عبد الرحمن الصادق: لم أحدد شريكة حياتي والخيارات مفتوحة..الربيع العربي لن يمر بالسودان..بلادنا تختلف عن مصر وتونس.. عدم فصلي من الحزب طبيعي؛ شاورت والدي في الانضمام لنظام البشير ورد علي «ربنا يوفقك»
عبد الرحمن الصادق : سنعالج الأزمة مع الجنوب بالمباصرة لا المواجهة
الخرطوم – أعلن مساعد رئيس الجمهوورية المكلف بملف العلاقة مع دولة جنوب السودان، العقيد عبد الرحمن الصادق المهدي،أنه يعكف على دراسة الملف مع الجنوب وسيسعى لمعالجة الخلافات مع الجنوب عبر المباصرة لا المواجهة،ورأى أن الأوضاع في السودان لا تشبه الدول التي شهدت ثورات في تونس ومصر وغيرها.
وقال عبد الرحمن المهدي في (صالون الراحل سيد أحمد خليفة) بمنزل نجله عادل رئيس تحرير الزميلة «الوطن» أمس، إنه كلف بملف العلاقة مع الجنوب لكنه لا يزال يدرس الملف وسيسعى لمعالجة الخلافات مع الجنوب عبر الحوار المباشر، ووضع كل القضايا محل الخلاف على الطاولة ومناقشتها بصراحة وتسويتها،موضحا أنه ليس من مصلحة الجنوب دعم المتمردين وأن الحكومة لو عاملت الجنوب بالمثل فإن ذلك سيؤدي الى عدم استقرار الدولتين، مشيرا الى انه تلقى محادثات هاتفية من قيادات جنوبية عقب تعيينه في منصبه الجديد.
ودعا القوى المعارضة الى المشاركة في صياغة الدستور الجديد والتوافق على رؤى وطنية حول العلاقة مع الجنوب،مبينا أن الاتفاق على هذه القضايا سيقود الى استقرار في البلاد، وحسم الصراع على السلطة عبر الانتخابات بعد الاتفاق على الدستور.
واستبعد عبد الرحمن الصادق وقوع ثورة شعبية في السودان على غرار الثورات العربية، ورأى أن الاوضاع في البلاد تختلف عن مصر وتونس على مستوى الحريات التي اعتبرها في السودان الافضل على مستوى المنطقة.
ودافع عن مشاركته في السلطة وقال إنه يتحمل مسؤولية قراره وتبعاته،وكشف أنه شاور والده ورد عليه «ربنا يوفقك»، لكنه لم يغير من موقفه المعارض،وأن انتقاده للمعارضة من أجل اصلاحها لتحقيق الاجندة الوطنية ،واعتبر عدم فصله من الحزب أمرا طبيعيا؛ لأن الحزب لم يفصل حتى الذين انشقوا وشكلوا أحزابا ثم عادوا اليه ،مبينا أنه استقال من جميع مناصبه الحزبية منذ عودته للجيش.
وذكر أن شقيقته مريم الصادق تخالفه موقفه بالمشاركة في الحكومة وان الحوار بينهما متصل في هذا الشأن، ووعد بالرد على مبارك الفاضل المهدي بمقال قريبا لتجلية علاقاتهما، مؤكدا ان خلافاتهما في وجهات النظر لم ولن تؤثر على علاقتهما الاجتماعية.
وعن المعلومات الرائجة عن عزمه مصاهرة أسرة من الاسلاميين، قال عبد الرحمن إنه لم يحدد شريكة حياته بعد، وأن الخيارات أمامه مفتوحة.
الصحافة
فعلآ ……… ليوم واحد
السقوط المريع
فعلا النار تلد الرماد .. بالله اسع انت ولد الامام الصادق وجدك عبدالرحمن المهدى .. لكن نسوى شنو مع العطاله والسرح مع الخيول وعدم معرفه حال الغلابه فى مناطق الهامش… بالله قوم لف والله ياعبد الرحمن انت ماتنفع مساعد لورى
هذا هو ديدن البلطجى عبد الرحمن الصادق وديدن والده الانتهازى الوصولى, لا غرابة فى ذلك .
حسنى مبارك : مصر ليست تونس — تم الفصل.
معمر القزافى : ليبيا ليست كمصر — خارج التغطية.
بشار : سوريا ليست ليبيا — جارئ الطلب.
عبد الرحمن الصادق المهدى : السودان ليس كباقى الدول العربية —نرجو مراجعة خطوط المشتركين
( امك دا حيجيبا لينا كبيرة).
وماذا عن الانقاذ كشريكة حياة؟
غيرك كان اشطر وانت بتلعب خارج الملعب والموضوع كله بيد المؤتمر الوطني ومنصبك منصب ترضية فقط ليس الا ولن تستطيع ان تفعل او تعمل اي شي مع هذا الحزب او هذه الحكومة ولو سألت والدك لكفاك الاجابة وكفى.
ياود شوف شغلا تنفعك بلا خم معاك ، علاقات شنو مع الجنوب هم الكبار عرفو فيها حاجة لمن انت تجي تمسك ملفها . شيخ علي بعمل في شنو ، ما يكون بختار ليك في العروس .:D :D :D :D :lool: :lool:
من الأفضل أن تركز مع مسألة شريكة حياتك دي وتخلي ملف الجنوب لشيخ علي وأبو العفين
( ) ( ) ( )
انا لقيت ليك عروسة……بنت الترابى..
شاورت والدي في الانضمام لنظام البشير ورد علي «ربنا يوفقك
ماعرفين نصدق منو فيكم
على ذكرك للحرية في السودان أين محمد عالم بوشي
اذا كانت هناك حريات في السودان, فاين البوشي وغيره من الشباب العتغلين في بيوت الاشباح ؟
اعلم ان الثورة قادمة ….
واللة جميل انو الشباب بداو يمسكو ملفات ساخنة
ابوك قال ليك كدهـ يا كذاب هو دخلك الحكومة ترينق تدرررررريب كووووووووورس على حساب الشعب السوداني اتعلموا بس على ظهر الشعب المغلوب على أمره
سبحان الله من عاشر قوما ابعين يوما صار مثلهم وسعادة الامير العقيد رياضة /مساعد البشكير فى اقل من اربعة يوم ينطق متل البشكير قال ما بنشبه دول الربيع وسوف يباصر موضوع الجنوب اى جنوب يا سعادة المساعد روح بلا ياخدك
يا ود الصادق نرشح ليك بت فداسي رايك شنو وحكاية جنوب وشمال دي يحلها الحلة بلة وحلاهو كيف انا زاتي ما عارفو
عبد الرحمن دخل الحكومة بموافقة الامام وكان ما اخاف الكضب الصادق المهدي الح علي مشاركته في الحكومة
وزمان كان الاسلامين بصلحو نسبهم بمصاهرة الانصار وهسي بقيتو انت تجرو وري الزواج من الكيزان ….قادر الله
لازم تختار من الأسر الفقيرة خيلهم يضوقوا طعم المؤتمر الوطنى والغز
الاخ علي عباس
لك التحية
لو اسقطت فترة المهدية وتركت فترة الاتراك والانجليز ماذا تبقى لك من تاريخ يا حمبرة هذه هي الفترة الوحيدة التي حكم السودان حكما وطنيا رغم ما تعرضت له هذه الفترة من تشويه من خلال كتاب الاقلام المخابرات الاجنبية مثل نعوم شقير وسلاطين باشا وونجت باشا وللاسف هذا ما نقراه من تاريخنا لذا ظل الشعب السودان غائب ومغيب عن تاريخه وأنت من هؤلاء الضحايا
امة يولى امرها ابن الكاذب الضليل هذه النهاية المؤلمة لثلاثين مليون مسلم مسحوق
لمتين حا يحكمونا ارباب الطائفية والجهل والانانية…
لمتين نحن نكون في ناس سيدي وشيخي وقرفي….
ياخي حلو عننا الله لاكسبكم ولابارك فيكم…وياريت بس لو قلبكم علي البلد ما همكم غير املاكم وجناينكم وقرفكم الله يقرفكم…
منذ الاستقلال غطستو حجر البلد بانانيتكم ونرجسيتكم والتصاقكم بكل الحكومات من الانجليز لي يومنا ده ياخي اختشواعلي دمكم…
قسما بالله ان الكيزان رغم مافعلوه بنا ارحم منكم….
امشوا حلوا مشاكل النيل (الابيض )و(شمال) كردفان وحلو عننا…
لا يفقه شيئ لا فى الدين ولا فى السياسه ولا فى الثقافه ولا فى الوطن والشعب بل هو طبيز عديم الميز:crazy: :crazy: :crazy: ( ) ( ) ( ) ;) ;) ;) ;) ;) ;) ;) ;) :crazy: :crazy: :crazy: :crazy: :crazy: :crazy: :crazy:
سيدنا وولد سيدنا انت فيها نثور كيف. حاربناها معاك من اريتريا لما لما قلتوا لينا حاربوها هسع نقلبها ليه وانت فيها نوم في العسل واستمتع بالسلطه ونحنا راجعين نفلح اراضي المهدي ومنتظرين امتار ربنا في الجنه :confused: :confused: :confused: :eek: :eek: :eek:
تسجيل موقف : يا عبدالرحمن الصادق أنا كادر حزب أمه القومي وعضو هيئة مركزية بالحزب أعلن بالصوت العالي مصحوباً بقسم غليظ ، والله بموقفك المنبطح هذا قد سقطت من نظري إلى الأبد وأصبحت لا تساوي حبة خردل . ووالدك الإمام أيضاً في طريقه إلى السقوط المدوي إذا لم يراجع نفسه ويتخذ مواقف تتسق مع التاريخ الناصع للحزب .
التحية للماجدات الصامدات بنات الإمام مريم ورباح وام سلمة وإلى الخور يا عبدالرحمن وبشرى .
الذى تذوق مال السحت الانقاذى يكون بوقا قصبا عنه لاخيار غير التطبيل بالتهليل والتكبير وهى لله هى لله لا للجاه لا للسلطة وحزب الامة رئيسه عين الابن مع النفاقين من اجل تمكين الحزب بجزء مال الحرام لدعم الحزب المتهالك بعلم تام لكن نقول شباب حزب الامة موجودين سوف يفاجئون الصادق وهؤلاء النفعجية وقت الحارة والصادق من كتل حيله فى تغير النظام أتعرف هو خارج اللعبة ورجح مصلحته الخاصة والرجال مواقف وقت الشدة من الصادق ومن الكاذب مولى الادبار يوم الزحف عندما ألتقا الجمعان قال إنى أرى مالاترون وفر هاربا عن القوم
وولد الصادق لايستطيع فعل شيىء مهما مسك من ملفات يريدون توريطه فقط يكون شارك فى القتل والتعذيب لو جاء متأخرا .. شارب المرق . وأكل اللحمة كلهم شركاء فى جريمة السرقة…
عبد الرحمن الصادق انت الى الان ما تزوجتا ولا منتظر الى ان تحكمنا حتى تتزوج عرس بسرعه عشان فى السودان مافى ربيع نحنا عندنا كتاحه وخلاص وصلت
نحن عندنا راى فى جدك المهدى الكبير انت شنو
تصوروا كيف يكون الحال لو ما كان حكمونا الاتراك و من بعدهم الانجليز فترة المهديه اسقطناها من حياتنا و تاريخنا و ارسلناها لسلة المهملات بمفهوم اليوم ولمزبلة التاريخ بمفهوم الامس
كيف يقول (ان الحريات افضل من مصر وتونس)وهل هناك حريات بالاساس
اين محمد حسن عالم
اين صفية اسحق
اين لبنى حسين
اين ابراهيم السنوسي(رغم انه وشيخه من ولد هذه المحن)
اين عبدالمنعم رحمة
واذا تساءلنا عن المفقودين من بداية الانقاذ ستصعب مهمة الحصر بل اسهل ان تحصر غير المفقودين
اعتقد ان الصادق المهدي بارك خطوة ابنه هذا ودعاه للمشاركة في السلطة لانه ادرك انه اصبح شيخا هرما وربما محتضرا وايقن ان الموت ات لا محالة ، لذلك لايريد ان يخرج من السلطة ولابد ان يكون هناك شخص يمثل الاسرة ، والبنات لن يستطعن حمل المجد
ولذلك حاول ان يلعب على اثنين ابنه في السلطة وبناته في المعارضة حتى يرضي الاطراف كلها
وهذا ديدن الصادق وعيبه
صحيح انه سياسي مخضرم وديمقراطي عريق ويعرف الكلام جيدا ولكنه دائما ما يكون في الوسط ولا يحسم الامور في المواقف التي ينبغي ان تحسم فيها
ومشاركة ابنه اكبر خطا ارتكبه
كان الافضل ان لا يقال انه هادن السلطة التي قلبت عليه الطاولة
ولكن هذا عيب الساسة القدامي
لذلك يجب ان نفكر مليا في دماء جديدة وافكار جديدة واحزاب جديدة وقيادات كارزمية بدلا عن الديناصورات امثال الصادق والميرغني والترابي ويجب ان يذهب هؤلاء الى المتاحف
50 سنة ما اتزوجت عاوز تزوج الان – حليلك
أسمع شريكة حياتك دة موضوع بيخصك
نحن دايرين نعرف شنو برنامجكم الإصلاحي لمعالجة الفقر والمرض وعدم وجود بنية تحتية للبلد وفشل الصناعة والزراعة والعطالة والمواصلات وعدم مناسبة الرواتب للحياة المعيشية والغلاء ورفع الدعم عن البترول وتفشي مرض الفشل الكلوي والسرطان وقلة الدواء وارتفاع اسعار العيادات الخارجية والمستشفيات الخاصة …………….الخ
اخيرا .. صرح السيد عبد الرحمن وليد السيد الصادق سليل بيت المهدي .. بانه لم يحدد شريكة حياته .. قف .. ما علاقة الشعب السوداني .. بانك تحدد او ما تحدد .. وصرح وليد المهدي ان الخيار امامه مفتوح .. قف .. فيا وليد المهدي .. لو تعلم .. المستوي الحقيقي لمقامك الان .. عند شعب السودان العظيم .. بعد انبطاحتك لملاقيط الانقاذ .. بسبب لهثكم نحو الدولار .. ما اظن ان الخيار بات امامك مفتوحا .. انما ضاق لدرجة انه اصبح .. ذي قد الابره .. فيا عبدالرحمن انت وصاحبك جعفر سليل بيت الرسول .. لم يأتي بكم الله سبحانه وتعالي للسلطة .. الا لتكونا كشواهد القبر .. في تربة اسرتيكما .. قف .. هل تعلم يا سليل بيت المهدي .. الان انت وامين حسن عمر وجعفر وليد المرعني .. اصبحتم .. من معشوقي الشعب السوداني .. وربنا اكذب الشينه .
عالج ابوك من الهستيريا اولا قبل مشاكل الجنوب
يا عمك بعد
يا حفظلمه القرمندلى-ذكرتنى حاجه النقولها ليكم
عن حفظلمه القرمندلى قيل انه أتى المرأة حتى اوركها =عمل ليها وجع وراكين يعنى= وجال فيها بالصيلم قيا ما الصيلم قيل هو الحكاك المكاك =من ماكوك= البكاك= من البكاء= الذى يحك ويمك ويبك فى الاطربنش قيل ما الاطربنش سؤالا عويص جعل الشيخ يجلس القرفصاء هارشا بقفاه ممسكا بعيسوبه وقال اتونى بالحشرج الفشرج=الدكشنرى بتاع قله الادب= ولما فقه الحاضرون اغمى عليهم وهم منتصبون — شفت لمن يقولوا ليك ياخ ده زول اطربنش ساكت معناها شنو
ولايهمك 50 سنه ومامعرس مامشكله فى ناس معرسه ليها 50 سنه وماعملت حاجه-
الصفوف تمايزت الان
وبعد ده هى ما فضل فيها شعب والا حتى سودان
اى واحد يشوف مصلحتو
يهم الشعب السودانى شنو من عرسك …………يا ناس المصالح صاهرتو عبد الرحيم محمد حسين اها المرة دى انت داير تصاهر منو يا جبنا النميرى يخوفكم وهسه ديل ارعبوكم خلو عندكم دم مصيتو دم الشعب السودانى وما اديتو اى حاجة كل ما تجى حكومة ينط ابوك يقول التعويضات ويشيلا ويتبوبر بيها و تكمل ويستنى الحكومة الجايه وهلما جر هسى انت داير تسوى شنو ابوك وجدك وجد جدك ما سوى شى داير تسوى شنو ؟ باين عليكم فلستو وعرفت الناس ديل ما ماشين بالهين يعن تعويضات قريب ده مافى قلتو اخير نسوى لينا ماهية
بعد
لمن نقول دولة الجلابة ارجو تاني ما اسمع من واحد كلام في حق الغلابى التابة المهمشين
نحن الان في سعينا الحثيث لهدم اكبر دولة عنصرية في العالم واحلال بديلها بدولة الهامش تسودها العدل والمساواة
للاسف العروبة حتدفع التمن خاليا في كل ما جرى للسودان قطر لها النسيب الاكبر ما تحفظنا لبعض العرب
الايام القادمة تحمل في طياتها مفجاااااااااااااااااات من الايار التقيل
رحمك الله رحمة واسعة يا امير المهمشين الشهيد د خليل ابراهيم محمد في جنات الخلد انشاء الله
سعاده العقيد عبد الرحمن الصادق المهدى زمز من رموز سباق الخيل والبولو والتنس .. ماذا تعرف عن الجنوب وكمان الحل بالمباصره انت قايل الشغله حله ملاح مساكين … الحكايه دى اكبر منك ومن ابوك الصادق الجعجاع …. الجنوب انت فاكروا لعب عيال تكون غلطان يا ود الصادق … بعدين بالله اسالك خبراتك شنو كان فى العسكريه كان فى السياسه … زول لحدى هسع ما تزوج يعنى ما يعرف يدير بيت الى الان هل فى استطاعته اداره ملف الجنوب .. احسن تشوف حصينك وخيولك البتعرفها
يا أبو عبده قصتك زواجك دي خليها بعيد من الاخبار العامة إن شاء الله بيت مال وعيال
خبارك ما فكرت في الزواج من زمان الا بعد بقيت مساعد للرئيس شكلك حسيت التونسية قربت وربنا يكفيك شر طائرات الهلوكبتر:crazy:
بعدين شاورت ابوك دي لو حبيت تشتغل مع نجار اطباخ بس انت رجل والرجال قليلُ
وعسكري مسعووووووول عن اشياء تهم البلد يعني لو عصروك في زنقة من زنقات عمك الغذافي ح تنتظر تشاور عمنا الصادق ابو نقه ولا تنظر مشور من زوج عمتك
والله لو على شورة ديل الاثنين يجبوا خبرك عشان يقعدوا في الكرسي يضحكوا بيك وبالخلفوك
قال السيد ود السيد بلادنا تختلف عن مصر وتونس ! ! ! هذه نفس العبارات التى كان يرددها السلف الخلوع والميت فعندما قامت الثورة فى مصر قال الرئيس مبارك مصر تختلف عن تونس اى بعيدة عن الثوراة وعندما هبت رياح الثورة على مصر واقتلعت جذور نظام مبارك امتدت بعدها الى ليبيا وعندها تشدق العقيد الهالك وابنه المتغطرس بأن ليبيا ليست مصر او تونس ولكن سرعان ما امتد تيار الثــورات وبقوة اكثر نحو ليبيا واقتلعت النظام من جذوره وقتلت طاغيته الظالم وبعض ابنائه واعتقلت ابنه سيف الاسلام المتغطرس وفر باقى العائلة خارج الوطن ناجين بجلودهم . وهاهو ود السيد الصادق يعيد ويكرر نفس العبارة بعد ان اجلسوهو على كرس المساعد ضمن مجموعة المساعدين بدأ يصرح بأن السودان يختلف عن مصر وعن تونس ! ! 1
عجبا لك ايها المساعد الذى اثبت فعلا انه اشبه بمساعد الحلة ( مساعد اللــورى) مع احترامى وتقديرى لمساعد اللورى والذى يأكل من حلال رزقه وهو اشرف من هؤلاء المستوزرين والجالسين بدون عمل على حساب المواطن الكادح والذى يدفع لهم من رزق أبنائه قسرا وظلما .
انتو عارفين العصاية الماديها ليكم دي اسمها شنو عند الجنوبيين ؟؟؟ والله اصلو ماحاتتخيلو ؟؟؟؟؟؟؟؟ كدى شوفو شكلها واسالو اي جنوبي من اسمها !!!!!
والله هذا المضحك المبكي .. نفس العنجهية والغش والخداع الذي اثروا به على حساب الغلابة والمساكين .. فمن كان يملك بقرة وااحدة يحرم أبنائه من حليبها ويهديها لسيده سليل الامام المهدى حتى تحل عليه بركاتهم !! أثروا واغتنوا على حساب جهل وسزاجة البسطاء .. وحتى الان كل حكومة تأتي كل ما ينجزوه للشعب السوداني هو تعويضات ال المهدي ويأتي اليوم هذا العبدالرحمن ليقول ان الحريات في السودان هي الافضل في المنطقة .. هل لانك اصبحت جزء من النظام تقول هذا القول ؟؟ وإذا كان السودان هو بلد الحرية كما تقول .. لماذا صدعتم رؤوسنا انت وأبوك .. تفتحون .. تشتتون .. تهربون .. ترجعون .. وللا عشان بقيت في السلطة وما محتتاج لتشتتون وتفتحون ؟؟ قال حرية قال .
اسمها (كتّاحة) السودان كما قال معلق سابق ، وليست (ربيعاً) يا سعادة العقيد .
ننصحك بأن (تعرّس) قبل (الكتّاحة) ..
يا سعادتك انت رجل عسكري و بتاع (جري) ساكت يعني ما تزيده وتقول بانك ستحّل مشكلة الجنوب الماحلوّها الكبار ، خليك مساعد ، خذ راتبك ، وفتش على (عروس) كوزة عشان تتّم المهزله .
يا سعادتك .. الامام الاكبر المهدي جاء من الهامش ليحرر المركز من الاستعمار واعوانه من (الجماعه) ، وانتم اليوم اصبحتم من الطبقة (الفوق) تمارسون البولو واصبحتم اسرة (ملكية) ، دخلت قصر (غردون) مساعداً في حكومة ديكتاتورية ، قاتلها الامام الاكبر ، و حفيده الامام الصادق لنحو 23 عاماً ، بالله لو عاد الامام المهدي اليوم ووجدكم بهذه الحاله ، ماذا كان سيقول ؟؟؟
ارى ان تصمت ، لان تصريحاتك وتبريراتك الفطيرة هذه لا تصب في مصلحتك ولا مصلحة والدكم الذي احرجته واحرجت حزبه الكبير .
وعاشت مريم
يا جماعة عبد الرحمن الصادق كلامه صاح فى حكاية الحريات دى دول الربيع العربى كان حكامها ما بيتغيروا لكن فى السودان بلد الحريات مما جات الانقاذ مروا على البلد تلاتة رؤساء منتخبين هم عمر البشير و عمر احمد البشير و عمر حسن احمد البشير!!!!!!! مش يا حضرة المساعد؟؟؟ ولا انا ما بفهم فى الحريات؟؟ ولا يمكن الحريات هى الكلام فى الجرايد و بيوت البكا و الاعراس و فى دار الرياضة و هلم جرا و ليست دولة المؤسسات و فصل السلطات(مش السلطات بتاعة الطماطم و العجور و الجرجير) و سيادة الدستور و القانون(مش الدستور و القانون الواضعاهم الحركة الاسلاموية) و حرية الصحافة(مش المراقبة بواسطة الامن بدل ما يراقبوا اولاد بمبة و الاحباش و بنى قريظة) و التداول السلمى للسلطة وفق فترة او فترتين للرئيس لا يترشح بعدها ابدا لان السلطة المطلقة هى مفسدة مطلقة؟؟؟!!! يا معلقى الراكوبة انتوا ما بتتفقوا معاى انه الانجليز طلعوا بدرى من السودان؟؟؟؟!!!!
عساكر الجيش بسمو ولد المهدى" المحموله سرجا" ودى ليها قصه: فبعد ارجاعه للجيش قال انا عايز امشى المظلات لانو تدربت على القفز فى ليبيا و وين …. قالوا ليهو اوكى!! واول دفعه للتدريب على القفز ودهوا معاهم. ولمن بداء القفز عمك بدا يولول !! انا التدريب بتاعى كان غير كدا !! المعدات مازى دى !!! ويتصبب عرقا.وهو الوحيد الذى لم يقفز واسالوا ناس المظلات. لذلك سمى ب " عقيد عبد الرحمن – المحموله سرجا" الصادق المهدى قال انا اولادى ما سحاسيح!! ووجودهم فى قياده حزب الامه بحقهم!! والله اولادك اكبر سحاسيح وانت اكبر اوانطجى كذاب.
فعلا الاخ فاضل الفاضل فعلا فى نلاس معرسه ليها 50 سنه وماعملت حاجه زى الرئيس الاطربنش -لكن ياولد الحبيب العرس ماداير ليهو عضلات ولا طحاشه زيك كده لكن انتو حلاتو ود سيدنا معرس ولاما معرس =وهو ذاتو وينو-
كدى النذكركم حاجة:
زماااااان ايام المعارضة انت و لا أخوك ما عارف قال : عقود النفط دى المفروض تتراجع و هى ما فى مصلحة البلد و كدا !
كدى حسى وكت الكراع جابتك القصر . . كدى أمشى على عمك الجاز دا خلى يونسك بالموضوع دا و لا أظنك تكون فقدت الذاكرة بعد دخلت جوووووة الجك !
لكن السؤال لشنو ؟؟؟ هو ذاتو البترول وينو حسى ؟؟؟؟
أكلو الدودو …….
يابخيت العفريت انت اطربنش ديه معناتها شنو –
يعنى هسع معناتو انو ولد الامام ده لحدى هسع عذراء-
بالفعل ,,, القلم عمرو ما بزيل بلم ,,,, والأنساب والرتب وحدها عمرها ما بتصنع راجل ,, قبح الله وجهك ووجه أبيك ومن ولاكم وأولاكم وأذلكم في الدنيا والآخرة ,,, هو القادر على ذلك وهو على كل شئ قدير ,,, لكن اللوم ما عليك ,,, اللوم علينا نحن ديل ,, البقينا هوان لدرجة انو واحد زيك لا يفقه في الحياة الا البولو والصرمحة يجي يأتمر علينا ,,,, الله المستعان بحق
ياشباب حكومة الانقاذ من الدهاء والخبث عينت اولاد الاسياد عشان لما تقوم الكتاحة يكونوا حماية لهم طبعا بواسطة اباهم والله ناس الانقاذ بيامنوا فى نفسهم وهنا الشعب الشعب السودانى بقول ليهم حديث الرسول (صلعى) اتشفع فى حد من حدود الله يازيد صدق رسول الله وفى قوله والله لو سرقت فاطمة بنت محمد لقطع محمد يدها عشان كدا كل من شارك فى الانقاذ واكل مال الشعب سوف يحاكم سوف يحاكم لا جدال فى ذلك بس ابقوا رجال واركزوا اليوم داك وما تجروا زى زين الدين بن على
وكشف أنه شاور والده ورد عليه «ربنا يوفقك»، الاسره عندها وهم كبير ومرض نفسي وفاكرين انو البلد دي حقتهم الصادق المهدي زمان اتصالح مع نميري وهسع كل مايفلس بعمل اتفاق مع الكيزان ويطول في عمرهم لااطال الله عمره
ياسلام…… بالله لو سكت ما أخيير …. اخخخخ:lool: :lool: :lool: :lool:
اشتروك بكم يا خائين جدك ؟
اصلو انحنا شعب وهم وما بنبقى غير الاسياد كلو واحد مننا عاملو سيد يقولو يمين يمين
شمال شمال من غير تفكير علشان كده انحنا لو ما تحررنا من هاؤلاء الاسياد وصار
سيدنا هو الله الواحد الاحد ما راح تقوم لينا قائمة
سيبك ياعبد الرحمن من قصة جنوب وشمال ونيل ابيض وكردفان والكلام الما جايب همو … وشوف موضوع العرس قبل الكتاحة… ولوشاورتنا .. أقع بنات النيل الازرق السمحات ديل .. القناة مش الولاية .. امانة ما إتلومتن يامريم ورباح سايبات سعادتو عزابي !!
تدرس ملف شنو ,ابوك سوف يسلمك ملف حزب الامة للعلاقات بين السودان وجنوب السودان.وكمان بقية المناطق نظام بخرة عشان تنجح وتعمل رصيد ليخلق لك موطء قدم مستقبلا فى هذا السودان لانه تاكد انو زمانو ولى .ما اختار ناس دكتورة مريم وهى مؤهلة الف مرة منك بس فى السودان المراة مراة ويمكن ود عمكم مبارك يقالعها.
داك كوم وسؤال انك للان تزوجت كوم والله!!!! مالك يازول؟ المال والنسب والجاه وبنات الاهل والسودان رهن اشارتك.