طيب الدهب وين؟
معظمنا إن لم يكن (كوولنا) يتذكر قصة الشركة الروسية (بتاعت التنقيب عن الذهب) وملابساتها (الغريبة) ، ففي ذات يوم من شهر يوليو من العام 2015 فوجيء المواطنون على صفحات الصحف (فجأتن) ودون أي سابق إنذار بتوقيع وزارة المعادن السودانية عقد إمتياز مع شركة سيبرين الروسية، وذلك للتنقيب عن الذهب في مواقع بشرق وشمال البلاد، وينص الاتفاق على استخراج 33 طناً في الأشهر الستة الأولى من بداية توقيع العقد، حيث أفادت الشركة الروسية بأن احتياطي الذهب الذي قامت بمسحه يقدر بـ 46 ألف طن وتتجاوز قيمته تريليوناً وسبعمائة مليار دولار.
السؤال الذي طرحناه حينها هو .. ليه بالذات الشركة دي؟ وليه ما يطرح (عطاء عالمي) للتنقيب تشارك فيه الشركات العالمية المختصة؟ ولكن مثل هذه الأسئلة الغبية لا مجال لطرحها في بلد جاءت بعارف وهي شركة (برسيم) كشريك (طيران) لناقلنا الوطني !
ما أن تم الانتهاء من توقيع العقد مع هذه الشركة حتى نشرت الصحف استقالة الخبير والمستشار الجيلوجي الدكتور محمد أحمد صابون الذي يشغل منصب المنسق الخارجي للجنة الحكومية السودانية الروسية للتعاون التجاري والاقتصادي … طيب استقال ليه؟ قال السيد المستشار أنه قد تقدم باستقالته لأنه تفاجأ بموضوع توقيع العقد ولم تتم استشارته في أمر دخول الشركة للسودان أو دعوته عند التوقيع (يعني ما إشتغلو بيهو شغلة) ! هنا لابد لأي شخص بالغ رشيد أن يتساءل : طيب ليه ما استشاروهو ؟؟ مش هي الحكومة السودانية مشغلاهو عشان الحاجة دي؟ !
طيب خلينا من ده كوولو .. أيه كان رأي الخبير (صابون) في الشركة الروسية؟ التي تم التعاقد معها؟ جاء في استقالة الخبير الدكتور صابون بان الشركة الروسية التي تم معها التعاقد (غير معروفة) ولم تكن من ضمن الشركات المرشحة ببروتوكول التعاون مع روسيا، ولا حتى ضمن الشركات التي تتبع لصندوق تنمية الأقاليم الروسية أو الشركات المتعاونة معه (يعني القصة دغمسة وغمتي وكده)!
طيب إزاء هذا اللغط وزارة المعادن عملت شنووو؟ قام وزير المعادن بالتأكيد لوسائل الإعلام بان شركة (سيبرين) شركة روسية مية المية (مش كده وبس) وإنها قد سبق ونالت وساماً رفيعاً من الرئيس بوتين (شخصياً) ، كما إنها قد عززت موقفها بخطاب من وزير الإقتصاد الروسي !! وصرح الوزير حينها قائلاً (لو خدعت الرئيس بكنز الذهب استحق الإعدام ) ..!! ومش كده وبس بل قام بالتصريح ناعتاً المشككين بأنهم (ناس حاقدين ساي) !
حتى لا تتمرغ سمعة بلاده في التراب قووووم يا السفير الروسي بالتصريح وقتها بإن شركة «سيبرين» العاملة في مجال التنقيب عن الذهب ليست روسية بل سودانية و مسجلة وفقاً للقانون السوداني، وبالتالي ما ليها أي علاقة بروسيا، يعني لا نالت وساماً رفيعاً من الرئيس بوتين (زي ما قال الوزير) وللا وزير الاقتصاد الروسي (عزز موقفا) بخطاب !
من أجل إلهاء (الناس) عما صرح به السفير الروسي من معلومات هامة أعلن السيد وزير المعادن (الكاروري) حينها دخول الشركة مرحلة الإنتاج خلال 6 أشهر، وأنه بموجب الاتفاق سيتم استخراج نحو 33 طناً من الذهب في العام الأول ليزيد هذا الإنتاج خلال عامين ونصف إلى 53 طناً سنوياً، وأن هذه الكميات ستغير وضع البلاد وستسهم في النهضة الاقتصادية. وقد صرح السيد الوزير حينها قائلاً بأن الدراسات والأرقام التي قدمتها الشركة تم اعتمادها من قبل هيئة الأبحاث الجيولوجية الروسية التي تتمتع بخبرة ومصداقية، وهي دراسة مؤكدة، وأضاف قائلاً: “قمنا نحن في الوزارة بالتأكد من تلك الأرقام، ومن ثم كان التوقيع”، مبيناً أن “البيان سيكون بالعمل وليس الحديث وزاد “كلها ستة أشهر أو أقل، ويظهر إنتاج الشركة من الذهب”. (وطبعن الكلام ده ما حصل) !!
تناول (الحبوب) عزيزي القارئ .. العبد لله غير مسؤول بعد قراءتك لبقية المقال : الآن وبعد 18 شهراً من العمل (مش 6 شهور) لنا أن تساءل أين الـ 33 طن التي ينص الاتفاق على استخراجها في الأشهر الستة الأولى من بداية توقيع العقد ؟ والستة أشهر البعدها؟ والستة أشهر بعدها؟
جاء يا سادتي في صحف الأمس :
(كشف وزير المعادن د. أحمد محمد صادق الكاروري أن الشركة الروسية العاملة في التنقيب عن الذهب المعروفة باسم (سيبريان)، لم توف بدفع مبلغ خمسة مليارات دولار تعهدت بدفعها ضماناً للاستثمار لإشكالات تواجهها في بلادها.. وتعهد بدراسة المبررات التي قدمتها واتخاذ القرار المناسب بشأنها في الوقت المناسب) !! ….. يعني ليها سنة ونص بتنقب ملح ساااكت.. طيب الدهب وين؟ !!
كسرة :
هو انحنا بنتسرق من (الليلة)؟؟ !!
كسرة ثابتة (قديمة) :أخبار ملف خط هيثرو العند النائب العام شنو؟ 56 واو – (يعني ليها سبعة سنوات وشهرين) ؟? كسرة ثابتة (جديدة): أخبار تنفيذ توجيهات السيد الرئيس بخصوص ملف خط هيثرو شنو؟ 45 واو (يعني ليها ثلاث سنوات وتسعة شهور)
الجريدة
______
الشعب بحاجة الي مقالاتك التوثيقية عن الفساد يا استاذ
انصحك ان تجمع كل ما كتبة عن الفساد في كتاب وتصدرة لنا
انا متاكد حيكون افضل كتاب لارهاب الكيزان
نأمل أن يكونوا قد وضحوا معالم مناطق الدفن للمتابعة و المراقبة العلمية حتى لا تنعكس المخلفات سلباً على صحة المواطن في المستقبل القريب و الله أعلم.
الله يديك العافية ياجبرا والله ديل قوم لا يستحون من الله ولا يستحون من الكذب والنفاق لا عهد لهم ولا مصداقية وعدم الصدق هذا يدل على نفاقهم وكفرهم فهم منافقين وتجار ديم ليس الا . اشياء وعمايل تجيب الضغط والسكري معا وهذا ما جعل أكثر من ثلث الشعب السوداني مصابا بالسكري والضغط جراء كذب ونفاق هؤلاء القوم .
ابو ناجى .. شركة التنقيب الروسية لسسسه ما وصلت العمق الفيهو الدهب .. ياخ طوّل بالك شوية وما تستعجل الأمور .. التريث كويس فى إستخراج الدهب المجمّر يا عزيزى ..انت دااايمن تستعجل الأمور .. روّق المنقة ..
بالمناسبة .. الكارورى دا حسسسه وين ؟؟ أعدموهو ولا لسه ؟؟
تعجبني الكسور الفي الارقام بارعين فيها جدا
46 الف طن
33 طن
53 طن
شفتو الدقه كيف
استاذ جبرا بعد تفتت الاتحاد السوفيتي لعدة دول في دولتين حاملات نفس الاسم انا ما عارف ليه.نوع من الدغمسه . روسياالحمراء الضخمه بتاعت (بوتين) دي واحده.التانيه صغيره امبده اكبر منها اسما (روسيا البيضاء). الجماعه بسوو الدايرنو مع روسياالبيضاء التعبانه وما بجيبو سيره لي اللون ونحنا نهلل ونكبر عندنا عمي الوان . مرات كتيره روسيا بوتين بتقول انو شركة (سيبريان) ما بتعرف عنها حاجه. بلغ تحياتى لعمك هيثرو .
حسبى الله ونعم الوكيل ولاحول ولاقوة الا بالله
I do support your word
لماذا لا يستشار المستشار !!!؟؟؟
نحن بنتسرق منذ بداية الانقاذ والافتتاح كان سرقة كبيرة سرقة السلطة (يلعن ابو السرقة ذاتو دى السرقة يابلاش)
طبقوا فينا المثل القائل
اذا سرقت اسرق جمل . . . واذا عشقت اعشق قمر
عشان كدة الجماعة شغالين سرقات هبر هبر ذى خط هيثروا الكملت فيه الواوات كلها ولا حد رد عليك
هذا ماكان بصدر المثل اعلاه اما عجز البيت الجماعة ماخلو صدر ولا عجز حائم
هاك يازواج مثنى وثلاث ورباع (هنا الشرع قال لهم كفا)
قالوا طيب حاضر ياشرع نطبقك ذى ماقلت نعرس بنت الدينارى ونفك بنت الشيرية بايظ
شفت كيف ياجبرا الكلام
ياولد ادى ابوك حبوب الضغط والسكر كمان
الفساد والفشل هما متلازمتان انقاذيتان لا ينازع الانقاذ فيهما كائن من كان والله ياجبرة يا اخوى الله يديك العافية بس ما تقع لينا يوم الاستغراش وبهذه المناسبة فاننا مجموعة من السودانيين نوجه لك الدعوة لزيارة موسكو والتاكد من موضوع الشركة الروسية عشان تجيب الكلام النجيض والمؤكد ونحن على استعداد للتكفل بكل اجراءات السفر والاقامة وتاشيرة الدخول والمواصلات وغيرها من المصاريف عشان وزير المعادن ياخد رصاصة فى دماغة او ينتحر قبل كتابة تقريرك بعد زيارتك لموسكو وما تنسى البرد شديد جيب معاك الاغطية وزيت محمد حاتم لزوم المسوح انت زول داخل على كبر
ما أكثر من تصريحات الوزير الكارورى …
اولا كسرة وزيرة التعليم وينها ؟
ثانيا ال33 طن دى ما بتستحق كسرة ؟ اظن كترت عليك الحبوب يا حبيب
الأخ الأستاذ الفاتح جبرا
الموضوع الذى طرقته يشبه هذا النظام والضيع البلدى أن الكارورى لأنه من اسرة كبارها كيزان لازم يكون وزير وولد عثمان خالد الكوز لازم يكون سفير وهكذا الكيزان اصبحوا زى الطب فى مصر
فى مصر تجد عيادة فى ألب العتبة كانت للطبيب الجد وأنتقلت بعد وفاته باسم الطبيب الأبن وحاليا بإسم الطبيب الحفيد
إن لم يقتلنا الكيزان سيقتلنا أبناؤهم وإن لم يقتلنا أبناؤهم سيقتلنا أحفادهم لذا لا بد من حرب شعواء على كل كوز بهذا البلد
الكارورى معادن جيىء به بديلا لعبد اللطيف الوزير البكاي وطلع أسوأ منه
خلينا أربط كلامك دا أخى الفاتح بالقرار الذى صدر بالرفع الجزئى للعقوبات عن السودان
مادام وزرائنا أمثال هذا الكاذب الكارورى وزاد ” كلها ستة أشهر أو أقل، ويظهر إنتاج الشركة من الذهب ” وصرح الوزير حينها قائلاً ( لو خدعت الرئيس بكنز الذهب استحق الإعدام ) ..!! أنت شغال للوطن أم للرئيس
مافيش زول بيعلى اسم السودان كلهم يعلون من شأن الرئيس
طيب يا جبرا احتمال الكارورى دا استلم الدهب ومشى يوريه الرئيس والرئيس قال ليهو جيبوا وهاك الكم كيلو دى وأمسك خشمك – ما دام المقصود بالمصداقية فى العمل هو الرئيس ولا الوطن ولا الله
نعود ونؤكد لكم أن رفع العقوبات فى حد ذاته يلايخرج ذهبا من باطن الأرض ولا ينتج قمحا ولا شعيرا ولا دخنا ولا ذره ولا سمسم ولا يطق شجرة صمغ ولا يرعى ماشية
مصر مش مفروض عليها عقوبات وأحوالها لا تختلف عننا لأن التسعين مليون مصرى يأكلون أكثر مما ينتجون
بس مصر تتلقى قروض لأن حكومتها غير مصنفة ضمن قائمة الدول الراعية للأرهاب
نحن ضمن الدول الراعية للأرهاب ولو حلفنا على المصحف الامركان مش حيصدقونا لأنهم غير مسلمين ولو عاوزين الأمريكان يرفعونا من قائمة الدول الراعية للأرهاب عليه ان نتبع هذه الوصفة
(1) بناء علاقات دبلوماسية كاملة مع دولة إسرائيل
(2) التحول من دولة شبه إسلامية وماعاوز اقول اسلامية لأن اسلام الأنقاذ دا لا بيشبه اسلام دولة محمد ص ولا اسلام دولة الصحابة ولا التابعين –
الرباطابى قال لى اخيه يا الطيب انت امريكا دى مقاشرانه كده فى شنو – كيفن فى شنو – ماعشان مشروعنا الحضارى دا – مشروع الجزيرة والمناقل – مناقل شنو – مشروعنا الحضارى يعنى مشروعنا الأسلامى دا – بس ( بكسر الباء وتسكين النون ) – مشروعنا دا الكله رقيص وغناء فتوات – والله لو شافته كان عملت ليها واحد زيه
نحن رفعنا فى اول اسبوع من ايام الأنقاذ شعارات اسلامية ثم وضعنا تلك الشعارات ولم نعد اليها لمايزيد عن 27 عام والامركان لمان عرفوا نحن نخينا رفعوا رجلهم من الأبنص – وبدل الأمركان ليكم تسلحنا – الأمركان ليكم أنبطحنا هو الشعار الجديد
يا جبرا مش وزير التعدين لوحده الطلع كضاب – يوم افتتاح الدورة المدرسية وقف الوالى كاشا منتشيا لأنه عمل مسرح بالدويم وبكل وقاحه قال لو فى والى قدم خدمات اكتر مما قدمته سوف اقدم استقالتى
بالأمس وعلى قناة سودانية 24 S24 قدم الصحفى ود الشريف صورة سيئة لأقذز مستشفى فى التاريخ بمدينة الدويم
ارجو من الوالى كاشا يسيب قلة الأدب ويزور هذه المستشفى اليوم ويقدم إستقالته من داخل المستشفى ومن مستشفى الدويم الى منزله لا يركب سيارة الحكومة لأنه سيكون قد إستقال وتحرم عليه سيارة الدولة وبيت الدولة وراتب الدولة
أنت قايل الأنجازات مسرح وملعب كوره وكورجه مغنيات لعنة الله عليكم
لذا اخى الفاتح جبرا ستمر السنوات سنه وراء سنه ولن نستفيد من قرار اوباما بالرفع الجزئى للعقوبات الأمريكية
يا جماعة رفع العقوبات رافعه يستفاد منها فى زيادة الأنتاج وزيادة الأنتاج تحدث صادرات أضعاف مضاعفة لحجم الواردات وبالتالى يحدث فائض فى ميزان المدفوعات
نحن منذ خروج بترول الجنوب نعيش فى حالة عجز تام
وحتى نحدث فائض فى ميزان المدفوعات يجب أن يتم اختيار الوزراء على وزن القوى الأمين العارف مش ود الكارورى وود القبيلة الفلانية وود الحزب الفلانى والمحاصصات الودتنا فى 6000000000000000000 داهية
الكاروري يفترض ان يقدم استقالتة فورا لو عنده كرامة.
وانت مالك انت ؟ الله
يعني انت احرص على مصلحة السودان من دكتور الكاروري والا من اللي بنوا البلد من الصفر ؟
الشعب بحاجة الي مقالاتك التوثيقية عن الفساد يا استاذ
انصحك ان تجمع كل ما كتبة عن الفساد في كتاب وتصدرة لنا
انا متاكد حيكون افضل كتاب لارهاب الكيزان
نأمل أن يكونوا قد وضحوا معالم مناطق الدفن للمتابعة و المراقبة العلمية حتى لا تنعكس المخلفات سلباً على صحة المواطن في المستقبل القريب و الله أعلم.
الله يديك العافية ياجبرا والله ديل قوم لا يستحون من الله ولا يستحون من الكذب والنفاق لا عهد لهم ولا مصداقية وعدم الصدق هذا يدل على نفاقهم وكفرهم فهم منافقين وتجار ديم ليس الا . اشياء وعمايل تجيب الضغط والسكري معا وهذا ما جعل أكثر من ثلث الشعب السوداني مصابا بالسكري والضغط جراء كذب ونفاق هؤلاء القوم .
ابو ناجى .. شركة التنقيب الروسية لسسسه ما وصلت العمق الفيهو الدهب .. ياخ طوّل بالك شوية وما تستعجل الأمور .. التريث كويس فى إستخراج الدهب المجمّر يا عزيزى ..انت دااايمن تستعجل الأمور .. روّق المنقة ..
بالمناسبة .. الكارورى دا حسسسه وين ؟؟ أعدموهو ولا لسه ؟؟
تعجبني الكسور الفي الارقام بارعين فيها جدا
46 الف طن
33 طن
53 طن
شفتو الدقه كيف
استاذ جبرا بعد تفتت الاتحاد السوفيتي لعدة دول في دولتين حاملات نفس الاسم انا ما عارف ليه.نوع من الدغمسه . روسياالحمراء الضخمه بتاعت (بوتين) دي واحده.التانيه صغيره امبده اكبر منها اسما (روسيا البيضاء). الجماعه بسوو الدايرنو مع روسياالبيضاء التعبانه وما بجيبو سيره لي اللون ونحنا نهلل ونكبر عندنا عمي الوان . مرات كتيره روسيا بوتين بتقول انو شركة (سيبريان) ما بتعرف عنها حاجه. بلغ تحياتى لعمك هيثرو .
حسبى الله ونعم الوكيل ولاحول ولاقوة الا بالله
I do support your word
لماذا لا يستشار المستشار !!!؟؟؟
نحن بنتسرق منذ بداية الانقاذ والافتتاح كان سرقة كبيرة سرقة السلطة (يلعن ابو السرقة ذاتو دى السرقة يابلاش)
طبقوا فينا المثل القائل
اذا سرقت اسرق جمل . . . واذا عشقت اعشق قمر
عشان كدة الجماعة شغالين سرقات هبر هبر ذى خط هيثروا الكملت فيه الواوات كلها ولا حد رد عليك
هذا ماكان بصدر المثل اعلاه اما عجز البيت الجماعة ماخلو صدر ولا عجز حائم
هاك يازواج مثنى وثلاث ورباع (هنا الشرع قال لهم كفا)
قالوا طيب حاضر ياشرع نطبقك ذى ماقلت نعرس بنت الدينارى ونفك بنت الشيرية بايظ
شفت كيف ياجبرا الكلام
ياولد ادى ابوك حبوب الضغط والسكر كمان
الفساد والفشل هما متلازمتان انقاذيتان لا ينازع الانقاذ فيهما كائن من كان والله ياجبرة يا اخوى الله يديك العافية بس ما تقع لينا يوم الاستغراش وبهذه المناسبة فاننا مجموعة من السودانيين نوجه لك الدعوة لزيارة موسكو والتاكد من موضوع الشركة الروسية عشان تجيب الكلام النجيض والمؤكد ونحن على استعداد للتكفل بكل اجراءات السفر والاقامة وتاشيرة الدخول والمواصلات وغيرها من المصاريف عشان وزير المعادن ياخد رصاصة فى دماغة او ينتحر قبل كتابة تقريرك بعد زيارتك لموسكو وما تنسى البرد شديد جيب معاك الاغطية وزيت محمد حاتم لزوم المسوح انت زول داخل على كبر
ما أكثر من تصريحات الوزير الكارورى …
اولا كسرة وزيرة التعليم وينها ؟
ثانيا ال33 طن دى ما بتستحق كسرة ؟ اظن كترت عليك الحبوب يا حبيب
الأخ الأستاذ الفاتح جبرا
الموضوع الذى طرقته يشبه هذا النظام والضيع البلدى أن الكارورى لأنه من اسرة كبارها كيزان لازم يكون وزير وولد عثمان خالد الكوز لازم يكون سفير وهكذا الكيزان اصبحوا زى الطب فى مصر
فى مصر تجد عيادة فى ألب العتبة كانت للطبيب الجد وأنتقلت بعد وفاته باسم الطبيب الأبن وحاليا بإسم الطبيب الحفيد
إن لم يقتلنا الكيزان سيقتلنا أبناؤهم وإن لم يقتلنا أبناؤهم سيقتلنا أحفادهم لذا لا بد من حرب شعواء على كل كوز بهذا البلد
الكارورى معادن جيىء به بديلا لعبد اللطيف الوزير البكاي وطلع أسوأ منه
خلينا أربط كلامك دا أخى الفاتح بالقرار الذى صدر بالرفع الجزئى للعقوبات عن السودان
مادام وزرائنا أمثال هذا الكاذب الكارورى وزاد ” كلها ستة أشهر أو أقل، ويظهر إنتاج الشركة من الذهب ” وصرح الوزير حينها قائلاً ( لو خدعت الرئيس بكنز الذهب استحق الإعدام ) ..!! أنت شغال للوطن أم للرئيس
مافيش زول بيعلى اسم السودان كلهم يعلون من شأن الرئيس
طيب يا جبرا احتمال الكارورى دا استلم الدهب ومشى يوريه الرئيس والرئيس قال ليهو جيبوا وهاك الكم كيلو دى وأمسك خشمك – ما دام المقصود بالمصداقية فى العمل هو الرئيس ولا الوطن ولا الله
نعود ونؤكد لكم أن رفع العقوبات فى حد ذاته يلايخرج ذهبا من باطن الأرض ولا ينتج قمحا ولا شعيرا ولا دخنا ولا ذره ولا سمسم ولا يطق شجرة صمغ ولا يرعى ماشية
مصر مش مفروض عليها عقوبات وأحوالها لا تختلف عننا لأن التسعين مليون مصرى يأكلون أكثر مما ينتجون
بس مصر تتلقى قروض لأن حكومتها غير مصنفة ضمن قائمة الدول الراعية للأرهاب
نحن ضمن الدول الراعية للأرهاب ولو حلفنا على المصحف الامركان مش حيصدقونا لأنهم غير مسلمين ولو عاوزين الأمريكان يرفعونا من قائمة الدول الراعية للأرهاب عليه ان نتبع هذه الوصفة
(1) بناء علاقات دبلوماسية كاملة مع دولة إسرائيل
(2) التحول من دولة شبه إسلامية وماعاوز اقول اسلامية لأن اسلام الأنقاذ دا لا بيشبه اسلام دولة محمد ص ولا اسلام دولة الصحابة ولا التابعين –
الرباطابى قال لى اخيه يا الطيب انت امريكا دى مقاشرانه كده فى شنو – كيفن فى شنو – ماعشان مشروعنا الحضارى دا – مشروع الجزيرة والمناقل – مناقل شنو – مشروعنا الحضارى يعنى مشروعنا الأسلامى دا – بس ( بكسر الباء وتسكين النون ) – مشروعنا دا الكله رقيص وغناء فتوات – والله لو شافته كان عملت ليها واحد زيه
نحن رفعنا فى اول اسبوع من ايام الأنقاذ شعارات اسلامية ثم وضعنا تلك الشعارات ولم نعد اليها لمايزيد عن 27 عام والامركان لمان عرفوا نحن نخينا رفعوا رجلهم من الأبنص – وبدل الأمركان ليكم تسلحنا – الأمركان ليكم أنبطحنا هو الشعار الجديد
يا جبرا مش وزير التعدين لوحده الطلع كضاب – يوم افتتاح الدورة المدرسية وقف الوالى كاشا منتشيا لأنه عمل مسرح بالدويم وبكل وقاحه قال لو فى والى قدم خدمات اكتر مما قدمته سوف اقدم استقالتى
بالأمس وعلى قناة سودانية 24 S24 قدم الصحفى ود الشريف صورة سيئة لأقذز مستشفى فى التاريخ بمدينة الدويم
ارجو من الوالى كاشا يسيب قلة الأدب ويزور هذه المستشفى اليوم ويقدم إستقالته من داخل المستشفى ومن مستشفى الدويم الى منزله لا يركب سيارة الحكومة لأنه سيكون قد إستقال وتحرم عليه سيارة الدولة وبيت الدولة وراتب الدولة
أنت قايل الأنجازات مسرح وملعب كوره وكورجه مغنيات لعنة الله عليكم
لذا اخى الفاتح جبرا ستمر السنوات سنه وراء سنه ولن نستفيد من قرار اوباما بالرفع الجزئى للعقوبات الأمريكية
يا جماعة رفع العقوبات رافعه يستفاد منها فى زيادة الأنتاج وزيادة الأنتاج تحدث صادرات أضعاف مضاعفة لحجم الواردات وبالتالى يحدث فائض فى ميزان المدفوعات
نحن منذ خروج بترول الجنوب نعيش فى حالة عجز تام
وحتى نحدث فائض فى ميزان المدفوعات يجب أن يتم اختيار الوزراء على وزن القوى الأمين العارف مش ود الكارورى وود القبيلة الفلانية وود الحزب الفلانى والمحاصصات الودتنا فى 6000000000000000000 داهية
الكاروري يفترض ان يقدم استقالتة فورا لو عنده كرامة.
وانت مالك انت ؟ الله
يعني انت احرص على مصلحة السودان من دكتور الكاروري والا من اللي بنوا البلد من الصفر ؟
طيب الدهب وين؟
اكلوا الدودو…
بالمناسبة..من هو الدودو؟؟
الاجابة …عمك عمر ذات نفسو..
هي كثيرة الشركات التي اتت ونهبت وسرقة وذهبت تحت مسمع ومراء المسؤلين وأتذكر جيداً تلك الشركة التركية التي ايضاً اتت من اجل الذهب في شمال السودان وهي إلي الأن بمثابة لغز إلي الان لنا بحيث تركة معدات تقدر بأكثر من مليون دولار وهربة في عز الليل من المنطقة وما يحير أكثر كان الهروب بطائرة اتت في جنح الليل لقد سمع اهل القرية صوتها ولكن لايعلمون إن كانت سودانية ام تركية ام تتبع لأي دولة وحينما اختفت الشركة المنقبة عن الذهب شك اهل القرية بأن يكون هنالك امراً ما وبالفعل بعد الفحص والتمحيص والتقصي إكتشفو مقبرة اثرية ضخمة تبعد بضع كيلو مترات من مقر الشركة ولكن بعد فوات الأوان وأهل القرية يتسألون ياتري ماهو قيمة هذا الكنز الذي يجعل شركة تتركة كل تلك المعدات وتهجر السودان وتترك ألياتها مع عمالتها السودانية من عمال ومهندسين الذينا كانو نائمين في العسل مثل اهل القرية وإن كان معهم بعض المتعاونين الذين اصبحو اثرياء الأن ومن اصحاب الملااااين ياجبرة لذلك ربما تكون سبيريا ولا سنبريا دي لهبة الدهب وطارت
وكتير خير الحكومة اتت ووضعت شبردق علي المقبرة وذهبت من غير ان تستكشف المنطقة بحجة انها منطقة اثرية معروفة
كسرة جديدة: اخبار الزيت شنو يا الفاتح؟؟
الكاروري “أن الشركة الروسية العاملة في التنقيب عن الذهب المعروفة باسم (سيبريان)، لم توف بدفع مبلغ خمسة مليارات دولار تعهدت بدفعها ضماناً للاستثمار لإشكالات تواجهها في بلادها.”
السفير الروسي “شركة «سيبرين» العاملة في مجال التنقيب عن الذهب ليست روسية بل سودانية و مسجلة وفقاً للقانون السوداني، وبالتالي ما ليها أي علاقة بروسيا.”
طيب، الشركة ده بلادها وين التي تواجه فيها إشكالات? هل هي روسيا
أو السوداني.
يا استاذ جبرا اعمل حسابك اتكلم في هيثرو في القطن في المدينة الرياضية إلا الذهب ؟ دا داخلة فيه المافيا الروسية ؟؟؟ بكرة تصدمك سيارة مسرعة ونقول المرحوم كان راجل طيب الله يرحمه أتدخل في ما لا يعنيه؟
ده يا استاذ اسمه ذهب مع الريح
يديك العافية يا الفاتح..فتح الله عليك..
يديك العافية يا الفاتح..فتح الله عليك..
دا الدهب المجمر بجمالو انضر
دا الفل يحكي لونو ماحلي نونو
يا ود جبرا لا تسألوا عن أشياء إن تبد لكم تسؤكم. الناس ديل ممكن يركبوك طيارة الزبير .. فهم والغدر “أخيين كانا أرضعا بلبان”.