يفتح الباب أمام تحويلات السودانيين بلا قيود. السعودية : سحب مشروع فرض رسوم على تحويلات المغتربين

ايه علاقة الخبر بالخطوط التونسية
ولا عايزين تقولوا يامغتربين لو حولتوا دولاراتكم حتركبوا التونسية
حلوه منكم ياادارة

دن نحول عبر البنوك
عشان نمشي بعد التحويل تقولوا عماة صعبة مافي وتدونا بالجنيه السعر الرسمي تلقوها عند الغافل

بالله ؟؟
والله ولا هللة .
أعطيتوا المغترب شنو عشان يحول لكم أمواله ؟؟؟

ولماذا تلتلة البنوك من مشوار للبنك في السعودية ومشوار للبنك في الخرطوم والصفوف وصورة الهوية وفي السودان دلع الصراف و قبح معاملته للزبون وطلباته التعجيزية ملي الفورم مكان السكن الرقم الوظني صورة القسيمة . محرد مس كول قروشك تصل اهلك وبسعر أعلى – اذا انتظرتو قروشنا سفتكم طارت يا حرمية يا نصابين

والله ما أحول على بنوك اللصوص أولاد الحرام ولا هللة واحدة

يا محكر انت جادي…ههههههههه …هو في حد بحول ببنوكم ؟ المشكلة ما في الضريبة ولا في الحصار . نحن فاقدين الثقة في النظام المصرفي السوداني , لأنكم لصوص وليست لديكم لا ذمة ولا اخلاق ولا دين.وممكن بكل برود تضعوا يدكم الا اموالنا وبقوة جبروت السلطة , ولقد حدث ذلك من قبل واستوليتم علي تحويلات مغتربي العراق والتي تم تحويلها بواسطة بنك النيلين اللملوك للحكومة من بداية التسعينات الي الان لم يستطيعوا استلام تحويلاتهم (الا اقصد التعويضات) فوالله والله حتي لو كان الاسعار لدي السوق الموازي اقل من اسعار مصارفكم لحولنا به لأنهم مضمونين

كلاب حرامية فوالله لن احول ولا هلله عبر بنوككم

زول بدقسو مافى يا نهابين يا نصابين بلا تحويلات بلا امتيازات بلا بطيخ دى اساليب وحيل لن تنطلى علينا ولن يحول لكم الا امثالكم يا سفلة

لايلدغ المؤمن من جحر مرتين.
تلقوها عند الغافل ياحراميه يا غشاشين…

مين هو المغفل البقوم بحول قريشاتو لوكر الذئاب وابن آواى ( الثعلب)
المغتربين ماوجدوا من هذا النظام البائس حتى طيب التعامل . وماهي الفائدة التي ينتظرها المغتربون من بعد التحويل الى بنوك الرماد ؟؟؟؟؟؟ بلد حتى الان تبخل على المغترب بمجرد اعفاء لعربة ( كركوبه) يكدح فيها لقوت عياله اذا عاد الى البلد !!!! فكيف يقوم مغترب بكامل وعيه ويمشي لاحد البنوك ويقف فى الصف مع البنغال والهنود فى بنوك السعودية بغرض تحويل قريشاته الى بلد معاملاتها المالية وسياستها الاقتصادية كلها تمشي على حل شهرها لارقيب ولا حسيب ولا قاضي يتنصر لمظلوم !!!!!
قد يوجد بعض مغسولي الادمغة من اتباع مايسمى الحركة الاسلامية ، هؤلاء قد يقوموا بالتحويل عن طريق البنوك للسودان لانهم من حظيرة الجماعة ولذلك سيتحصلوا على الاعفاءات والحوافز من نظامهم لان المواطنة فى السودان اصبح شرطها ان تكون مقيد فى سجلاتهم التعيسة ….. فهنيئا لهم ….

مازلت أتذكر ذلك المغترب المريض المصاب باكتئاب شديد في احدي مستشفيات الخرطوم عام 1998فقد ضاعت تحويشه العمر في مشروع للامن الغذائي، فقد أوهم الوفد الحكومي المغتربين في الخليج بفيديو مفبرك حيث مضخات المياه والترع المشقوقه والأرض الخضراء واكلوا أموال الناس بالباطل وتعثر المشروع
الغريب في الأمر اني صليت في احدي المساجد منذ 5 سنوات خلف أحد هؤلاء الحرامية الم يسمع هذا الإمام المزيف قوله صلى الله عليه وسلم عائشة رضي الله عنها، قالت: سمعت النبي صلى الله عليه وسلم في بيتي هذا يقول: ((اللهم من ولي من أمر أمتي شيئاً فرفق بهم فارفق به، ومن ولي من أمر أمتي شيئاً فشق عليهم فاشقق عليه)).

أيها المغتربون لا ينضحك عليكم بالكلام المنمق.ده من الأبالسة ديل ..

(خطوة تفتح الباب واسعا أمام تدفق تحويلات المغتربين السودانيين الى مختلف البنوك السودانية ، بلا قيود ، في ظل الرفع الجزئي للعقوبات الامريكية ).

لاحظوا ..الرفع الجزئى للعقوبات الأمريكية ..ده ولسه ترنوبى ما قبل عليهم حسي مشغول بجدار المكسيك ..والله يقبل عليهم يخلى ريحتهم طير.. طير.. زى ما بتقول حبوبتى الله يرحمها ..وبعدين إنتوا لو حولتوا قريشاتكم إلا تِنكتح ليكم .تِريبة..

سأحكى لكم واقعة حقيقية حصلت ..أسرة عندهم إبنهم مغترب جاء ومعاه دولاارات والبيت فيه خدامة حبشيه سرقت منهم ألفين دولار وإدعت المرض ومشت منهم ..لحسن الحظ عندهم تلفون أخوها ..إتصرفوا بذكاء إتصلوا عليه عشان يجى يستلم مرتبها كأنه ماحصلت حاجة ..جاء أخوها سلموهوا الشرطة وجابوا أخته إعترفت بالسرقة لكنها كانت إتصرفت فى مبلغ 300 دولار ..ولما رجعت باقى المبلغ ..الشرطة سلمت المبلغ ليهم بالجنيه السودانى والمغصة بالسعر الرسمى ..قال إيه ممنوع تداول الدولار حسب القانون ..

ياربي لما لقوا دولارات ويوروهات ناس قطبى المهدى والراجل بتاع بنك السودان صابر ولا إسمه مين هل الشرطة أدتهم ليها بالجنيه السودانى حسب القانون ولا لصوص الحكومة عندهم قانون براهم ..

أى زول مغترب يبقى عشرة على قريشاته إنشالله يدفنها فى الأرض لكن يحذر من الوقوع فى شراك النصابين ديل..وأعذر من أنذر

ما الذي يخليك لا تحول قريشاتك إذا كان التحويل مجانا والسعر تمام كالسوق الجوزي تماما
وانت تعلم أن الريال أو الدولار ماشي في نزول رويدا رويدا.
ما الفرق بينك وبين البنقال أو الهنود ي عديم الإنسانية.