فتاة تدعى تخديرها و اختطافها ببحري

ياناس فهموني دي بس
ومن ثم تحويلها الى قسم النساء والولادة لتوقيع الكشف الطبي عليها بواسطة الطبيب المختص هم مالهم ومالها تكون حامل ولا ماحامل الاخصهم قضية الاختطاف ولا شنو ياجماعه

هى البنت ليه تركب مع أى أحد ,, ؟؟؟ هذا حرام ,, لانه غير محرم لها وليس عليها أن تركب معه مهما كانت المبررات ,,

المشكلة مش انو البنت تركب براها مع زول ما بتعرفه, المشكلة صارت حتى فى المواصلات العامة.

ودى قصة شاهدتها بنفسى لشاب ركب بص سفرى من مدنى متجه الى الخرطوم … عند وصول البص للخرطوم

نزل كل الركاب الا هذا الشاب واتضح انه فى حالة غيبوبة. المهم نقلناه الى اقرب مستشفى وتم اسعافه

ليتضح بعد ذلك انه تم تخديره بواسطة شاب جالس بجواره. الشاب ده حكى القصة التالية: ركبت البص

وكان بجوارى شاب , فجاة جاتنى غفوة ورحت فى النوم وما شعرت الا بالشخص الجواره يهز له اكتافه و

يمد له كوب عصير وقال ليه الكمسارى وزع اكواب العصير ده على المسافرين …وصاحبنا تناول الكوب

وابتلعه عن بكرة ابيه والعصير كان لذيذ جدآ و اشعره بالانتعاش وبالاحلام السعيدة . ولما استيقظ لقى

ليك نفسه ممدد على فراش ابيض وكل الحوالينه لابسين ابيض وفى سيور ووصلات مربوطة فى اياديه… نعيم

بالجد… طبعآ صاحبنا فقد كل محتويات الشنطة بتاعته وحرم بعد داك انه ما يشرب عصير طول عمره .

اشرب عصير ورقصنى يا جدع !!!!!!!