إمام مسجد الخرطوم الكبير: خياران أمام الحكومة إما أن تحكم بـ«الشريعة» أو تذهب غير مأسوف عليها
الخرطوم: حافظ المصري:
فتح الشيخ كمال رزق إمام وخطيب مسجد الخرطوم الكبير النار بضراوة في مواجهة الحكومة التي قال إنها لم تطبق شرع الله لأكثر من ثلاثة وعشرين عاماً وهي على سدة السلطة بجانب قيادة البلاد للذل والهوان والانكسار والضعف أمام دول البغي والاستكبار ودعوتها الأحزاب السياسية لاستشارتها في تطبيق أمر الله، لافتاً النظر إلى أن هوان النظام جعل الدين الإسلامي الذي نعرفه والذي تركنا على محجته البيضاء رسول الله الكريم صلى الله عليه وسلم لا نجده في حياتنا العامة التي باتت تبدو عليها السفور والمجون ، وفي ذات الوقت يحدثنا الحكام عن الدستور الإسلامي والنظام الإسلامي، وأضاف انتظرنا هذه الحكومة ثلاثة وعشرين عاماً لتطبق الشرع الإسلامي لكن دون جدوى مطالباً إياها بالكشف عن حقيقتها على الملأ إذا تنازلت عن تطبيق الشريعة وباتت نظاماً غير إسلامياً لتجد حينها أهل النخوة والمروءة والقابضين على جمر القضية يقودون حرباً ضروساً في مواجهتها حتى تفيئ إلى أمر الله وقال رزق خلال خطبة الجمعة هناك خياران أمام الحكومة إما أن تحكم بالدستور الإسلامي أو أن تذهب إلى الجحيم غير مأسوفاً عليها، واصفاً دعوتها للأحزاب لمناقشة الدستور الدائم للبلاد بالعبث والانبطاح واللولوة لأن الدستور الإسلامي هو القرآن الذي أنزله الله تبارك وتعالى فكيف نتجه لاستشارة بشراً في أمر إنزله الله وزاد يا للمهانة يا للذل يا للخيبة. وشن رزق هجوماً عنيفاً على قادة الدول الإسلامية الذين قال إنهم لم يحكموا شرع الله في الأرض ورضوا بالانكسار أمام سادتهم الذين وجدوا ضالتهم في هذا الهوان الذي لم يرضه الدين لأن السلف أرسوا قواعده على العزة والكرامة والقوة والمنعة، وتساءل رزق كيف لحكام المسلمين اليوم أ ينظروا إلى المآسي والمجازر والمذابح التي ترتكب ضد المسلمين في سوريا التي ذبح فيها الأطفال والنساء والشيوخ ذبح الشاة وتدك الطائرات منازلهم على رؤوسهم ولا يحرك ذلك فيهم ساكناً، وكل ذلك يحدث ومن يقومون به يدعون انتماءهم للإسلام الأمر الذي جعل أعداء الدين يقولون هل هذا هو الإسلام وهو برئ منهم.
آخر لحظة
وينك من زمان ياعمنا يارزق
احذرالناس ديل بكطعو الرزق
وما بطبقوها في شان ننسرق
وبيخطفو المليار لمحة برق
اقول لهذا الشيخ قبل ان تدعو الى دولة الشريعة اما كان اولى ان تدعو الى دولة المساواة الم تعلم ان الحدود عطلت فى فترة ما . قبل ان تدعو الى نصرة السوريين الا تعلم ان القتل والزبح الذى تتحدث عنة يتم باسم الدين باستيراد مقاتليين من كل الامصار التى تدعى الغيرة على الدين وهم ينفزون اجندات سياسية الغرض منها اضعاف الدين الذى اتى ليكمل مكارم الاخلاق حتى تتم السيطرة الفكرية علينا وفى سبيل ذلك يتم تجنيد وصنع شيوخ للفتوى يفتون بتحريم الحلال المتعارض مع الاغراض الدنيوية التى لا علاقة لها باصل الدين ينشغلون بالغشور ويتركون سماحة الدين الوعاء الجامع الذى ليجمع البشر حتى يقوموا بالدور الذى ختقوا من اجلة وهو اعمار الارض ليس دمارها بالحروب
يا رزق مصاريف النسوان التلاتة كترت عليك و لا شنو؟ يا دوب افتكرت انه الشريعة ما اتطبقت لمدة 23 سنة…ليه ما اتكلمت بعد ما مااتطبقت لمدة 5 سنوات او 10 ليه حسة؟ لانه الاسعار نار و الانهيار الاقتصادى يؤثر على الكيزان مثلهم مثل مواطنى السودان الشرفاء و بكرة ياما نشوف..و ناس الامن الواقفين ضد الشعب بكرة حيحنسوا الشعب عشان يثور…اكبر اخطاء الكيزان اللصوص انهم لا يقراون التاريخ وان قراوه لا يفهموه….تاخر الثورة شئ كويس عشان المؤتمر اللاوطنى يتأكل من الدخل و يتساقط دهاقنته واحد وراء التانى…اليوم قطبى المهدى و رزق و اسحق مسخ الله و بكرة تلحقهم البقية….
تأخر الثورة فى ضرر الكيزان… و كلما تاخرت بانت عوراتهم اكثر
دى خطبة تدخل بالأضان دى و تمرق بالتانية… هذا الإمام ألم يدرك كل هذه السنوات هل تحكم الحكومة بالشريعة أم لا؟… إنه إنما يلعب دورا لتهيئة الناس لجلد الثعبان الجديد.
ويا لسوء حظ السودانيين الذين هؤلاء علماء دينهم.
ألا يعلم الشيخ رزق أن هؤلاء مع شيخهم السابق قد تم تصنيفهم من قبل أربعة من علماء الإسلام بالعلمانية المتسربلة برداء الدين وذلك قبل عدة سنين.
من سيطبق الشريعة من هؤلاء وكبيرهم يرقص كالنساء مع الحسناوات وجميعهم يشارك بصورة أو بأخرى في حفلات الرقص والطرب
في لمحة غزل
ومجرد امل
اييييييه لازم الزعل ؟؟
ايه لازم الزعل يا عمنا رزق ؟؟؟يادوب صحيتوا من النوم !!!^_^
يا ناس الحكومة الحقو الزول ده بى حبة( رزق من فضل الله باما رزقتم به, والله لا يضيع اجر من احسن عملا )
لان الشيخ “كمال رزق” بقى ذى العربية جازه ناقص وبتقطع وعادمها مشروط ..
اصحى يا شيخ اتق الله – جماعتك في مجمع الفقه حللوا الربا – وانت ساكت – – ناس الحكومة ينشروا في الفاحشة ويوزعوا الواقي الزكري على طلاب الجامعات وانت ساكت – يعدوموا الصائمين دون محاكمة في العشر الاواخر تقربا للسلطة والشيطان وانت ساكت – الرئيس يرقص مع البنات وانت ساكت – بعد ربع قرن نقول ليه طبق الشريعة والله فوت – يا شيخ رزق البشير وجماعتو ابتلاء من الله ولا يزول البلاء الا بالدعاء فدعو معنا ان يخلصنا الله منهم بما شاء وكيف شاء
والله الكلام الذى جاء به الامام نسأل الله ان يجعله فى ميزان حسناته لانة جاء فى وقت حساس..لكن ما استوقفنى ذكره لسوريين ونسى او تناسا ما قام به هولا السورين انفسهم بدارفور وانسان دارفور وهم اول طيارين حامو بمقاتلاتهم المستأجره بسماء دارفور وفعلو مافعلو والله حسيبهم
معقول يا مولانا يطبقوا الشريعة الأسلامية ؟ هم مجانين . فى زول بيطبظ عيونه بى ايدوا . الشريعة بتحكم بقطع يد السارق. هل معقول يطبقوها علشان تقطع ايديهم ؟ الشريعة بتحرم الكذب والسرقة والتزوير و قطع ارزاق العباد وارساء العدل والمساواة بين العباد وحفظ كرامة الناس . هل هذا تم تطبيقه ؟ على كل حال تشكر على هذه النصيحة ولو انها جاءت متأخرة ولكنها افضل لا شئ وسوف تسجل لك فى ميزان حسناتك انشاءالله ويجب عليك الا تتوقف عن الصدح بقول كلمة الحق .
تصريحات قطبي المهدي …
والان تصريحات هذا الامام …
وانقلاب اسحاق احمد فضل الله علي بني جلدته …
كل هذا ما هو الا تفريغ متعمد وبطئ للكبت والضيق الذي حاق بالشعب السوداني حتي يتنفس ومن ثم
يرتاح قليلا …
لكي يتسني لاهل ( هي لله ) البقاء والمواصلة دون خوف من قادم مجهول
سبحان الله !!!!!
هاكم النكته دى ( مع الاحتفاظ بحقوق المؤلف )
طلب احد الدعاة الاسلاميين من جاره (مسطول ديمه محب للاغانى) بان يتذكر الله ويصلى ويترك ماهو فيه الآن!!
رد عليه صاحبنا بانه ترك هذة الامور منذ فترة طويلة وانه يصلى ..فرح الداعى وقال ليه لكن ماقاعد
اشوفك فى المسجد مع الجماعة ,ولا حتى صلاة الجمع ,, اجاب صاحبنا بانه يصلى كل الاوقات بالبيت …..ثم اردف الداعية قائلا اسمع الجمعة الجايه حاسوقك بعربيتى ونمشى بالمناسبة السعيدةدى للجامع الكبير بالخرطوم .
وبعد انتهاء الصلاة فى تلك الجمعة واثناء عودتهم فى الطريق سأل الداعية صاحبنا : بالله عليك الله اسع ما
حسيت بالفرق والمقارنة بين “كمال رزق” و ” كمال ترباس ” ؟ رد صاحبنا باختصار (ايوه)سأل الدعية: كيف
يعنى؟؟ رد صاحبنا :ياخى واحد شعبى والتانى حكومى ومافى فرق الاتنين بتاعين عدادات .
انته يا شيخنا لو بتفتش وظيفه فى ( المجلس الفقهى الجديد عشان زيادة المخصصات و..الخ )حتلقاها
بجداره لانك اخترته نفس المنهج الذى اتبعه قبلك عصام البشير ..( وله برضو حاطلع انا كضاااااب )؟؟
عمك الظاهر عليهو فلس …..
ربنا يطبق رأسك بالحيطة أيها الأفاق المنافق ، إنت بعد 23 سنة تطالب الحكومة بتطبيق الشريعة …. إنت كنت نائم الـ 23 سنة وين يا منافق يا ديوس ، إله يدمرك ويدمرك بشيرك ومن أتي بك إماماً في هذا المسجد، خلاص المدد وقف ، خلاص حزينتهم فلست والمعلوم بقى ما يصلك يا
أيتها الخطبة العصماء
جاياني بعد الليل دخل و أنا كنت راجيك الصباح
نعم يا إمام مسجد الخرطوم الكبير فنحن لا نقبل ما يدور في سوريا من قتل و تشريد و هدم لديار المسلمين و ترويع الآمنين و لكن أين كنت و أين كان لسانك حينما بطش القوم بمسلمين دارفور و قتلو و شردوا و قصفت الطائرات القرى أم أنك لم تسمع بكل هذا، إن أهل دارفور كانوا في أمس الحاجة لمثل هذه الخطب و قول الحق في تلك الآونة ، و لم لا أليسوا مسلمين كما أهل الشام
أليست دارفور تلك الأصقاع النائية من أكثر بقاع السودان شهرة بكثرة حفظة القرآن الكريم فكيف تصمتون يا أئمة المسلمين
سوف نقول أن الخطبة ليست عصماء و لكنها خطبة عوراء، و جات متأخرة
ان تاتي متاخرا خير من ان لا تاتي
يا شيخ رزق كنت وين عندما قتل هؤلاء الأنجاس المكانيس مئات الالاف من السودانيين في دارفور و ملايين في الجنوب و مازال الدم ينزف في جبال النوبة و الانيل الأزرق جراء ضربات الأنتنوف …..؟؟؟؟؟؟؟ أين كنت حبنها؟؟؟؟
الآن بدأتم تفيقون من السكرة ؟؟ لقد بدأ مفكركم غازي صلاح الدين الذي وصف قياداتكم بالأوغاد و ثم جاء مهديكم القطبي فوصفكم بالدواء الجديد الذي إنتهت صلاحيته؟؟ ثم تأتي أنت من بعدهم تطالبهم بتطبيق الشريعة أو فاليذهبوا إلب الجحيم غير مأسوفا عليهم؟؟؟؟
من أنتم بحق السماء؟؟؟هل تلك حملة مخططة لذر الرماد علي العيون بأن تهاجموا أنفسكم و تنتقدوها و كأنكم معارضون حقيقيون؟؟ من تخدعون أيها السفلة المنافقون؟؟؟؟ ألم تكونوا علي دراية بما فعلتم بنا ؟؟ لماذا بضطر الشباب إلي هجران ديارهم و أحبابهم؟؟ هل حبا في الهجرة كلا و الله بل هربا من الظلم و الضيم الذي يلحق بهم يوما بعد يوم؟؟
اللهم خذهم أخذ عزيز مقتدر بما فعلوا بنا؟؟؟
براحة كده وبهدووووء واحد يقول لينا يعني شنو تطبيق الشريعة عشان نفهم؟؟ لأنو أنا بستشف انو المقصود لبس النساء والجلد والعقوبات الحدية ” المضمنه اصلا في القانون الجنائي من ايام نميري”
هل نحنا متردين وراجعين لورا كده عشان الأزياء؟ ولا عشان حد الرجم؟ يعني الفينا ده سببو عقوبة ربنا علينا؟؟ طيب يا سادة ياكرام ليه ربنا ماعاقب ماليزيا؟ ولا تركيا؟ ولا مصر؟ ولا نسوانهم مستورات؟ يا ترى ياهل ترى اشمعنا نحنا؟؟ والناس العاجبهم نوع التدين ألفي السعودية يقولو ليه ربنا ماعاقب السعودية ولا السعوديين وهم بنوكهم ربوية يا ناس شيخ رزق يا ظراف أنتو؟؟
بعدين بروااااقه كدة قولو لينا كيف يكون القران دستور الدولة؟؟ والدستور بيحدد شكل الحكم وفصل السلطات ومسؤوليات مؤسسات الدولة واجل رئيس الجمهورية وكيفيه انتخابو وكيفيه عزلو ودور قوات البلد المسلحة والحقوق والحريات الدستورية، كدي عليكم الله قولو لي كيف نحتكم للقران عشان نجاوب على التساؤلات دي؟؟ وكيف يمكن ان ترفع قضيه لأنو حقوقك الدستورية هضمت والقران هو الدستور للدولة وفي عشرات التفاسير للقران يبقى القاضي ح ياخد ليك بياتو تفسير؟؟ واشمعني تفسير ابن كثير ما تفسير الجلالين ولا الشيخ الشعراوي؟
بعدين لناس الحكومة سؤال: الدستور الاسلامي ده زي دستور ناس منو في الكون ده؟؟ في ثلاث دول دينية في العالم ده ايران والفاتيكان وإسرائيل وان كانت الاخيرة بتدعي وبتتصرف كدولة مدنية وعلمانية في حاجات ودينية في حاجات تانية زي الهجرة وإيران عاملة ولاية الفقيه لكن شكل الدولة والنظام مدني ماخد كتير من العلمانية ولو اختلفتو معانا في التفسيرات ما مهم بس قولو لينا أنتو دايرين دولة دينية زي ياتو؟؟ ودستور إسلامي زي ناس منو؟؟ ولا تكونو فاكرين أنكم ح تقدمو نموذج جديد للحكم للعالم اجمع؟؟ بالله!!!! ما كفاية الثلاث وعشرين سنه؟؟
الشيخ متزوج 3 مايحمد الله نحن لي اسع وادي نجازف فيها ونلقط زي الجداد شبط شنطة توب ……………………………………………………………………………………………………………الخ
عندما ينعق هؤلاء البوم ويذكرون كلمة الشريعة الاسلامية,,اوقن تماما انهم يعنون سرقة المال العام والمنافسة في اكل السحت والانتهاك الواسع لحقوق الانسان والتبول علي حكم القانون
خلونا من الهوس الديني ده .. كدي ورينا البطبق الشريعه ده منو مايكون لص كافوري ؟
وبعدين اي واحد قرا ليه كتاب فقه يجي ناطي لينا بشعار الشريعه هي الحل .. يعني الشريعه حاتبقي زِريعه؟
حانكل شريعه وحانصدر شريعه وحانذرع شريعه ؟ كدي ورينا ياشيخ الهوس ماهو الحل الاقتصادي لمشاكلنا وهل ستقبل دين بالربا في ظل الشريعه؟
وماذا عن القروض الريويه هل سيمون لما غنا عنها في ظل دولة الشريعه ؟
كلام هوسي لايمت للواقع بصله
قبل الشريعه يجب اصلاح المجتمع واصلاح الاقتصاد وقبلهما يحب اصلاح السلطه
وقبل كل ذلك يجب ان تذهب طغمة الفساد والقتل والتعذيب التي تحكم لانها لاتصلح لاي اصلاح
سيدنا عمر عطل حد من الحدود في عام الرماده وانتو دايرن تطبقوها علي شعب نصه تحت خط الفقر
وخلونا من الهوس الديني الضيع البلاد وقسمهما وشرد العباد وبقي عندنا مايقوما وكوندومات وولاة زُنات
الشريعه ماهي الامطيه دينيه لاناس لايخشون الله
فى البداية يا شيخ خلى الرئيس وحكومتو يتوبوا ويغتسلوا ويطبقوا الشريعة فى أنفسهم أولاً ويرجعوا القروش السرقوها من المساكين وينصفوا المظلومين اللسع أحياء ويشوفوا طريقة تحلهم من ظلم الذين قتلوهم دون وجه حق ويرجعوا لينا أخلاق السودانيين قبل الإنقاذ، بعد داك تعال اتكلم عن دستور اسلامى وحكومة اسلامية.
وبعدين يا شيخ انت شغال شنو؟ يعنى تأكل وتشرب من وين؟ كدا راجع الحتة دى وادينا ليها اجابة.
خلاص لقينا الحل .. نخلى شريعة هيئة علماء السودان للتجارة بالاديان لاننا اكتشفنا بعد ربع قرن انها تايوانيه .. ونطبق شريعة كمال رزق لربع قرن اخر يمكن تطلع يابانيه..ونشوف النتيجه .. ما قلت لى ياشيخنا ندفع كم ؟
انت ياعمنا رزق شكلك شكلك صحيت متاخر لانو النوم الصحي التوم صاحي ليك وصابرليكم من 23سنة انشاء الله تكون صحية دايمة ما يدوك مخدات ومراتب وثيرة عشان تنوم فيها….
الحكومة فلست و قرطت شوية علي الشيوخ و الجماعة اتعصروا كل واحد عندو 3 او 4 نسوان و كمية عيال و السوق ولع نار — الشيوخ و علماء السلطان صحوا و تذكروا في حاجة اسمها الشريعة ليها 23 سنة ما مطبقة كويس — وقاموا هاجموا الحكومة و الحكومة حاتدفع ليهم غصبا عنها و حايسكتوا شوية و سوف تستمر اللعبة الي ان ترث الثورة السودان –لعبة الشريعة و الدستور الاسلامي يقت ما بتجيب دخل بعد انكشفت الالاعيب الكيزانية والشعب السوداني عرفهم حرامية و كضابيين ساكت — والحل يكمن في السودان الجديد الحر الديمقراطي التعددي والدولة المدنية دولة المواطنة ودولة القانون — الي مزبلة التاريخ يا كيزان السجم و الرماد .
الرسول الكريم محمد صلي الله علية وسلم قال في خطبة الوداع..اليوم أكملت لكم دينكم ..وأتممت عليكم نعمتي..ورضيت لكم الإسلام ديناً وقال أيضاً أوصيكم عباد الله بتقوي الله وأحثكم علي طاعته وأستفتح بالذي هو خير ..أما بعد أيها الناس أسمعوا مني أبين لكم فإني لا أدري لعلي لا ألقاكم بعد عامي هذا في موقفي هذا؟؟؟
مرت عليك الخطبه دي قبل كده ياالبشير ؟؟؟23 سنة تقتل وتعذب وتسجن وتغتصب وتسرق..إنته بتين تقول ليك خطبة وتعترف وتطلب الإعتذار والمغفرة من الشعب السوداني ..والإعتراف بالذنب فضيلة ..بس إنت وين والفضيلة وين؟؟؟ وخطبة أشرف المرسلين وين؟؟؟ فالح تناقش في موضوع توزيع الكوندوم لتسهيل عملية الزنا وتقليل إنتاج أبناء السفاح ..المهم إنت مسؤول عن كل إبن سفاح يخرج إلي هذه الدنيا .. توب إلي الله قبل أن تلحق صديقك ملك ملوك أفريقيا..يأسد العرب (بس أسد من كرتون)
يا مولانا شريعة انتقائية دى كيف!! واذا طبقت الصحيحة أولياء نعمتك ديل كلهم حيصبحوا معاقين, أصرف حوافزك و بطل الفلسفة.
شريعه التقوم ليك في راسك هو الناس جعانين وعينهم مارقه انت تقولي الحكومه تطبق الشريعه ام تمشي يا منافق خلااااااص يعني نحن مشكلتنا مع الحكومه
انها ما طبقت الشريعه يا جاهل البلد دي ما مسلمين فقط فيها ديانات تانيه وثوره حنه النصر ضد اي متاسلم باسم الدين
طوال مسرحية شاهد ماشفش حاجة كان القاضى الجالس على اليمين صامت ونايم تمامآ !!! وفى الفصل الاخير من المسرحية فتح عيونوا وقال لعادل إمام ( مع السلامة ياسرحان ) . ليرد عليه سرحان عبد البصير متعجبآ بقوله : أسف ياعم ما كونش قلقت منامك .!!!
أسفين ياعم رزق مانكونش قلقنا منامك .
اللهم فرج قريب من عندك
الله يكثر من امثالك يا شيخ قول الحق ولو مرة وكل من يبغض شرع الله منافق