رداً على تعليقاتكم ،،، محمد حسن عالم : رساله للشعب السوداني البطل ؛؛

الاخ الشجاع الذي يقول للاعور انت اعور في حضوره وليس من وراءه

انت اصبحت رمز ومحفز للنضال والجهاد بالكلمة وكشفت النقاب عن جبن أؤلئك الذين يحتمون بعصابات الامن .

انت تستحق ايقونه تكون باسمك واسمح لي لي اسميك ( محمد حسن ايقونه الشجاعة )

وننصك ان لا تامن لهؤلا اي مكان تتحرك له اخبر به احد المقربن منك فانت معرض للخطر والان تجدهم يفكرون في طريقه لايذاءك كن حذرا

حفظك الله وكثر الله من أمثالك

ولا نامت اعين الجبناء سارقي قوت الشعب وحقوقه واللعبين بعقول ابناءه

نتمنى لك الصحة و العافية و أن يحفظك و يسدد خطاك و يجعلك من ابناء الوطن الابرار و الحادبين على مصلحة الوطن و المواطن و قول الحق فى وجه الظالم الذى طغى و استبدا و اهان و اذل الشعب و شرد من شرد و هتك عروض و اغتصب من الحرائر و من هم اعلا منه درجات فى العلم و من علمنى حرفا صرت له عبدا و لكن للاسف هذا النتاسلم و المنافق اعتدى على استاذه ؟
و سير و عين اللــه ترعاك من كل بلى و اعوان الشيطان من النظام .

الله اكبر الله اكبر لانامت اعين الجبناء اخي باشمهندس المحترم محمد حسن جعلك المولي مدافعا عن الحق دواما واي حق فحق الاوطان مهره غالي وارجو من العلي العزيز ان يجعلك ثباتا في قول الحق لاتخشي لومة لائام وان ان يجعلك زخرا لهذا الوطن المعطاء

ارجو من جميع قراء الراكوبة الدعوة لهذا الاسد الهمام

السلام عليكم يا فارس يا مغوار والله انت اكدت لي انوا الرجال لسه موجودين في السودان
وانوا بلدنا عامره بالابطال لو سمحت ممكن ترسل لي رقم تلفونك علي ال E mail بتاعي واكون شاكرا

وريت زوجتى المقطع امبارح بتبكى حتى الصباح وتدعو لك ربنا يقتيك من الما بيخافو ربهم ديل . انا اول ماارجع حا اطمنة انك بى خير اول بى اول ورينا اخبارك يا سودانى دة هو الوصف الحقيقى ليك ولى امسالك وهم كتر انشاء اللة

اتمنى فعلاً انك تكون بخير ياباشمهندس …. وربنا يحفظك
الواحد بقى يشك في اي حاجة …. وخايف يكون في زول دخل باسمك عشان يطمن العالم
ويكونوا بهناك اعتقلوك

عموما ربنا يحفظ الجميع

اكتب لينا اميلك ضروري يا اخ محمد عالم ويا شيخ ادريس او راسلوني علي [email protected]

أنت شجاع وهذا يكفي …. ربنا يحفظك .

بوشي الصنديد … انت لنا بوعزيزي يمشي على قدمين هو أحرق نفسه ليعيش الباقين و أنت أطلقت صوتك بشجاعة نادرة ليتشجع الباقين …
فور سماعي لحديثك قررت أن أتحين فرصة لمنتدى أو مؤتمر من مؤتمراتهم و أصب جام غضبي من ميكروفونهم … والرهيفة التنقد.

لك مؤونة عام من الود

( نمر كم باتل كلو جلدو أرقد)

الحمد لله البلد بخيرها ورجالها . كنا قنعانين لكن رديت روح الثوره فينا

التحية ليك الأخ الباش مهندس محمد الحسن
والله رجعت الدم الي عروقنا ورتنا انو السودان لسع فيه رجال وهذا ليس انتقاصا من حق المناضلين الشرفاء في بلدي ولكن انت قلت الكلام المفروض يقال من قبل اكثر من 20 عام حتي ان المدعو نافع الجم وما عرف يقول اي كلام والله انت راجل كلس وضرس وود رجال وامك وابوك انا متأكد عافيين منك وراضيين عليك وتأكد انو في ناس تدعو لك بظاهر الغيب اطفال ونساء وربنا يحفظك ويغطي عليك من هؤلاء الشرذمة
بلادي أنا

بلاد ناسا في أول شئ

مواريثهم كتاب الله ،

وخيل مشدود،

وسيف مسنون حداه درع،

وتقاقيبهم تسرج الليل مع الحيران

وشيخا في الخلاوي ورع

وكم نخلات تهبهب فوق جروف الساب

وبقرة حلوبة تتضرع وليها ضرع ،،،

وساقية تصحّي الليل مع الفجراوى..

يبكى الليل ويدلق في جداولو دمع

يخدر في بلادي سلام ..

خدرة شاربي موية النيل ..

تزرد في البوادي زرع

بلادي أنا بتشيل الناس وكل الناس

وساع بخيرها لينا يسع،

وتدفق مياه النيل علي الوديان

بياض الفضة في وهج الهجير بتشع،،،

بلادي سهول ،،بلادي حقول،،

بلادي الجنة للشـافوها ،أو للبرة بيها سمع ،،

بلادي أنا بلاد ناساً تكرم الضيف

وحتى الطير يجيها جيعان

ومن أطراف تقيها شبع ،،

بلادي الصفقة والطنبور ،،

وبنوتاً تحاكي الخيل

،يشابن زيي جدي الريل،

وشبالن مكنن في طريفو ودع ،،

بلادي أمان ،،بلادي حنان،،

وناسها حنان ،يكفكفوا دمعة المفجوع ،

يبدوا الغير علي ذاتهم ،

يقسموا اللقمة بيناتهم ،

ويدوا الزاد ،حتى إن كان مصيرهم جوع ،

يحبوا الدار ،

يموتوا عشان حقوق الجار ،

ويخوضوا النار عشان فد دمعة ،،

وكيف الحال كان شافوها

سايلة دموع ؟؟،،،،

ديل أهلى..

البقيف في الداره

وسط الداره

وأتنبر وأقول للدنيا ديل أهلي

عرب ممزوجة بي دم الزنوج الحارة..

ديل أهلي

ديل قبيلتي ، لما أدور أفصل للبدور فصلي..

أسياد قلبي والإحساس

وسافر في بحار شوقم زمان عقلي

أقول بعضى..

ألاقيهم تسربوا فى مسارب الروح بقو كلي

محل قبلت ألقاهم معايا، معايا زي ضلى

لو ما جيت من زي ديل..

كان ،أسفاي..

وآمأساتي..

وآذلي..

تصور كيف يكون الحال

لو ما كنت سوداني وأهل الحارة ما أهلي

تصور كيف؟

انت بطل قلت كلمت حق امام سلطان جاير واسال الله يحفظك لوالديك ووطنك لكن علي حسب رائي المتواضع نريد حزب السودان الواحد وقبيلة السودان الواحدة وحكاية حزب البعث وحزب الاتحادي والامة والاشتراكية والشوعية والشعبي والوطني وماعارف شنوا داك كلها شبعنا منها اتمني الشعب السودان يسقط هذا النظام وينتظم في حزبين حزب حاكم وحزب معارض الحاكم حكمه لايدوم اكثر من 4 سنين والمعارضه تراقب الحزب الحاكم ويكون الحكم دوري ولانسمع مسميات الاحزاب البالية وذات الاغراض والافكار الخارجيه والطائفية المقيتا الداخلية حرروا انفسكم من كل هذا وكونوا شعب حر نزيه يكره القيود اين كانت طائفية وخارجية ودكتاتورية نحن سودانين نحب بعضنا وبلدنا ولانقبل جبروت احد علينا

لك التحية وانت فخر لهذا الشعب وانت امل التغيير الذي انتظرناه طويلا ربنا يحفظك

صراحه الشاب حسن كفيت ووفيت ونقول الله يحفظك من كل شر وهذا نافع اخذ صفع

علي وجهه واذا كان عنده مثقال ذره من الحياء كان يغادر المكان وفعلا كل الكلام

القالو الشاب حسن هو موجووود في نافع ونافع هو سبب كل الكوارث الاقتصاديه في السودان

وكل الشعب السوداني بكره نافع وهو يدري عن هذا الكلام واذا لحق الشاب حسن اي اذي يكون من نافع الجرثومه والشعب السوداني يانفع سوف يعمل فيك

زي ما عمل الشعب الليبي في القذافي والعاصفه بدت تهب علي السودان

والحاج محمود وزير الماليه بزيادة البنزين سوف يكون زاد الطين بنزين وولعت النار

يعني الان الشعب قاعد علي الهبشه من غلاء الاسعار والفساد المالي والاجتماعي

وتفشي المخدرات بين الطالبات في الجامعات والشباب العاطل وسؤء الخدمات للمواطن

المواطن السوداني هو الضحيه وكل التماسيح والقطط السمان اكلو ا خيرات الشعب السوداني

كما قال أحدي الاجانب : السودان أغني دوله في العالم يعيش فيها افقر شعب في العالم

ودي حقيقه يا حجي نافع العاصفه في الطريق وسوف يشعلها شباب السودان

الحذر كل الحذر اللهم فشهد فاني لقدر حذرت الطواغيت من التلاعب بغوووت الشعب

ياريت ياباشمندس تعمل ليك صفحه في الفيس بوك .. وسنكون جنودا فيها .. فانت رمز للنضال وملهم للثوار .. والشباب يحتاج لامثالك ليلقودوهم .. الشباب يحتاج لأناس لايهابون كتائب نافع ولابيوت اشباحه .. لايهم اختلاف انتماءتنا .. فالهدف الاسمي هو اسقاط النظام .. واستعادة الديمقراطيه .. والديمقراطيه والحريه والعداله هي مايجب ان يوحد جميع الاطياف  

لك التفدير والاحترام ….. والرجالة منك ما مشحودة لانك اهل ليها …. ويا ريت يكون سعي الشباب لتوحيد كل الشباب من كل التوجهات عشان يكونوا يد واحدة

التحية لك من دارفور ايها البطل فقط نريد صفحتك في الفيس ليكون ساحة للنضال وبداية الثورة ضد الجبروت والطغا

فالحين والله شجاعتكم بتظهر في تعليقاتكم ما خليتو ليهو شيء الا جايزة نوبل ما اديتوها ليهو البلد ناسها جبانين كان وقفتو صف ايدينكم في ايدين بعض ونصرتوا المناصير المعتصميين ديل كان الحيكومة ولت .ولا ناس النيل الازرق او دارفور ما كان الحصل حصل…زعلكم الما فايت لابتوباتكم دي ما يحل ..الزعلان اليمرق الشارع ويبقي عندنا مليون محمد ومليون ازدهار والما قادر يمسك ليهو كلمات متقاطعة ينوني فيها ..اضعف الايمان مع الحيكومة دي ما ينفع والداير يبقي بطل المواضيع كتيرة كان سياسية وكان اقتصادية ولا اجتماعية والحمدلله جايزة نوبل ما بطلوها

حقيقة تستاهل كل الاطراء وكل الشكر الذى كاله لك الاخوة قراء الراكوبة

نرجو من الادارة مشكورة تثبيت الموضوع لاطول فترة زمنية ممكنة ، ليشارك

اكبر عدد من القراء ، ولتســــــــــــــــــــــرى ( الرعشة ) فى القلوب التى ادمنت

الاستهزاء والازدراء بالناس ، ناسية رب الناس

لله درّك ،فقد سجلت اسمك بمداد من نور

افضل الجهاد ……….. كلمة حق امام سلطان جائر

لك التحية والتجلة تحية المجد والخلود ايها المناضل الجسور اكيد كنا متوقعين بانك داخل زنزانات حكومة الجوع والقهر والاستبداد لكن طمنتنا كثيــــــــــــــــــــــر الحق كل قران يعلاء ولا يععلاء عليه من داخل مديننة سدروت الاسرائيللية الف ســــــــــــــــــــلام وتحية من اخوك شيخو بن الهامش

الحافظ هو الله سبحانه وتعالي لكن ثق ان هؤلاء( كما وصفتهم يرفعون شعار الاسلام – والاسلام منهم بريء براءة الذئب من دم ابن يعقوب) ان هؤلاء لايتورعون في اهدار دمك( بالامس القريب قتلوا من يتبع ملتهم_ في جامعة القرآن الكريم_ يعني واحد منهم وفيهم لمجرد خلاف في وجهات النظر-كما ادعوا_ تم قتله والتمثيل بجثته فما بالك وانت من عريتهم- ان نافعا هذا وعصابته لا زالوا مزهولين- لم ولن تستطيع عقولهم المريضة ان تستوعب ما ذكرته لهم- لكنهم حتما سيكيدون لك فعندهم دم المسلم -خلافا لما يدعوا له الاسلام- اقول ان دم المسلم عندهم – حلال اراقته- نعم الحافظ هو الله لكن- اعقلها وتوكل- خذ حذرك منهم- اعلم ان اخوتك من ( الرفاق) في البعث سيضعونك في مهجهم بس الحذر واجب
جزاك الله عنا كل خير وانت قد عبرت بما _ جبنا نحن _ ان نقوله لكن النار دائما تبدا من مستصغر الشرر _ اتمني ان يكون حديثك هو الشرارة التي ستندلع بعدها النار للخلاص من هذه العصابة المجرمة

لك التحية ولك كل الاحترام وربنا يعينك ويعينا علي محاربة الفساد

التجلة وتعظيم سلام لك ايها البطل الجسور. إن كان أفضل الجهاد كلمة حق أمام سلطان جائر، فانت وأيم الله، قد بذلت روحك أمام أظلم البشر وأشرهم وأشدهم بطشا.
وكنا في قلق حول ما يمكن قد حدث لك من هذا الرعديد، والحمد الله فلعتها ثانية وطمنتنا عليك. ولكن نطالب شباب الثورة الشرفاء بتنظيم فرق مراقبة لضمان سلامة هذا البطل وتشكيل كتائب لحمايته وامثاله من مباغتة وغدر كلاب الأمن وجرزان الانقاذ فهم لا يعرفون المواجهة والمنازلة بل يجيدون الغدر والخيانة .
وإذا صمدنا في حماية هذا البطل وزدنا عنه فسوف نشهد ابطال كثر وتكون شرارة الثورة انطلقت ولن يوقف زحفها جرزان الانقاذ.
والله اكبر والعزة والمجد للسودان والنصر للثوار وتجلة وتعظيم للمهندس البطل محمد حسن عالم

كما حفظ التاريخ قوله الحق للرجل الذي صاح في وجه فرعون وقال اتقتلون رجلآ يقول ربي الله وكما حفظ التاريخ لاهل الكهف شجاعتهم ومواجهتهم للظلم والتغطرس لن ينسى لك التاريخ هذا الموقف الذي وضعت فيه هذا الرجل وعصابته في وضعهم الطبيعي ومرقت بانفه وكبرياءه كل اوحال الزل والتحقير فهو واشكاله احقر من ان ينالوا كل هذا الاهتمام ولكن قدرنا المؤلم ان يحكمنا امثال هولاء الحثالة التي لولا سخرية القدر لكانوا اليوم في غياهب السجون مع اللصوص وعتاة المجرمين

و الله احسن ليك تعمل حسابك الجماعه ديل ممكن يدبرو ليك حادث مرور و يفولو قضاء و قدر و العندو الدليل اانو نحن عملنا كده يجيبو لنا و في النهايه الاعمار بيد الله يس اعمل حسابك و حصن نفسك صباح و مساء و الله يغطي عليك

تسلم البطن الجابتك

بسم الله الرحمن الرحيم :
اولا انت شخص متعلم خريج هندسة من المفترض تكون عندك الحنكة في ابراز قضيتك
اما الاسلوب الذي تكلمت به هذا اسلوب زعل وليس النقاش في قضية
اسكب ماء علي الرمل هل تجد شي اكيد لا عرفت قصدي
اما الناس التي المعجوبون بحديثك فهم جاملوك علي ذلك
وشكرا