والي الخرطوم يشيد منزلاً جديداً في منطقة مميزة يحتوي سرداباً بهدف الحماية من الكوارث
أمدرمان – الراكوبة
يبدو أن الأزمة الخانقة التي يعاني منها الأقتصاد السوداني والتي أدت إلى انخفاض قيمة الجنيه أمام العملات الأجنبية إلى مستويات غير مسبوقة، لم تشمل المسئولين في الحكومة السودانية.
الصور أدناه لمنزل والي الخرطوم الدكتور /عبدالرحمن الخضر – بمدينة الروضة بالقمائر امدرمان في موقع استراتيجي هام من شارع النيل امدرمان اساس البيت عبارة عن بدروم أرضي، بغرض التأمين عند حدوث الكوارث، اما الطوابق الاخرى المتوقعة نهايتها في الأيام القادمة سوف تكون مأوى لأسرته.
وقد قيّم أحد المختصين سعر قطعة الأرض التي يقع عليها المنزل – وتبلغ مساحتها 500 متراً – بما لا يقل عن مليار جنيه، ويعتبر هذا المبلغ تافهاً بالنظر لمنازل متنفذين آخرين في حكومة البشير.
المنزل تحت التشييد اكتمال السرداب أو البدروم
النيل
شارع اسفلت متوقع قيامه عن قريب
شارع النيل
شارع النيل امدرمان لا يبعد كثيراً عن المنزل
سير سير يالبشير
والله حرام عليهم دمرو البلد الكيزان
ما يصدق الراجل والى الخرطوم ده يادووووووووووب بيبنى ليه بيت والله فعلا الراجل نزيهه ويستاهل وسام الجداره والنزاهه وكمان فى حى الروضة والمساحة 500 متر يا اخى ما تشوف حى راقى 2000 الى 3000 متر وتعمل ليك سراية (فيلا) ذى البنشوفة فى المسسلات وتبسط العيال وام العيال وبلاش فقر شوف الجماعة حولك عندهم ايه وصلوا الكلام جاى جاى حتى لو عملتى عششششششششششششششششة
عااااادى طالما قاعدين نتونس ونضحك ونعلق إن شاء الله يبنيهو فى راسنا ده .شعب باااااطل
تهليل …………..تكبير …………………………..الخ.
فعلا باين عليه زول مفلس
يا خي لا
من راقب الناس مات هما الا اذا كان الموضوع مدفوع الاجر ؟
ربنا يزيدو ويجعل فيه البركة ان كان قاعد يبني فيهو بالحلال, السعر ما كبير بالنسبة للتضخم الحاصل في عموم البلد وتحديدا في المجال العقاري, الفترة الاخيرة اتجهت معظم رؤوس الاموال في ظل التضخم الكبير وشح النقد الاجنبي في السوق وللمحافظة على قيمة اموالهم نحو شراء قطع الاراضي و البنايات بأعتباره الاكثر امانا على الاقل حتى الان بدلا من الاحتفظ بها كعملة محلية تتراجع قيمتها مع كل صباح
.
.
.
خارج النص:
ان كنتم انتم -من اسمو انفسهم بالاسلاميين- تتبارون وتتطاولونون في البنيان ونحن في عام الرمادة فمن يجهز جيش العسرة!!
دا البيت رقم كم
43
موضوع عادي جدا جدا شوفو ليكم حاجات حيوية وتفيدنا صديقي من السعودية عامل بدروم
يا حرام مسكين والينا يادوب حتة بيت مع الحالة المنيلة ادعو شعب ولاية الخرطوم موظفين وعمال التبرع بمرتب يوم كما ادعو سائقي الحافلات والامجاد والتاكسي والهايس والقريز والركشات والكارو ام عجلين واربعة والدرداقات بالتبرع بدخل يومين وارجوا ان لا تفوت تلك السانحة لربات الخدور درجة اول وتانية وتاتة وعشوائي وصفيح وكرتون ابتاهالها لتكون في ميزان الحسنات وصدقة جارية لموتاهم عيب علينا نشاهد ولي الامر بهذا العذاب والبشتنة انه يمثل وجة الولاية
الزول ده عندو عمارة خمسة طوابق فى شارع الستين
يبقى دى البيت رقم كم
يا حليل الابيض زمن كنت ساكن فى بيت ايجار بتاع الكوارته
وعامل صيدلية زى كنتين الحله
ياود الخضر الدنيا دواره
معقول الان ساكن كافورى ايجار , لكن بامانه لما كيزان القضارف طردوك وجيت تبكى لود اختك بالحسبه عندك كم وطبعا قالوا عليك خطير وعينك لبعيد؟