تفاصيل اعترافات الانقلاب المزعوم , الفكي طلب احضار دجاجة ولكنها ماتت , قوش دعم المحاولة بـ400 الف جنيه ،، وحركة العدل والمساواة كان لها شرط محدد.
كتبت صحيفة الخال الرئاسي :
تحصلت «الإنتباهة» على تفاصيل الاعترافات التي أدلى بها المتهمون في المحاولة الانقلابية الأخيرة التي تم عرضها بالصورة والصوت بواسطة مدير جهاز الأمن والمخابرات الفريق أول محمد عطا، ومساعد رئيس الجمهورية د. نافع علي نافع، في لقاء خاص ومغلق لمجموعة منتقاة بالشهيد الزبير، حيث أقرَّ العسكريون وعلى رأسهم العميد محمد ود إبراهيم في الشريط بتخطيطهم للانقلاب على النظام بمعاونة حركة العدل والمساواة، حيث جرت جولات بين الخرطوم والقاهرة، وبدأ التنسيق مع الحركة بواسطة العقيد حسن عبد الرحيم الذي غادر إلى القاهرة بمعية مصطفى نور الدائم «شخصية مدنية مقبوض عليها» ويشتبه في انتمائه للمؤتمر الشعبي. وقد اعترف المقبوض عليهم بأن العدل والمساواة قدمت حزمة من الاشتراطات قبل مشاركتها في العملية، منها تسليم ما تعارف عليه بقائمة الـ «51» إلى الغرب الأوروبي لمحاكمتهم، وقال عنه حسن إنه لا يحمل تفويضاً لمناقشة مثل هذا الأمر الذي تمت الموافقة عليه بواسطه الانقلابيين بالخرطوم، ومضت الاعترافات في اتجاه توقيت العملية تزامناً مع غياب الرئيس عمر البشير حتى يتجاوزوا مطب تسليمه، وقال أحد المقبوض عليهم: «الرئيس يتمتع بشعبية كبيرة ولو قمنا بتسليمه سنجهض الثورة» التي سموها «التصحيحية ــ 16 نوفمبر»، كما عدلت حركة العدل في البيان الأول وأدخلت عليه كلمات «العدل، المساواة والهامش»، وشددت على وقف العمليات العسكرية في دارفور ضد الحركات المسلحة، وهو ما لم يقطع به الانقلابيون كون الأمر خارج سيطرتهم.
وقامت خطة الانقلابيين بحسب الاعترافات على تشكيل حكومة قومية تتكون من مجلس قيادة يضم «15» شخصاً برئاسة العميد ود إبراهيم، وقد تبرأ ضابط برتبة اللواء من المتهمين، وقال إنه لا علاقة له بالمحاولة وتم إقحامه بواسطة أحدهم الذي التقاه بالسلاح الطبي وكان برفقة والدته ونقل له رغبتهم في القيام بانقلاب.
وبحسب الاعترافات فإنه تم رصد اجتماع للعقيد فتح الرحيم مع ود إبراهيم، غادر بعده فتح الرحيم واجتمع مع قوش في مطعم «م» بالخرطوم «2»، وتكرر الاجتماع مرة أخرى، ومن هنا قال مسؤول أمني إنهم بدأوا في مراقبة تحركات صلاح الذي أقرَّ بتسليم المجموعة مبلغ «400» ألف جنيه وهواتف ثريا.وكشفت الاعترافات التي عُرضت بالصورة والصوت كل الشخصيات المقبوض عليهم عدا قوش، كشفت مشاركة «فكي» ليقوم بأعمال الدجل والشعوذة، حيث أقرَّ «الفكي» بأن ضابطاً برتبة اللواء لجأ إليه للقيام بعمل يمنع تحركات قيادات متنفذة في الحكومة وجهاز الأمن «سماهم»، وذكر الفكي أنه طلب من المتهمين إحضار دجاجة، وعندما جاء بها أحدهم في «ضهرية» عربته وجدها «ميتة». وعند سؤال الفكي ضمن التحريات عن سبب عدم تبليغه السلطات بالمحاولة، قال إنه رأى في المنام فشلها ولذلك آثر عدم التبليغ
+ هذه بيانات غاية في السذاجة ولا ترقى حتى لمستوى الاتهامات الأولية جداً.
+ الانقلاب عادة عملية غاية في السرية والاتصالات تتم بالكود ولا يمكن ادخال فيها فكي !!
لكن دى حللللللللوة خالص فكى متزعم الانقلاب
شنو كورة هى …الانطوان دا ماسمع بية ولا شنو
الظاهر الكورة المطرشقة دى كانت بسبب الجدادة الميتة
دا لعب بالدقون اسى فى زول بيصدق الكلام الفارق دا
تسخر من فبركاتهم المضروبة .. ما ينفع .. تضحك على سذاجتهم.. ما ينفع .. تبكى على جهلهم .. ما ينفع .. تتفرج بس وتقعد.. لا حول ولا قوة إلا بالله ..!!!؟؟؟
احكمونا والعنوا سنسفيل اجدادنا فقط لا تضحكوا علي عقولنا…
النائب ابو ساطور يقول كانت خطتهم قتل البشير وناس الامن يقولوا عاوزين يقوموا بالانقلاب عندما يكون البشير غائبا….
اللهم الا اذا قاصدين يكون غائب عن الوعي..كعهده ابدا
هاهاهاهاهاهاهاهاها .. والله مت من الضحك عليكم الله لو فى زول عايز يعمل انقلاب يكون بالصورة دي … شوفو معاى قال قوش جلس معاهو فى مطعم لاحظو مطعم ولاحظو اللواء قال التقاهو بالسلاح الطبي مع والدته .. ده كلام بخش العقل هسي .. المحير فى الموضوع قصة الفكي …
بس الدجاجه زنبها شنو ….!!!!
طيب وين الصور والاعترافات
الرئيس يتمتع بشعبية كبيرة
انتوا مواهيم ولا مجانين ؟
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه علي الانقلابيون والمنقلب عليم!!!!!!!!!!!!!!! فكي عديل يالله من نظام فاشل بدءأ ومنتهي.
يا امة قد ضحكت من جهلها الامم
قال فكي قال !!!
هو لو الفكي عنده مقدرة كان قلبها لمصلحته, و اصبح هو الرئيس حتى ولو من وراء الكواليس
بعدين يا وهم , هل يوجد في هذا الزمان دجال يكتفي بطلب دجاجة؟!!!
الجماعة ديل قادين عربي و انجليزي,جغرافيا و تاريخ ,علم نفس و علم اجتماع
هههههههههههههههههههههههههههههههههههههههههههههههههههههههههههههه اها هههههههههههههههههه وتاني ضحكة قال حلم انو المحاولة حتفشل الهههههههههههههههههههههههههههه يامصاريني جنس كضب غايتو اعترافات ايه ومحاولة ايه هو الناس دي فاكرانا بهائم ولا ايه …. كلامك يا ابو العفين مبتور وكلو افك ونفاق يا كلب انت
بالله عليكم ده كلام ،ايه الخزعبلات دى ،كلام الطير فى الباقير ،كلام فارغ وغير صحيح اطلاقا ،امشوا
شوفوا ليكم لعبة غيرها،ربنا ادانا عقول نفهم بيها ،لا فى انقلاب ولا يحزنون
يا اخوانا عليكم الله جنس ده نضحك فهيو و لا نبكى و لا نطقع بالحجار؟؟؟؟!!!!!!
يعنى مجرد مايقلبوا الحكومة يسلموا صلاح قوش مش هو فى القائمة…هههههههه والله كلام فارغ ودجل
الفكى دا شكلو جوعان ايه الدخل الدجاجة فى انقلاب؟
عاوزا ليها شرح من الخبير الوطنى او اى واحد من الكلامنجية الكتار ديل وحبدا لو كان الحاج ساطور
وبعدين صلاح قوش دا فاعل خير واتبرع ماسكنو ليه والراجل عندو القلب؟
هسع انتو مش قلتو حاتتبرعو لناس حماس ولكن بالدس؟
القروش البتتبرعو بيها دى حقتكن ولاحقتنا؟
انتو فاعلين خير وقوش فاعل شر ولا شنو
يا رببي دشنو دا
هسي دي المعلومات المنتظرينها الناس
فكي وجدادة ميتة في ضهر العربية ؟
هسي الكلام دا يحللو ساسيا كيف ؟ كدي …. ماشي ماشي خلاص قبلناه جدادة جدادة ……. البعدو
للدجاجة الرحمن وللسواسيو الصبر والسلوان… الله يصبرك يا الديك؟؟؟؟.
وانا كمان ههههههههههههه..يا جماعه معقولة زول مؤسس لجهاز الامن بصورته الحاليه و على رأسه عدد من السنين
يفكر بالطريقة دى…البلد دى مصيبتا كبييييييييييرة فعلاً تحتاج لفكى عشان يفكفك صواميل راسنا الحلجوهو الجماعة ديل..الطبخه نيه و مسيييييييييخه..
ههههههههههاى قال لاقاهو ومعاهو امو فى المستشفى قاليهو عايزين نعمل لقيمات اقصد انقلاب بالله عليكم شفتو انحنا هبل كيف وبنستاهل
هههههههههههه
ههههههههههههههه
ههههههههههههههههههههه
ههههههههههههههههههههههههههه
(( يعني الجدادة إنتحرت في ضهرية العربية ))
(( ياربي الفكي أكلها ميتة ولا قال دايرة واحدة حية ))
(( لكن الفكي طلع مفتح وحلم أنو الانقلاب حيفشل لكن قال ندقس الوهم ديل ونضرب ضربتنا ))
(( وقوش ده فاهم أنو 400 مليون جنيه بتنجح ليها إنقلاب كيف يعني ))
(( لكن حركة العدل والمساواة طلعو جامدين ومع الشعب وقالو شرطهم الوحيد يسلموهم الـ 51 مطلوب ))
هههههههههههههههههههههههههههههههههااااااااي
جداددددده وماتت
الموضوع ببساطة
الجماعة خايفين من إنتفاضة شعبية لانهم عارفين الاحوال وصلت لحد ما في زول بيتحملو
قاموا فبركوا لينا القصة الوهمية دي الحتى شافع في سنة اولى ما بيحبكها بالصورة دي
قاموا قالو يعملوا عملية إستباقية يحبطوا بيها معنويات الناس عشان ما يعملوا إنتفاضة
ياخي ما دام انتو خايفين كدة
سيبوها و اجروا
طبعا حكاية الفكي (( الانطوان )) دليل على كيفية تحكمهم وتسيطرهم في معظم الامور وأسال (( الفكي الاسمو التلفزيون )) طبعا هم فاكين إشاعة انو عندهم واحد في ام درمان اسمو التلفزيون
بيوريهم كل تفاصيل الاجتماعات السرية في شاشة ذي التلفزيون
بالله شوف الهبل دة
عشان اي واحد ما يفكر يعقد إجتماعات سرية و كدة
بالله في تخلف و كفر اكتر من كدة
الله يسامحكم ياناس الطيب مصطفى
عند موت محمد طه محمد أحمد مقتولا كانت نفس المسرحية
وكمان برضوا مسلسل الفكى ده داخل فيها
على كل حال هؤلاء الضباط ومعهم صلاح قوش يريد
المدبرين الحقيقين لتغير السلطة التخلص منهم
على عثمان والترابى يريدون إبعاد هؤلاء الضباط
صلاح قوش حتما أن أسراره فى مكان ما و موته صعب وبقائه صعب
على كل حال صلاح قوش مهم جدا . لا يمكن تركه لكن الترابى وعلى عثمان
ما خلصوا من خازوق البشير دخلوا خازوق صلاح قوش وهم الأن يلعنون الإنقلاب
واليوم الجابو ذاتو ،، وطبعا موضوع الطيارات وغيره من اساليب القتل مكشوفة
وسوف تقوم هذه الحكومة بإستغلال هذا الإنقلاب لتصفية جميع خصومهم داخل الحركة الإسلامية
ههههههههههههههه… لكن حكاية الفكي دي شديدة …الناس ديل ماقادرين يخططو لانقلاب ناجح طيب حيحكموا كيف
قالو يتحدث المجنون يتصنت العاقل
حكومة من شوية صعاليك ومجانين وفاشلين تربويين ودايرين يمثلو علينا أفلام !
أول مرة أشوف فلم هندي المخرج بتاعو كناس في سوق أم دفسو وكاتب السناريو ست شاي
كنت اتمنى من الانتباهة ان تناى بنفسها من الاكاذيب
كيف وباى منطق فى الدنيايذهب ود ابراهيم الى فكى لكى ينجح خطط الانقلاب
لماذا لم يذهب ود ابراهيم الى الفكى ليحرر هجليج عندما سقطت
يجب ان تكون الكذبة مبلوعة يا جماعة
كلام غير مقنع ….. الشك راودني في ود ابراهيم والعمليه برمتها ربما يكون مقصودا بها قوش لحرق اوراقه حيث انه يسبب هاجسا لشلة البشير !!!!
الاختشوا ماتوا
يعنى صلاح قوش دعم المحاولة بالقروش والتخطيط من غير ما يكون عندو طموح فى الرئاسة ، بعدين قائمة ال 51 دى صلاح قوش ذاتو من ضمنها …!!؟؟ ياخ حتى صناعة سيناريو زى الناس ما قادرين عليهو …!!!؟؟
دجل وشعوذة وفساد اخلاقي واداري ومالي تفكك اجتماعي وظهور امراض و اوبئة لا سابقة لها تدهور في التعليم العالي والتعليم الاساسي وتدهور في الخدمات ،،،، هل هناك دولة ،،، ايها الشعب انتفض انتفض انتفض .
لندع الأمور تذهب كما تشاء(طبخة- فيلم هندى- مسرحية من فصل واحد) كله ماعلينا لكن الشىء الثابت الكيزان منقسمين وقبل أن يتحدوا مرة أخرى لا بد من تحرك الشعب السريع والعاجل لأنهاء كل هذه المسلسلات والأفلام التى مليناها.لكن الفكى ماحريف قال رأى فى المنام فشلها قول لى تعرف تقعد على الكرسى برجل واحده ههههههههاى.
جدادة…جدادة اييييييييية اللى انت عايز تقولى عليها…..معقولة الجدادة دى لو الانقلاب دة نجح كانت حا تبقة الرئيس الجديد لجمهورية السودان؟؟ واااااااة جداداةةةة يا الفكى
كلام غير منطقى وخالى من الموضوعية. المقبوض عليهم معظمهم من الشخصيات الامنية والمخابراتية لذلك لا يفوت عليهم الاحتياط من التجسس على مكالماتهم وتحركاتهم, هذه قصة تريد الحكومة اخراجها للخروج من الحرج
البشير عندو شعبية كبيرة دى كلام الطيب مصطفى وحكاية قائمة 51 البشير ما فيه ولا شنو؟
صلاح لاقو فى المطعم وود ابراهيم فى المستشفى مع والدته و الفكر طلب دجاجة ونسوا المرة ما ذكروا لون الدجاجة دى بدلا منه مات
قالوا دة ياهو نتائج التحقيق مع الانقلابين
والله غايتو تفهموها انتوا دى
صلاح قوش غير مطلوب للجنائية لانه حبيب امريكا ولانه الشخص الوحيد الدخل ال سى اى ايى ولانه كان متعاون فى حكاية الارهاب وبفعله ذلك ظلم كثير من ابناء الامة ومن وين ليه المال ده مال البلد وتذكرون دعايته الانتخابية كم كلفت ولمتين نحن يتحكم فينا العسكريين وهم الخامين الجدادة وبيضها مش جدادة الانطون الحكاية فبركة القصد منها تصفية قوش وبعض المعارضين واحتراز من اى انتفاضة متوقعة خاصة بعد ضياع المال فى الاسراف والانفاق الامنى والسياسى الحركة الاسلامية فاتورتها وصلت كم اللهم اجعل كيدهم فى نحرهم وسلط عليهم من لا يرحمهم
هههههههههههههههههههههههههههههه
ابالسة كدابييين
الجداده كتلوووووووووووووووها اها الخم بيضها منو؟ لانه بيض الجداده بغياب الديك يرثه الشعب
we are not stupid
فجأة وبدون مقدمات إعلان محاولة تخريبية ثم إنقلابية من خمسة عشر عسكري ومدنيين ثم فكي ثم نفي تورط المعارضة ثم اثبات تورط المعارضة ثم أجاويد لأطلاق صراح المتهمين ثم وعيد بالحسم من دون رحمة ثم عملية جراحية ثم ظهور اعترافات ثم جدادة الفكي الماتت ثم ثم ثم … لو حد فاهم حاجة يبقى يقابلني … وفي النهاية اللهم اضرب الظالمين بالظالمين واخرجنا منهم سالمين
والله العظيم نحن الجداد
اول مرة اسمع لي بي جدادة في انقلاب والله يا كيزان تمحنوا : تكون دي جدادة الكترونية يعني والا شنو؟؟؟؟
هل نحن في عصر انحطاط ؟
الحاجة الطبخت المفروكة دي فناااااااااااااانة ايدي طاعمة
ناس الانتباهه ديل ، مرّه (صقر) ومّره (دجاجة) ..
بعدين جماعه المؤتمر الوطني ديل ، يورونا عملوا شنو في (الفكي) بتاع الدهب اولاً ؟؟
والله لقد اعادنا هؤلاء لعهد السلطنه الزرقاء .. وما قبلها .
عندما تدار امور الدوله في الالفيه الثالثه بواسطه (الأناطين) ، ماذا تنتظر منها ؟؟ وديل كمان قالوا دوله (شريعه) !!!!!!!
علمت من مصادرى أن الفكى طلب من الجماعة إحضار ضب دكر أعور ويتيم .
الفكي طلع تفتيحه
تمام يا الطيب مصطفى …. عشان كده الشعب السودانى بشترى جريدة الانتباهة … شعب كله طراطير .. يا حلييل الشعب الفضل .. مهزلة و الله وكفى
العدل والمساواة+ودابراهيم+قوش=سابع المستحيلات
الطيب مصطفى كبير الدجالين انت تساهم في تعميق الانحطاط الاخلاقي للمجتمع بصحيفتك الصفراء هذه الله يورينا فيك يوم ياراعي العنصرية البغيضة
ديببشك دا انقلاب والبلاش تجيب ليك واحد دجاج وكمان يكون اسود عشان يسود عيون الامنجية والفارات
شي جداد
و شي صقور
انقلابكم يا اولاد ماما
سؤال بسيط جدا لناس الانقاذ
هل الانقلاب العسكرى او باستخدم السلاح ضدكومة قائمة جريمة ولا لا؟؟؟
وما عايزين تاتاة ولا فلسفة فارغة!!!!!
الاجابة بلا او نعم فقط!!!
انقلاب الانقاذ كان ضد حكومة وطنية جاءت بالانتخاب وليس الانقلاب ومهما كان اداؤها او اخطاؤها ما كان ينبغى استعمال السلاح ضدها لقلبها !!!!!
الانقلاب بتاع ناس ود ابراهيم اذا صح كان ح يكون ضد حكومة جات بالانقلاب!!!
يعنى كيف حرامى يحاسب حرامى جاى يسرق منه حاجة هو اصلا سارقها؟؟؟؟
انتو ناس الانقاذ او الخراب ديل اصلا ما بيختشوا او عندهم دم او حياء كلو كلو؟؟؟؟؟؟
انقلاب الانقاذ هو جريمة يعاقب عليها القانون واصلا مافى شك او غلاط فى ذلك!!!!!
ما تقولوا انكم جيتوا عشان تطبقو شرع الله!!!!
تطبيق شرع الله عندكم هو محاربة شعبكم البتعدوه كافر ومساعدة الامريكان فى حربهم ضد الارهاب وفصل الجنوب والسكوت والطناش عن احتلال اراضى السودان وحماية اجوائه!!!!!
خليكم مننا نحن المابنصدقكم هل انتو بتصدقوا انفسكم؟؟؟اشك فى ذلك!!!!!
والله انتو الحكومة الانقلبتوا عليها ما تسووا نعالها لا من ناحية الوطنية او الرجالة اللى هى الرحمة بمواطنيها او الاخلاق الاسلامية!!!!
الانقاذ نقطة سوداء فى تاريخ السودان جبانة امام الاجانب وشجاعة قدام اهلها يعنى غير وطنية!!!
بالله الصقور والجداد بقوا يمثلوا خطر علي الانقاذ… أها والثلعب ما ليه دور…
منافقين يادجالين ياكيزان قالو دجاجه قالو دجاجه في عينكم,ربنا انتقم منكم اليوم قبل بكرة, الحراميه الخائنين السافلين,, وان طال الزمن لابد اجى اليوم الاشوف فيه موتك السوداء يانافع الحاقد الجبان
لالالا ياجماعة انتو ماعارفين اصلا الحصل انو عمك لمن كان رايح للفكي التفتيحة عمك جاع واكلها كلها ههههههههههههههههههههههه….مسكتوا جوعة شديدة خالص…الفكي طلع شفت ومعلم فاتهم كلهم دهاء ومكرا ودجلا
ليت أهلنا فى السودان عرفوا بأن حب الاوطان له شروطه وأهمها الاخلاص والوفاء والولاء له، وحب الوطن ليس كلاما مرسلا يقال هكذا وحسب !! والمتتبع لهولاء الذين يحكموننا اليوم يكتشف زيف حبهم لوطنهم السودان، لانهم أصحاب عقول خربه ونخره وجهله بكل ماتحمل هذه الكلمات من معانى وأقل ما يقال عنهم إنهم من فرط جهلهم يروجون للكفر بإسم الاسلام،والذين يتحدثون عن من أسموهم بالتخريبيين نسوا أن الذين وجهوا لهم أصابع الاتهام هم كانوا جزء منهم او ما زالوا وهذا السيناريو المنقول عن صحيفة الانتباهه يدلل على مدى ضحالة عقول هؤلاء الاجلاف وخاصة عندما يتحدثون عن (الدجاجة والفكى!!)فى هذا القرن الذى تتفاخر فيه شعوب كثيره إنه قرن (المعجزات الانسانيه) !!والنظام الذى جاء الى السلطه عن طريق الكذب ولا أقول المكر والخداع ولا سيما أن المكر والخداع جزء أصيل لنجاح العمليات الإنقلابيه اما الكذب حتى بعد نجاح الانقلاب فهو كذب على الشعب والذى يكذب على الشعب يجب أن نتوقع منه كل فعل سىء،
كما أن الخال الرئاسى الذى يرأس تحرير صحيفته يؤكد لنا مرات ومرات مدى جهله وسفاهته وسفالته عندما سمح بنشر مثل هذه الخرافات التى لا تليق بشعوب القرن الواحد والعشرون ولكن عزائنا إنه بثبت لنا كل يوم صدقية مقولة (كل إناء بما فيه ينضح!.
لماذا لا يتم عرض الاعترافات وكل الادلة للشعب عبر التلفزيون مثلا بدلا من عرضه فقط لمجموعة منتقاة