أسعار جديدة مرعبة للدولار والريال
لليوم الثالث على التوالي واصلت اسعار الجنيه السوداني في التدهور وظل سعر الحافز الجديد مصدوماً وواقفاً في السعر الجديد الذي حدده بنك السودان للدولار وهو 15900 وظل قادة نظام البشير ينتظرون المغتربين للمضي بهمة ونشاط لتحويل مدخراتهم أو مبالغ المصاريف التي ترسل الى أهلهم أو لأغراض أخرى ، وكان قادة نظام البشير قدروا تحويلات المغتربين بعد السعر الجديد بـ 6 مليار دولار .
ومساء الاربعاء قال أحد تجار العملة للراكوبة أن سعر الدولار يتراوح بين 19000 و19100 جنيه وسعر الريال السعودي 5000 جنيه.وذلك حسب الكمية والتاجر.
أخونا الزول وجه نداء للمغتربين مايحولوا أى حاجه
يا الزول انت مو مغترب ولا شنو
قلنا ليكم قبل كده
اكثر من 50% من المغتربين لا عمل ولا دخل لهم
اكثر من 75% من ال 50% العاملة دخلهم لا يتجاوز كلفة المسكن والمأكل فى الإغتراب
بقينا على 25% من الـ 50% ديل عبارة عن طبقة الأطباء ( درجة إستشارى وأخصائى أول ) المهندسين ( درجة مهندس إستشارى أو مهندس مدير مشروع ) ديل فى الغالب اعمارهم كبيره وبالتالى ابنائهم كبار فى السن ( ما بين جامعى وما فوق الجامعى ) هذه الطبقة لها اهتمامات بعيدا عن السودان حيث أنهت منذ عقدين أو يزيد تأمين قطعة الأرض وتم بناء البيت فى السودان وهو ما بين مسكن مستأجر أو مسكن مغلق وعليه حراسة دائمة
قلنا نظام الأنقاذ اتصل بجماعته المغتربين وقال ليهم تعالوا نطبق تعاليم حسن البنا فى بناء دولة التمكين
جاءوا زرافات ووحدانا ناس الطيب مصطفى خريج معهد الأتصالات اللاسلكية دبلوم سنتين من فنى اتصالات بالأمارات الى المهندس الطيب مصطفى خال الرئيس مدير عام التلفزيون ثم قفز واصبح يملك صحيفتين الإنتباهة والصيحه وكمان معاها حزب
التسوي كريت تلقاه فى جلده
ارادوا ضربنا فشردونا للخارج واحضروا جماعتهم للداخل
جماعتهم أكلوا الأخضر واليابس ولمان جاعوا بقوا ينبحوا نبيح الكلاب يلا يامغتربين حولوا اموالكم
ونحن بعدما نسدد رسوم تعليم الوليدات واكلهم وشرابهم يادوب يبقى لينا حق الفول والتميس
يلا فارقونا وشوفوا غيرنا والله نحن لن نحول للسودان فلس ونعد فى عيالنا للدراسات الفوق الجامعية ونمشى نشوف لينا بلد تانى غير السودان – السودان خلاص انتو انتهيتوا منه – لكن لو ربنا قال لها كونى فكانت وزلتم نهائيا ولم يبق كوز فى سلطة وقتها اولاد السودان حيظهروا والتحويلات للبنوك السودانية ستنهمر ونعيدها سيرتها الأولى
عارفين لو المغترب حول لأسرته مصاريف بالسوق الأسود أسرته تستلم القروش فى نفس اليوم وهم قاعدين فى بيتهم
لو حولها عن طريق البنك يمشى البنك يقولوا ليهو السستم اوف بكره الكهرباء قاطعة عشان يدخلوا معها جمعة وسبت التحويل البيدخل البنك لا يصرف الا بعد مرور اسبوع او اكثر عشان تتجمع لديهم اموال يحركوا بيها دواليبهم المعطلة
قالوا المنصورى قاعد فى الأنداية بيشرب ليهو فى مريسي حدث كسوف للشمس الناس كلهم خرجوا من الأنداية يشاهدوا كسوف الشمس الا أخونا دا يشرب عبار ورا عبار
جات ست الأندايي وقالت ليهو هو يا أمحمد القاعد ليها شني الشمش كسفت
قال ليها ما من فعايلكن عشان بتزيدن المريسي مويي
هسع يا الكيزان ما من فعايكن ما خليتوا شىء يغضب الله الا سويتوه
نحن كمغتربين ما بنشارك فى دعم النظام بتحويل بنتعامل مع تجار من سنين يرسلوا لنا مصاريف لاولادنا حتى ولولم يكن معنا فلوس الى حين صرف الراتب والتسديد اذا كان بتعاملو بهذه الطريقة ما بنحول ليهم قال سعر حافز حافز ايه البتكلموا عنة هم عارفين للمغتربين حاجة عشان يحولوا ليهم شوف الدول الاخرى بتهتم كيف برعايها لو عندك مشكلة ما يحلوها ليك كان الامر لايعنيهم
المغتربين ساقوا اهلهم معاهم يا قادة حكومة عمر البشير و القاعدين فى السودان قالوا لاولادهم ما تحولوا لينا و لا دولار أو ريال او يورو بنباصر حالنا بطريقتنا و لو نفوسكم ما سمحت ليكم و عايزين تحولوا لينا ما تحولو بأى عملة أجنبية حتى لو كانت ليرة او روبيه هندية حاولوا حولوا بالجنيه السودانى حتكون العملية صعبة شوية و لكن جازفوا بأى طريقة ان تحولوا بالسودانى و بس.
يا ناس الراكوبة والله صورة الدعول الدلاهة دا تفقع المرارة أكتر من الدولار ، يعني نحنا تبقى علينا ميتة وخراب ديار ، غلاء وبهدلة وبشتنة وحالة ما معقولة وندخل الراكوبة عشان نفرق شوية نجي نلقى صورة النصيبة دي معلقة في وشنا ، يعني انتو دايرين تكرهونا فيهو زيادة؟ كان كدة أطمئنوا لأنه كرهنا فيهو زاد وفاض وعم البلد وخارج البلد.
قال منتظرين تحويلات المغتربين قال … هههههههها … يلقوها عند الغافل
والله لولا الأهل لما أرسلنا ريال للسودان لأننا نعلم أيضاً أن تجار العملة والسوق الأسود خارج البنك هم نفسهم ناس الحكومة, ولو ما كانوا ناسهم كانوا قبضوا عليهم….لكننا مضطرين نحول بواسطتهم.
حول يا مغترب دولار…واحصل على دولارين مجانا….قال دى سياسة اقتصادية قال
بسم الله الرحمن الرحيم
نداء الى كل المغتربين
1/ لا تحول اى مبلغ بالطرق الرسمية ( أعلم ان ذلك يساعد على بقاء النظام الفاشل وكل ما تقوم بأرسالة ليذهب لجيوب اعضاء المؤتمر الوطنى وبالتالى فأنت تشترك فى معاناه أهلك بالسودان .
2/ حولو مصاريف أهلكم فقط عن طريق تجار العملة وان أستطعتم فلا تنسو الأقارب والمحتاجين .
3/ من يستطع منك ان يرسل اى كمية دواء وخاصة الأدوية المنقذه للحياه .
4/ الواجب أن تساعدو أهليكم وليس النظام الفاشل .
5/ انشاء خلايا سرية فى كل منطقة لدعم المحتاجين وكل من يعرف أهل قريته أو حيه او فريقه
بارك الله فيكم
بدأنا والحمد لله فى أنشاء هذا الكيان بالمنطقه التى نعمل بها غرضها أولا واخيرا دعم الفقراء والمحتاجين والمرضى
خلاص كبرت وبقيت 19جنية
عمر الزهور
عمر الفلس
عمر المنى
اتمنى يوم ترجع لي جنية
يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس مهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
نرقص نتعالى ونتشابا
على ظهر الغلابة
على كتف التعابة
ونقيف في راسا
وبي هتافات البساطة والسذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
بس مهم وفي الاساس
هم راس ونحنا ساس
وناس وناس ما سواس
شبت الحريق في كل ناحية
والحروب من كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مافي حاجة
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكرىات واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
شعب صاحي
شعب راصد
شعب صابر ما هو فاتر
ولو الصبر لحدوده فايت
لا بجادل ولا بفاوض
يبقا مارق كل سارق
ويبقا راكز كل معاكس
يبقا واقف كل خايف
يبقا طالع كل بالع
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عاي
كسح ..مسح…قِش شديد لكن
مزيدا من الطين ياالاهي..
نحن في السودان الحكومة ذالانا * وان مشينا بعيد برضو لاحقانا
الحكومة دي خلااص رمت اخر كرت عندهاوالشعب السوداني ليس له ما يخسره بعد تنصل النظام عن المواطن تماما يعني بعد دا الايرفعوا الدعم عن الكفن لو انه موجود اصلا .وعلى غرار نظرية الدفاع بالنظر لفيلسوف الانقاذ (اللي بالي بالك).لااشك مطلقا في ان تخرج الينا نظريات مشابهة كنظرية (الشبع بالشم – والعلاج بالهواء-والتعليم بالنية)……..
هم لسه مفتكريين الناس واقفه معاهم زي اول ما عملوا انقلاب في 89
على قول اخونا خلاص لموااا الكراسي
ليس هنالك مشكلة فالجنيه صار مليما
اصلا لعنة البشير لحقت حتى السودانيين بالمهجر فليس هناك دولار ولا ريال .
الجماعة قاعدين يسافروا وهم الخلو الدولار يطير لانهم لموا الدولارات عشان يبدلوا القروش العندهم لازم يتمنعوا من الخروج من البلد لانها خلاص كتمت والشارع لن يتوقف عن الغليان
الكيزان ديل في قمة السذاجة
عاوزين المغتربين يحولو عشان يستفيدوا بعائدات التحويل ويدعموا بيها المليشيات ويذلوا بيها الشعب
الفيكم اتعرفت يا سجم الرماد !!!!
يا ايها المغتربين ندا لا تحولو ولا قرش بالقنوات الرسمية اتضح انه المغتربين قروشهم هي الممشية البلد وعائدات البترول وغيرو وغيرو كلها ماكلينها هم في بطونهم ان شاء الله تولع في بطونهم نيران جهنم الليلة قبل بكرة
معقولة ياكوز عاوز الشعب يدعمكم عشان القروش دي تقتلوهم بيها وتضربوهم وتزلوهم وتودوهم شمال ويمين ؟؟!!!
دقستو يا كيزان ارجوا الراجيكم بس ايام معدودات وسترون
الشعب فقد المصداقية في الحكومة لو كانت صادقة والله كان المغترين كلهم حولو
من الجنية كان بساوي ألف مليم…المليم كان محترم وجميل وعندو قيمة…
حسي شوف الجنية ده عامل كيف… كوز بس…!!! والعياذبالله
الجنيه الكوز ده واقع بمعدل ألفين جنيه في اليوم من يونيو1989م…
لو راكبو الجِن ما ممكن يقع كده…
من الجنية كان بساوي ألف مليم…المليم كان محترم وجميل وعندو قيمة…
حسي شوف الجنية ده عامل كيف… كوز بس…!!! والعياذبالله
الجنيه الكوز ده واقع بمعدل ألفين جنيه في اليوم من يونيو1989م…
لو راكبو الجِن ما ممكن يقع كده…
الحكومة اذلت المغترب ايما اذلال فى منافذ الدخول والخروج . وفى منافذ الخدمات ومارست عليه التمييز فى كل شى حتى تعليم ابنائه ولم تراع انه يضحى بعمره من اجل اعاشة على الاقل ثلاثة اسر داخل السودان نيابة عن الحكومة ( امه وابيه واخوته * اسرته الصغيرة * واخته الارملة او المطلقة او الفقير زوجها * ثلاثة اسر على اقل تقدير نيابة عن الكيزان . ثم يجحدون ويهينوه بدل تكريمه
هل توجد طريقة للتحويل الرسمى للسودان .
والله حكومة غريبة دى .
المقاطعة تشمل التحويل للسودان _ يعنى أى شى ما يدخل السودان .
البنوك والصرافات فى كل العالم لا تقبل أن تقوم بالتحويل للسودان .
ممنوع بواسطة المقاطعة العالمية الامريييييييييييييييكيييييييييييييية .
لأنه الحكومة مغضوب عليها لمصلحة الشعب السودانى .
والحكومة عارفة كدا .
والمغتربين عارفين إنه أى تحويل بواسطة القنصليات معناها القروش ما حتروح لمصلحة الشعب السودانى .
فالقروش حتروح لحسابات الكيزان فى حساباتهم خارج السودان .
أو لشراء موادهم من الخارج ثم تسديدها فى السودان دا لو سددوها .
أنا مستعد أحول للسودان بالرسمى لو دليتونى على بنك أو مصرف رسمى فى أى بلد يمكنه التحويل للسودان .
دايما تأتى من الحكومة طلبات ومقترحات لذر الرماد فى العيون – زى طلب التحويل عبر القنوات الرسنية .
وهم يعرفون أن لا تحويل للسودان – لكن فرصة وكأنهم لا يعرفون هذا – ليقولوا بأن
المغتربين لم يحولوا للسودان بالعملة الصعبة – لذلك يا شعب السودان نحن لا نملك عملة لدعم المشتريات التى تسوتورد من الخارج – قمح أدوية وخلافه .
هذا وحرى بهم أن يذكروا السبب الئيسى : وهو المقاطعة التى تسبب فيها هذا النظام الفاسد ورئيسه المطلوب للجنائية .
ههههههه والله ما خليتو لينا حاجة نقولها ، بس اضافة حتى فى التحويل اتأكد انو البتحول بيهو دا بتعرفو كويس ما يكون منهم .
اها يا اهلى العزاز نحن بنقدر على العلينا هنا انتو اقدروا على العليكم هناك
دا ما خلاص ماشي للعشرين.زنقت .
الجنيه السودان يذكرني باغنية امريكية قديمة لااستحضرها الان ولكن احد مقاطعها يقول i am going down وبكرة 20 جنيه وعيييييييييك
هههههههههههههههههه هى القنوات الرسمية دى وينا؟؟؟؟؟؟؟؟؟؟؟؟؟؟؟؟؟؟؟؟؟
لا مفر لهؤلاء اللصوص النهاية قربت وهم من تسبب فى دمار الدولة
الدولار الريال اليورو وغيرهم لا سبيل لهم الا بالانتاج والتصدير والعلاقات المحترمة
مع دول الجوار وغيرها والان لايوجد قطن ولا صمغ ولا سمسم ولا حتى بترول عشان كدا مافى حل ومال المغتربين بقى مستحيل خليهم يجيبو القروش النهبوها من الشعب وهربوها برة ولا حول ولا قوة الا بالله