قادة الجبهة الثورية يتحدثون للراكوبة عن الثورة السودانية ويوجهون رسائل للشعب وأجهزة أمن حزب البشير.
عبدالوهاب همت
حول حديث الرئيس عمر البشير في المؤتمر الصحفي الذي عقده أول الامس 22 سبتمبر فيما يتعلق برفع اسعار السلع. وعن ردة فعل جماهير الشعب السوداني في مواجهة هذة الزيادات ومقاومتها في سبيل ا سقاط النظام والشهداء الذين بدأوا يتساقطون في مدينة ودمدني وربما في مدن أخرى نتيجة المظاهرات التي عمت أرجاء كثيرة من البلاد تحدث الى الراكوبة عدد من قادة الجبهة الثورية السودانيه وقد جاءت كل أحاديثهم متناغمة ومنسجمة وداعية بل ومشددة في سبيل دعم الشعب السوداني لفجر الخلاص, واعلنوا تمسكهم بالحلول السلمية كخيارات ترضي الجميع لكنهم لم ينسوا القول أن الحلول العسكرية أقرب من حبل الوريد وقد تحدث قادة الجبهة الثورية وهم الدكتور جبريل ابراهيم رئيس حركة العدل والمساواة والاساتذة مني أركو مناوي رئيس حركة جيش تحرير السودان والتوم هجوم القيادي الاتحادي وابو القاسم امام مسئول الاعلام في الجبهة الثورية.
الاستاذ ابو القاسم امام مسئول الاعلام في الجبهة الثورية قال: لقد قمنا بتكوين غرفة من الشباب والطلاب والمرأة للمشاركة ومتابعة مايدور في السودان واننا نقوم بتنسيق على مستوى عال حتى تكون الانطلاقة قوية ومشرفه. ومن حقنا التدخل لحماية جماهير الشعب السوداني متى مارأينا أنه يحتاج الى ذلك ونريد تطمين الجماهير المنتفضة اننا بينهمونحن لازلنا مع خيار العمل السلمي للاطاحة بالنظام, لكن هذا لايعني أننا اسقطنا حقنا في العمل العسكري حال استخدام النظام للسلاح للفتك بالمتظاهرين العزل ورسالتنا واحدة لجماهير الشعب اطيحوا بهذا النظام الذي حاربكم حتى في لقمة العيش, ونحن على ثقة أن عزيمة شعبنا لاتلين ولاتقهر وأن استمرار هذا النظام يعني المزيد من البؤس على الشعب ونطمئن جماهير شعبنا اننا أقرب اليهم من حبل الوريد وعليهم المضي الى آخر الطريق للخلاص من هذا النظام.
الاستاذ التوم هجو قال: التصريحات المستفزة التي أطلقها الرئيس البشير في مؤتمره الصحفي تنم عن درجة عالية من الصلف والغرور وهي حالة تلتبس الرئيس في اوقات الازمات وهو بدلا من أن يسعى لوضع الحلول يطلق تصريحاته الرعناء ويوجه الاساءات لشعبه, وعدم احساس الرئيس بمعاناة شعبه ظهرت منذ الايام الاولى للانقلاب عقب اعدام الشهيد مجدي محمد احمد عندما صرح الرئيس لصحيفة مصرية قائلا اذا وجد اي سوداني دولارا ملقيا على الارض فلن يجرؤ على رفعه تخيلوا هذا الاستهزاء بالشعب السوداني والذي ابتلاه الله بهذا البشير المريض نفسيا, والرجل يتحدث عن كسر سنه عندما كان يعمل لانه كان فقيرا وليت هذا الكسر لو وقع في مكان آخر بدلا عن سنه لأراحنا واستراح مما اوصلنا اليه.
لكننا نقول للرئيس البشير انك سكران بالسلطة وهذه السكرة ستزول قريبا وسيكتب لك الشعب السوداني روشتة العلاج الناجع. وان هذا الشعب الذي تزدرية وتضطهدة سبق له أن ازاح ديكتاتوريتين من قبلك وهو قادر على القضاء عليك في أي لحظة ولك في قذافي الذي وجد متواريا كالفأر داخل حفرة عظة وعبرة. والشعب الذي يموت موتا بطيئا هاهو الان قد تحداكم وسيمضي في مسيرة تحية الى ان ينتصر.
نحن في الجبهة الثورية وضعنا الحل السلمي كأولوية في أجندتنا وتركنا الخيار العسكري كآخر الخيارات, ولكننا نريد ان نقول لجماهير الشعب السوداني نحن من خلفكم في أي تظاهرة تنطلق ونوجه تحذيرا صارخا ففي حال استخدام النظام للعنف الذي سيفضي الى تقتيل الشعب فاننا لن نتردد وستتحول بلادنا الى انهار من الدماء وعلى النظام ان يعي ذلك جيدا من الان لان البندقية الوطنية لن تقف صامتة والثوار يحصدهم رصاص المؤتمر الوطني.
القائد مني أركو مناوي رئيس حركة جيش تحرير السودان قال: المظاهرات التي انطلقت عقب اعلان رفع الاسعار وبجماهيرها العزلاء تؤكد استعداد الشعب للتضحية والفداء في أي لحظة, ونحن نهيب بالجماهير السودانيه في النقابات والاحزاب والروابط المهنية والاقليمية للخروج والتظاهر حتى يخر هذا النظام صريعا واننا لن نكتفي بمناشدة الجماهير فقط فنحن بينهم كفا بكف وقدما بقدم وهتافا بهتاف وهذه المظاهرات السلمية التي لم يقوم الشعب فيه بأي نوع من العنف على الحكومة ان تنتبه لذلك لان المساس بأي متظاهر يعتبر خطا أحمر وستدفع الحكومة أثمان ذلك وهي تعي مانقول, وحق التظاهر والاحتجاج مكفول في القوانين والاعراف الدولية, واذا رأت الحكومة عكس ذلك فعليها تقديم المتظاهرين لمحاكم عادلة تتوافر لهم حقوقهم الاساسية من قضاء واقف وحرية في استجلاب الشهود الخ.. مما هو متعارف عليه, ونطمئن الجماهير أننا من وراءهم في كل مدينة وقرية ولن نسمح لكلاب الامن من افتراسهم وسنتدخل متى مادعى الامر.
والشعب السوداني يعلم علم اليقين أن هذا النظام الجاثم على صدرة لمدة ربع قرن من الزمان لن يذهب الا عن طريق القضاء عليه ومحوه من الوجود وهذا لن يتم الا بسواعد النساء والرجال فهيا اليوم للتظاهرة وغدا لدفن هؤلاء الطغاة غير مأسوف عليهم.
أما الدكتور جبريل ابراهيم رئيس حركة العدل والمساواة فقال: نحيي شعبنا الصابر الصامد الاعزل الا من سلاح ايمانه بالديمقراطية والعدالة الاجتماعية ورفضة للظلم بكافة انواعه. وشعبنا الذي سبق الاخرين بأربعة عقود في منازلة الديكتاتوريات وصارعها الى أن صرعها في مقدوره الان أن يكرر هذه المأثرة والتي كانت في اكتوبر 1964 ومارس أبريل 1985. وان العنف المفرط الذي يواجه به النظام للجماهير العزلاء لن يزيدها الا ثباتا وصمودا وهذا ما سيزلزل اركان النظام المنهار اصلا, وان المحاولات التي يبذلها النظام لاستمالة قطاعات عريضة من الجماهير وبعض الاحزاب السياسية ماهي الا تأكيد على حالة الضعف التي تعتري جسد النظام المريض المتقيح. وهذه التظاهرات تعني أن المارد قد انطلق من قمقمه وهذا النظام زائل لامحال وان الشعب يستطيع أن يأتي بالبديل الديمقراطي المنتخب الذي سينقذ الشعب من براثن هذا النظام, عليه فاننا نناشد جماهير حركة العدل والمساواة والجبهة الثورية في الانضمام لهذه التظاهرات كما ندعو كل الجماهير المنتمية وغير المنتمية لتقول قولتها بيعيدا عن اي نوع من الاستكانة او التخاذل.
وعن احتمال قيامهم في الجبهة الثورية بأي عمل عسكري قال: العمل العسكري لانبذله لوسائل الاعلام قبل الاقدام عليه لان له ظروفه وطرقه , لكننا لن نألوا جهدا على الاطلاق في دعم الشعب السوداني بكل ماهو متاح وممكن في سبيل الخلاص وختم قائلا دعونا نعمل بدلا عن أن نتحدث.
فى انتظاركم يا جبهه يا ثورية لقد انغلتو على أنفسكم و نسيتو انو الشعب كله معكم ولابد من العمل والمثابرة لأنهم محتاجين لقيادات وما عاوزنهم يستقلوهم الزبالة
نترحم علي ارواح شهدائنا الابرار الذين جادوا بالغالي و النفيس ضاربين المثل الاعلي في التضحية والفداء و نعاهد ارواحهم الطاهره باننا علي داربهم سائرون لاسقاط هذه الطغمة الفاسده و المحافظه علي ما تبقي من ارض السودان و شعبه و حتي يقف نزيف الدم السوداني وتوظيف امكانيات البلاد و طاقة ابنائها من اجل اعادة بناء الوطن ولم شمل ابنائه الذين مزقت حروب النظام نسيجهم الاجتماعي .
المجودون في هذا الشارع أخرجهم الجوع ورفع الدعم وفساد السلطة ويحتاجون لقليل من التنظيم ، أتمنى من قادة القوى السياسية أن يقوموا بدورهم الوطني مجتمعين من غير صراعات لأن الهم واحد والهدف واحد نتمنى أن يكون الحديث بصيغة الجمع لا نريد أن ينسب الفضل إلا للشعب السوداني كافة وما حدث بنيالا ومدني وامدرمان وكل مدن السودان هو جهد الشعب السوداني بمختلف ألوان طيفه ، إستمرار الثورة هو الأمل لغد جديد لوطن بالفيه نتساوى نحلم نقرأ نتداوى ، وطن الديمقراطية والحرية والعدالة الإجتماعية
يا اسود كاودا ثوار المدن عايزنها سلمية حتى اسقاط نظام الفساد والعنصرية لكن اذا الاوغاد استعملو العنف ضد جماهيرنا العزلاء استعدو لحماية الثورة من كلاب البشير العقورة المسعورة انتو انياب الشعب دا ومخالبو وعشت يا شرف البنادق
يا أستاذ أبو القاسم إمام بل استمراركم أنتم في المعارضة الغير صادقة يعني تفاقم البؤس الحاصل للشعب السوداني .
اى زول داير يعارض يبقى راجل واعارض من جوه الخرطوم — تقول لى بعتقلوك — مايعتقلوك فى نضال بدون اعتقال ولا الرجال الفى المعتقلات ديل ارجل منك — ابقو رجال وتعالو الخرطوم والله ناكل معكم النار — قال جبهه ثوريه قال وحيحمو الشعب — طيب ماتجو تحمونا — حنظاهر وحنقلب الحكومه — بس اوع تجو تنظرو وتهتفو بعد تطمئنو على ارواحكم— ليس مناضلا من كان الموت هو خيار بعيد عنده — وليس مناضلا من يخشى الاعتقال — وليس مناضلا من يسفك دما ويحمل سلاحا— خذو العبرة من مانديلا وغاندى وماذا حققو — وماذا حققت الثورات المتمرده فى العالم
هذا هو الكلام فلو وجد الشعب الدعم ولو معنويا من الجبهة الثورية أوأى جهة سودانية مناوئة للنظام وتكفى كلمة(نحن معكم وأقرب اليكم)ففى هذه الكلمة الطمأنينة الكاملة لكل متردد ولكل متخاذل,يكفى التحذير من قيادة الجبهة الثورية لقادة الرباطة والصيع ليرعوو ويفكروا الاف المرات لكى لايقدموا على خطوة تجرهم للحرب داخل أوكارهم.هذه فرصة الشعب لنيل الحرية والأنعتاق من دولة الظلم ولابد لليل أن ينجلى ولابد للقيد أن ينكسر.وثورة حتى النصر.
أقف بكل ما أوتيت من قوة ما هذا الشعب الأبي المناضل في سبيل تحقيق العداله والمساوة والنهود بهذة الأمة الى الامام ولكب ما يؤنب ضمير الفوضى الخلابة لتدمير وإحراق المنشأت الحكومية والدعوات لإستهداف أبناء المسؤلين من ضرب وقتل هذه ليست من شيمة الشعب السوداني فهو دخيل علينا دعونا الى نبذ العنف وعلينا بالطرق السلمية لتداول السلطة فالإنتخابات قاب قوسين أو أدنى فلماذا العجلة حرام تدمير ما تبقى من مقدرات الأغلبية الصامت من هذا الشعب العظيم
نريدها ثورة سودانية خالصة من كل الاحزاب السياسية التي فشلت في الوصول بالوطن الي بر الامان ولاجبهة ثورية ولا حزب الامة و لا الشعبي لا الاتحادي فكلهم شاركوا لانقاذ في السلطة في احدي المراحل فليذهبوا جميعا غير ماسوفا عليهم
عملناها مرتين وكانو إسمهم إنتفاضة, يعني عشان المصريين سموها ثورة, أنحنا غيرناها لثورة!.
عفوا
ياناس الجبهة الثورية دايرييين فعل مش بيانات حركوا الفاشر والدمازين وكادوقلي ..نافع ينهار والبشير وباقي الوسخ ماااااااااااااااادايرين ونسه
الاستاز منى اركو مناوي …. لقب غريب . طبعا اليقرة لامن تقع سلاليخا بكترو وشكلو لو نظام البشير سقط اي مجموعة من المنتفعين حا يقولو نحن الاسقطناه من فنادق اوربا طبعا . نحن عاوزنها ثورة شعب حر يسقط النظام وباتى بمن يشاء ولا مجال للمصادرة
الله يلعنكم بالمذاهب الأربعه وانتو الفرق بينكم وبين حكومة البشير شنو وجميعكم كنتم مشاركين فى هذه الحكومة واقولها لكم ان الشعب السوداني واعي وانتم غير مرغوب فيه نعم والله العظيم انتم ناس شوارع وما منكم رجاء وكلكم سنه اولي سياسه
المظاهرات السلمية اذا ما قوبلت من النظام الوحشي بالضرب و التنكيل و القتل بالمتظاهرين فلا بد من الصمود في وجههذه القوات الأمنية و الرد عليهاالصاع صاعين و الا فلن تنجح الانتفاضة . لذلك أؤيد حماية الجبهة الثورية للمظاهرات و أؤكد لكم أن النظام سوف يتهاوى و يسقط و سوف ينحاز الضباط و الجنود الوطنيون للشعب . عاش تلاحم شباب الثورة مع الجبهة الثورية
لا مرحبا بهم إنهم صالوا نار الثورة السودانية الخالصة الشعبية ..
هذه ثورة مواطنين وليست ثورة أحزاب ولا جماعات .. من كان يريد الإنضمام إليها بشخصه كفرد من أفراد الشعب فألف أهلا وسهلا ..
لن نملي علي أحد شيئا وليست الثورة ملكي ولا ملكك ولا ملك فرد إنها ملك الشعب كافة لكن هذا رأينا ..
لا مرحبا بأي كيان أو حركة أو حزب ومرحبا بكل مواطن حر ..
دور الأحزاب سوف يأتي بعد سقوط النظام بالاستعداد لانتخابات حرة ونزيهة يسلم فيها الشعب سلطته لمن يراه مناسبا لها ..
يا ناس الجبهه الثوريه اطلعوا منها كم مره ناديتو للمظاهرات والشعب ما استجاب ليكم يعني بالعربي نحنا ما دايرنكم
طظ في جبهة الثورية وطظ في اي زول بسمع كلام الجبهة الثورية لماذا؟
– الجبهة الثورية بتتكلم من منازلهم(اوربا وامريكا)
– العمل المسلح للجبهة الثورية هو خراب لشعب السودان والسودان ما ناقص حروب ,عساكر الجبهة الثورية بيدمروا فقط وبنهبوا متلكات الشعب السوداني ,وبقولوا نهبنا الحكومة
– الجبهة الثورية عمرها ما حتكون خيار اهل السودان لانهم بهتموا بي مصالحهم الشخصية اكتر من اي شي .
– الجبهة الثورية هل هم مأهليين لقيادة السودان ولا زوبعة في فنجال .
– الجبهة الثورية كان دايرين السودان وعزيمة اهل السودان واسقاط النظام يجوا الخرطوم ويساندوا الشعب في اسقاط الحكومة بدل من الصريحات من اوربا
– هل ناس الجبهة الثورية عيشيين نفس الحالة العايشة الشعب السوداني من جوع وفقر وضنك وووووووو
– خلوا التصريحات من الخارج وتعالوا السودان هذا نوع من الجبن الخفي
– طظ طظ طظ طظ ط ظ…………….ز
فرحانين اوي بالمظاهرات وهل تعتقدون ان الشعب ثائر من اجلكم لاوالله انتم بعيدون تماما من حساباته وخياراته
لكم الشكر ايها ايها الشعب الابى هؤلاء شرذمه لصوص حرامسه
تستمع اليهم ويقولون جزاك الله خير لكن ما بتنفع لانهاتطلع من أفواهمم نفاق ويقولون الحمد لله رب العالمين لكن ما بتنفع لانها تطلع من افواهم نفاق ويقولون الله اكبر ولكن ما بتنفع لانا تطلع من افواههم وكلها نقفاق ولا عجب اذا رأيت علامه الصلاة المحروقه بالنار فى وجوهم التى اصبحت خرده
أيها الشعب الابى الضرب بالنار على رقاب هؤلاء الى السكنات يا حراميه لكن السكنات ما بتلم حراميه
عند فقدان السلم والأمن والاستقرار يسعى أشاوس الشعوب لازالة الانظمة الطاغية بالقوة وتقديم الأنفس مهراً للانعتاق والحرية والعدالة والمساواة أي الديمقراطية المدنية الفيدرالية
ان بيع أراضي الدولة السودانية بمشاريعها الاستراتيجية للأجنبي ورهن سيادتها في الجزيرة وأم دوم والبطانة والشرق اليوم كما تم بالأمس تشريد وتقتيل الدارفوريين والنوبة وجنوب النيل الأزرق والمناصير والسدود لازاحة شعوبها وتهجيرها لاستحواز الارض وما ظهر فيها من نفط ومعادن دلالة قاطعة لاستمرار سياسة التمكين والتكويش والنهب لائمة النفاق والطغيان الديني الانقاذي والكسب التمكيني القبلي وأخيراً الاستفذاذ والاستهتار بادراك الشعب للزيادات الضريبية ومهزلة رفع الدعم للسلع الضرورية والحياتية للمزيد من الاتاوات. وعلى الشعوب السودانية الخروج للدفاع عن ممتلكاتها وكراماتها والثوار حمايتهم من مليشيات أبالسة الأخوان بإزالة الكيزان ومحاسبتهم لاسترداد الحقوق والممتلكات والمال المنهوب وانها لثورة حتى والله أكبر عاش السودان حراً أبياً
إذا الشـــعبُ يومًــا أراد الحيــاة فــلا بــدّ أن يســتجيب القــدرْ
ولا بــــدَّ لليـــل أن ينجـــلي ولا بــــدّ للقيـــد أن ينكســـرْ
ومــن لــم يعانقْـه شـوْقُ الحيـاة تبخَّـــرَ فــي جوِّهــا واندثــرْ
فــويل لمــن لــم تَشُــقهُ الحيـا ة مــن صفْعــة العــدَم المنتصـرْ
اليوم كلمة الشعب لا تنظيم ولا معارضة ولا جبهة ثورية ولاغيرها : ونعلم الشعب قاد اكثر من ثورة قبل كل هذه الثورات (ثورة الشعب)والشباب تعلم من الربيع العربي وجاهز ما حا يدقزو تاني وحا يحسن الاختيار هذه المرة بقيادة شباب ووجوه جديدة ونزيهة وكل من تعامل مع النظام واستنفع واترقع ما بنفع احكم بلد.
!!!!!!!!!!!!!!
أحذروا الجبهة الثورية شرعت مبكراً في إجراءات ثورة الشعب!
الجبهة الثورية تعمل ضد الشعب وما حدث في أمروابة وأب كرشولة أكبر دليل ، ومن بعده هجومهم على المواطنين الآمنين .
الثورة الحالية التي قام بها الشعب ضد النظلام لأن الروح تجاوزت الحلقوم ، ولم يكن الخروج بتوجيه من الجبهة الثورية المدعية
إلي قادة الجبهة الثورية
لديكم إمكانيات هائلة, تستطيعون من خلالها إنشاء قناة فضائية, ومن خلالها ستنجح الثورة,
الإعلام مهم في هذه المرحلة الفاصلة, وبعد زوال هذا النطام القذر.
الفضائية الفضائية الفضائية, الإعلام الإعلام الإعلام= ثمرة نجاح الثورة
أين أنتم السؤال موجهة للجبهة الثورية تحركوا منتظرين شنو الجماعة بدأوا في تسفير عوائلهم والرعب دخل قلوبهم يلا خلصونا من الهم والغم ألخرطوم مفتوحة على مصراعيها لكم أدعموا شعبكم وأحموا مواطنيكم قبل أن يقضي البشير وكلابه على الثورة إنتهزوا الفرصة اين الخلايا النائمة في الخرطوم شتتوا شملهم وطلقوا الرصاص في سماء الخرطوم ولن تجدوا أحد في إنتظاركم يلا يا حلو وعرمان ومني أنتم أفضل من هولآ اللصوص السفاحين المجرمين .
نريدها سلمية وسلميتنا اقوى من الرصاص حتى لو النظام ضربن بالرصاص قتلانا فى الجنة وقتلاهم فى النار واجهوا الرصاص بصدور عارية حتى لو مات كل الرجال والنساء والاطفال ولم يبق الا الانقاذ سنترك لهم الارض يعيثوا فيها فسادا لكن بعد استشهادنا جميعا نموت جميعا ويحيا السودان صامدا حتى لو كان فى ايدى الخومة
أيهــا الـشـعـب الســوداني الشــامـخ .
مـن داخــل مـا فـضــل مــن وطـــن ، نتوجــــه بمناشـــدتنا إلـي كــل مــواطـن ســوداني ، غـيور ، حــادب ، خــارج الـوطــن .
أن يتحـمـل مسـئوليته أمام ضميره ، وأمام ربه ، وأمـام وطــنه ، نناشــــد عشــرة مـليون مـواطـن سـوداني مشــرد ، فـي جميـع بقاع الأرض ، أن يبدأوا بالحشــــد ، والـزحــف ، والتظاهــر أمـام مقرات الأمم المتحــده ، وسفارات دويلة شمال السودان ، وأن يعبروا عـن رفضـهـم لمـوت أهـلهـم وذويهم جــوعــا ، ومســغـبه .
ونناشـــــد جمــيـع حمـلـة الـســلاح ، وكـل القوي الوطـنيه ، وجميـع منظمــات المجتمــع الـمـدني ، والأحــزاب الوطنيه السياسيه بالـداخـل .
نناشـــدكـم ، كـل مــن موقـعـه ، وحســـب إمكانياته ، الإنخــراط الـفــوري فـي ثورة كـــل الناس ، ثورة كـــل الـشــعب ، الإســتمرار دون توقف ليل ونهــار إلـي حــين إســقاط هــــذا الليل الطويل ، الجاثم عـلي صـــدر الوطـــن والمواطــن .
والله أكــبر ، والـعـزة للـوطــن ، ولانامــت أعــين الجبناء .
شـباب الإنتفاضــــه – ام درمــان – 24 / 09 / 2013
ان اسهل ما يكون ان تندلع ثورة … لكن من الصعب ان تصمد فيهاو تواصل ما بداءته… هذا يا اخواني الفرق بيننا وبين كل الشعوب الاخرى…. ثورة تعني ثورة حتى النهاية مهما يكون… الثمن.
يا جبهه الخراب لو عايزين الثوره تنجح عليكم بالصمت الصمت فقط .
نتمنى ان تكون هذه اخر مظاهرات شعبية لاسقاط النظام بدعم من الجبهة الثورية والمعارضة الحزبية
لينقشع الفجر الجديد
ربما كنت أول من تنبأ بأن رفع الأسعار سينفع ويشعل ثورة الشعب بهذه القصيدة التي نشرتها لأول مرة قبل فترة بالراكوبة .. شكرا للشعب السوداني العظيم .. أنشروها ( أبوتمام )
إرفع .. ارفع
إنت حاكمنا المدلّع ..
ما يهمك لو حريق السعر في أكبادنا ولّع ..
ارفع .. ارفع
يمكن البتسوي ينفع ..
أو يحرك ذرة فينا من المشاعر ..
أو يخلي الشعب يطلع ، ،
أو يؤذن في المقابر ..
أو يحرك شعرة في الممكون وصابر ، ،
إرفع .. ارفع
لما ” ميتين زيتنا يطلع ”
لما تاني نخيّط اللّبس المرقّع
لما عين الشعب .. دم .. تنزف وتدمع
لما تهدم فوقنا جدران بيتنا والباب المخلع
نحنا في عهدك شحدنا فتافت الفول والمشمّع
نحنا في عهدك شربنا الذل..
لما ابليسنا كرّع ..
ارفع .. ارفع
يمكن المكتولة تسمع
انت حبك في قلوب الشعب .. اتحكّر .. تربع !!
نحنا نتسوّل حا ندفع ..
نحنا نتبهدل .. حندفع
نحنا نتوسل .. بندفع
لوصرخنا .. وقلنا وين يا رب نقبّل ؟
برضو ندفع
لو صبرنا وقلنا باكر ..
قلتو هسع ..
نحنا لسه أولادنا شُفّع
نحنا لسه ورانا رُضّع ..
ونحنا ندفع وانت ياريّس تمتّع ..
…….
ونحنا يوم الحظ تقسّم ..
ونحنا يوم الحق توزع ..
كنت إنت نصيبنا من دون الخلايق ..
جيتنا ولّعت البلد شرقا وغربا .. بالحرايق ..
جيتنا حوّلت البلد .. منكوب وضايق ..
جيتنا يا سجم الرماد .. ممحوق وحايق !!
ناس بتزرع في بلادا وانت تقلع
ناس تعمّر وانت تشتري في البنادق
كل زول ياخد مصيبتو
قسم الأرزاق … ووزّع لينا
مليون ألف سارق
أنت تأمر ونحنا ندفع ..
نحنا نطرح .. نحنا نطرح ..
نحنا نطرح ..
وانت تجمع ..
حتى من جيب المقطّع ..
…….
ارفع ارفع .. وخلّنا نسميك رافع
انت رافع للضرايب
لي عدد ، عدد المصايب
في بلد أصبح موزّع..
فيهو رمز الشر ” نافع ”
يا بلد منهوكة لامن صوتا رايح ..
ينخفض صوت الحقايق
ويرتفع صوت المنايح .. والفضايح
وفيها ترتفع الأراضي
وفيها تنعدم المقاضي
ويرتفع صوت المدافع ..!!
ونحنا حا نكورك .. نكورك
يمكن المكتولة تسمع ..
وتمرق الناس للشوارع
وتمرق الناس للشوارع
ارفع .. ارفع
…………………….
وقت الكلام انتهاء دايرين افعال
اقول لاي حركة مسلحة , هذا ليس وقتكم..ساعدونا بسكوتكم …
المظاهرة سلمية ده حق مشروع لكن تحرقوا ده الانا ضده… شايل ساطوري وقاعد… اي متظاهر انتقم منه الله لابارك في الحرقتوا الدكان في ام درمان… ده مصدر رزقنا ..قاعدين خارج السودان وتنظروا الله لايبارك فيكم.. المتظاهرين جاريين جري الجن … في وجوه اتحفظت من الحي… الدم بالدم.. بلاش تنظير ثورة السجم حرقت ممتلكاتنا وتقول لي ثورة..الله يحرق افكاركم
المظاهرة سلمية ده حق مشروع لكن تحرقوا ده الانا ضده… شايل ساطوري وقاعد… اي متظاهر انتقم منه الله لابارك في الحرقتوا الدكان في ام درمان… ده مصدر رزقنا ..قاعدين خارج السودان وتنظروا الله لايبارك فيكم.. المتظاهرين جاريين جري الجن … في وجوه اتحفظت من الحي… الدم بالدم.. بلاش تنظير ثورة السجم حرقت ممتلكاتنا وتقول لي ثورة..الله يحرق افكاركم