شيرين لن تعود للخرطوم ولو غنت لدارفور و أطفال السرطان .. البرلماني دفع الله حسب الرسول :نتمني إيقاف أغاني وأغاني في رمضان .!
الخرطوم :محمد شريف :
أعلن دفع الله حسب الرسول البشير، النائب البرلماني وعضو لجنة العلاقات الخارجية بالمجلس الوطني واستاذ التربية بجامعة افريقيا العالمية مواصلته في الامر بالمعروف والنهي عن المنكر بالسودان،وجدد التزامه بمنع دخول اية فنانة الي البلاد لاقامة حفلات ساهرة راقصة وسفر اية فنانة للغناء باسم السودان في المحافل الدولية، مبينا ان البلد في حالة حرب وتعبئة واستنفار،وقال في حوار من داخل قبة المجلس الوطني ينشر يوم غد الجمعة ان الفنانة شيرين عبد الوهاب لن تغني بأرض السودان حتي لو كان عائد الحفلات المادي تستفيد منه قري دارفور او اطفال السرطان لان الله طيب لا يقبل الا طيبا و لايقبل حتى حج وتلبية المسلم الذي يحج بأموال غير مشروعة ،ونفي دفع الله ما صرحت به شيرين لوسائل الاعلام العربية عن تأجيل حفلها باستاد الخرطوم الي وقت اخر لاسباب امنية، وقال ان شيرين تم منعها رسميا بإجماع رئيس واعضاء البرلمان ووالي الخرطوم، مبينا ان وصولها للخرطوم كان سيؤثر سلبا في معنويات الجيش السوداني الذي يقاتل الاعداء في هجليج مشيرا الي محاسبة كل مسؤول ساهم في تسهيل اجراءاتت دخولها للبلاد عقب الفراغ من الحرب، موضحا ان المغني زرياب كان سببا في سقوط الاندلس وكوكب الشرق ام كلثوم كانت سببا في هزيمة المصريين امام اليهود، ودعا قناة النيل الازرق الي ايقاف بث برنامج اغاني واغاني في رمضان. وناشد دفع الله حسب الرسول، الشركات الكبري بسحب صور النساء من الشوارع الرئيسة والاعلان للسلع والبضائع المختلفة بطريقة اسلامية ونصح الشباب بضرورة اكمال نصف الدين والتعدد في الزيجات التي تخرجهم من الفقر الي الغني، وشدد على ضرورة ايقاف الورش والندوات التي تنادي بختان الاناث، متهما الامم المتحدة بتمرير قانون سيداو بالقطاعي ومحاولة مساواة المرأة والرجل في الميراث، وقال في سؤال حول مدي تطرفه وانتمائه الحزبي والطائفي انه مسلم يأخذ من ايجابيات السلفية وانصار السنة والصوفية والحركة الاسلامية والمؤتمر الوطني .
الصحافة
ياخ كلام جميل ونوافق وبشدة لكن اخ دفع الله مازنب اهلنا فى الجموعية رشحوك لفترات وفترات ولم يروا منك شى تفعله لهم وهاهى منطقت الجموعية تذهب فى مهب الريح لل مشروع قام ولا مدارس ولا مستشفى قام فى المنطقة اليس لهذا السبب رشحك اهل الجموعية ان تغيس الملهوف وتهب فى نصرة المحتاج اصبحنا لاحول لنا ولاقوة اهل الصالحة يموتون بسبب الكسارات فى جبل طورية باالسل والالتهابات عموما منذ سنين هل تعرفهم وهم رفعوك على الاكتاف واتو بك الى قبة البرلمان والشباب الذى تتحدث عنه اولى لك فاولى الاقربون هم اولى بالمعروف اكبر عنوسة على مستوى الولاية فى منطقة الجموعية والتهميش من قبل حكومة الموتمر الوطنى عانى منه ابنا الريف الجنوبى اعمل ولو شيا واحدا لاهلك والتفت الى قضايا اهلنا الجموعية ولنا فى صالحة اكبر قضية ومشكلة حقيقية ارجو منك ان تتصدا لحلها ان كنت تستطيع
حسبنا الله ونعم الوكيل …… امة تشوف في الفيل وتطعن ضلو
يا عمي والله انت ما جايب خبر فناناتنا كل يوم في بلد ثاني – بعدين يا نائب يا محترم انت ما تجاهد في اكل العيش وتقيف ضد الزيادات التي لا يستطيع المواطن تحمل اي منها (يعني فلاحتكم في الفنانات بس) يعني انت تقبض بالملايييييين وما فارقة معاك زيادة الاسعار وتصفق مع المصفقين في البرلمان للزيادات …
ان شاء الله القيامة تقوم… وتقيفوا امام الخالق وانتم تصفقون للزيادات
يا مولانا قلت تعدد الزوجات نحنا الشباب ما قادرين نتزوج واحده شوف اسعار مواد البناء
الدين والصوفية براءة منك ومن امثالك يامتملق (ياطالبان داسيها مالك)
كلمة حق اريد بها باطل..عاوز تكبر كومك لتنال من العطايا و الهبات من مال الشعب المسكين..أين انتم من الاسلام..انتم تتاجرون بأسم الاسلام..اتفق جميع المسلمين فى جميع انحاء العالم و كل الحركات الاسلاميه فى مصر و تونس و ليبيا بأنكم شوهتم صورة الاسلام و ان ما تفعلونه اكبر جريمه فى حق الاسلام..بيننا و بينكم الواحد القهار و ان الموت الذى تفرون منه ملاقيكم و يوم الحساب لن تنفعكم اولادكم و لا بناتكم…لماذا لا توجه نصائحك لايقاف القروض الربويه و الفساد المحمى من السلطة..لماذا لا تفتى فى نظام الدوله و مؤسساتها الغير شرعيه؟ لماذا لا تجاهد فى الرقص الرئيس المختلط و العلنى..
يا شيخنا كل انت وين كل هذه السنين التى مضت
الا ترى كاسيات عاريات فى شوارع الخرطوم ؟
الا ترى ترى البنات فى الجامعات العريقة ؟
الا ترى الفاحشة فى عينك يا تاجر فى نجائل المتزهات ؟
الا ترى التبرج فى مكاتب و مؤسسات حكومية؟
الم تسمع بالشقق المفروشة فى الاحياء العريقة ؟
و المثلة كثيييرة يا شيخنا
و المثل بقول اذا كان صاحب البيت للدف ضاربه
ما شيمة اهل البيت الا الرقص و الطرب
نحن نخجل مرات فى الشارع الخرطومى لمناظر فى غاية
الانحطاط الاقلاقى الملبوسات و التصرفات و الحركات الشيطانية
الم ترون كل هذا الا بعد موقعة هجليج ؟ هل الاسلام دخل بعد موقعة هجليج ؟
تركضون وراء الجاه و الجنيه و تنسوا الشعب يفعل ما يريد
يا شيخنا لو لا موقعة هجليج لكان شيرين غنت و رقصت و تبرجت امام الكامرات على الهواء فى سماء الخرطوم مش هو ده كلامك ؟ يا شيخنا كفاية دفن الرئوس فى الرمال
يا شيخنا اكيد نظرت الشارع الخرطوم قبل عشرين سنة كانت كيف و الان كيف و الله الفرق شاسع
الان كل شئ مباح فى الخرطوم 0 يا شيخنا الاصلاح من الداخل اولا
“أعلن دفع الله حسب الرسول البشير، النائب البرلماني وعضو لجنة العلاقات الخارجية بالمجلس الوطني واستاذ التربية بجامعة افريقيا العالمية مواصلته في الامر بالمعروف والنهي عن المنكر بالسودان،وجدد التزامه بمنع دخول اية فنانة الي البلاد لاقامة حفلات ساهرة راقصة وسفر اية فنانة للغناء باسم السودان في المحافل الدولية،””
والله انت م ع ر ص ساكت وبتبحث عن اشهرة يانكرة
الامر والمعروف والنهى عن المنكر ده مابينطبق على ناسكم الواقيعين زعط وحش فى الاولاد والبنات؟
وف ديلك البتلاعبو بقوت المساكين؟
ماهو موقع البرلمان من الفساد المستشرى على جسد الدولة وماهو موقعه من تصريحاتك وخريجى الجامعات
الذين عصفت بهم رياح التمكين الى ماهوى المجهول اليس هولاء من دعوتهم الى الزواج كبف يتزوجون والاسرة كلها تلهث فى كيس الخضار وماموقع تصريحاتك من التردى الاقتصادى
الامر بالمعروف والنهي عن المنكر في الناس المساكين بس وده أخر الزمان…اسالك بالله من دخلت البرلمان المشأوم ممثل عن الشعب عملت للشعب او لنفسك وهل وجودك في البرلمان تلغى البنامج ده تركت الاجبات وذهبت للسنن…من واجباتك يا الناهي عن المنكر تفعي قانون من اين لك هذا ومحاسبت جمميع الشخصيات الذين جعلوك عبدا تابع لهم اين اموال النفط اين اموال الديون الخارجية مديونية السودان 37 مليار دولار اين اموال الاعانات الاسلامية اين اموال التبرعات الخارجية ياااااااااشيخ الغفله
طيب يا دفع الله حسب الرسول
البرقص عليهو البشير دا مش إسمو موسيقى برضو !!
أمشي ورينا فتاويك دي مع السيد الرئيس
وبالمناسبة يا دفع الله حسب الرسول
البشير غنى يومتا مع الفنان بنخوووووضها
أهه أنشوف رجالتك دي حدها وين؟
هاهاهاهاهاهاها
والله يا جماعة انا بعد ما قريت الكلام دا وقشيت ريالتي
ولمست القنبور الفي نص راسي !!! بقترح على دفع الله حسب الرسول البشير ان يبدلوا برنامج اغاني واغاني ببرنامج حرامي وحرامي وحتى لا يستغل هذا البرنامج بعض العلمانيين والشيوعيين…الخ اقترح ان يقدمه ويعده امثال عثمان ميرغني والطيب زين العابدين والترابي وبابكر حنين والافندي وبقية المنفساتية…اصلو ناس الجبهة ديل لازم الواحد منهم يشوت الكورة ويجري يحصلها قبل ما تصل القون نظام هو حارس المرمى….!!!
بالله يا دفع الله سبب بلاوي الجيش وهبوط روحه المعنوية هو لصوصية الانقاذيين ولا شيرين والسر قدور وام كلتوم؟؟؟؟؟ ما هذا التهريج ووالاستعباط وقلة الحياء؟؟؟؟ وبدل ما ت(ناشد دفع الله حسب الرسول، الشركات الكبري بسحب صور النساء من الشوارع الرئيسة والاعلان للسلع والبضائع المختلفة بطريقة اسلامية) حقو تناشد البت سناء المتصورة مع الكلاش بجانب ود نافع محرر هجليج في هجليج ولا دي ما من النساء؟؟؟؟
هذه طالبان نفس الافكار ونفس العبارات طالبان السودان تتحكم فى امور البلاد باسم الدين والدين منهم برىء . حركة طالبان فى افغانستان تعيش وتصرف من اموال السهول المزروعة بالحشيش والمخدرات ويكلمونك عن الجهاد والاسلام وطالبان السودان يأكلون اموال الناس بالباطل من جبايات ورسوم وضرائب بغير حق ويتكلمون عن الحلال والحرام وعن الغناء والسرفة . سبحان الله الجمل لا يعرف عوجة رقبتو والمنافق لا يدرى عقوبة نفاقه الا عندما يشخص بصره . لعنة الله عليكم كيزان قذرين والله لا يصلح الكوز منكم حتى للأزالة نجاسة الاذى خسئتم خسئتم ايها الخنازير .
روح لف داهية تاخدك وتاخد العلمك
كان في حيطه وراك دق فيها راسك
انتوا الاسمو دفع ده ما عندو شغلة تانيه فى المجلس غير الحفلات والفنانات ياخى بترجاك ادى نظره شويه للغلاء الطاحن الاصاب البلد وانتقد الفساد واكل اموال الناس بالباطل يس فالح لى فى شيرين وعلين بدل ما تشتغل بالفارغه اغانى واغانى هل سالت حكومتك ماذا وفرت من سلع رمضان باسعار تناسب المواطن المهلوك من الارتفاع الجنونى للاسعار فعلا برلمان زى قلته كله مطبلين
ده العرفت ليهو فى الشرع…دى ما تغنى و الصور فى الدعايات..و تطبيق شرع الله فى ايقاف اغانى و اغانى..ياخى خاف الله الاسلام ما كده..انت اكيد عاوز ليك حاجه..عاوز تتم بيتك او عاوز تغير عربتك او عاوز تعرس ليك واحده عمرها 16 سنه..عاوز دعم يا تاجر الدين..يقولون بأفوههم ما ليس فى قلوبهم
الدين لايتجزاء دايرين نشوف كل البغضب الله مافي واول شئ الامتيازات البتاخدوها في البرلمان عشان ترطبو وتبقو ذي معرض للدمى قاعدين ذي قلتكم ماتتكلمو الالما تاشر ليكم الحكومه اهم شئ نحن لانثق فيكم ولا في كلامكم وعارفين انه نحنا اهميتنا انه نوصلكم لباب البرلمان وخلاص ياخ حتى في الصومال بجيبو الوزير المقصر وبستجوبوه الا في السودان اااخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ بس
ملحوظه
في كل الدول العربيه رمضان في الاعلام ادعيه وبرامج دعويه الا ماشاء الله قنواتنا السودانيه من ماتشرب المويات عينك واذنك ماتسمع الا التنجشك التنجشك يعني موسيقى وطرب لمنتصف الليل والغريبه انا ماعارفه منطربين علي شنو والحاله صعبه شعب حير المابتحير
انتو الشيوخ ديل ما عندهم كلام غير ختان الاناث
يقولوا ليهم هجليج يقولوا الهجيج وختان االاناث
عليكم الله شوفليكم شغلة غير ختان الاناث
اها افتي يا شيخ في رقصة رئيسك؟ مش دا منكر؟ لكن اقول ليك مررو؟
يا دفع الله ..طيب انت لما ندي القلعة قلت بتغني للدعم الحربي ليه قبلتوها ……..احرام علينا وحلال عليكم تبا عليكم يا منافقين الا لعنت الله علي الظالمين
ما عندك اى موضوع وكلامك انما يدل على جهلك وجهل من معك طالما الغناء من وجهة نظرك فيه حرمة لماااااااااااااذااا جمعتم الفنانين فى الانتخابات الاخيرة من اجل جمع الناس اللذين اتوا من اجل اجل الفنانين وليس من اجل الموتمر اللاوطنى وايضا عندما ضاقت بكم الدنيا فى هجليج لمن تجدوا حل سوى جمع الفنانين اه منكم ياتجار الدين تحللون الربا من اجل شركاتكم وتحرمون وفق هواكم
برلمان شيرين ولا تلاتين
يعنى كان شرين دى عملت الحفله كان الناس طلعوا بعد الحفله قالوا ( الشعب يريد اسقاط النظام )…ده فهموا .. قلته تظهر فى الساحه وتعمل فيها طرزان يا شفت … ما عندك موضوع بصراحه كده ..واغانى واغانى ده البرنامج الوحيد الناس بتنفسوا بيهو .. لوداير الشعب يريد اسقاط النظام امشى وقفوا .. عشان تصوموا كلكم فى لاهى ..
عليكم الله دا زول ؟؟؟
الناس جعانة وفقرانة وزيتا طالع ويقول ليك أغاني وشنو ؟؟ قال تعدد زوجات ؟؟؟ طبعاً لأنو دا همك وهم من يشايعك … الله أكبر عليكم يورينا فيكم يوم …
منتهى التخلف ….. رئيس الجمهورية يرقص مع وزراءه على انغام الموسيقى بعد كل خطاب يقدمه ويشتم فيه خلق الله بما ان الدين اوضح (إِنَّ أَكْرَمَكُمْ عِنْدَ اللَّهِ أَتْقَاكُمْ)هل الرقص على الاشلاء وسب الناس من الدين ايها السلفى؟ ومن قال لك من يتزوج مرة ثانية يغنى؟؟؟ شباب اليوم بتصرفاتكم هذه غير قادرين حتى على ايجاد وظيفة تستر حالم وتأتى انت وتوصيهم بالزواج مرة ومرتين. ان كان الغناء سبب هزيمة الدول لانهزمت امريكا وكل اوربا والسعودية وكل دول الخليج وانت تعلم جيدا ما اقصد. كل ما يهمكم النساء ولا تقدمون شىء غير التحدث فى النساء ولاتنسى ان واحدة من النساء انجبتك بكل اسف لكى تأتى لهذه الدنيا وتزعجنا بأفكارك المتخلفة.
يا دفع الله ..طيب انت لما ندي القلعة قلت بتغني للدعم الحربي ليه قبلتوها plese dont talk about NDOYAAA
نعم يمكن أن تمنع اى فنانة الغناء داخل السودان لانك تملك السلطه و السطوه و لكن ان تمنع فنانة تغنى خارج السودان و بأسم السودان فهذا عشم ابليس فى الجنه..لن تستطيع و مهما بلغت من قوه ان تمنعنا من الغناء و بأسم السودان خارج السودان و حتى فى مصر القريبه بعد تحولها للديمقراطيه لن تستطيع ان توقف حفلا تغنى فيه سودانيه بأسم السودان لانه ليس ملكا لك و ليس من حقك…نقيم الحفلات فى اوروبا و تغنى فيها بناتنا بأسم السودان و حضرنا حفلات فى القاهره غنن فيها بناتنا ورقصن و لو راجل تعال اوروبا و قول كلامك دة و حاتشوفنا نغنى و نرقص كما نريد و بأسم السودان
تعرف يا شيخنا حقو إنت والمهووسين الزيك يعملوا ليكم زريبة كبيرة في الخلا يلموكم فيها عشان تجربوا جنكم دا في رقبتكم، ولا أقول ليك خليها مدينة فاضلة بدل زريبة وبنجي نزوركم، بس حلوا عننا الله يهديكم!!
اخيراً عرفنا اسباب نكسة يونيو ام كلثوم …. وين عبد الحليم حافظ من هذه النكسة؟ لالالالالا انه راجااال
لعنة الله تخشاك يامدعى اتغير شرع الله وقد نص القران على نصيب المراة وهو النصف ونحن كنساء لا اعتراض لنا على تشريع الرب , مصيبة السودان ان علماء السلطان بكل جهلم ونفاقهم وعدم مخافة الله يجدوا من يروج لهم وياكاذب ام كلثوم جمعت ملايين الدولارات من اجل الحرب فى زمن كان فيه الدولار قليل جدا فى مصر, اتقى الله يارجل واذهب واجلس مع ناس الزكاه وانظر كيف توزع واطلب من اعضاء مجلسكم تخفيض امتيازاتهم الباهظه وزور محاكم الشرع لترى عددية طلبات الطلاق للاعسار حتى تدعو لتعدد الزوجات فاليوم يستحيل ان تجد رجل شريف يستطيع ان يفتح بيتيين لصعوبة الحياه اللهم الا الكيزان الحراميه وطبعا شرفاء واغنياء السودان الاصليين قد افلسو ببرنامج ممنهج ,علما انى لست ضد تعدد الزوجات ولكن عدم المقدره و ياحيلل الرجال البعدلوا بين الزوجات كلهم فى ودشرفى .
لقد كرهنا انشغالكم بلبس النساء ومتابعة حركتهن . الاسلام شرع لكل الحياه واوصى بالوالديين وذو القربى واليتامى وابن السبيل , ونهى عن الرباء الذى تعمل فيه بنوك المشروع الاجرامى,وحدد الزكاة وتوقيتها بعد ان يتم الحول ومن ما فاض من مال المسلم والان انتم تاخذوا الزكاة قسرا قبل اوانها , وتاخذون ايضا ضرائب ولم تكن فى الاسلام هذه الجبايات التى قصمت ظهر الرجال والنساء, والدوله رفعت يدها عن الانفاق على المواطنيين وتركت المجالس المحليه مكاتب جبايه فقط .
قد افسدتم كل جميل وشوهتم الاسلام وازللتم النساء والرجال ونسيتم اسركم والله حديث المدينه عن اسر الكيزان مخجله فاتقوا الله فى العباد شبعوهم ثم اخطبوا فيهم حتى يسمعوكم فصاحب الجوف الفاض لا يسمع صحيح الحديث فما بالك بحديث الافك, حسبى الله وهو نعم الوكيل
بسم الله الذول ده صحى متين ؟؟؟؟ هسع كان نايم وبيشخر فى البرلمان ؟؟؟؟؟؟ الجلسة كانت بتتكلم عن كيلو اللحمة بقى بى 36 والبطاطس 6 جنيه الكيلو الخ ……الخ ما كان عن شيرين خليك متابع يانائب وماتنوم
الناس على دين ملوكهم
لماذا لم يمنع النائب المحتلرم الرئيس ووزير الدفاع من الرقص و هجليج محتلة
لماذا لم يسال النائب المحترم عن لماذا سقطت هجليج اصلا
لماذا غطى المؤتمر الوطنى بالاحتفالات باسترداد هجليج و نسى لماذا سقطت اصلا؟؟؟؟؟؟؟؟؟؟؟؟؟؟؟؟؟
قوم لف لفاك قطر يطحنك ويطحن اشكالك
كلامك دا يعتبر اساءة لينا في الجموعية بعتبارنا المنطقة المترشحة منها لبرلمان السجم دا وانو مرشح الجموعية زول عواليق ساهي ودا منطقو ودا فهمو رغم انك ما جموعي فانت فلاتي(المشايخة البكرية)
دا كلام يهرد المصارين ويورم الفشفاش ويهررررررررررررررردددددددالكبدة والله العظيم بالجد انت ما واعي ولا شنو يا شيخنا اتقي الله انت ما عارف انو البلد خاااااااااااااااااااااااششششة علي مجاعة الا من رحم المؤتمر الوثني ياخي امشي السوق لو ما بتمشي شوف البؤس علي الوجوه البتجي تتفرج علي اللحمة والخضار وما قادرة تشتري حرااااااااااااااااااااام عليكم والله العظيم حرااااام
استغرب كيف دخل هذا الجاهل البرلمان او المجلس الوطنى فهذا من الذين يوردون البلد موارد الهلاك بجهله و فهمه الخاطئ للدين و الشريعة و اعتقد ان الفنانة شيرين افهم من هذا الذى هو استاذ بالجامعة و يجب اخراج امثال هؤلاء يعيدا عن تمثيل الشعب او من مكان للخدمة العامة او العمل العام فهذا هادم للدين و ليس حريصا عليه كما نرجو عدم نشر تصريحاته او ما يقول لان ذلك يمكن ان يؤثر فى كثير من الشباب اليافعين و يؤدى الى الغلو و التطرف فى افكارهم فيجب ايعاده .
قال استاذ التربيه فى جامعة شنو جاهل تربى كمان والله تاجر دين الزى اصبح كلمة الله تتداول فى السوق فى زمن الانقاذ الوثنى
الكلب ده بيقول نتمنى ايقاف برنامج أغاني في رمضان تتمنى يا جزمة ما تثور وتهيج ذي هيجتك في شيرين ولا دي بتقولا بي أدب عشان سيدك مساند البرنامج لكن أبشرك رمضان ما حا تحصلوا وانته في السلطة
اتمنى وقف برنامج افراح افراح
هل فرغ المجلس الوطني من معالجةالقضايا القومية الكبرى وسن القوانيين وممارسة الدور الرقابي على اجهزة الدولة؟ام عدم وجود موضوع؟ اما الحديث عن الغناء من باب اولي ايقاف الغناء ؟ ماذا يقول النائب للاخ السمؤل راعي مهرجانات الغناء والموسيقى؟
دفع الله حسب الرسول البشير، مين العضو الماعندو موضوع دا … في قضايا اهم يجب ان تناقش في البرلمان … وهي اولوية يا سيادة العضو.. وشوف سعر السكر وصل كم وحيصل كم في رمضان …
وليس عليك سلطة على ان تفرض ما نشاهد فكل شخص حر في ما يشاهد.. وكما قال الرئيس البشير في رمضان الفات “يوجد ريموت كنترول اذا لم تعجبك القناة”
يا اخونا دفع الله حسب الرسول ويا اخوتي في الراكوبة ازيدكم من الشعر بيت الفنانة ايمان لندن بتاعت عدس عدس يوم الخميس الماض تاريخ 3مايو . احيت حفل كبير بمسقط سلطنة عمان بالعاصمة مسقط والدعوة من الجالية السودانية بمسقط . كيف لك يادفع الله ان تصدر اوامرك السامية بعدم خروج الفنانات السودانيات المحترمات ان يغن في خارج السودان . وشوف شريط اخبار قناة النيل الازرق تقدم الفنانة انصاف مدني او تقيم حفل ساهر كبير بديي بقاعة احدي الشيوخ والشيخات وين انت نائم في العسل . يعني دا كلو نقول عليه شنو قراراتكم دي حبر علي ورق . ابهجت السودانين المقيمن بمسقط بتاعين التلاوة وغيرهم وسكسكوا الرجال والنساء. المهم هذا للعم ايها الاخوة . غنوا لنا غنوا يااخوتي . السودانين الاحرار ……………………. برامج اغاني اعاني ما حيقف ونشوف ….
يا جماعة الخير قولوا لي صاحبة الصورة دي منو والفنانة شرين دي بتغني شنو فول فول ولا عدس ولا تونة معليش انا طاشي شبكة عفوا اخوتي الاحرار
كان الرسول (ص) يدعو السيدة عائشة لترى رقص الاحباش وغنائهم حسبما علمنا فما راي الشيخ الكريم بارم ديله؟
تقيف مناعتك انشالله
يا زول قوم لف ،، إنت واحد معفن عايز ليهو شوية شهرة لكن و الله ايامكم قربت إنت و المتخلفين المسمين نفسهم المؤتمر الوطنى
الراجل ده جنا ومهووس أصلهم الاسلامويين ديل عندهم مرأة رايحة ليهم أمشو اتعالجو وسيبكم من ختان الاناث يارجعيين عاوزين تودونا وين أكتر من كدة شوفو أزماتكم وكوارثكم طيارتكم حرقت
قلت بتشيل من ايجابيات المؤتمر البطنى (يعنى حرامى)
امشى وقف رئيسك البقى زى فيفى عبده والقواده عبدالرحيم
رئيسك بقى همه من الصباح تلفون لعبدالرحيم الدلوكه وين الليله
القروش الانصرفت فى حفلات الانسحاب من هجليج كان رخصت السكر واللحم
الفرق شنو بين حفله شيرين والحفلات ما بعد الانسحاب
والله نعتبرو أسد في الحق ونصرة الحق ولاذم يكون في رجال كدا وربنا يوفقك ويسدد خطاك بس ياريت برنامج اغاني يقيف نهائي مش رمضان ونجوم الغد والرجال المابخجلو ديل كبار ومتجاهلين