اليوم مشيت السفارة السودانية في قطر بعد غيبة لتجديد جوازات العيال..وفجاة قالو لي في الكاونتر امشي للزول داك يصور الجوازات في المكنة دييك..واها مشيت صور لي شاب كده وفجاة قال لي جيب ٣ ريال..وقلت ليهو جدا حتديني ايصال او اورنيك فقال لي ببجاحة كده لللع.؟ اورنيك وايصال فيما معناتو بتاع فنيلتك…
قلت ليهو ايصال مافي..٣ ريال مافي…وطوالي قام الشاب بالخطوة السريعة مشي لموظف في الكاونتر قال ليهو الزول داك قال مابدفع…وقوووم يا الموظف ناديني وقال لي لييه يازول ماكو دفع وطبعا بغطرسة موظفي السفارات التاريخية ديك.
قلت ليهو ماني دافع يا زول لو ما اديتوني ايصال…عندكم ايصالات..؟؟
قال لللع …طيب بتوردو القروش دي لخزينة الدولة باي مستند وهل المكنة دي تبع السفارة ولا حقت ناس…في البداية قال دي تبع ناس جابوها عشان يخدموكم..طبعا سالتو عن كيفية محاسبة الناس ديل وتوريد قروشهم..والناس ديل منوو هم زااتهم وهل تم اعلان عطاء لهيك شغلة وكيف السفارة بتحاسبهم وحق السفارة كم…. المهم الضابط حس انو في خطر كوني..وفجاة غير افاداته وقال المكنة دي تبع السفارة واحنا بنحاول ندعم منها الخدمات..وكانت افاداتي ادعم الخدمات ولكن التزم بالايصال الرسمي مقابل هذه الخدمات وده مال خارج الدورة المحاسبية و لو جاك مراجع مالي للسفارة هل حتقدرو تحددو هذا المبلغ ..علما بان السفارة بجيها في اليوم ما لايقل عن ٢٥٠ مراجع ودي ٢٥٠ في اليوم ضرب شهر دي قروش كتييير بتمشي ووين يازول..كل ده قلتو وانا ستتوووو والزول نطط عيونو وانا متاكد ده لو كان في زمانات بشة كان لحقوني خاشقونجي وبالميت كدا اسعد التاي…
المهم ما دفعت ومشيت خلصت معاملتي ولمن جيت طالع الشاب الصور لي قال لي يازول عشان كركبتك دي خلاص بقيناها مجانا…
.
حسع ده ما الموضوع الموضوع الاساسي علي قولة عمر اومو قروش التصوير المن المكنة دي جات مشششششت وووين والبشيلها منوووو وبعملو بيها شنووووو وليه السفير يسمح بتحصيل رسوم دون ايصال رسمي…وعييييك…
وانا طالع قربت اقول لبييو واية كوركو بورااي يا ولاااد مدنيييياااااو
عبدالكريم الأمين
كل طواقم السفارات والقنصليات تحتاج الي الالتزام بموجهات العمل القنصلي وعمل سيستم لكل المعاملات.
والله العظيم يا اخوانا انا مشيت السفارة الفلبينية بالرياض كم مرة عشان اولادي بدرسوا في الفلبين وكنت بمشي بعمل ليهم إجراءات الفيزا والامر كان بتطلب تصوير بعض المستندات والبت البتصور المستندات قاعدة في الصالة بتاعت الرسبشن أول شي قبل التصوير بتديك ورقة صغيرة مكتوب فيها سعر التصوير وبعد داك بتمشي لاحد الشبابيك بتاعت المحاسبين وتدفع ليهو الريال ويعمل ليك إيصال وبعد داك بتمشي تدي الإيصال لبتاعت التصوير وبعد داك بتصور ليك المستند تبعك ……. شفتوا الكلام دا كيف؟؟؟؟ قال كفار قال. ونحن مسلميين!!!!!!!!!!!!!
طبعا دي روح الثورة الزول الايجابي يهتم بالتفاصيل الصغيرة لانو السودان كان دولة ملكية خاصة المخلوع الله لا يطراه بالخير
مخزن القروش في مخزن وشايل المفتاح دولة السودان الجديد لو عايزن تغيرو قفل الباب في السفارة تعمل ليهو عطاء دي دولة منهوبة
شكرا يا زول يا سوداني جبوبتي عندها مثل ا بقول المرواد هد جبل الكحل. والجماعة كانو بغرفو بي كواريك
والله أحييك يا أصلي…ياريت الشعب السوداني كلو يعمل كدة…قومو علي الزفارات السودانية في الخارج و علي كل المحليات و اللجان الشعبية و دواوين الحكومة في الداخل ، زلزلو الأرض تحت أرجل المنتفعين و الأرزقية الله لا كسبهم ، بدل اليوم كلو قاعدين لي في التنظير ، مدني عباس بقي وزير ليه ، و خالد سلك ما عارف سوا شنو و فلان قال شنو…قوموا أقلعو حقكم بيدكم و مارسو الفعل الثوري الحقيقي