تاجيل محاكمة وزير المالية السابق في قضية قصر الرياض

لا يوجد انغازي شريف ولكن كلهم سراق لصوص واغلبهم محميين من يد العدالة من التماسيح الكبار بفقه السترة وفقه التحلل وسيحاكمون طال الزمن او قصر امام قضاة السودان الشرفاء وكل اهل السودان يرون الفساد امام اعينهم الان من كل الوزراء والوكلاء والمدراء والتنفذيين والضباط الكبار …صامتون وقلوبنا ممتليئة بالوجع في انتظار الفجر القادم لا محالة

تبارك الله العائلة كلها امتلكت قطع اراضى ونحنا مشردين سنين عددا ماقادرين نشترى فى العشوائى ما شاءالله وكمان داير يأكلنا كسرة اكلتنا حسرة يا وزير الغفلة

يا هو يا ناس دارفور ده ولدكم
نحن قلنا ليكم الحكومات الدكتاتورية لا دين ولا قبيلة ولا ارض لهم هؤلاء ملة انانية لا تعرف الا نفسها
كتبت التعليق ده عشان بعض الجهلاء بفتكروا ان اولاد البحر هم الماسكين البلد وما في وزير من دارفور وهلمجر من الكلام الفاضي ده
وحتي عمر البشير من دارفور لانو ابوه بديري والبديرية موطنهم دارفور وهذه الحقيقة في ناس كتار ما عارفناها
يعني من اليوم ما في زول من اولاد الراكوبة يقول كلام عنصري لا قيمة لها بس عاينو قدام ونبني السودان الصح والله والله واقسم بالله اذا كانت الحكومة كلها من كلبس بس ويحكومو بالديمقراطية والحرية متوفرة انا ما عندي اعتراض علي الاطلاق
ولكن مثل هذا النظام اذا كلهم طلعوا محس ومن قريتي انا ما عايزهم

علي محمود الحرامي من اين لك كل هذا؟
هل كنت تملك كل هذه العقارات قبل الاستوزار في الانقاذ؟
اهلك في دارفور جوعي وفقراء ومغتصبين وانت تبني في العمارات ؟
لكم الله يا أهل السودان
سيأتي بإذن الله يوم الحساب للنزع كل ما أخذ بالحرام

الحمدلله الذي اهداني وبقيت اصلي في البيت وخليت الجامع ليا سنتين والله من شده كرهي للمنافقين والفاسدين من اهل السودان كرهت حتي اصلي معاهم في صف واحد بقيت احس انو صلاتي ما مقبولة , انا ماعابز اي صلة تربطني بيهم لاخير لا شر

يقول المثل العربي القديم:
حفش وسوء كيل
والمثل يعنى ان البائع يقوم ببيع تمر بايظ كرموش وبعد دا كمان يغش في المكيال
اها دي انطبقت على وزير المالية الاسبق … انت قروشك الاثنين مليون دولار دي مشكوك في امرها وبعد دا كله ما تدي الراجل حقو..

والله وقعتك سودة ..حتى يلاوي سمسارة … ادي الراجل حقوا

سبحان الله انا مغترب من 1989 قدمت لقطعة ارض فى خطة 1993 والى الان لم استلم القطعة اخر مرة سالت فيها قبل شهر قالوا الكشوفات جاهزة واسمك موجود وكل سنة اسال يقولوا نفس الكلام عشان ما ازعجم بسال من سنة لسنة .
بالله اين العدالة ياناس سودانى ليه 25 سنة جارى وراء قطعة ارض .

يا وزير 9 قطعة مساحة اكثر من 4500 متر ؟ البلد دي ماشة علي وين ولو إنت ما إسلامى حتاعمل شنو ؟ اتقوا الله في هذا الشعب

سبحان الله عيال دارفور في المؤتمر الوطنى معظمهم حرامية فهذا على محمود حرامى الأراضى وعايز يزيد عليها بشراء منزل عصام البشير وعلى الحاج حرامى طريق الإنقاذ الغربى والتجانى سيسى حرامى أموال الدوحة للنازحين بينما الحصل دة كله بإسم النازحين والتاريخ لا يرحم.

وبعد دا يقول لينا اكلو كسرة بي موية؟؟؟ ..عشان يلمها ويشتري قطعة تانية ..فعلا رجل مجاهد اشتري في المجاهدين ونحن بي جاي نجاهد عشان نقدر نوفر حق الحطب عشان ما عندنا اموبة عشان نعوص ..سبحان الله سبحان الله سبحان الله

هذه العصبة المتأسلمة تعين فى المناصب خصيصا لثراء انفسهم. الفاسد على محمود بتحصل على هذه الاموال من ثلاثة مصادر أساسية المصدر الاول من النثريات وبدل السفر الذى يستلمه عند كل رحلة خارجية شامل السكن والإعاشة والضيافة والمواصلات الداخلية. وتقوم الجهة التى تستضيفهم او التى يذهبون للتفاوض معها بتحمل تكلفة السكن والإعاشة والمواصلات والهدايا العينية ويتبقى مبلغ كامل النثرية عهدته ملك له ولك ان تتصور عدد المرات التى يطير فيها وزير المالية ومحاط بنك السودان ووكيل المالية شهريا.المصدر الثانى من العمولات التى تطلب مقابل ترسيه العقود الداخلية والخارجية وعمولات سداد مستحقات المشروعات الحكومية ومستحقات المقاولين. لا يحصل اى مقاول على مستحقاته من المالية قبل دفع نسبة من هذه المستحقات ويوجد سماسرة لهذا الغرض من محامين وخلافهم. المصدر الثالث والاهم هى عمولات المشروعات الممولة خارجيا وخاصة من دولة الصين حيث يتم الاتفاق مع الشركات الصينية المستفيدة من تنفيذ المشروعات الممولة من حكومة الصين على مبالغ تصل الى عشرات الملايين من الدولارات لتسهيل ترسيه العقد وتسريع السداد والتجاوز عن جداول التنفيذ. حدث هذا على سبيل المثال فى قرض المطار الجديد الاول وقد ابرزت الراكوبة مستند يفيد بعمولة تبلغ 15 مليون دولار احد ابطالها شقيق المشير. الان سوف يقوم وفد حكومى مطلع ديسمبر القادم بتوقيع اتفاقية القرض الثانى للمطار بمبلغ يزيد عن 600 مليون دولار وهنالك عدد من المستفيدين على رأسهم على محمود ينتظرون بفارق الصبر تكملة الاجراءات ليحصلوا على نصيبهم من العمولة التى لا تقل عن 20 مليون دولار. هذا الامر للأسف يتم علنا ولو سالت اى موظف بوزارة المالية يؤكد هذا الامر. ولذلك ندعو كل الشرفاء من ابناء هذا الوطن بحفظ نسخ من هذه التجاوزات ليوم الحساب الذى نحسبه قريبا جدا انشاء الله.