وكالة الأنباء القطرية : مسؤولة سودانية تدعو الى ضخ المزيد من الاستثمارات القطرية في بلادها

يا وسخانة البلد بيعرموها اهلها موش بالشحدة يا عفنانة

المشكلة ان المستثمرين القطريين يعتقدوا باموالهم ان الاستثمارات تعتبر بمن فيها ملك لهم وان السودانيين الذين يعملون فى هذه المشاريع ما هم سوى عبيد عندهم ويريدون تسخيرهم كما يستسخرون النيباليين وهم الان مهددون من قبل منظمة حقوق الانسان

يا جماعة ما تنتقدوا الزولة دى ساكت!!!
السودان ما عنده امكانيات زى قطر ولو كان عنده اراضى زراعية وثروة حيوانية وانهار ومياه جوفية وغابات ومراعى وبلد كبير فى المساحة ومعادن وبترول كان نقول معليش لكنه بلد صغير فى المساحة والثروات الطبيعية وما عنده امطار ولا نهر واحد جارى فى ارضه زى قطر عشان كده لازم يطلب المساعدة من قطر يعنى ناس الانقاذ ديل يقلبوا الهوبة ويجيبوا ليكم نيل ازرق وابيض ونهر نيل وعطبرة وهلم جرا زى دول الخليج ؟؟؟؟؟؟
كسرة:السودان بلد صغير وقزم فى القيادات السياسية ورجال الدولة لكنه كبير فى المساحة والثروات فوق الارض وتحتها !!
كسرة تانية:السودانيين قبل الانقاذ او انقلاب الاسلامويين كان متجه للوحدة وحل المشكلة السياسية بحوار قومى دستورى ودولة الحرية وسيادة القانون من خلال حكومة الوحدة الوطنية القبلت باتفاق المبادىء بتاع الميرغنى قرنق يكون يا ربى الاسلامويين عملاء لاسرائيل وامريكا لانهم فركشوا وعطلوا هذا الحلم ولا يكونوا اقزام ودلاهات ومغفلين نافعين انا غايتوا ما عندى اى احتمال تانى غير كده ناس يخرجوا على اجماع اهل السودان ويعملوا انقلاب ويمزقوا البلد يكونوا شنو يعنى؟؟؟؟؟