة أخرى بين الشعب السوداني. ارحلوا لعنة الله عليكم
تبكي بس وتكب في عينك مس. ولا ما لقيت مس تبكي بس