مرسوم يمنع غسيل السيارات في شوارع الأسفلت
الخرطوم: أصدر معتمد محلية الخرطوم، اللواء متقاعد عمر إبراهيم نمر، مرسوماً محلياً مؤقتاً قضي بمنع غسيل السيارات في الشوارع الأسفلتية لتسبب مياه الغسيل في إهتراء طبقة الأسفلت وتلفها وتردئ البيئة والمظهر العام.
ونقل المركز السوداني للخدمات الصحفية عن نمر قوله إن المرسوم يتماشى مع القانون الذى أصدره مدير شرطة مرور ولاية الخرطوم، لافتاً الى أن المرسوم والقانون سيعرضان مرتكب مخالفة غسيل السيارات إلي عقوبة مضاعفة حفاظاً على الممتلكات العامة، داعياً المواطنين إلى تحمل مسؤولياتهم ورفع درجة الحس الوطني لديهم والإبتعاد عن إرتكاب المخالفات والممارسات التي تسهم في تردي البيئة وإنتشار الظواهر السالبة.
وكشف المعتمد عن بدء خطة تسوير بعض الشوارع بوسط الخرطوم لفصل حركة السيارات من المارة بغرض حفظ النظام وإنسياب حركة المرور.
إلي ذلك، أمهل اللواء نمر القائمين علي توطين «الفريشة» بالمواقع الثابته بالأسواق الجديدة فترة (24) ساعة لإستكمال التوطين ومن ثم الشروع في بدء الحملات التنظيمية الخاصة بمنع البيع الجائل وافتراش البضائع على الأرض.
الصحافة
خلاص الجماعة عاوزيين يستثمروا فى المغاسل؟؟؟؟
الدول الاخري منطلقة في التطور بسرعة الافلات و ديل لسع في العربية يغسلوها وين ( يعني باختصار محتاجين لملايين القرارات الاخري عشان نكون في زيل الدول الاخري
ياخي محلية الخرطوم ديل حيرونا كل شبر عملوهو طبلية.. من يبيع لمن..الباعة الفارشين في الأرض يشغلون كل الأرصفة ولا سنتمتر واحد الناس تقدر تمشي فيهو..الطبالي بين جكسون والأستاد سدت الطريق الوصل بينهما..وبعدين نمشي كيف..شنو الوسخ دا..الأكياس والقذارة في كل مكان..يا جماعة مش معقول شعب بأكملو يبقو تجار والمشتري منو؟وقس علي ذلك كل من بحري وأم درمان..
اسفلت ايه الانته جايى تقول عليه انته عارف قبل معنى الاسفلت ايه ؟؟؟
اسفتفوووووووووووووووووووووووووووووووووووووووووووووووووووووووووووو
دة اسفلت شنو البيهتري دة عشان غسلو فيهو موية؟؟؟؟؟؟؟؟؟؟؟؟؟ يعني ما بتجي فيهو موية مذر ولاشنو
تاني شئ هم ماشافو الشوارع البيغسلو بالصابون صباح ومساء؟؟
التنظيم ما بطال بس سببكم يضحك ويمكن حقيقي عشان ظلطكم زي وشكم